انا في حيرة راني حابة مشورتكم

قال abd40w:

السلام عليكم ​

أختي الكريمة ومساء الأنوار والخيرات يارب​

​

أولا: وقبل كل شيء ختي لازم نقلك بلي ماتنسايش أنهاا كاين حاجة أسمها القدر أي المكتوب باللهجة نتاعنا ​

ثانيا : أنت لو زدت وضحت شوي يعني المشكل نتاعك الي تحبي ندرسوه هو مشكلتك مع صديقتك أو مع الأخ هدا ...؟؟؟؟؟​

ـــــ ** إدا كان مع صديقتك أنا نقلك حاجة فالتتريث أختي وبلا مالديري حوايج ممكن تندمي عليهم غير بشوي برك ،يعني حاولي تفهمي بأن كل شيء في دنيتنا هذه فان ولا حال يدوم ، مدام أنت متقلقة من جيهت صاحبتك وهدرت معاه وماتحبش تستعرف ، كاين واحد المثل نعرفوه كل والي يقول-@ الي يبيعك بالفول بيعو بقشورو@ لكن أنا نقلك لالا : إدا بالفعل هدي صاحبتق تستاهل أنك تكملي معاها علاقتك كصديقة وهدا الي نشك فيه أنا ،لأان تصرفها هدا يحسب عليها وليس لها ، حاولي يعني تتجنبي الحديث في هذه الأمور الحساسة الي تجيب المشاكل ، وتأدي إلى تدهور الأمور ، أي أنك تتعاملي معاها كيما ندير أنا لصحابي بغض النظر عن إختلاف المواقف العبد يحاول يضضحي شوي .​

​

ختي إدا راكي ناوية إن شاء الله تكملي مع هدا الأخ نقلك حاجة حطيها في ودنك ​

الحب = التضحية ​

وكوني متاأكدة في نهاية المطاف هناك شخص ما سيكون في الهاوية يعني #راح يروح بين الرجلين # وإن شاء الله ماتكونيش نت ​

ـــ** وبالنسبة ياأختي الكريمة &سامية & إدا كنت تحبي تهدري على صديقك هذا​

​

فأنا نقلك بأني أنا شخصيا من الأشخاص الي نوقف معاك لكن بشرط في حدود المعقول ​

أي : لازم أولا مانخرجوش على الشرع​

و: العادات نتاعنا لازم مانهملوهمش ​

وإلا إعتبرنا المجتمع حالات خاصة قد تعتبر منبوذة ومرفوضة وأنت تعلمين أن زمننا لا يرحم ومجتمعنا قاسي خاصة بكلا الناس​

​

حبيبك ياسيدتي إسمحي لي أن أقول حبيبك ​

لم يخطئ لحد الآن​

ونا نشوف من هدرتك راو ناس ملااااااااااااااح​

حاولي تكملي معاه لكن في ما يرضي الله سبحانه وتعالى​

لي عودة للموضوع​

سلامي ​

إضغط للتوسيع...

قال adel-mz:

على حساب حكايتك بلي السيد ناس ملاح. مادام يخمم انو مايديرش معاك علاقة غير شرعية الا بعد ماتكون رسمية
هدا من تفكير انسان عاقل وواعي
دونك انتي متتسرعيش في اي حاجة .خليها تمشي كيما راهي ،خلي علاقتك كيما هي رايحة تزيد في اصرارو وتكبرين في عينو على انو يديك بطريقة حلال .والمكتوب هو كل شىء اختي الكريمة.
وصحبتك هادي مادام يعرفك مليح مرايحش تاثر فيكم.بمرور الوقت يعرف بانها صغيرة في تفكيرها.
والله يحفظكم الى بر الامان.

إضغط للتوسيع...

قال assia90:

اشكرك اخي على الرد انا اريد ان اوضح شيء هو اني لست على علاقة معه صح استعرفلي ببزاف حجات لكن قالي انا مارانيش حاب نوسخ سمعتك ونخلي الناس يهدرو عليك لانو كما ذكرت حنا نقراو في جامعة واحدة .كيما تعرفو رانا في العطلة صح رانا في اتصال بالهاتف لكن ليس كثيرا واحيانا عبر msn لكن ولا مرة طلب ان اخرج للقائه قالي لو شفتك نشوفك دقيقة فالطريق لكن مانخرجوش قالي هدي حاجة ماجوزش هذه مدة وانا نهدر معاه ولا مرة قالي كما يقولون كلام معسول قالي انا الحب اللي راهم يعيشوه الناس انا ضده قالي انا نحب في المستقبل وفهمك كفاية راني حايرة هو انسان رائع لكنه خفيف شوية له زميلات في الجامعة وانا هذا اللي راهو مخوفني المعاملة تاعو معايا ماشي كيما الاخريات عندنا صديقة تخرج معى واحد يقرا معانا كي نقولو واش رايك يقولي هادوك راهم يجوزو في الوقت انا مانحبش تكون هناك علاقة هكدا وهو يهدرلي بزاف على الحجاب لاني متحجبة لكن ماشي مطبقاتو وهو دائما يقولي ديريه شرعي وكذلك مايحبنيش نهدر مع زملائي انا نشوفو مثالي بصح راني خايفة انا اريد الرد على مارايك في هدا الشخص واي سؤال تستفسره ساجيبك عليه وخاصة اخي انك رجل مثله وكذلك اريد رايكم في صديقتي هل انا راني غالطة فانا لااريد ان اظلمها.
اشكرك اخي انا انتظر ردك ورد الاخرين اشكركم مسبقا:shay:

إضغط للتوسيع...

يسعد مساك أختي i-o:

مممممم

صح ختي راني عاود قريت وقريت ...وراني نفهم من هدرتك هذا الشخص راو ناوي على أنه يكون إن شاء الله إدا كتب ربي زوجك المستقبلي

لكن مهلا دعينا نكن واقعييين ... عاودي أقراي واش كتبت نت بالأحمر يعني ممممم كلام مناقض الروحو

هو منا يقلك هك ومنا راو كيما تقولي نت خفيف شوي

وهدي لخفيف عندها عدة وجوه يعني ممكن تكون ؟؟؟؟؟؟

تبعيني تشوفي
أختي الكريمة أان مانحبش نحطك في موقف محرج ولا شيء ..لكني حاب نفهم ونفهمك وماذبيا إلا الندم مانحبوهش عندنا

وزيد في قموسك لا زم تحطي أول حاجة بخط يسمو على كل العناوين ***مكتوب الله *** أي كل شيء بالمكتوب

أختيي الكريمة أان لا أعرف هذا الشخص على بيها كل شيء راني ندي فيه من هدرتك


أان خايف من جهة ... ودخلني الشك

دعينا نطرح بعض الأسئلة :

لماذا أنت وليس غيرك من الشابات..؟؟

مالمميز فيك ...؟؟

لماذا يعاملك بطريقة إستثنائية ...؟؟

إذا كان حقا يريدك زوجة مستقبل لما يتجنب الحديث معك كثيرا بينما الأخريات لا... |؟؟

أيعقل أن شخصا مثله خفيف دم ...يفكر بي أنا التي أبدا لست نشيطة ..؟؟

كيف حتى وصل لي هذا الرجل...؟؟؟

وأهم سؤال نحبك تجاوبيني عليه:

من هو أقرب صديق إليه ...؟؟ تعرفيه ولالا ....؟؟؟

ممكن ثرثار شوي

لكن مانحبش نعطي قراري قبل مانعرف كل شيء

ونتمنى مانكونش قلقتك

ونزيد نحب نسقسيك

نت قلت راكي والحمد لله متحجبة وهو يقلك الحجاب ثم الحجاب ...يعني راو يحبك الديري النقاب ولالا...؟؟؟

لي عودة
:re_gards:


​

قال abd40w:

يسعد مساك أختي i-o:​

مممممم ​

صح ختي راني عاود قريت وقريت ...وراني نفهم من هدرتك هذا الشخص راو ناوي على أنه يكون إن شاء الله إدا كتب ربي زوجك المستقبلي ​

لكن مهلا دعينا نكن واقعييين ... عاودي أقراي واش كتبت نت بالأحمر يعني ممممم كلام مناقض الروحو
انا كنت نشوف هاد الحاجة فيه سقسيتو نهار جا هدر معايا قلتلو انت تبان خفيف سورتو كي قالي دارهم متدينين قالي المظهر خداع صح نبانلك خفيف لكن كي تقربي ليا وتعرفيني مليح تكتشفي العكس تماما​

هو منا يقلك هك ومنا راو كيما تقولي نت خفيف شوي ​

وهدي لخفيف عندها عدة وجوه يعني ممكن تكون ؟؟؟؟؟؟
خفيف ليس قصدي بالمفهوم السالب اي انه لديه زميلات في الجامعة والناس كامل يحبوه لخفة دمو لكن كي نشوفو يهدر معاهم يقصر عادي لكن كي يجي لعندي مايهدرش بزاف يحشم بزاف مني ويتوتر ويقولي امبعد ويروح انا صحبتي المقربة قالتلي مايحبش يبين انو ضعيف امامك نحكيلك حاجة هادي صديقتي المقربة كنا قاعدين فالجامعة جا ليها واحد يخدم فالجامعة حاب يهدر معاها راحت هدرت معاه وطلب رقمها الهاتفي وقاللها راني ناويك للحلال لكنها ترددت في دلك هدرت معاه للمرة الثانية وكنت معاها جا ليا وقالي ارواحي كي شافت صحبتي هاد التصرف خلاتو وجات قعدت معانا وسقساتو عن هاد التصرف قاللها منين تعرفيه قالتلو هو جاهدر معايا قاللها هل وعدك بالزواج صديقتي سكتت قاللها ماعليش ماجاوبينيش لكنك لست الاولى التي يعدها بالزواج يفعل هدا ليوقع بالبنات فسمعت كلامه مازادتش هدرت مع دلك الانسان وبعد اسبوع لقيناه مع وحدة اخرى قاللها شفت ماكونتش حابك تروحي للهلاك راكي كي اختي كيما نخاف على اسيا نخاف عليك
مارايك في هدا التصرف اخي​

تبعيني تشوفي
أختي الكريمة أان مانحبش نحطك في موقف محرج ولا شيء ..لكني حاب نفهم ونفهمك وماذبيا إلا الندم مانحبوهش عندنا ​

وزيد في قموسك لا زم تحطي أول حاجة بخط يسمو على كل العناوين ***مكتوب الله *** أي كل شيء بالمكتوب
صح هاد الحاجة عندك الحق فيها​

أختيي الكريمة أان لا أعرف هذا الشخص على بيها كل شيء راني ندي فيه من هدرتك ​

أان خايف من جهة ... ودخلني الشك ​

دعينا نطرح بعض الأسئلة :​

لماذا أنت وليس غيرك من الشابات..؟؟
سالتو هاد السؤال من قبل قالي البنات الاخريات مايهمونيش قالي هوما كزميلات ويجي نهار وين مانزيدش نشوفهم لكن انت لازم نوزن كل كلمة نقولهالك ​

مالمميز فيك ...؟؟
لا ادري بالضبط لكن بطبعي نحشم بزاف ومانخالطش البنات اللي يعرفهم هو عندهم اصدقاء كثر في الجامعة لكن انا لا قالي هاد الحاجة شدتني ليك ​

لماذا يعاملك بطريقة إستثنائية ...؟؟
قالي انا راني ناوي معاك حاجة في المستقبل كي نقولو لمادا انا يقولي القلب كي يحب مايشاورش​

إذا كان حقا يريدك زوجة مستقبل لما يتجنب الحديث معك كثيرا بينما الأخريات لا... |؟؟
لانه يحشم مني بزاف هادي بشهادتي انا اللي شفتها غير يجي ليا يتقلق وما يقدرش يحكم مكان عينيه مايرفدهومش فيا ​

أيعقل أن شخصا مثله خفيف دم ...يفكر بي أنا التي أبدا لست نشيطة ..؟؟
لا اخي صح انا ثقيلة مع زملائي ومانخالطش لكن انا اكثر منو نقصر ونضحك وخفيفة دم بزاف لكن في الحدود​

كيف حتى وصل لي هذا الرجل...؟؟؟
لا ادري ............​

وأهم سؤال نحبك تجاوبيني عليه:​

من هو أقرب صديق إليه ...؟؟ تعرفيه ولالا ....؟؟؟
نعم صديقه المقرب اعرفه هو يدرس معنا في الجامعة لكن في اختصاص اخر هو انسان رائع ومربي وخفيف الدم في ان واحد وعاقل بشهادة الجميع انا هدا اللي خلاني نتمسك فيه صح عندو زملاء في الجامعة خفاف شوية كي نقولو عليهم يقولي ماشي كل واحد نقصر معاه هو صديق يقولي عندي واحد صديقي واخي وهو اللي دكرتو من قبل يروح ليه للدار ويعرف دارهم ووو ​

ممكن ثرثار شوي ​

لكن مانحبش نعطي قراري قبل مانعرف كل شيء ​

ونتمنى مانكونش قلقتك
لالا خويا خود راحتك​

ونزيد نحب نسقسيك ​

نت قلت راكي والحمد لله متحجبة وهو يقلك الحجاب ثم الحجاب ...يعني راو يحبك الديري النقاب ولالا...؟؟؟
لا ليس النقاب بل الحجاب الشرعي انا دايرة حجاب ماشي مطبق اي سروال وليكات كي يشوفني مثلا شريت ليكات جديدة يقولي علاش ماديريهش طويل ويقولي الحجاب بالسروال يبان ماشي حجاب لازم اطبقيه كيما قال الشرع يقولي هدا شرط من شروط قبولي الزواج بوحدة ونزيدلك حاجة دارهم متحفظين مايقبلوش واحدة غير متحجبة فهوشرط لازم وكدلك سقساني هل انا مطبقاتو فالدار اي كي يجي واحد اجنبي مثلا ابن عمي او ابن عمتي قوتلو لالا قالي ادا راكي حابة تكوني معايا لازم اطبقيه في البيت كدلك وكما تعرف رانا في فصل الصيف ويامات البحر انا من اللي يروحو للبحر ويعومو لكن بدون خلعه طبعا كي شافني نروح للبحر بدا يسقسيني كيفاش نعوم فقولتلو كيما يعومو كامل الناس قالي ان شاء الله برك ماراكيش اتنحيه في البحر قالي انا نشك في انك تنحيه لكن راني حاب نسمعها منك قولتلو لالا قالي هكدا نحبك​

لي عودة
:re_gards:
في انتظارك اخي واشكرك على ردك
وانا راني حاب نسقسيك بحكم انك راجل كيما هو
ماهو الداعي انه خفيف وما يخرجش معايا لمادا يخمم في سمعتي وماهمه هو في ادا هدرو فيا الناس انا نهار جا فاتحني في الموضوع بحكم انو نشوفو خفيف درت في بالي انو جا باش يطلب مني علاقة محرمة لكن صار العكس تماما
والحاجة اللي مافهمتهاش انو كي نقصر معاه يحوس يفهم بزاف عليا حاجات مثل هل نعرف نطبخ وهل راح نقدر نعيش مع امه في بيت واحد جامي قالي نحبك مباشرة ولا هدرنا في امور خارجة عن الاطار الشرعي ولا كلام معسول انا مانهدرش بالهاتف فالليل انا ضد هاد الفكرة حبيت نسييه قلتلونقدر نعيطلك فالليلي قالي انا مانهدرش فالليل كاين النهار طويل دخلت للفايسبوك ديالو بدون ان يعلم درت فبالي نلقى كارثة بحكم انو خفيف لكن العكس تماما مارايك في هده الصفات اخي........
​

إضغط للتوسيع...

قال القناص الرومانسي:

بسم الله الرحمن الرحيم​

أولا أحييك أختي على صراحتك المطلقة ​

ثانيا أنا مع الاخ abd40w كلاموا راه موزن مليح ​

وأسئلتوا في المستوى وأعطاك اجابة مقنعة ​

شوفي أختي نقلك ​

نوعية هذا الرجال شوي يمكن يكون صح ويمكن يكون غالط ​

يعني كي نحولوا العلاقة إلى معادلة رياضية ​

70بالمئة غالط وثلاثون بالمئة صحيح ​

كيما ذكرتي أختي الطيبة في كلامك واعطيتلنا تحليلات على هذا الشخص ​

راه من كلامك إنسان عادي يحب صلاته ومستقيم ولكن الشيء المتناقض هنا كيف ​

أنو يعطيك أنتي أسلوب والاخرين أسلوب وهذا هو لب الموضوع والذي شرحه الاخ abd40w ​

ولا نخطأ الضن بهذا الشخص يمكن 30 بالمئة هذه تطلع صح لأنو كل شيء وارد أختي ​

الذي أحبه منك ​

هو الاسئلة لي أعطهملك الاخ هي المفتاح الحقيقي لمشكلتك ​

وأتمنى أن تجيبينا عليها حتى نتأكد أكثر ​

أختي راه كلش بالمكتوب أما بخصوص زميلتك لا تقولي أنها صديقة لأنها لو كانت صديقتك صح ​

لا أحبت لكي الخير وساعدتك بل عملت العكس ​

لأنها تغير منك وهذا بحكي الذي حكيتي عليها ​

لهذا تجنبي نوعية هذه الاصدقاء ​

وقبل كل شيء ​

فكري بعقلك قبل قلبك راهي الدنيا وراهي فيها أسرار لا يعلمها إلا الله ​

وإن شاء الله راح تجدي الحل في اقرب وقت ​

ولي عودة أختي الطيبة ​

موفقة ​

وأشكر الاخ abd40w على إجابتو الرائعة والمقنعة ​

إضغط للتوسيع...

في انتظارك اخي واشكرك على ردك
وانا راني حاب نسقسيك بحكم انك راجل كيما هو
ماهو الداعي انه خفيف وما يخرجش معايا لمادا يخمم في سمعتي وماهمه هو في ادا هدرو فيا الناس انا نهار جا فاتحني في الموضوع بحكم انو نشوفو خفيف درت في بالي انو جا باش يطلب مني علاقة محرمة لكن صار العكس تماما
والحاجة اللي مافهمتهاش انو كي نقصر معاه يحوس يفهم بزاف عليا حاجات مثل هل نعرف نطبخ وهل راح نقدر نعيش مع امه في بيت واحد جامي قالي نحبك مباشرة ولا هدرنا في امور خارجة عن الاطار الشرعي ولا كلام معسول انا مانهدرش بالهاتف فالليل انا ضد هاد الفكرة حبيت نسييه قلتلونقدر نعيطلك فالليلي قالي انا مانهدرش فالليل كاين النهار طويل دخلت للفايسبوك ديالو بدون ان يعلم درت فبالي نلقى كارثة بحكم انو خفيف لكن العكس تماما مارايك في هده الصفات اخي........

إضغط للتوسيع...

قال القناص الرومانسي:

هذا الانسان راه صح يحبك زوجتو المستقبلية وراه يعمل معاك هكذا لأنو كيما قالت صديقتك

ما يحبش يبين ضعفوا معاك
******
ونا نقلك مزااال زيدي حوسي مليح مليح

ولا تغرك الاخلاق مهما كان

وهذا كلامي وزيدي إنتضري الاخ abd40w

يمكن يزيد يعطيك معلومات وإن شاء الله تخرجي بنتيجة


وربي يوفقك

وراني متبع موضوعك إلى نهاية

أي استفسار خوك موجود على طووول

تقبلي شكري وتقديري

​

​

إضغط للتوسيع...