إستفسار حول المقروض

السلام عليكم ورحمة الله وبركاته أخواتي حبيت نسألكم على المقروض إلي يجي فيه البيض من الداخل وكذلك خميرة الحلويات مرة عملاتو السيدة خديجة جكون في حصة صباح الخير وجا هايل لكن ماكتبتش الوصفة خلطت السميد مع الفرينة وقالت كي تقلوه ماتقلبوهش لازم الزيت يكون غزير باش الحبة تطيب كامل في وقت واحد وكذلك قالت لازم يطيب على نار متوسطة ماتهفتيش بزاف للنار
وعندي إستفسار آخر حول عقدةالفرينة إلي يديروها في المقروض بدل التمر أواللوز شكون إلي جربتها ؟
وهذي طريقتها نحمصو رطل فرينة على النار وعندما تبرد نظيفولها 2 ملاعق زبدة و2 ملاعق عسل والقرفة والكبابة والقرنفل مطحونين مع بعض ندو منهم ملعقة صغيرة و2 ملاعق ماء الزهر ونشكلوها حرابيش ونديروها في المقروض انا سمعتها في إذاعةتيارت من عند الطباخة السيدة بيفود