- إنضم
- 12 جويلية 2008
- المشاركات
- 1,476
- نقاط التفاعل
- 3
- النقاط
- 77
السلام عليكم و رحمة الله تعالى و بركاته
بسم الله الرحمان الرحيم
آسفة آسفة آسفـــه على التأخيـــر ، طلبتو مني الوصفة والله غالب الظروف ما ساعدتنيش باه ندير الموضوع
اليوم قلت لازم نديرو :shiny:
نهار درتها ما صورتش الخطوات ،حاولت نزيد نحضرها و نصور لكن ما قدرتش
ماعليش جبتلكم البديــل ~
نبداو بالمقاديــــر :
العجينة : ( نفسها عجينة البقلاوة كامل تعرفوها )
3كيلات فرينة بكيلة سمن + ماء الزهر
الحشو : 3 كيلات كاوكاو بكيلة سكر + حبة بيض
التزيين : عسل ، جزيئات لماعة وبريو
طريقــــة التحضير :
العجينة طبعا ساهلة ، الفرينة + السمن الذائب و تجمعوها بماء الزهر
و تعجنوها بيان و تخلوها ترتاح
آبري تفردوها بالماشينة و تشدو طابع دائري و تقطعو دوائر قطرها تقريبا 7 سم او 8
على حساب لي مول دياولكم
هاذي صورة لي مول لي استعملتهم انا :
من المستحسن ديرو زوج دوائر فالمول ولا كيما حبيتو
مبعد تحضرو الحشو
تخلطو الكاوكاو ولا اللوز يلا حبيتو مع السكر و حبة البيض و كملو بماء الزهر
و احشو النجمات
درك جا وقت التزيين ،
من نفس العجينة قطعو دوائر صغيرة و تبعو الخطوات الموضحة فالصور :
مثلت بالورق :shiny: المهم تفهمو هههه
مبعد
مبعد هكا
و مبعد لصقوهم فوق الحشو ، استعملو موس باش تثبتوهم مليح
و اخدمو بعقلكم و عقلكم بعقلو
كي تكملو دخلوها الفرن
و كي تشوفوها طابت نحوها و اغطسوها فالعسيلة
و زينوها بالبريو
~
~
~
~
~
~
~
~
~
~
~
~
~
~
~
و هذا الشكل النهائـــــــــــــــي :showoff:
أقرب ~
ان شاء الله تجربوها و تنجحلكم ، لمزيد من المعلومات أنا في الخدمة :shiny:
و لي تجربها تصورها و توريهالي
بصحتكم البنات ،،،،
سلآم
آخر تعديل:
