آهـ يا الدنيا ..... نسحقكمـ كاملـ هنا .......

M

mimi.dz

:: في ذمة الله ::
أحباب اللمة
إنضم
25 مارس 2009
المشاركات
3,258
نقاط التفاعل
29
النقاط
317
images


صباحـ / مساء الخير
هذيـ مدة طويلة مكتبتشـ موضوعـ هنا
قريبـ ننسى كيفاشـ نبدا :shay:
المهمـ ياكـ راكمـ بخير ...لاباسـ ... ما يخصكمـ والو ؟
مليحـ .... اما السخانة راهـ جايكمـ رمضانـ غير أحكمو الدار :shiny:

ندخلـ ديراكتـ فيـ الموضوعـ

واحد المقولة قالهاليـ جدّيـ بصراحة أثرتـ فيا بزافـ
وحبيتكمـ تناقشوها معايا

قالليـ أيـ سلعة ( متهمشـ واشـ تكونـ ) كيـ تكثر ترخاسـ وتولليـ قريبـ باطلـ
ميـ فيـ بلادنا زوجـ حوايجـ بركـ رخسو بزافـ

1 : الحاجة الأولى الدراهمـ كيـ طبعو منهمـ بزافـ عاد الدينار ما يسوا والو

2 : الحاجة الثانية العباد كيـ كثرو رخسو ووصلو لدرجة انهمـ يتباعو

وهنا حبستو قلتلو كيفاشـ يا جدّيـ ,,,

قالليـ المرأة بكريـ مكانشـ الليـ يقدر يشوفها
كيـ يجيـ الواحد فينا يتزوجـ يحير منينـ يخطبـ
لأنو حاط الناسـ كاملـ جايبة غير الدراريـ
قالليـ بصحـ فيـ هذاكـ الوقتـ كانتـ المرأة تسوى و تغلى

ميـ شوفيـ دركـ يا بنتيـ عادو ليجانـ كيـ يجيو يخطبو يحوسو على وحدة ماشافها حتى واحد و مايلقاوشـ لأنو البناتـ بزافـ والليـ متبانشـ تقعد فيـ دار باباها
قالليـ راحتـ قيمتـ المرأة أو بالأحرى هيـ الليـ خسرتـ بروحها

قلتلو علاشـ لازمـ متبانشـ باهـ تعود غالية ؟
المجتمعـ راهـ تبدلـ

قالليـ هاذيكـ سقسيـ عليها حياء المرأة يجاوبكـ


جدّيـ حكاليـ عـ المرأة

والرجالـ ؟؟ زعمة بقاتـ الرجولـة كيـ بكريـ ؟؟
هنا نتوما تجاوبونيـ
ونحبكمـ تعلقو على واشـ قالـ جدّيـ

سامحونيـ طولتـ عليكمـ
اتهلاو فيـ رواحكمـ

​
 
ايه عندو الحق
ربي يخليهولك ان شاء الله
 
يعطيك الصحة ميمي
اي عندو الحق بزاف ربي يحفظهولكم
وانا ثاني بابا ويما قالولي النسا رخسو
بابا يقلي بكري لمرا ماتشوفهاش
وكي يكونو قاعدين الرجال ولمرا تحب تفوت ينوضو ويقابلو لحيوط باش تفوت لمرا هذيك
كانت الحرمة بزاف وكانت لمرا عزيزة
ضرك راهي في الخدمة راهي في الكيران راهي فليستاد وين تروح تلقاهم
نقصت قيمتهم وولاو رخاس
كيما قالك الحاجة كي تكثر ترخس
والرجال ثاني مابقاوش رجال
لا كلمة لا هدرة لامواقف لارزانة لارجولة
راحت الدنيا
ويعجبك الجيل ألي راهو جاي يوليو يشكرو في لبنات تاع ذرك يقلك كانو غير فليستاد والخدمة هههههههه
مانعرف واش راح يكون ههههه
يعطيك الصحة وتستاهلي تقييم​
 
وعليكم السلام ورحمة الله

علاه الناس بكل يقولو وقت بكري وقت بكري
ابسط حاجة برك
بكري نشفى كي نشوفو فالبنت ونخزرو فيها تحشم تهبط راسهــا وماترفعوش خلاص
دوكا ولاة العكس
تخزر فيك هي وانت لي تحشم
شتي رجال الوقت ورجال البارح ؟


تبدل الزماااان
وربي يقدر الخير
​
 
بيان سير جدك عندو الحق ، بكري المرا كانت متمشطش شعرها قدام الراجل ، وهذا ميشي الراجل خالعها مي كانت عاطية لروحها قيمة ،واليوم رانا نشوفو في العكس ،وحنا نعرفوا بلي المرا اذا فسدت فسد المجتمع كلو ربي يستر المرأة لي هي ام واخت وزوجة مهما كان الحال ، انا امي في عمرها 70 سنة قاتلي يا وليدي بكري كنا نروحو نجيبو ا الماء في مجموعة من بلاص بعيد كان الراجل ميقدرش يهز عينو في المرا، كان القدر والحرمة ، اه ثم اه ثم اه على عباد هدا الزمان ،ياليت ذالك الزمان يرجع يوما .
 
يعطيك الصحة ميمي موضوع شباب ننتظر جديدك
 
عنده الحق في كلامو على الاقل لازم نعترفوا بلي كاين تغيير جزئي واضح
بين وقت زمان وقت جدودنا وآبائنا ووقتنا احنا ضرك والجيل لي راه جاي ولي بعدو وهي ماشية
انا جدي ثاني قالي وحد الوقت كنا نعرفو بلي كاين نسا في كاش دار الا اذا سمعت الخلخال :shiny:
وضرك تجي تمشي قدامك نورمال بافضح الالبسة نورمال ونتا لي تحشم باش تشوف ليها :shay:
انا كي نرجع لاخر الموضوع والسؤال نتاعك نقول من وجهة نظر خاصة بلي ما نقدروش نحكمو
ضرك على كل الناس وماهو اصلا معيار الرجولة هذا الي رانا نهدرو عليه
يعني باش رانا نقيسو في الرجولة على اي اساس لاكان على التصرفات والافعال والاقوال
كاينين شيئ ناس ميستاهلوش كلمة راجل لا حشمة لا قدر مع اي كان بصح في المقابل
كاين عباد ما شاء الله ومنهم اصدقاء نعرفهم طرونكيل مهمش تاع مشاكل وكلمتهم كي الرصاص
وميعرفوش التنيفيق ومهمش تاع بنات ولا حلابين وجامي سمعتهم سبو ولا قالو كلمة قبيحة
يعني هنا تبقى القضية نسبية حسب العباد انفسهم نظن بلي منقدروش نعمموها على الجانبين
وانما ممكن تكون هناك اغلبية طفيفة وكيما يقول المثل يروح المحرم في جرة المجرم
وكيما تقول الحكمة العربية لكل زمان رجاله وهذي سنة الحياة فيها المليح وفيها الدوني
بصح التصرفات تاع الناس القباح تغلب على الناس ملاح وتغطي عليها
مشكورة على الموضوع وتقبلي مروري شكرا

​
 
هدا بلد مسلم الواجب يكون كيما قال جدك الله يحفضوا ويخليه ليكم
الوقت تبدل ودرك ولات البنت دير اكثر من الراجل في حوايج بزاف
كيفاه حابينها تتزوج
والراجل يسخف لوكان مش بنات ميديرش شي حوايج وغادي كيتزوج يحوس على بنت فاميليا وقاعدة في الدار مش كيما هدو لي في زنق من ساع لساع
تبانلي العيب مش في الراجل في المرأة
وكل واحد ورأيو الشخصي .............. مش تمييز الواقع هدا يهدر
​
 
قال bonoise:
ايه عندو الحق
ربي يخليهولك ان شاء الله
إضغط للتوسيع...


انشاء الله
ميرسيـ عزيزتيـ
قال ماكانش:
يعطيك الصحة ميمي
اي عندو الحق بزاف ربي يحفظهولكم
وانا ثاني بابا ويما قالولي النسا رخسو
بابا يقلي بكري لمرا ماتشوفهاش
وكي يكونو قاعدين الرجال ولمرا تحب تفوت ينوضو ويقابلو لحيوط باش تفوت لمرا هذيك
كانت الحرمة بزاف وكانت لمرا عزيزة
ضرك راهي في الخدمة راهي في الكيران راهي فليستاد وين تروح تلقاهم
نقصت قيمتهم وولاو رخاس
كيما قالك الحاجة كي تكثر ترخس
والرجال ثاني مابقاوش رجال
لا كلمة لا هدرة لامواقف لارزانة لارجولة
راحت الدنيا
ويعجبك الجيل ألي راهو جاي يوليو يشكرو في لبنات تاع ذرك يقلك كانو غير فليستاد والخدمة هههههههه
مانعرف واش راح يكون ههههه
يعطيك الصحة وتستاهلي تقييم​
إضغط للتوسيع...

الجيلـ الليـ بعدنا الراجلـ والمرأة يبدلو أدراهمـ فيـ مسرحية الحياة
تعيشـ سفيانـ ربيـ يحفظكـ خويا
​
 
قال sahiko hamza:
وعليكم السلام ورحمة الله

علاه الناس بكل يقولو وقت بكري وقت بكري
ابسط حاجة برك
بكري نشفى كي نشوفو فالبنت ونخزرو فيها تحشم تهبط راسهــا وماترفعوش خلاص
دوكا ولاة العكس
تخزر فيك هي وانت لي تحشم
شتي رجال الوقت ورجال البارح ؟


تبدل الزماااان
وربي يقدر الخير
​
إضغط للتوسيع...


آميــنـ انشاء الله ,,,
نعطيكـ حلـ ديرو جمعية و اتحسرو على بناتـ زمانـ هههه

ميرسيـ حمزة ربيـ يحفظكـ

قال adel-mz:
بيان سير جدك عندو الحق ، بكري المرا كانت متمشطش شعرها قدام الراجل ، وهذا ميشي الراجل خالعها مي كانت عاطية لروحها قيمة ،واليوم رانا نشوفو في العكس ،وحنا نعرفوا بلي المرا اذا فسدت فسد المجتمع كلو ربي يستر المرأة لي هي ام واخت وزوجة مهما كان الحال ، انا امي في عمرها 70 سنة قاتلي يا وليدي بكري كنا نروحو نجيبو ا الماء في مجموعة من بلاص بعيد كان الراجل ميقدرش يهز عينو في المرا، كان القدر والحرمة ، اه ثم اه ثم اه على عباد هدا الزمان ،ياليت ذالك الزمان يرجع يوما .
إضغط للتوسيع...


ادخلـ معـ حمزة فيـ الجمعية هههه
واشـ نقولكـ خويا هذيـ هيـ الدنيا
التطور أثر عـ القيمـ نتاعنا
ربيـ يسترنا ملليـ جايـ

ربيـ يخليكـ
​
 
ليـ عودة ,,,
​
 
حاجة ما بقات كي بكري وزمان يا بنتي
ضرك كل شيء تبدل
بكري وزمان كانت المرأة محترمة روحهعا وهمها الوحيد شرفها و عرضها
والراجل كان عارف قدرو وما يقدرش يدير المنكر
المراة كانت ما تفوتش في وسط جماعة رجال ويصرى وش يصرى وكانت ساترة روحها
والراجل كي يكونو النساء في الطريق ما يعديش بينهم والا عدا يبرح بالصوت قبل ما يصول بكيلمتر
وهو احم احم احم
حتى قريب يجيف
مي ضرك لا حياة لمن تنادي
الطفلة ىاللبسة من غير هدوم في وسط جماعة رجال
والراجل السروال الطايح دار الفضايح بين 100مراة
الواحد يقول ربي يهدينا ويسقم احوالنا ويقدملنا لي فيه الخير
موضوع زين بوقوص
مي افار تقييم في الشك
نمدلك ولالا
من بعد نخمم ونقرر​
 
a ouaiiiiii 3ando l 7ak merci bcp pr le sujet on att tes nvs
 
المرأة هي الفتنة
وهي سبب هاد الفساد
شوف العري وقلة الأدب

ربي يستر
 
في مواضيع كيما هذي نحب نجي من اللخر
يعن هو جدك عندو الحق في واش قال
وانا نقولك من اللخر لا المرا بقات تصلح
ولا الراجل في زوج كيف كيف رخسو
رخس ليس بعده رخس
مغسي اختي وسلامو
​
 
صح ..الوقت صعاب.
و مزال كاين ناس فيهم الخير و نطلبوا ربي يكثر من مثالهم ان شاء الله و يجعلنا منهم
شكرا على الموضوع
سلام
 
آخر تعديل:
صح النسا رخاسو
مي تاني الرجلة راااااااااااااااااااااااااااااااحت
مع وقت جدك وجدي
ولا الراجل الحقيقي حبة مفقودة في وقتنا



الله يستر وخلاص


مشكوووووووووووووووووووووورة عالطرح
 
صح كلشي تبدل حتى العقليات

الزمان نقلب 360 درجة

بالرغم من انهم ماكانوش عايشين في عصر التكنولوجيا والتطور

لكنهم كانو مستبنين حياتهم وكامل يقولوها


مشي غير من هاذ الجانب حتى حق الجار والاقارب تربية الاباء لولادهم تبانلي كلش تبدل

تقول تحولنا لكوكب آخر غير الارض الي كانو عايششن فيها

...
المهم الواحد لازم يشد مليح فالمبادئ الصح وميفرطش فيها مهما كان لانو رح يربح راحة الضمير بالمقابل

والحمد لله راكم مثقفين وفاهمين وتعرفوا

سلام

اختكم حورية

​
 
جدك عندوا الحق
فى هاذ الوقت قليل وين تلقاى مولات بيت
وقليل وين تلقاى الراجل اللى تتكلى عليه
​
 
السلام عليكم
اهلا بيك حبيبة نورتي
واش نقولك ميمي بكري كانت المرا مرا والراجل راجل
درك مانقولوش الدنيا تبدلت العباد الي فيها تبدلو وبدلوها
بكري كانت الحرمة والاحترام بين الناس والقدر
درك النسا رخسو والرجالة كتر تلقايه 30 سنة لا راي لا دار لا دراري غير يتمسخر وبكري الي قدو راهم ب 5 ولاد ولا كتر
ربي يصلح لحوال ويهدي ما خلق
يعطيك الصحة ختي لعزيزة على الموضوع
​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top