صحبتي خلعتني واش بيها

روعة انثى

:: عضو مُتميز ::
إنضم
23 جويلية 2011
المشاركات
524
نقاط التفاعل
773
النقاط
31
السلام عليكم يا خاوتي و اخواتاتي بغيتكم تفهموني في حاجة برك انا عقلي حبس راني نمشي و نهدر وحدي انا موظفة و عندي صديقتي موظفة معايا هادي الطفلة تحكيلي كلشي بصح كي خطبوها جامي جبدتلي و كي ادات العطلة عقدت و دارت العرس و ما عرضتنيش معليش بلاك ما دارت والو بصح تخيلو ما عندي حتى خبر بها كي رايحة تعرس والله ما جبدتلي و اللي هبلتني الرجال اللي معانا فالخدمة قالت لهم و انا لا لا خاصة الرجال اللي معانا انا ما نيش مداصرتهم غير صحا صحا عند بالهم على بالي و هي و الله ما قالت لي حتى نهار عرسها قالولي ما روحتيش للعرس عند صحبتك قلت لهم واش عندها قالولي تزوجت ما صدقتهم و عندبالي يزعقوا و لا قالب ونهار عرفت بلي صح تزوجت و ما قاتليش راسي حبس و زيد حطتني في موقف ما يحسدني عليه حتى واحد ايلا كاشما قلت لها يقولوا غارت منها و ايلا سكت و الله لجرحتني خاصة كي قالت للرجال و انا لا لا قولولي كيفاش نتصرف معاها ؟ في بالكم و علاش دارت هكدا خاصة انا عمري 34 سنة و هي 29سنة و انا مازال ما فتحش عليا ربي زعمة كيفاش شكت فيا كاشما نديرلها ؟والله ما عرفت و ما فهمت و اللي كاشما فهم يفهمني :sadwalk:و يدعيلي ربي يفتح عليا
 
واشـ نقولكـ عزيزتيـ
هذيـ هيـ العقلية
ما عليكـ غير توكليـ ربيـ
ميـ صراحة موقفـ صعيبـ
انا اذا كنتـ فيـ بلاصتكـ منقدرشـ نزيد نحكيـ معاها
سيرتو اذا كانتـ قريبة ليا
+ ربيـ يهنيكـ اختيـ

 
ربي يهدي ما خلق دك العباد عادو يفهمو بالنقص , مديريش عليها ربي يهديها وربي يرزقك بولد لحلال ويفتح عليك

تحياتي
 
الحق سلاحي، تم حظره "حظر دائم". السبب: مخالفة القوانين / إستخدام ألفاظ نابيه وخادشة للحياء.
السلام عليكم
1ربي يفتح عليك اختي
2 اخطيك منها هادي ماهيش حاطة فيك كونفيونس غير اخطيك منها

 
ربي يفتح عليك ختي من قلبي

نقولك حطيك منها هادي تتمشي معاك بل حيلة

ومول نية يربح
 
هاديك تاع الصح مشتاقة عرس و عريس.....ياخي لي تستنى تستنى البيس ماشي العريس......
ماتعمريهاش ف راسك...و راني سور بلي مع الوقت تفهمي كلش...مانقدروش نحكمو هاكدا ليه ليه.....
 
شوفي ختي
هاذي متقوليش عليها صحبتي لاخاطر كون جات صحبتك متخبي عليك والو
وش نقلك روحي ليها وقوليلها مبروك عليك باش تبينيلها بلي راكي خير منها
ربي يفرج عليك

 
ربي يهديها

بصح ختي اهدري معاها قوليلها تفهمك علاه دارتلك

وماتزعفيش بينيلها بلي ماراكيش كامل مخلوعة بعرسها

وادا دارتلك هاكا بالعاني خليها على ربي

وربي نشاءالله وبإذن الله وندعيلك من كل كل كل قلبي انو ربي يبعثلك واحد خير من اللي داتو وعشرة منو

تدي واحد اللي يستاهلك نشالله وباش تقتليها بالبارد واذا كتب المكتوب اعرضيها لعرسك باش تعرف بلي ماراكيش مخلوعة

وماتنسيش تعرضينا تاني

ماديري والو في راسك خليها على ربي سبحانو​
 
وعليكم السلام
ولو ان الموضوع خاص بالبنات انا نقلك ماتخافيش
اصبري برك ربي يفرج عليك وتجيك تحتاجك هديك الساعة استغلي الفرصة ورجعيلها كيما دارتلك

سلام

 
ma3liiiiiiiiiiiich kehtitooo hadi hya l3alya wech diriii surment kach mdaret f balha wela haja :eek:i-o::eek:i-o::eek:i-o: yakhi halaa mi madirich kima hya netii rabi ymedlek qi3 qebek nchalah w yarzqak zawj salah li ykhaf rebi a3ardiha whaka tahqar rohaa ki daret gest hada m3ak taqabali wedy w ihtirami :rolleyes::rolleyes:
 
والله لا ادري مي اعذريها النبي الكريم يقول اعذر اخاك 70 عذرا
وديري في بالك بل الطيبون للطيبات والطيبات للطيبون
 
والله يا اختي انا ثاني تقست من صحاباتي لي كنت اكثر من اختهم مشيت معاهم بالنسة مبعد هوما خدعوني
مي الحاجة لي تادت منها انو لي نيتو صافية راهو يسلك بربي هوما ذر الناس كامل عفوهم وكرهوهم ختراه منافقين وبانو على حقيقتهم
ديري في بالك حاجة بلي قسمتك عند ربي او واحد ماينحيهالك و لوكان واش يكون
 
بصراحة موقفكي موقف لا تحسدين عليه ..
وموقف بصراحة واضح وضوح الشمس .. لا أظن أنو تكون فيه أسباب تخليها ما تقولكش خصوصا لما ذكرتي بأنها قالت لجميع الرجال وأنتي صديقتها وكلش وما قاتلكش ..
واش نقول لأختي كيما قالو ألي قبلي إن شاء الله ربي يفتح عليكي وإن شاء الله ربي يرزقكي بزوج أحسن من زوجها ..
وثانيا نقولك لو كنت مكانكي واش ندير ..
أمسحها من ذاكرتي .. + لا يهمني إن عادت إلي وطلبت الصفح سأبقى أعاملها كبقية الرجال صحا صحا ..
ولن أطلب منها تفسير الأسباب ..
وأتركها لحالها .. وأعيش لنفسي ..
وربي يكون معاكي رغم انو الموقف تاع الصح يجرح ..
 
للاسف سور عمرولها راسها البنت والله الغاشي انتع دوك واعر معليش انت ما غلطيش علابالي صحبتك رايحا تندم وتجي وتتطلب السماح ان شاء الله تولوا كيما كنتوا
 
نقولك حاجة وحدة برك
مزيدش تهدرى مع جدها
وحدة كم هدى معندى مدير بيها

كاين بزاف كم هك​
 
امنوني و الله لفرحت بجوابكم و دعاءكم و كل واحد ووحدة واش قال و واش قالت لدرجة الدموع كانو في عينيا الله يبارك فيكم اولاد بلادي و بنات بلادي بمناسبة رمضان دعولي ربي يفتح علي
 
السلام عليكم
حطيها نتي ثاني في البارد وما تزيديش تحكي معاها
بففففف والله الناس مهابل وما يحشموش
لي يسمع تقول راح تزوج ولد الملكة ديانا وهو تلقايه
اصبري برك ختي
 
اخطيك منها
و كي تجي تخدم متشوفي معاها لا والوا
تقول متعرفيها ما تعرفك
 
اماتتقلقيش يا اختي ..... كل واحد يجازيه ربي على نيتو انتي كانت نيتك صافية وهي كانت نيتها ناقصة وراح يجزيها ربي عليها ...... روحي باركيلها وبينيلها انك خير منها وتتمني ليها الخير و ما تخافيش .... الرزق على ربي سبحانو .... ماهوش في ايد العبد..... وانتي ربي يفرج عليك انشاء الله ويرزقك بزوج صالح و كيما تتمنيه ..... ادعي ربي سبحانو واكثري الدعاء والاستغفار و ... وخلي ايمانك بربي كبير وديري في بالك انو من يتوكل على الله فهو حسبه .... ومن يستغفر الله كثيرا ...يرزقه الله من حيث لا يحتسب ...... صلي ركعتين لله ودعه يستجب لك ويفرج كربتك انشاء الله..... واقرائي بعض القرأن .... وربي يكون معاك انشاء الله....
 
ذرك تزوج وتبرد وتعرف وش دارت
هالذيك الساعة تجيك تكسكس تطلب منك السماح
ربي يفرج عليك ختي لعزيزة ويفرج على جميع خواتاتنا ونساء المسلمين
وبربي ان شاء الله اذا منسانيش الشيطان نطلب من ربي في صلاتي يفرج عليك ويرزقك الزوج الصالح الذي تقر به عينك وعندي صاحبي امام نقولو في التراويح يدعيلك
ربي يوفقك وربي يفتحلك بيبان الخير وربي يعوضك الخير الكثير اللهم امين اللهم امين اللهم امين
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top