كل مانطيب قاطو يخرج قاسح علالالالالالالاش

L

la flèche

:: عضو منتسِب ::
إنضم
17 أوت 2010
المشاركات
50
نقاط التفاعل
0
النقاط
2
السلام عليكم

شوفو اخواتي
انا نحب القاطو بصح لابليباغ تاع لي غوسات اللي نطبقهم
يطلعوا قاسحيم بزاف :sadwalk::sadwalk:
اضربيها على الحيط تولي :eek:_o:
راني حابة نفهم واش هوما المكونات اللي ادا زدنا
وللا نقصنا فيهم يديرو المشكل العويص هدا :rolleyes:
ردو علياااااااااااااا راني رايحة نطيب قاطو دركى و خايفة نوقع في نفس المشكلة :angel:
​
 
صح فطورك حبيبتي​
خلي ثقتك بنفسك كبيرة و نصيحة مني اذا ما جربتيش في بيت باباك و تعلمتي رح تكوني دائما هايبة
ننصحك اختي استخدمي المقادير الموجودة عندك بالوصفة و استخدمي الفرينة حسب الحاجة ما تكثريش حتى ما تيبسش
و زيد هنا في منتدى اللمة هناك العديد من الوصفات المجربة من قبل الاخوات في المنتدى يالمراحل يعني حاجة مضمونة جربي منها احسن
و ربي يوفقك حبيبتي و صح سحورك​
 
الله يسلمك حنونة
شكرا على التشجيع و النصائح الطيبة
راح نعمل بيهم طبعا
صحه سحورك و مغسي بزااااااف على الرد
 
صح فطوركم انا ننصحك متنقصي وما تريدي في المقادير كاين في بعض الاحيان وين تكون الفرينة معندهاش العلكة اي ما تشربش اليدام بصح ماشي لازم انكثر الفرينة او البيض خاطراش ميم البياض البيض ييبس الحلوي في بعض الحلاويات وانا نتمنالك النجاح في حلوة العيد لهد العام

تقبلي تحياتي​
 
مغسي نسرين على النصائح
شرفتيني بمرورك و اسعدتيني بردك
 
سلامي اختي حبيت ننصحك على الفرينة ما تكثريش منها خلي العجينة مبسة ورديلنا بالخبر
 
ان شاء الله
يعطيك الصحة أم ايناس وصح فطورك
 
نصيحة مني اختي متكتريش الفر ينة بزاف واستعلملي نوعية سيم
واضيفي الى مكوناتك المايزينة راهي ترجع القاطو هشيش
وحتى صفار البيض مليح
و استعملي زبدة صول راهي هايلة

وربي يوفقك
 
أختي كتري المـــــــــــــــــــــايزينة
حتى أنــــــــــــــــــــا كــــــــــان يجيني يـــــــــــابس و مش مستـــــــــــــوي مي كي وليت نكتر المــــــــــــــــــــــايزينة
ولا يجي مليح

و صح عيدكم
 
شوفي حبيبتي
باش يخرجلك القاطو ميش ميش
عليك بالتالي :
1/ عليك أن تطبقي الوصفة كما هي لا زيادة و لا نقصان
2/ عليك ألا تضيفي الفرينة كثيرا يعني يجب أن تبقى العجينة طرية
3/ البيض أحد أهم الأسباب الي تخلي القاطو قاسح
4/ ضرورة تعديل درجة حرارة الفرن عند طهو الحلوى
5/ و أخيرا لما نطهى الحلوى أتركيها تبرد جيدا ثم ضعيها في إناء و غطيها جيدا حتى لا يتسرب إليها الهواء راح تتبقى طرية و هشة
هذه نصائح مجربة و ان شا ءلله تنجح لك الوصفات المقبلة ​
 
نصيحة مني البياض صح يبس ما تكتريش منوا مام الفرينة بزاف لازم تحترمي الكمية ودوك الوسيلة اللي كامل تنجحنا في الحلوا الخفيفة واللي تدوب في الفم المايزيييييينة والله تجعل الحلوى خفيفة وتزعفيش كامل كنا في المرةا لاولى تجينا لحلوا قاسحة ومتاكدة رايحا تتعلمي وندوقوا القاطو ديالك تحياتي
 
قال فرح الجزائرية:
نصيحة مني اختي متكتريش الفر ينة بزاف واستعلملي نوعية سيم
واضيفي الى مكوناتك المايزينة راهي ترجع القاطو هشيش
وحتى صفار البيض مليح
و استعملي زبدة صول راهي هايلة

وربي يوفقك
إضغط للتوسيع...
راهي الاخت كفات و و فات سيرتو صول و صفار البيض
و تاني اتبعي الخطوات تاع الوصفة نشان
 
sa7a ftoorek okhti ana 3la 7ad 3elmi le gateau ki tkakhrileh le sucre yji 9ase7 diri 3la 7seb la ressete
 
السلام اعليكم شوفي اختي هذ الخطرة الفرينة ما جاتش امليحة انا درت سيم بصح ماتشربش ليدام بزاف مام اللي دارو الحلوة قالولي الفرينة ناشفة و نحذرك من الوصفات انا جربت وصفة جديدة زعمة تاع جاراك امسكر جاني صفة واعجب-مبسس-كى لغريبية ودرتو باللوز امبعد درت الوصفة اللي امالفين انديروها جاني هايل والله مكان كيما وصفات ازمان و بلاكي اديري على الوصفات تاع المذياع نصيحة مني
 
و نصيحة مني ايضا اختى وصفات السابليه ولا الحلوى تاع الفرينة باه تجيك طرية ما تعجنيش بزاف بالذات الا فيها الزبدة مليح غي لمي برك و خلي يريح بالثلاجة لأنو الا عجنتي بزاف راه ييبسلك .
 
ماتكثريش اختي من الفرينة وكثري من النشاء​
 
سلام اختي هاد مشكل صغير ..انت راكي تكثري الفرينة وعلى هاذى راهو يخرجلك قاسح .ديري على حساب الحاجة برك
 
قال حنين العمر:
صح فطورك حبيبتي​
خلي ثقتك بنفسك كبيرة و نصيحة مني اذا ما جربتيش في بيت باباك و تعلمتي رح تكوني دائما هايبة
ننصحك اختي استخدمي المقادير الموجودة عندك بالوصفة و استخدمي الفرينة حسب الحاجة ما تكثريش حتى ما تيبسش
و زيد هنا في منتدى اللمة هناك العديد من الوصفات المجربة من قبل الاخوات في المنتدى يالمراحل يعني حاجة مضمونة جربي منها احسن
و ربي يوفقك حبيبتي و صح سحورك​
إضغط للتوسيع...
نعم صدقتي اختي انا شخصيا ما نكدبش عليك خاطيني كوزينة وعمري ما درت قاطو بصح هاد ليامات جربت وصفات من المنتدى وخرجولي روعة
 
اذا زدنا من كمية السكر تيبس الحلوى اذا مضعتي مزيج منالسمن والزيت تنجح الحلوى
 
استعملي بدل المارغرين زبدة
لان المارغرين نصفها ماء و بذلك يجي القاطو يابس
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top