سوء النية يرد الناس العادية غالطة

الحالة
مغلق ولا يسمح بالمزيد من الردود.

** غزال الصحراء **

:: عضو بارز ::
أحباب اللمة
إنضم
19 جويلية 2007
المشاركات
10,901
نقاط التفاعل
164
النقاط
319
العمر
32
محل الإقامة
العدم
الجنس
ذكر
images



السلام عليكم و رحمة الله تعالى و بركــاته
رواد قسم واش راك تهدر الأعزاء واش راكم ؟ إن شاء الله أموركم كاملة بخيــــر


كيما راكم تلاحضو ليا شحال ما كتبتش موضوع هنا ,بسبب إنشغالات , و إشتقت باش نحط موضوع و ناقشو مع حبابي

اليوم جيت نحكي على الناس اللي نتا تعامل فيهم بكل شفافية
وهوما يشوفولك بسوء نيــــة

كيما أنا شخصيا إنسان صريح و اللي في قلبيـ على لساني , و قداه من واحد نديرلو حاجة قصدي نساعدو و لا المهم قصدي مليـح , و هو يفهمها بالعكس و يبدل عليـك وجهو

بالاك الموضوع ماهوش واضح مازال .. نعطو شويا أمثلة :

-إنسان يكون كان يقرى معاك في كاش وقت , و هو عاود العام و أنت نجحت
و مبعد لقيتو يلعب ولا حاجة هاكا , تقولو : ياخي راك تقرى ؟ إن شاء الله العام هاذا فيها ..إلخ

هو يدي منك موقف و يحسبك راك تشارشيلو , و يفهم ديراكت باللي أنت راك تبينلو باللي فتو , و باللي هو ما يعرفش صلاحو ..إلخ

- كاين مثال أوخر , إنســان تكون تحكي معاه , و مبعد تجو تتفارقو تقولو خليلي نيميرو تيليفون
يقولك , اه و واش دير بيه ؟ و يحس بروحو أنو حاجة أكبر من اللي يمدلك نيميرو تيليفون

مع أن نيتك كانت تكملو موضوعكم هاذا ماكان

كاين قداه من أرتيــست زعما , تحكي معاهم في شبكة من شبكات التواصل الإجتماعية , تحكو بزاف حتى الكلافي يتكسر , و مبعد كي تقولو خليي نيميروك تلقاه يقولك ما نمدوش لقاع الناس ..إلخ

يعني أنت تجي تسهل تولي داير مشكلة ..



- كاين ثاني واحد النساويــن كبار بي يسامحهم , قداه من خطرة تلقى مرة أكل منها الدهر و شرب , و ماهيش قادرة لا صحة , لا تحمل , و تلقاها هازة الثقيل , و حاصلة فيه , مع السخانة , و الطريق طويــلة , أيا أنت من شهامتك , تروح تقولها يما معليــش نهز معاك .. هي تقولك لا لا نقدر نكمل وحدي

و لا متردلكش قاع دور عليك وجها و تروح ..إلخ

-و كاين ثاني ناس , تحب تفهمهم في كاش حاجة شفتهم ناقصين فيها و لا ميعرفوهـاش
و هوما حابين يعرفوها , مي كي تجيه بكل رحابة صدر باش تفهمو , في القضية و لا في التصرف هاذا , ما يحبش يتقبلك , و يدير روحو ماهوش يسمع فيك , و يحس بالنقص

وليس العيب في الخطأ و إنما العيب في عدم تصليحه .



نتمنى فكرة , النية الصالحة , تتقابل بسوء النية رايحة تكون واضحة بعد الموضوع هاذا
و اللي عندو حكاية تصب في هاذا القبيل يدعمنا بيـها


تحيات أخوكم في الله هشام .

حقوق النشر محفوظة لمنتدى اللمة
 
ايه تع الصح و كاينة بزاااف في مجتمعاتنا و في حياتنا
بصح يقولو لي يكون على نيته مع الناس و وماعندوش سوء النية يتحقر
و من كثر ما كثرت الناس الحقارة و الظلم ولا الواحد ما يقدرش يأمن
نعطيك مثال من هدرتك
المرا الي يجي واحد شهم يقولها نرفد معاك و نعاونك بوسيبل تكون سامعة كشما حكاية على سراقين
ولا مانيش عارفة واش امالي تخاف و متامنش

اما هادك فهم الامور العكس تحب تسقسي على واحد يحسبها راك تستشفى فيه هادي عقلية ناااقصة بزاااف
ومنتشرة للاسف
الله يهدينا اجمعين
موضوع هادف خويا هشام بارك الله فيك


** أمـــــل **
 
عندك الحق فالشي الي قلتي خويا
بارك لله فيك...
قليل وين تلقى ناس نيتها صافية
وتفهم قصدك نيشان ..
وبزاف وين تلقى ناس نيتهم ناقصة
نتا تكون ناوي دير معاهم الخير
وهوما يقلبوها حاجة اخرى
يعطيك الصحة
 
السلام عليكم
كاينة منها خونا
مي واش حاب الدير كل واحد وكيفاه

شكرا على الموضوع و فريمو صح واش قلت

سلامي
 
يعطيك الصحة خويا على الموضوع
كاينة في واش قلت ... مرة واحدة بدات تخبر في صاحبتها على واش تركز فالباك
حوايج ممكن يطيحولهم .. زعفت زعما تاع شوفيني راني خير منك ..ولا أعلى مستوى؟؟؟؟؟؟؟؟؟؟؟؟؟
مايخلوكش ادير الخير بالنية الشينة هذه...ويفهمو حوايج ماشي مقصودة
الوغ الواحد يدير كل شئ لربي والناس يخليهم ربي وكيلهم
تحياتـــــــــــــــــــــــــــــي...
 
سلام خويا واش حوالك ان شاء الله بخير
نورت واش راك تهدر بموضوعك وطلتك الباهيه
صح هاذ المواقف يصراو بزاف بزاف
ضرك منيش متفكره بصح ديما يصراولي
وهاذ لحكايه تاع حاجه ثقيله تبغي تهزها على مرا كبيره تاني صراتلي ورفضت هذيك لمرا
والله انا حتان وليت نتوسوس ونعس روحي بزاف قبل مانهدر والله يحيروك فروحك
المهم حنا نديرو اللي علينا والأعمال بالنيات كيما تعرف
واللي فهمنا الحمد لله واللي قرا فينا الشر نعطيوه التبرير اذا اقتنع مرحبا
اذا ماقتنعش الله يهدينا ويهديه المهم دونا اللي علينا
ايا بزايد كثرت الهدره
يعطيك الصحه خويا عالموضوع الباهي
(+تقييم)
 
ايه صح هذي كاينة منها بزاف يعني الواحد يحسك تتمسخر بيه ولا تستهزأ

بيه

صح كاين واحد ينصحك من نيتو وكاين الي صح يتمسخر

مشكور على الطرح
 
وعليكم السلاام والله ككاينه صح
خااصه هادي نتاع تيلفون بززززززاف صراتي
وساعات نتا تعود تسقسي في واحد ع نيتك يقلك واش خصك عاه كشما سمعت؟واش راحلك
ييييييييييييازح يعطيك الصحه هشام ع سوجي
 
كاينة منها و صرات بزاف
 
السلام عليكم
صح خويا عندك الحق في هذي
و الناس عقليات و مجتمعنا مايرحمش
صح نتا يمكن تهدر حاجة على نيتك و الواحد يحسبها حاجة اخرى
سيرتو اذا هاذ الانسان يحس بالنقص
آلور لازم نتكيفو مع الواقع تاعنا و نوزنو كلامنا مليح قبل مانقولوه
و لازم كي تجي تقول حاجة تتاكد بلي ماهيش راح تقيس هاذاك العبد
لانو كيما قتلك ماشي الناس كامل يخممو كيفك
نتمنى تكون فهمتني خويا

مارسي ع الموضوع
و سلااام
 
ايه تع الصح و كاينة بزاااف في مجتمعاتنا و في حياتنا
بصح يقولو لي يكون على نيته مع الناس و وماعندوش سوء النية يتحقر
و من كثر ما كثرت الناس الحقارة و الظلم ولا الواحد ما يقدرش يأمن
نعطيك مثال من هدرتك
المرا الي يجي واحد شهم يقولها نرفد معاك و نعاونك بوسيبل تكون سامعة كشما حكاية على سراقين
ولا مانيش عارفة واش امالي تخاف و متامنش

اما هادك فهم الامور العكس تحب تسقسي على واحد يحسبها راك تستشفى فيه هادي عقلية ناااقصة بزاااف
ومنتشرة للاسف
الله يهدينا اجمعين
موضوع هادف خويا هشام بارك الله فيك


** أمـــــل **

أهلا بيــك أمل , و الله هاذي هيـ , يعني مام سوء النية اللي تربى في قلوب الناس عندو أسبابو
, و بالاك المرا ماشي حكاولها ! بالاك هي سرقوها خطرة بالطريقة هاذي ... , يعني يجي واحد نيتو صالحة يروح ضحية

شكرا على المرور الطيب , أسعدني .
 
عندك الحق فالشي الي قلتي خويا
بارك لله فيك...
قليل وين تلقى ناس نيتها صافية
وتفهم قصدك نيشان ..
وبزاف وين تلقى ناس نيتهم ناقصة
نتا تكون ناوي دير معاهم الخير
وهوما يقلبوها حاجة اخرى
يعطيك الصحة

وي هاذي هي Exact !
ربي يصفيــ لقلوب, و يبيضها هاذا ما نقولو , و حنا نبغو الخير لقاع الناس
شكرا على المرور .
 
السلام عليكم
كاينة منها خونا
مي واش حاب الدير كل واحد وكيفاه

شكرا على الموضوع و فريمو صح واش قلت

سلامي

شكرا أخي الشلفيــ , أسعدني مرورك
تحياتي .

 
يعطيك الصحة خويا على الموضوع
كاينة في واش قلت ... مرة واحدة بدات تخبر في صاحبتها على واش تركز فالباك
حوايج ممكن يطيحولهم .. زعفت زعما تاع شوفيني راني خير منك ..ولا أعلى مستوى؟؟؟؟؟؟؟؟؟؟؟؟؟
مايخلوكش ادير الخير بالنية الشينة هذه...ويفهمو حوايج ماشي مقصودة
الوغ الواحد يدير كل شئ لربي والناس يخليهم ربي وكيلهم
تحياتـــــــــــــــــــــــــــــي...

و الله صح تسرى أختي ' إيمان القلب ' , و كي يكون الإنسان قلبو طيب و نيتو صافية
يفهموه غالط , و يحلف ما يزيد يعاودها , مي يعاودها !! تالمو ماكانش Les arrières pensé

ربي يفتحها على قاع الناس
تحياتي .

 
ايييه ياما صراتلي ،
انا بطبعي نية ياسر ونمشي بدون اي خلفيات
يعني كي نقول حاجة ، يعني نقصد هي دون اي تلميحات ، بصح كاين ناس يفهمو غير بالناقص ، كاينين اللي نقوللهم حاجة ، يقولو وش تقصدي ؟؟
مام اللي يمعنو مانفهمش غير بعد قرن ، كاين اللي يقولولي حاجة ومانفهمش ولا نجاوب على قدر السؤال ، غير مباااعد نستوعب راهو كان يمعني ،،

الله غالب نية ، وعاجبتني روحي


قالك امشي بالنية تتسرقلك الثنية(تتريقل)


شكرا ليك غزال على الموضوع الجميل





سلام​
 
ياغزالنا اصيد ..... الطيور على اشكالها تقع.

إجابة صحيحة خويا لعزيز كــوجاك , مبروك عليك 5 نقاط :showoff:
تحياتي .
 
سلام خويا واش حوالك ان شاء الله بخير
نورت واش راك تهدر بموضوعك وطلتك الباهيه
صح هاذ المواقف يصراو بزاف بزاف
ضرك منيش متفكره بصح ديما يصراولي
وهاذ لحكايه تاع حاجه ثقيله تبغي تهزها على مرا كبيره تاني صراتلي ورفضت هذيك لمرا
والله انا حتان وليت نتوسوس ونعس روحي بزاف قبل مانهدر والله يحيروك فروحك
المهم حنا نديرو اللي علينا والأعمال بالنيات كيما تعرف
واللي فهمنا الحمد لله واللي قرا فينا الشر نعطيوه التبرير اذا اقتنع مرحبا
اذا ماقتنعش الله يهدينا ويهديه المهم دونا اللي علينا
ايا بزايد كثرت الهدره
يعطيك الصحه خويا عالموضوع الباهي
(+تقييم)


وي هاذي هي نسيم , حنا ما نخافو من والو ما دام النية صافيـة , و ربي على بالو كل إنسان واش راهو ناوي .. و اللي فهمنا غالط يدبر راصو !

شكرا أسعدني كثيرا مرورك , ( + تقيــم ) .
 
وعليكم السلام
اهلا بيك هشام خويا عاش من شافكك هنا
عودة ميمونة
بون موضوع مليح بزاف
لأنو يعالج قضية لعرب تاعنا
لي يقراو النقص
والامثلة لي راك ضربتها كاين منها بزاف صح
تجي تدير مزية في لعرب يدورو عليك
ولاتجيهم بحسن نية يردوك انسان خبيث ولاكيفاه يقراوها هم
وتاني المثال لي نزيدو انا
مثلا طفلة تجي تبعث رسائل خاصة لعضو ما
في منتدى يدير هو الشك في روحو يقولك راها تتقرب مني ياسبحان الله من لعرب واش يفهمو النقص ...ماكانش خلاه حاجة لله في ظنهم
واش نقولو عليهم ربي يهديهم
هيا تقبل مروري
تحياتي
 
ايه صح هذي كاينة منها بزاف يعني الواحد يحسك تتمسخر بيه ولا تستهزأ

بيه

صح كاين واحد ينصحك من نيتو وكاين الي صح يتمسخر

مشكور على الطرح

العفو
أسعدتني طلتك العطرة , اختي الكريمة Missa
تحياتي .
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top