زواج ولقراية ولخدمة ؟؟؟؟؟؟؟؟؟؟؟؟

samou.dz

:: عضو مُشارك ::
إنضم
20 جوان 2011
المشاركات
126
نقاط التفاعل
0
النقاط
6
العمر
32
السلام عليكم ورحمة الله وبركاته
ليم حبيت ندير هاد الموضوع وهو بالنسبة ليا مهم بزااااااف
كاين لقالو بلي قرايتك وخدمتك هي لافونير تاعك وهي ليدوملك وماتستناي حتى واحد يصرف عليك ولا يشفق عليك
وكين لي قالو بلي الطفلة مهما قرات وخدمت رايحة ..رايحة لدار راجلها وهو ليسترها والاسرة هي اهم من كل شي فالدنيا وسير تو الامومة اعظم احساس يخليك تنساي كل الهموم
وانا راني بين هادو الزوج انا راني مع ليتقرى بش ماتكونش جاهلة وتخدم باش تصرف على روحها وتعاون دارها
ونتوما واشي هو رايكم والله رايكم يهمي بزاااف

 
أهلا بيك سامو
يعطيك الصحة على الموضوع الباهي والمفيد
تعليم الطفلة مليح ولكن ماشي لازم تخدم بيه
تقري بيه ولادها تفهم راجلها وبزاف حوايج
يعني القاريا ماشي كي الي ماشي قارية
وخدمة الطفلة مساوئها اكبر من محاسنها
كي قلتي تولي تصرف على روحها، يعني تولي ماتحتاجش راجلها
وكي تولي ماتحتاجش راجلها تنقص قيمة ومكانة ومسؤولية الرجل من حياتها وينقص قدرو عندها
مليح لمرا ديما تحتاج الراجل ماشي ماتحتاجوش ...
وزدي راح تهملو وتولي ماتخافش منو كلمة زوج تقلو راني بخدمتي وهذي رانا نسمعو فيها بزاف
وزيد تهملو وتهمل ولادها ورانا نشوفو فيها ثاني
يعني مساوئها كثر من محاسنها ان كان فيها محاسن
يعطيك الصحة
 
احم احم
نمووووووووووووووووووووووت على هاذ الموضوع لاخاطر ديما نتضارب معا الناس عليه
انا يا ختيتي قريت ومازالني نقرى
مي جامي خممت باش نخدم
انا في بالي الخدمة مسؤولية الراجل ومن حقي يصرف عليا ما نصرفش عليه
ولوكان نلقى الراجل اللي نحبو ونعيش معاه لاباس ناكل نشرب ونلبس القراية وما نكملهاش بزااااااااااااف عليا
ونخدم في حالة وحدة برك كي نكون صح محتاجة مي ما نخدمش على الراجل انا برا وهو فالدار
لازم للزوج وللضرورة برك
وما شكيتش
لاخاطر كي يكونو الذراري فالدار والمراة خدامة منين راحا تجيهم لحنانة نتاع يماهم
هم الراجل برا وزيد الام
نعرف وحدة تخدم وتخلي بنتها كي ترجع العشية تديها ما تحبش تروح وتلصق فاللي مربيتها
وعلاه نوصل لهاذ الشي ونخلي لولاد عندهم manque حنانة
 
احم احم
نمووووووووووووووووووووووت على هاذ الموضوع لاخاطر ديما نتضارب معا الناس عليه
انا يا ختيتي قريت ومازالني نقرى
مي جامي خممت باش نخدم
انا في بالي الخدمة مسؤولية الراجل ومن حقي يصرف عليا ما نصرفش عليه
ولوكان نلقى الراجل اللي نحبو ونعيش معاه لاباس ناكل نشرب ونلبس القراية وما نكملهاش بزااااااااااااف عليا
ونخدم في حالة وحدة برك كي نكون صح محتاجة مي ما نخدمش على الراجل انا برا وهو فالدار
لازم للزوج وللضرورة برك
وما شكيتش
لاخاطر كي يكونو الذراري فالدار والمراة خدامة منين راحا تجيهم لحنانة نتاع يماهم
هم الراجل برا وزيد الام
نعرف وحدة تخدم وتخلي بنتها كي ترجع العشية تديها ما تحبش تروح وتلصق فاللي مربيتها
وعلاه نوصل لهاذ الشي ونخلي لولاد عندهم manque حنانة

يعطيك الصحة دنيا راي من رايك
وشكون يخمم كيفك ...
 
صح عندك الحق انا تاني نخمم هكا.
 
السلام عليكم ورحمة الله وبركاته

انا تبالي ختي أنو أعظم نعمة ينعمها ربي على المرأة انو يرزقها رجل صالح يسترها
ويوفرلها كلشي ويكفيها هم الخدمة والاحتكاك مع الرجال لي أغلبهم مرضى مع النساء

واذا ماسهلهاش ربي في هذا الباب مليح لو تخدم باه تصرف على روحها وتكفي حاجاتها
هكذا باه ما تحتاج لحتى واحد لي راح يدير فيها الخير
ومن بعد يستغل ضعفها
وتقريبا هاذي هي اغلب الاوقات لي تستغل فيهم المرأة ويخرجوها عن الطريق الصحيح
لماتكون ضعيفة ومحتاجة
شكرااااااااااا
 
الشيرة بالسيف عليها تقرا باش تضمن حياتها
والزواج يجي بالمكاتيب
 
دك ولاو يشوفو اللي متخدمش راها متفهمش للدنيا

انا صح نكمل قرايتي مي منظنش نخدم علاه نخدم هدا؟ + قرايتي تنفعني في حياتي مش شرط للخدمة برك

قبل منزوج من حي يبابا يصرف عليا وميخلينيش


وكي نزوج من حقي يصرف عليا راجلي


+ كي نزوج ونخدم يعني كي شغل مزوجتش يعني حياتي نجيبها في الزقاق؟ مكانش منها هدي


 
وعليكم السلاام

موضوع في الصميم

انا يا اختي مادابيا نقرى ماشي على جال الخدمة...باش يكون عندي مستوى دراسي في الحياة.....والقراية سلاح المستقبل كيما قلتي...وكامل راح نتزوجو لكن يجي النهار وين نسحقو العلم والشهادات تاعنا نقرو وونهار الحصلة الديبلوم نتاعك لي يسلكك الله لا يقدر موت الزوج...او مرض بعيد الشر...والدنيا هادي صعيبة وحتى واحد مايعرف واش راهي مخبيتلو الايام منا للقدام

مرسي على الموضوع
 
انا نحب نقرا ونخدم ونكوّن ذاتي ،،
بصح اذا جاني واحد لاباس بيه وطلب مني نبطل الخدمة ، ايه نبطلها ،،
المهم كي تكون الواحدة عقلها مش فارغ ،،
والصرف نظن من مسؤولية الرجل ،
والاولاد لازملهم الام قاعدة في الدار بش يترباو ،،، كي يعودو الوالدين البرا، يتعلمو الرذالة الكل
بصح اذا كان الحال مزري شوي ماديا ، نفضل اني نخدم بش نخفف عليه شوي مصروف،
وزيد ما نحبش يكونو ولادي محرومين


موضوع مليح يعطيك الصحة​
 
انا نبغي نكمل قرايتي و نخدم و الزواج مبعد و نخمم فيه و كل واحد و كيفاه تبانله مي القراية ضوكا ولات من الأولويات الوحدة نهار تكمل القراية الزواج ساهل

مشكورة على الموضوع
 
حنا مشكلتنا كي نقولو القراية معنتها الخدمة
بصح كل حاجة واحدها
المهم انا نقرا مش بهدف نخدم مي فايدة ليا اني نكون متعلمة ومتثقة و باش نربي اولادي تربية مليحة
و الام مدرسة
 
مليحة القراية بسكو الزواج قادر ينجح و قادر ما ينجحش
 
القراية والخدمة اولى من الزواج و الخدامة بشانها في دار راجلها
 
ana rani m3ahom lé 2 puisque walli 3labalna kamel bih howa annou l bente w mahma daret ra7 tekber w temchi l dar rajlha mé lazem a3liha takra w hiya f dar bouha au moin tkoun karya w 3arfa t3allam wladha w t3awnem fel kraya
 
سلام أنا مع اللي تقرا و تخدم على روحها و هكدا الراجل ما يطيقش يهينها ولا يحسسها بلي راه داير فيها مزية مي سي فري الأمومة احساس عظيم
يعطيك العافية على sujet
 
يعطيك الصحة موضوع شباب بزاف
انا بالنسبة ليا نفضل الطفلة الي تكمل قرايتها وتخدم كيفها كيف الراجل .
باسكو المرا الي تخدم تكون عندها قيمة عند راجلها على خاطرش راهي تجيب فالدراهم كيفها كيفو
ماشي كيما تكون فالدار هو الي يصرف عليها وكاين شي رجال يحقرو المرا الي قاعدة فالدار ...
في رايو هو معندها حتى نفع راهي تاكل وتشرب وتربي ذراري وغير هو الي راه يشقى ويتعب ...
وكاين تاني شي رجال المرا كي تتطلب منو المصروف يتكبر عليها ويردها كي الشغل راهي تتوسل ليه هههه
ماشي قاع كاين وكاين ...
بصح كي تكون بخدمتها ماتحيرش فيه ولا في دراهمو
بالعكس هو الي يولي يقولها اعطيني ماشي هي هههههههه
انا نفض لمرا الي تخدم بشرط تفصل بين خدمتها ودارها
هدا هو رايي ..
مارسي ليك ختي
 
واش التفكير نتاع الطفلة اللي تخدم تكون عندها قيمة عند راجلها!؟
لما نسمع كلام هكذا راسي يحبس
علاش الراجل اللي يتزوج يتزوج باش يجيب مرا تخدم عليه؟ هو راه يحوس يتزوج بمرا اما انه يصرف عليها فهذه بلا مزيته
أنا مرتي هي مرتي و قيمتها وحدة عندي خدمت ولا لا ماشي خدمتها اللي راح تزيد فيها ولا تنقص منها كي ما تخدمش
بعض النساء حابين يكونوا رجل ثاني بالبيت و تفكير الناس اصبح مادي
اما القراية فاكيد لازمة و مليحة لكل انسان
 
احم احم
نمووووووووووووووووووووووت على هاذ الموضوع لاخاطر ديما نتضارب معا الناس عليه
انا يا ختيتي قريت ومازالني نقرى
مي جامي خممت باش نخدم
انا في بالي الخدمة مسؤولية الراجل ومن حقي يصرف عليا ما نصرفش عليه
ولوكان نلقى الراجل اللي نحبو ونعيش معاه لاباس ناكل نشرب ونلبس القراية وما نكملهاش بزااااااااااااف عليا
ونخدم في حالة وحدة برك كي نكون صح محتاجة مي ما نخدمش على الراجل انا برا وهو فالدار
لازم للزوج وللضرورة برك
وما شكيتش
لاخاطر كي يكونو الذراري فالدار والمراة خدامة منين راحا تجيهم لحنانة نتاع يماهم
هم الراجل برا وزيد الام
نعرف وحدة تخدم وتخلي بنتها كي ترجع العشية تديها ما تحبش تروح وتلصق فاللي مربيتها
وعلاه نوصل لهاذ الشي ونخلي لولاد عندهم manque حنانة

ربي يكثر من أمثالك
 
القراية والخدمة سلاح وعقوبة للزمان إلي رانا فيه خاصة إذا طاحت بالراجل حاجة مليحة يلقى على من يتكل وهذي حاجة مؤقتة صراحة أنا مع المرأة العاملة لكن في حدود
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top