قلب اللوز

صح رمضانكم تصوموا بالصحه ولهنا
ربي يقبل صيامكم وقيامكم
لبنات الله يحفظكم الللي تعرف طريقة تحضير قلب الللوز تكتبهالي وتكون مجربه
:tears::tears:راني نستنى فيكم :sheer:

اولا يوم من قبل تحضري الشربات:1لتر ماء+500غ سكر وتحطيه على النار يغلي لمدة 20د في نهاية الغاليان ديريلو ربع لتر ماء زهر وخليه جانيا.
1كلغ سميد متوسط+500غ سكر+رشة ملح+فاني+150غ زبدة ذايبة خلطي مليح مبعد رشي السميد بخليط ربع لتر ماء وماء زهر مخلطين وخلطيه كشغل الكسكس وغطيه وخليه يبات.
غدوة من ذاك اقسمي الخليط الى 2 نصف ديريه في صينية مدهونة ثم ديري فوقه كمية من الكوكاو او اللوز المرحي ثم غطيه بالسميد ثم قطعيه مربعات وكل مربع ديري فيه حبة لوز وديريه في فرن ساخن 200درجة وخليه حتى يحمار مليح خرجيه وسقيه بالشربات وعاودي حطيه في فرن ساخن بصح مطفئ لبضع دقائق وخليه يبرد مليح وقطعيه.
تحبي ديري السميد طول طبقة وحدة بلا حشوة.