طلب مساعدة من الخبيرات في صنع الحلويات التقليدية

Chakib Developpeur

:: عضو منتسِب ::
إنضم
30 جويلية 2011
المشاركات
52
نقاط التفاعل
1
النقاط
3
تحياتي لكل الأخوات
عندي مشكل في تحضير أي حلوى فيها زبدة ذائبة ثم كمية من الماء مثل التشاراك و لعرايش نقاش ....
المشكل هو إضافة الماء بالطريقة الصحيحة حتى تبقى العجينة مبسسة و ماترجعش élastique
الي عندها التقنية لإضافة الماء بالطريقة الصحيحة أرجو إفادتي
و جزاها الله خيرا
 
شوفي اختي باش متتعلكش لعجينة ما تعجنيهاشدير العبار كيما عندك الفرينة+الزبدة الذائبة وبسيها امليح مابين يديك ثم ضيفيلها ماء الزهر غير بالشوية بلا ما تعجنيها كي تشوفيها اتلمت غطيها بكيس بلاستيكي شفاف وخليها ترتاح لمدة ربع ساعة امبعد اخدمي الحلوة اتاعكوكي تخدمي العرايش ماتخذيش العجينة بزاف خوذي غير شويةباش مايبقاولكش الاطراف هذةك هوما اللي يتعلكو ما تنساينيش بالدعاء الصالح
 
ربي يحفظك ويعطيك ما تتمناي على الرد كنت فقدت الامل باش ترد عليا شى اخت ولكن اخةى رانى عارف
الشى اللى قلتيه و رغم هدا نوقع فى نفس المشكل خاصة ادا كانت الكمية كبيرة
 
مرحبا اختي ا بخصوص العجينة تاع الحلوى كما التشاراك و العرايش الغلطة هي انك تعجنيها حتى لو الوصفة تقول هاكا جيبي الفرينة و ديري في الوسط حفرة و حطي ليدام قبل و افركهيم بين صباعتيك و راحة اليد حتى يدخل ليدام في الفرينة و تشربو مليح اومبعد حطي الماء ولا ماء زهر باه تلم العجين و زيدي الماء غي بشوية رش برك و لمي بيدك ما تعجنيش و ما تزيريش على العجينة كي تشوفي العجينة تلمتلك خلاص كوريها حطيها في ساشي و لا غطيها و خليها تريح قبل ما تبداي تخدمي بيها ان شاء الله تنجحلك العجينة في المرة الجاية المهم تخدمي براحتك و تاخذي وقتك باه تعطي النتيجة حقها.
 
آخر تعديل:
كيمـآ التشـآرآك والبقلآوة و غيرهـآ
لآزم تحط العبآر تآع الفرينة
مثلآ في التشـآرآك تحط ثلآث عبآر فرينة وتعمل في وسطهم حفرة تحط فيهـآ الزبدة الذآئبة وتكون الزبدة دآفئة مـآشي سخونة بزآآآآآآآآف تخليها تدفى

تحبك بيدكـ مليح مليح باش يدخلو ليدآم( الزبدة الذآئبة) مليح فالفرينة
ومبعد جيب اناء حط فيه نص ماء + نص ماء زهر وخلطهم
( لأنو الماء الزهر وحدو يخلي العجينة يابسة، دآيْمـًآ خلطهم )
وبدا ترش وتلم في العجينة ،
ما تسكبهش ضربة وحدة ،
غير بالرشة حتى تطرا العجينة وتتلم وحدهـآ
ومبعد ديرها في ساشي وخليها تريح وحد الربع ساعة ولا عشر دقائق وخدم بيها .
 
الله يبارك فيكم يااخواتى العزيزات و يعطيكم ما تتمناو مشكلتى فقط فى كيفية ادخال كمية الماء اللازمة بدون ما نخسر لها التبساس انتاعها كنت نظن بلى فيه اسرار او تقنيات خاصة بالخبيرات شكرا رانى نحاول نطبق نضاءحكن الله يخليكم و شكرا
 
اختي لمي لعجينة نتاعك برك بلا ماتعجنيها
انا العيد هاذا درت تشاراك جا هايل والله كامل عجبهم​
 
تبارك الله على شطارت بنات بلادى فى الاسوع القادم انشاء الله نعمل العرايش ونخبركم بالنتيجة
 
اختي الكريمة بالا تولي لمواضيعك وتقراي ردي
المشكل راه في نوع الفرينة توجد لانواع الخبز وهي اللي فيها العلك وتجيك الاستيك
والاخرى تاع الحلويات وافضل نوع انا نستعملو سيم او لابل
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top