تابعونا عبر Facebook
تابعونا عبر Twitter
تسجيل عضوية جديدة
إستعادة كلمة المرور


الملاحظات

صـحّ فـطـوركـم { كـوزينة جـزائـرية } هنا مـطبخك سيدتـي أبـدعي على مـائدة رمـضـان وكـوني مميـزة .


والله قلب اللوز حقيقي لي حاب يصنعو فالبيت وبطريقة سهلة جداوبالصورا

13-08-2011, 00:00
:: عضو مشارك ::
تاريخ الإنضمام: 08-08-2009
الإقامة: الجزائر - تيارت
العمر: 25 - 30
نقاط السمعة: 656
المشاركات: 327
#1
والله قلب اللوز حقيقي لي حاب يصنعو فالبيت وبطريقة سهلة جداوبالصورا
السلام عليكم ورحمة الله وبركاته
كيفكم حبيباتي واخواتي ماحلى لمتكم وجمعتكم الحلوة صحا كامل فطوركم وصحا سحوركم heer:heer:heer:

انا كنت نتصفح فالنت ولقيت وجرت بزاف مرات طريقة صنع قلب اللوز بكل الخطوات بصح منجحش adwalk:adwalk:adwalk:
لكن في احد المنتديات الجزائرية قيت طريقة مولاتها تحلف وتعاود بلي جاها هايل ولقيت بزاف اللي دارو تطبيقاتهم ونجحلهم 100/100
وانا وحدة منهم لذا قررت مانبخلش على خواتاتي وحتى لي جون اللي راهم حابين يبيعو قلب اللوز نعطيكم الطريقة والله ولا فالاحلامhiny:hiny:
اليكم المقادير : 3 كيلات سميد خشن (انا مولفة ندير عبر كاس الماء)
2 كيلات سكر
1 كيلة ماء زهر (احسن نوعية لي كاين مارك واسمو نونورس او الزاينة ارجوكم ركزو على نوعية ماء الزهر هي الاساس)
قرصة بين الاصابع ملح (هاذي اضافة من عندي باه ماتجيش سامطة )
الشربات :2.1/2كيلات ماء 1/2 كيلة ماء الزهر 1 كيلة سكر
العجينة :نخلط كل مقادير العجينة مع بعض بدون عجن خلطي بصباعك برك قد ما تشمخي كامل السميد في هادي اللحظة حضري صينية ماتكونش كبيرة وماتكونش صغيرة بزاف متوسطة بايدك ادهنيها بالزبدة مالازمش تكون ذائبة ثم فرغي المحتوى اللي خلطتيه في الصينية وحاولي تسوي الصينية بلا ماتضغطي بيدك على العجينة هي بروحها تمشي لانها رح تكون جارية شوية غطيها بمنديل وتركيها على راحتها باه السميد يتشرب الماء والمازهر
اما تخلطي الخليط فالليل وتطيبيه فالصباح واما تخلطيه الصباح وتطيبيه فالليل من الاحسن تديريه فالليل وتطيبيه الصباح علابالي مش رح تصبرو عليه باه تذوقوه وماتنسايش بلي راكي كي تديريلو اشاربات الصباح رح تخليه تاني يرتاح باه يشرب اشربات
فالصباح كي تنوضي اشعلي الفور انتاعك حتى يسخن وفداك الوقت قطعي قلب اللوز على شكل مربعات وزينيه باللوز ولا كوكاو
اذيبي 2 ملاعق اكل زبدة وسقيه بيها باه تعطيلو اللون الاحمر (هاذي صورة قبل مايدخل الفرن)
دخلي قلب اللوز الفور وطفي الفوقاني لما يحمار من الجوانب طفي التحتاني اشعلي عليه من الفوق باه يتحمر مليح لازم يكون لون انتاعو كامل بني اخرجيه من الفور مباشرة سقيه بالشاربات اللي تكون باردة :o_o: كيفاش تكون باردة وهو حامي اتركيه يتشرب الشربات شي ساعة ونص اواكثر كيما حبيتي

فيما يخص الشربات :
ضعي المقادير على النار ومن لما يبدى يغلي احسبي 5 دقائق :o_o:ركزي:o_o: قلت 5 دقائق :o_o: وطفي عليه اتركيه يبر د ومن بعد سقي بيه لما طلعي الصينية من الفرن
وهادي بعد ماطاب وتشرب اشربات

تبعو خطواتي واللي تنجحلها تدعيلي والله انا جربتها والله حاتا اداوسنا عليه والسنيوة كملت في نهارها
عذرا على الشرح المفصل بصح هادا هو طبعي استاذة لازم نفهم مليح ونبسط المعلومة ههههههههه
شهية طيبة وردولي الخبر
عفاف الجزائرية نتمنى ختي كون غير تسييه وترديلي الخبر هاد رجائي عندك
الصور المصغرة للصور المرفقة
dsc00014.jpg   dsc00015.jpg  
ام ابتسام معجب بهذا.
13-08-2011, 13:19
:: عضو متميز ::
تاريخ الإنضمام: 19-05-2010
الإقامة: السعودية
العمر: ( غير محدد )
نقاط السمعة: 123
المشاركات: 591
#2
مممممم يشهي
يعطيك الصحة ختي
بارك الله فيك
13-08-2011, 13:30
:: عضو فعال ::
تاريخ الإنضمام: 02-04-2010
الإقامة: الجزائر - سطيف
العمر: ( غير محدد )
نقاط السمعة: 456
المشاركات: 2,805
#3
اممممممممممممممممممممممم
جاري التجريب
13-08-2011, 14:41
:: عضو شرفي ::
تاريخ الإنضمام: 08-08-2009
الإقامة: الجزائر - الجزائر
العمر: ( غير محدد )
نقاط السمعة: 1159
المشاركات: 7,864
#4
اخت حبيت نسقسيك مافيهش زبدة فلعجين
شكرا
13-08-2011, 15:01
:: مراقبة عامة ::
تاريخ الإنضمام: 22-03-2009
الإقامة: الجزائر العاصمة
العمر: غير محدد.
نقاط السمعة: 2665
المشاركات: 9,154
#5
نجربها الا كتب ربي ان شاء الله
يعطيك الصحة
فكلما طهر القلب رق فاذا رق راق،، وإذا راق ذاق وإذا ذاق فاق ،،وإذا فاق اشتاق،، وإذا اشتاق اجتهد،، وإذا اجتهد هبت عليه نسائم الجنة
اللهم اجعلنا من الذاكرين لك دائما وأمتنا على قول لا اله الا الله وتوفنا وأنت راض عنا
13-08-2011, 15:19
:: عضو منتسب ::
تاريخ الإنضمام: 12-08-2011
نقاط السمعة: 11
المشاركات: 26
#6
راه ايبان اشباب والله اعلم المهم يعطيك الصحة على المجهود انتاعك
13-08-2011, 15:30
:: عضو مشارك ::
تاريخ الإنضمام: 04-08-2011
نقاط السمعة: 13
المشاركات: 214
#7
تسلم اديك أختي
ونجربها ان شاء الله
13-08-2011, 15:35
:: عضو مشارك ::
تاريخ الإنضمام: 01-04-2008
الإقامة: الجزائر - سطيف
العمر: 15 - 20
نقاط السمعة: 297
المشاركات: 335
#8
السلام عليكم
نسقسيك اختي. مانسيتيش السمن؟
انا ما ظنيتش قلب اللوز يندار بلا سمن؟
انا مالفة نديرو بصح ندير فيه 8 مغارف كبار سمن ويجيني مليح بالبزاف
13-08-2011, 15:36
:: عضو متميز ::
تاريخ الإنضمام: 15-06-2010
الإقامة: الجزائر العاصمة
العمر: مابين 25 - 30
نقاط السمعة: 3111
المشاركات: 1,226
#9
سلام ختي بارك الله فيك وربي يجازيك
بصح حبيت نسقسيك كيلة مثلا غرفية نتاع شربة

وزيد في الشاربات 1/2 كيلة تيكلي بلي كيلتي بهم السميد
ولا نص كأس ماء زهر
الشربات :2.1/2كيلات ماء 1/2 كيلة ماء الزهر 1 كيلة سكر
فهميني في هذي 2 كيلات ماء ولا 1/2
ااااه زوج كيلات ونص ياك ؟
بصح كيلتي بنفس اللي كيلتي بهم السميد ياك

شكرا مرة اخرى حنونة
ادخلوا هنا واعطوني رأيكم في الكريات السحرية
ماتنساوش ماشاء الله لاقوة الا بالله

جبتلكم انجازاتي بالكريات السحرية ......روووووووعة تجنن les boole magique



13-08-2011, 15:39
:: عضو منتسب ::
تاريخ الإنضمام: 10-08-2011
الإقامة: الجزائر - المسيلة
العمر: 20 - 25
نقاط السمعة: 17
المشاركات: 64
#10
امممم باينة بنينة تشهي
لازم نجربوها... شكرا ليك

والله قلب اللوز حقيقي لي حاب يصنعو فالبيت وبطريقة سهلة جداوبالصورا


دعوة لطباخات اللمة ... اتفضلو اكتب اسمك تطلع لك الاكلة الي تحبها

أدوات الموضوع
طريقة عرض الموضوع


المواضيع المشابهة
الموضوع كاتب الموضوع المنتدى المشاركات آخر مشاركة
كوكا بالطون وبطريقة جديدة من مطبخي nada242008 وصفات السندويشات والمعجنات والمخبوزات الحصرية والمجربة 62 19-10-2013 18:29
أجور خيالية لأعمال سهلة والله تستاهل الدخول joker-17 ركن الفقـه والعقيدة والتشريع الإسلامي 2 14-08-2011 16:19
درسي الجديد (القص وبطريقة احترافية ) درس جميل H o c i n e ركـن التعليم دروس وشروحات التصميم 16 25-06-2010 17:18
السيارات-هما يصنعو واحنا نسمو-حتى يزيد سموه سعيد zagane منتدى واش راك تهدر 11 02-12-2008 07:19
منقول: لذوي السرعة 256أو 128 والله والله والله ستكون سريعة جداا akramoss3 منتدى أخبار التقنية ومواقع الانترنت 9 26-11-2007 19:19


الساعة معتمدة بتوقيت جرينتش +1. الساعة الآن: 11:22.
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتدى اللمة الجزائرية ولا نتحمل أي مسؤولية حيال ذلك (ويتحمل كاتبها مسؤولية النشر).