لوكان كنتو في بلاصتي واش أديرو؟؟......

ابتسامة أمل

:: عضو مُشارك ::
إنضم
18 نوفمبر 2007
المشاركات
335
نقاط التفاعل
4
النقاط
7
السلام عليكم و رحمة الله تعالى و بركاته

واش راكم خاوتي ان شاء الله تكونو كامل بخيير
ندخل مباشرة ف الموضوع.....
هاذي العام اللي فات ف الصيف صراتلي
كنت نتعلم خياطة ف واحد centre المهم كنا جماعة بنات و كانو من كل جهة ف الدزاير البرج جيجل.... مسيلة... العاصمة تيزي...مدية ..مي الحمد لله قاع متفاهمين:thumb_up1:.....
المهم واحد النهار كنت نوجد روحي باش نخرج ف وقت la pose باش نفطر دخلت وحدة كانت تخدم معاهم و غير ما تزوجت......
ايه واش راكي ؟
كيفاه لقيتي الزواج ؟
و راجلك كيفاه؟
راكو تعرفو النسا :music_whistling: ....
قالتلهم لاباس مليح مي مزير شوي و فيه و فيه
:no_1:.....
هههههههه لازم شوي تمنشير .......

انا كنت خارجة نسيت حاجة وليت نديها ....... ايه المهم قالتلها واحدة منينو ؟
قالتلها من المنطقة لفلانية
واش جاوبتها ؟ يا يمااااا شحااااال نكككككرههم؟ :sneaky2:
حسيت بلي خرجتها من قلبها يا لطيف .....
و هي تعرفني بلي من هاذيك لبلاصة مي كانت دايرة في بالها بلي خرجت:eek:_o: :sad:......
قلتلها مريم راني هنا:like_1::like_1:......
و الطفلة تبدلت 100 لون .....قالتلهم علابالي خرجت:cra_zy: و ما لقاتش واش تقول .....
مي و الله ما زعفت عليها ......ما حبيتش حاجة برك الهدرة ف الظهر:busted_red:......لوكان قالتهالي في وجهي نورمال :heh: ....

و جماعة السونتر بداو يرقعو
انتي ناس ملاح و اللي ما يحبش ولاد بلادك كي يعرفك يولي يحبهم:shiny: ................etc
المهم بديت نضحك سبحان الله يعني كي راكم تقولو هكذا باش ما نزعفش؟ :um_sh:
وعلاه أصلا نزعف هي الا حبتنا يا مرحبا ع العين و الراس و اذا كرهتنا ما راح تنقصلنا من قيمتنا ما والو
و الصح ما نلومهاش نلوم اللي عاشرتهم و ما كانوش ملاح حتى ولات تكره ناس منطقة كاملة ......
المهم خرجت و كي وليت مور la pose حسيتها حشمانة مني و باش أنحيلها الحشمة هدرت معاها نورمال و ضحكت كي شغل حاجة ما صرات......


المقصود تاع موضوعي بزااااف راهم فاهمينو

اذا واحد قال رايو في منطقة pask شاف اللي ما يعجبوش .....
الديفو ماراهش فيه راه في ناس من هذيك المنطقة اللي خلاوه يدي هذاك الانطباع ........علابيها ما كلاه نصغرو عقولنا و يدينا النيف على ولايتنا ......رانا gاع ولاد لبلاد و قاع نحبو الدزاير وواش يقيس جهة راه يقيسنا كامل....

أنتوما واش رايكم ؟ لوكان طحتو في موقف يتشبه واش أديرو؟




رجاء

1
في موضوعي اللي درتو كاين بزاف اللي زعفو من جماعة malgré ما جمعتش و قالت بلي كاين ناس هاو واش فيهم....
حبيت نوضح اللبس و تصفا لقلوب راني حاسة بلي كنت السبة .....


2
يا ريت اللي يدخل يعلق على هذا الموضوع فقط و ما تجبدوش الموضوع التاني و تدخلوه ف الوسط....


3
يا ريت تجاوبو على الموضوع ماشي على الردود....


تحياتي ليكم

في انتظار ردودكم الزوينة....

 
السلام عليكم ورحمة الله تعالى وبركاته
تعرفي واش هي مشكلتنا اختي
اللســــــــــــــــــان وماأدراك ما اللسان
مي الواحد باه يحكم على الناس انا نظن حتى يتعاشر مع الناس
باه يعرف العقلية صح
وكيما قلتي وين تروح هنا ولا في افرغ مافي قلبك في الطيب وفي اللي ماهوش طيب


 
السلام عليكم

شكرا لك على الموضوع
والمووضع لخر الي تهدري عليه الله معبالي وش هو
المهم نرد على موضوعك
شوفي راهم كامل هكة في وجهك يضحكوا ومن ورا ظهرك يمنشروا
بصح افرحي بالتمنشير او ينقصلك من دنوبك
والناس راهم كامل كيف كيف مش مهم المنطقة
وكون جيت في موقف كما هذا؟؟؟؟؟؟؟؟؟؟؟؟ نورمال منعمرش راسي بها ومنزيدش نقيمهاالمخلوقة كما هديك عنصرية :schmoll:
المهم من هذا الموضوع راني اكتشفت فيك حاجة مليحة قلبك كبير بزاف
ربي يحفظك
وعليكم السلام​
 

الي بغانا ما بنالنا قصر والي كرهنا ما حفرلنا قبر
قاع رانا ولاد بلاد وحدا ودزاير نتاعنا قاع
ماديريش في بالك ختي هادو هوما الناس ميتبدلووش
ميعجبهم العجب ولا الصيام في رجب هههه
يعطيك الصحة ختي
 
يا عيني يا عيني على العقل
صحيتي اختي كيفاه راكي تخمي الله يبارك عليك :thumb_up1:
لو كان جيت في بلاصتك ...
...
منقولهاش كامل راني هنا ... ندير روحي مسمعتهاش و هدا وين دخلت :rolleyes:و نجيبها معاها نورمال بصح هاني عرفت رايها و خلاص.. يعني الواحد يدير حسابو منا وجاي

أما حكاية:
قالتلهم لاباس مليح مي مزير شوي و فيه و فيه :no_1:.....
هههههههه لازم شوي تمنشير .......
هاذي يسموها تبعد في العين و بيناتنا عندها الحق:eek:i-o::angel:
 
شكرا مي انا في رائي منحكموش على منطقة ما من واحد لازم نعرفو كما كين المليح كاين القبيح وديما نحولومنحكموش على كل ناس من منطقة كيف كيف
 

السلام عليكم
*
*

ختي لعزيزة والله فالمدة الأخيرة اكتشفت باللي الجهوية والتفرقة اللي حبت تزرعها فرانسا في جدودنا وماقدرتش تالمو كانو متوحدين
اكتشفت باللي راها بدات تظهر درك في شباب نورمالمو مثقف وواعي
وش لفرق بين هذا من وهران ولاخر من تبسة وهذا من بشار ولاخر من العاصيمة
رانا كامل مسلمين وجزايريين
وكيما قلتي اللي عرف جماعة من بلاصة مش ملاح مايحكمش على البلاصة هذيك كامل
على خاطر صدقيني وين تروحي تلقاي المليح والقبيح
يعني كل بلاصة ناسها فيهم وعليهم
وماكانش كيما اللسان الحلو والقلب الصافي
ربي يديم المحبة ويهدي ويصلح لحوال
شكرا ختي لعزيزة والله موضوع هايل
موفقة أختي
 
اهلا اختي

لولة انا فيا عقلية منشتيش الهدرة في الظهر ونشتي فيا ديفو يجيو يقولوه ومتغيضنيش كي يجيو يقولو في الوجه في وجهي كثر ما كي يحكيوها في الظهر والحاجة الثانية صباع اليدين مش كيف كيف

سيبالابان نحكمو على ولاية من عبد شفناه ولا كيعاد في الدنيا هدي دار ربي المليح والقبيح

ايا مرسي على الموضوع الزين تحياتي
 
انتى مليحة انك ما اديتيهاش فيها وشغل باللى ما اثرتش فيك...شخصية فور اختى ربي يوفقك ويهدى الناس اللى ما يعرفوش يشدو لسانهم
 
انا والله ما نحب التميز مرسيييييييييييي
 
السلام عليكم ورحمة الله تعالى وبركاته
و عليكم السلام و الرحمة و الاكرام...

تعرفي واش هي مشكلتنا اختي
اللســــــــــــــــــان وماأدراك ما اللسان
صح خويا راك جبتها ف الصواب
عن النبي صلى الله عليه وسلم قال : " إن العبد ليتكلم بالكلمة من رضوان الله لا يلقي لها بالا يرفعه الله بها درجات وان العبد ليتكلم بالكلمة من سخط الله لا يلقي لها بالا يهوي بها في نار جهنم "

و في حديث آخر قال (ص)" يا معاذ كف عنك هذا وأخذ بلسانه .. وهل يكب الناس ا في النار على مناخرهم إلا حصائد ألسنتهم " .....


مي الواحد باه يحكم على الناس انا نظن حتى يتعاشر مع الناس
باه يعرف العقلية صح
صح راني معاك mais des fois نعاشرو ناس ماشي ملاح نروحو نحكمو على منطقة كااااامل....
المشكل راه خاصة في التعميم...
وكيما قلتي وين تروح هنا ولا في افرغ مافي قلبك في الطيب وفي اللي ماهوش طيب
بالمختصر .... لوكان ما جيناش أنمشرو .....ما يصراش سوء الظن ف العباد و الأحكام المسبقة ......


يعطيك الصحة خويا و راني موافقاتك في كل كلمة.....

بارك الله فيك....
 
Merci bcp khti ana puiske nesken fi tiaret bzf nas ygoulouli ya 7afid tiaret mahnach w besaf hadra mechi mli7a ... ana tjr ngoul kayen w kayen mechi ga3 el nass kif kif

Merci 3la el mawdo3
 
السلام عليكم​

و عليكم السلام و الرحمة و الاكرام
شكرا لك على الموضوع
العفوو ختيتو ^_^
والمووضع لخر الي تهدري عليه الله معبالي وش هو
و هذا واش راني نحوس ....مي لازم نتفهمو أراء الاخرين و نتقبلوهم بصدر رحب
المهم نرد على موضوعك

شوفي راهم كامل هكة في وجهك يضحكوا ومن ورا ظهرك يمنشروا
عقلية النسا surtout.... اديقلك ....تسما تنوفيق كي راهم يضحكولك زعما :sad:.....
بصح افرحي بالتمنشير او ينقصلك من دنوبك
الحمد لله هذا واش يصبر مي ما نحبش هاذي العقلية.....
والناس راهم كامل كيف كيف مش مهم المنطقة
وكون جيت في موقف كما هذا؟؟؟؟؟؟؟؟؟؟؟؟ نورمال منعمرش راسي بها ومنزيدش نقيمهاالمخلوقة كما هديك عنصرية :schmoll:
بالنسبة ليا نورمال ما ندير في بالي ني عنصرية ني والو....
المهم من هذا الموضوع راني اكتشفت فيك حاجة مليحة قلبك كبير بزاف
يعيشك حنونة هذا من طيب أصلك و كرم خلقك ^_^...
و جابلي ربي كاين بزاف اللي رح يتصرفو نفس التصرف و أحسن ...... مي اللي يزعفو وعلاااه؟....أنا نعرف بلي ماشي فيا هاذيك الحاجة و لا منطقتي خلاص.....و ايلا كاين فيها شوية نستعرف .....
ربي يحفظك
آمين و يحفظك حنونة

وعليكم السلام


بارك الله فيكي ختيتو
أسعدني مرورك :sheer:​
 
يقولك العشرة فتاشة ... وعمرك ماتحكم على انسان حتى تعاشرو وفي كل بلاصة كاين المليح والقبيح مشي انا رايحة نحكم على واحد على منطقة كاملة ... مي الله غالب احنا نفهمو كل شئ بالمعكوس وتشراك الفم
انا واحد المرة مريحة مع بنات وفيهم واحدة تعرفني من وين انايا وبدات تقيس فالكلام اكسبري وباللي هدرت هذيك المنطقة ماتعجبهاش عملت شغل ماهيش تهدر عليا وقلتلها باللي غير قليل الأصل اللي ينكر أصلو ويتبدل
شكرا اختي على الموضوع
تحياتي
 
سلام عليكم
هادي السبة للي خلاتنا التوالا...التمنشير والتقطاع بلا فايدة في الظهر..ربي يهدينا ويصلح بالنا
على كل اختي نعم رد الفعل للي قمتي بيه...بينتيلها اكثر بلللي منطقتكم ناس ملااااااااااااااااااااااح
ربي يحفظكم
 
والله عجبني ردك علاها خيتو لان الانسان الناقص هو الي يدير حساب لهاد الامور ولو كنتمكانك لتصرفت مثلك00
اي بلاصة واي مكان فيه الصالح والطالح اختي الكريمة واحد مايغلطك في هادي والناس ولا الانسان الي يمنشر على بلاصة تاع واحد اخر ويطيح في ناسها غير يتوله بروحوا برك
كون جينا عايشين لرواحنا مايصراناش كيفهك غير الحرزة والغيبة والنميمة وكيما يقولوا الجمل يضحك على كربة خوه وهو ناسي كربتوا....
وكيما قالها الرسول عليه الصلاة والسلام ..لافرق بين اعربي واعجمي الا بالتقوى ماشي بالغيبة والنميمة والحرزة والتقطاع واللبسة والمشاكل هادوك وانا خير منك ولا ولد بلاد عليك هادوك كلهم عباد ناقصين وبيريمي
تقول عليهم عايشين هما في لاسفيغاس ولاتورنتوا رانا عايشين الكل في الجزائر والحمد لله اننا نعرفوا بعظانا صوا مادينا الزوخ والفوخ والعشاء قرنينة .....واحد مايهفك راني نقولك
كون جينا في بلاصة الحرزة والتمنشير نتولهوا بدنيتنا لكان احسن لينا خير والي يمنشر والي يقطع هاداك نقولوا روح اخويا نظف برك تحت باب دارك وروح نحي الزبلة من قدامكم ولا هز شطابية ونحي الحشيشراو كلاكم احسن ليك الحوايج الي تنفعنا مانديروهاش وبالمقابل في اللسان والتمنشير حنا الاولين ولاكن من غير فائدة
علاديك الاوروبيين والمستشرقين والغربيين يحتقرونا والله
والله يااختي قلبي معمر وكون نقعد هنا نعبي باجة
ايا السلام عليكم
 
آخر تعديل:
الي بغانا ما بنالنا قصر والي كرهنا ما حفرلنا قبر
هاذي هي ..... نديرو هاذا الشي في بالنا و ما كلاه نقلقو رواحنا .....
قاع رانا ولاد بلاد وحدا ودزاير نتاعنا قاع
قاع نحبو بعضانا و ما نحبوش اللي يقيسنا و الدزاير نموتو عليها و دايما راسنا مرفوعة .....مي ناقصتنا شوي ف التفرقة هاذي ....قبايل ... شواوا ....ولاد الشرق و ولاد الغرب ....وليد لمدينة ووليد الدشرة......و كيما قلتي رانا قاع ولاد الدزاير و هذا يكفينا فخر و اعتزاز.....
ماديريش في بالك ختي هادو هوما الناس ميتبدلووش
ههههههه لالا نورمال .... حبينا تتبدل شوي العقلية و نوليو نخمو فلحوايج اللي يصلحو ماشي نحكمو ف التفاهات و نبداو نداوسو...
ميعجبهم العجب ولا الصيام في رجب هههه

يعطيك الصحة ختي
شكرااااااا بزااااف حنونتي على مرورك ......يعطيك الصحة :re_gards:
 
يا عيني يا عيني على العقل

صحيتي اختي كيفاه راكي تخمي الله يبارك عليك :thumb_up1:

الله يسلمك ختيتو حشمتيني :shay:...هههههه....
لو كان جيت في بلاصتك ...
...
منقولهاش كامل راني هنا ... ندير روحي مسمعتهاش و هدا وين دخلت :rolleyes:و نجيبها معاها نورمال بصح هاني عرفت رايها و خلاص.. يعني الواحد يدير حسابو منا وجاي
كنت قادرة ندير هكا .... مي هي تاني لازم تتعلم ما تهدرش ف الظهر..... و تاني باش نبينلها بلي ما داقتلي ما والو و الحمد لله علابالي واش نسوا...


أما حكاية:
قالتلهم لاباس مليح مي مزير شوي و فيه و فيه :no_1:.....
هههههههه لازم شوي تمنشير .......

هاذي يسموها تبعد في العين و بيناتنا عندها الحق:eek:i-o::angel:

هههههههههههههه
هي وعلاش لازم تهدر؟ تقول سافا.... مليح......الحمد لله
و ما كلاه يحوسو يفهمو

مي عجبتني هاذي تاع يبعدو العين بالتمنشير.....هههههه


يعطيك الصحة ختيتو على مرورك الزوين .....مييييييييرسي علييييك و باارك الله فيك....
 
شكرا
العفووو خويا .....
مي انا في رائي منحكموش على منطقة ما من واحد لازم نعرفو كما كين المليح كاين القبيح وديما نحولومنحكموش على كل ناس من منطقة كيف كيف

هذي هي الهدرة خويا و لمليح و الدوني كاينين partout

و ما لازمش نعممو.......مي اني وعلاش نزعفو الا واحد قال رايو؟؟ الا غلط فينا ماشي بزعافنا راح نقنعوه بلي راه غالط

يعطيك الصحة خويا على المرور
تحيآآتي....
 
السلام عليكم
و عليكم السلاام و الرحمة و الاكرام
*
*

ختي لعزيزة والله فالمدة الأخيرة اكتشفت باللي الجهوية والتفرقة اللي حبت تزرعها فرانسا في جدودنا وماقدرتش تالمو كانو متوحدين
ماكانوش قاريين كيما حنا مي كانت عندهم الحكمة البصيرة و الايمان القوي ....اللي راهم قلااااال في وقتنا
اكتشفت باللي راها بدات تظهر درك في شباب نورمالمو مثقف وواعي
صح ....بكري ف الجاهلية كانو يسموه التعصب القبلي قبل ما يتنورو بالاسلام ..درك نسمه التعصب الجهوي ...المشكل درك زعما كل ما الأجيال راهي تجي مثقفة أكثر....مي جابلي ربي رانا نقراو باش نخدمو و ناكلو ماشي باش نثقفو و نتنورو ....علابيها ما رحناش بعيد...


وش لفرق بين هذا من وهران ولاخر من تبسة وهذا من بشار ولاخر من العاصيمة
رانا كامل مسلمين وجزايريين
normalement
وكيما قلتي اللي عرف جماعة من بلاصة مش ملاح مايحكمش على البلاصة هذيك كامل
على خاطر صدقيني وين تروحي تلقاي المليح والقبيح
صح ...
يعني كل بلاصة ناسها فيهم وعليهم
وماكانش كيما اللسان الحلو والقلب الصافي
هاذي هي صحيتي :re_gards:...
ربي يديم المحبة ويهدي ويصلح لحوال
آمين ياااا رب ....هذاو اش نتمناو
شكرا ختي لعزيزة والله موضوع هايل

موفقة أختي
ردك كان أهيل ختيتو :shiny:.....
يعيشك حنونة و صحيتي على الرد الزوين و لكلام الموزون الله يبارك....
تحياتي....
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top