شعر باللهجة الجزائرية هههه 100%

وليد الحضنة

:: عضو بارز ::
أحباب اللمة
إنضم
13 سبتمبر 2009
المشاركات
2,170
نقاط التفاعل
87
النقاط
77
نصحوني مرة صحابي بالزواج ... و قالولي بركاك من التعواج
راهي رايحة تديك المواج ... إذا بقيت في العزوبية
بقيت نطلع في الحساب ... و لقيت كلامهم صواب
و في الغد بعثتهم نواب ... يطرحوا لأهلي القضية
بابا وافق في الحال ... و قال نجيبوا بنت الخال
و يما جاها في البال ... يخطبولي وحدة بدوية
تفاهمنا على بنت المدينة ... قالو فاهمة ورزينة
راهي تمخمخ في الكوزينة ... وتطبخ طبخات زينة

عولنا وقصدنا الدار ... حاملين في يدينا النوار
ودرنا وحنا زوار ... قاصدين بنت معينة
الخال في بنتو شكر ويزيد ... قارية وما تركتش المسيد
وصحيحة كي الحديد ... بنت العلم والتربية

قلت واش هي الشروط ... راني صرت ليكم مربوط
ومالي عندكم محطوط ... ونزيدلكم الشهرية

قالي يا وليدي سجل ... 20 صباط باش تبدل
و 50 سروال مفصل ... و يكونو ضيقين شوية
وزيد كيلو ذهب صافي ... تجيبو وانت زاهي
والشنتوف ما هو كافي ... راني درت فيكم مزية
بنتي راهي غاية وشريفة ... ما تتركش يدها خفيفة
20 خاتم في القفيفة ... تحطهم في يدها هي
وسلسله غاليه ما تنساش ... والمليون لازم يكون معاك
والحايك مرمة لازم تلقاه ... وتقدمو لبنتي هدية


قالي يا السي موووح ... بلاك تنسى خيط الروح
باش يزيد لبنتي الروح ... تبقالك ديما حية
تشريلها عشر كباش ... والدجاج مشوي ما تنساش
وزيدلها مترا قماش ... هادي حاجة رمزية
بنتي ما تضربش النشاف ... ومن الحمام تخرج بالتلحاف
وشعرها جيبلو حفاف ... وتزور sa mère كل عشية

الطفلة نطقت ملهيك ... يا بابا لازم تنهيه
يتركني نحكم فيه ... ويمشي معايا بالنية

قالي الشرط ما خلاص ... نقراو الفاتحة قدام الناس
قلتلو راني لباس ... ومنين نهرب يا خويا
درنا العرس نهار الخميس ... وكثر فيه الهراج والتهراس

المطرب يخلط على الناس ... والدرباكي يعفس تعفاس
والجمهور راهو نعاس ... والبراح يبرح شوية
جابو العروسة للبيت ... كي شفتها من الخوف بكيت
شعرها على الطابلة محطوط ... وراسها من الشعر مزبوط
رافدة معاها عشر قطوط ... تلعب لعبة هزلية
لقيتها مركبة قطع غيار ... شعرها وحواجبها ولشفار

و كي ضحكت كل شيء طار ... هادي ماركة عصرية
قالت لازم نبقى حرة ... ويماك لازم ترميها برة
وما تكثرش الهدرة ... أنا طفلة متحضرة

قلت يا امرة لازم تفهمي ... ترفدي حوايجك و اخطيني
 
ههههههههههههههه يعطيك الصحا خويا

هادي هم يضحك وهم يبكي


كلامك صواب كفيت ووفيت

الله يهدي ما خلق ويصلح لحوال


وكيما كاين هاد النوع كاين مازال ناس النية



بارك الله فيك خويا


تقبل مروري


لك مني كل الود والتقدير


sali الجزائـــــــر:re_gards:
 
آخر تعديل:
ههههههههههههههههههههههههههههههههههههههههههههههه
مشكوووووووووووور أخييييي
 
مشكوووور يا خويا على الشعر
كلامك كلو فمحلو
 
قلت يا امرة لازم تفهمي ... ترفدي حوايجك و اخطيني
 
هااايلة يا خويا وليد

كلامك في محلو

+

يعطيك الصحة
 
ههههههههههههههههههههههههههههههههه
شعر هايل يعطيك الصحة شكراااااا :re_gards:
 
العاشق الولهان

صابني ماصابها .........صابني مرض الهوى
مرض الهوى مالو دوا ......من الريم المغناجي
يا سادات ويا كرام .......يا اهل اللوحة والاقلام
امشوا معايا في الظلام .......حين نراها ونجي
بنت الامير الصنهاجي
عدوا عليا بالحديد .....حراس مع العبيد
قالوا نقتلوا ذاك الوليد ........يغدى معانا ولا يجي

طلت من فوق البنيان .....وقالت اسمع يا فلان
حبك عن طول الزمان ....

عينيها كحلين كبار .........غزالة ترعى في النوار
كتنظرلي بالشفار .........ثمة عقلي يخرجي
قدها قد العلام..............تبري المريض بالكلام
كون جات في بيت الحرام .........تسلب عقول الحجاجين
نيفها مسلس رقيق .........بين الحواجب متلاصيق
وتحته فم ضيق ..........كيضحك معايا يلجلجي
فمها خاتم ذهب ..........سنيها جوهر يلهب
خلطت الزين مع الادب .........بنت الامير الصنهاجي



ملاحظة هذه قصيدة من التراث الشعبي وهي طويلة الا اني لا احفظ غير هاته الابيات ولها قصة جميلة جدا
تدور احداثها حول اخوين تعاهدا منذ الصغر ان يزوجا ابنءها ببعض لكن مع الزمن يصبح احد هذين الاخوين غنيا جدا وقد رزق ببنت اما الاخ الاخر فحاله ميسورة ورزق بولد
المال اعمى بصيرة الاخ الغني فلم يوف بعهده وقرر الرحيل عن القبيلة كلها وهذا بعد ان خلف وراءه قلبا محطما عاشقا بحب ابنته
فماكان من هذا العاشق الا البحث عن حبيبته من مكان الى مكان حتى وجدها وقال فيها هاته الابيات واصفا اياها بكل المعاني الجميلة .
ارجو ان تنال اعجابكم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top