" Alors On Dance " دارت حالة فى المساجد

Jagwar

:: عضو بارز ::
أحباب اللمة
إنضم
16 مارس 2009
المشاركات
6,044
نقاط التفاعل
15
النقاط
317
76549427ux3ad3.gif



193776983.png



508010871.png

837450913.png



76549427ux3ad3.gif



بعد مدة من الغياب الاضطرارى " أسامة الجاغوار " يعود اليكم من جديد
ليضرب بيد من حديد " حيوه يا أولاد " :shiny:
صافى لونتون ما كتبتش فى المنتدى هذا تقريب عام و لا أكثر :um_sh:
و اليوم رانى جيت شوية مقلق من وحد العادة :cra_zy:
ولا خلينا نقولو قلة حياء و لا مبالاة عندنا

ندخلو فى صلب الموضوع بدون مقدمات مملة :schmoll:

أول شيء يقابلنا فى الباب تاع المسجد (( رجاءا اغلقو الهواتف النقالة ))
يعنى بيت المولى سبحانه و تعالى و نزيدو نترجاوهم ، معليش ماشى خسارة فى العربى :eek:i-o:

يدخل الواحد يصلى تحية المسجد و لى قدامو راه يحكى فى البورتابل :sneaky2:
تسهى فى الصلاة و تخرج من التركيز تاعك ، لا علينا نبعدو عليه و نعاودو الصلاة من جديد :du_nno:

السبورة الالكترونية لأوقات الصلوات زادو فيها اغلقوا الهواتف من فضلكم
فى كل زاوية من زوايا المسجد لافتة عملاقة احترمو المسجد و أغلقو هواتفكم النقالة
الامام قبل ان يقيم الصلاة ينوه و يأكد ، اغلقو الهواتف جازاكم الله خيرا

و قامت الصلاة و خيم السكون فى المسجد
و فجأة
Alors On Dance
غريبة طبعا بصح الأكثر غرابة فى الأمر أنو السيد لى صون عندو البورتابل توقف عن الصلاة
و خبر المتصل بيه يعاودلو من بعد على خاطر راه يصلى و من بعد كمل سجد نورمال :scared:
و الله يا خاوتى ما نزيد عليكم حرف هاذا واش صار
طبعا السيد هذا بعد الصلاة نال جزاء و قدر كبير من الانتقادات و كاين لى وصل بيه الامر و دخل معاه فى مشادات كلامية ( الله يغفر و يهدى الجميع )

هذا ماشى عيب ؟ يعنى واحد يذكر و يخشع لمولاه و الآخر عكس التيار !!!
واش الزمان هذا لى رانا عايشين فيه ، واش فيها كى الانسان يغلق الهاتف تاعو 10 دقايق و لا ربع ساعة :glare:
راح يغرقو السفن تاعو لوكان يغلق البورتابل ؟

الله يهدى الجميع ، قولو آمين


نروحو للجزء الثانى تاع الموضوع



مصلى النساء


فى صلاة الجمعة الماضية ، و قبل ما تقوم الصلاة يعنى فى الدرس
تدخل واحد من القائمين على المسجد و همس فى أذن الامام

الامام بحكم أنه ما يقدرش يدخل للمصلى تاع النساء تكلم فى الميكروفون و قال
" يرجى من الأخوات فى المصلى النسائى الالتزام بالصمت "
على خاطر جاتو شكوة من عند احدى الأخوات لى مكلفة بالمدرسة النسائية
و متطوعة فى تسيير المصلى النسائى بالضجيج لى يعملو فيه النسوة

معروف من نهار خلقت الدنيا بلى النساء ما يتحكموش فى لسانهم
يعنى تلقاهم فى الأعراس يتكلمو فى الحافلة يقرضو ، فى السوق يقرعجو ... الخ
بصح كى وصلت الأمور هاذى فى المسجد ما بقاتش هدرة

سبحان الله العظيم يا حواء أنتى جاية تصلى و لا جاية تحكى على واش طيبتى و واش قالت جارتك
و واش عملت الكنة و و و ... الخ
أمور كيما هاذى أصلا ماشى مليحة فما بالك فى بيت ربى

أكيد كاينة ناس خاشعة فى الصلاة و لا مركزة مع الدرس
و لى قاعدة تقرعج و طارحة لسانها تشوش عليهم
هذا ماشى حرام هذا ؟؟!!


أكيد أنتوما تانى سمعتو على ظاهرة من هذا النوع
نخلولكم الدالة تناقشونا و تعطونا رأيكم على الظاهرة السيئة هاذى




آسف على الاطالة



754046239.png


:re_gards:​


لى عودة بعد قليل للنقاش معكم
 
آخر تعديل:
شكرا على اعتماد الموضوع
و اتمنى من الأعضاء لى ما يعرفونيش يعتبرونى عضو جديد و يحتاج التشجيع :shiny:


 
سلاموو

إإيييه صح كاينة في كل جامع و هادي من قلة التربية و كي النسا كي الرجال نضلو نسمعو فالإمام تاعنا قبل ما نصلو يحلل فيهم باش يكملو الصفوف و يسكتو:sad: ،
علابالك وحدة في رمضان جات وقفت قدامي و خلات الفراغ كي قلتلها قربي قاتلي ما نحملش ندغدغ :eek:_o::cra_zy: :shay: :shiny: :shiny:
و منبعد شوية بدات تسقسي شحال في عمرك تقراي وين تسكني ؟؟!!!!:cra_zy: :cra_zy: ياو تحوس تخطب :shay: :shay: :shay: :shay: :shay: :shay::scared: :scared: :eek:_o: :eek:_o:آخر صيحة الخطبة في الجوامع بين العشاء و التراويح :eek:_o:
الله يهدي برك و بلا ما نحكييو على الولاد الصغار تقول لاكريش :schmoll:
صحيت الأخ إن شاء الله يتوعاو و يترباو و يتأدبو ++
 
سلام
والله كلامك صادق 100/100
خاطر رانا كامل نصلو في المسجد ونشوفو
احيانا تقول كلي رانا في صال دي فات
يعني ميستحيش بنو ادم في عمرو +40 سنة داير اليسا واحد نانسي ولاخر قصبة ووووووووو.....
مانيش عارف واش من دين لاانا نتبعو ؟
مقدساتنا نهينو فيها وحنا نورمال!!!!!
احيانا والله نفكر كشما ربي يعطينا واحد يصنعنا حاجة
يقولوها اونتي شون ،يعني غير تقرب للمسجد تفقد الريزو اتوماتيكيا هكا والله مليحة
في لوروب دايرينها في مقدساتهم على ما اعتقد ومانيش متاكد من المعلومة ولكن على العموم مليحة
شكرا اخي وبارك الله فيك


 
آخر تعديل:
سلامو اخي جاغوار على سلامتك

شوف هذي الحالة رجعت نورمال كون نقولك مرة خويا حكانا قصة صرات فالجامع بورطابل الامام سونة في ميزك شاهية الرنة الي دايرهاظ والله داير رنة نتاع نكري العمري فالشيراطون نتاع هواري دوفان املا ماشي عجب شانقول ربي يهديناو بالمناسبة سلامنا لناس عنابة
 
سلاموو

و عليكم السلام و رحمة الله


إإيييه صح كاينة في كل جامع و هادي من قلة التربية و كي النسا كي الرجال نضلو نسمعو فالإمام تاعنا قبل ما نصلو يحلل فيهم باش يكملو الصفوف و يسكتو:sad:

يسما الظاهرة هاذى فى كل بقاع الأرض :shiny:
و كيما قلتى الايمام قريب يبكى و هو يترجى فيهم باش يريقلو رواحهم
و هوما لا حياة لمن تنادى :schmoll:

،
علابالك وحدة في رمضان جات وقفت قدامي و خلات الفراغ كي قلتلها قربي قاتلي ما نحملش ندغدغ :eek:_o::cra_zy: :shay: :shiny: :shiny:

هههههههه مليحة هاذى ، واش تحسب فيك ريشة تاع سردوك تدغدغ :shiny:
عيش تسمع و تشوف :scared:

و منبعد شوية بدات تسقسي شحال في عمرك تقراي وين تسكني ؟؟!!!!:cra_zy: :cra_zy: ياو تحوس تخطب :shay: :shay: :shay: :shay: :shay: :shay::scared: :scared: :eek:_o: :eek:_o:آخر صيحة الخطبة في الجوامع بين العشاء و التراويح :eek:_o:

هيا درك هاذى جديدة دوبل Vـى :shiny: ، شوية و تتفاهم معاك على الصوف
هذا لى محيرنى يعنى من قلة الوقت عندهم
غير فى المسجد يظهر ليهم الوقت كالسيف ان لم تقطعه قطعك
علاش ما تصبرش كى تخرج و تركز فى صلاتها و من بعد لكل حادث حديث

الله يهدي برك و بلا ما نحكييو على الولاد الصغار تقول لاكريش :schmoll:

صحيت الأخ إن شاء الله يتوعاو و يترباو و يتأدبو ++

آمين ربى يسمع منك أختى ، كيما يقولو الحاضر يبلغ الغائب بالضرر و المساوىء
تاع الظاهرة هاذى و ربى يهدينا و يرجعنا للطريق الصحيح

بارك الله فيك اختى
مرسى بزاف على المرور العطر
تحياتى

---------------------------
 
ع السلامة خويا اسامة و ان شاء الله راك بخير و يعطيك الصحة على الموضوع اللي يستحق فعلا النقاش و الله صح هدي ظاهرة مش مليحة معروفة في المجتمع تاعنا و المشكل علبالنا بلي عيب بصح الله غالب مع من راك تحكي الهدرة تدخل من ودن و تخرج من الودن التانية نورمالمو ناس رايحة لبيت ربي تكون خاشعة و تحترم البلاصة اللي راهي فيها عباد كبار و يفهمو الشي هدا ميحتاجوش وصاية و على النسا خليها لربي برك انا مصراتليش في المسجد بصح تصرالي برا و سورتو في bus يا بابا نقطع قشي نلقى مرا منعرفها متعرفني تبدا تسقسي فيا و تحكيلي قصة حياتها و انا فيا طبيعة منحبش نحكي مع الناس اللي منعرفهمش و اللي مش مداخصتهم وش نقولك يا خويا كون نبدا نحكي في هاد الموضوع راني منحبسش الله يهدي ما خلق و يعطيك الصحة مرة خلاف
 
السلام عليكم

لاهمية الموضوع+ قلبي معمر من البعاد هدوما نفرغ قلبي خير
راح نشارك

ظاهرة البورتابل الي يوصني في المسجد كرهنا منها كل مرة بابا يجي يحلكنا حكيا من زي اولي نقول نصلي في الدار خير لي
مرة واحد حاط صونري نتع كنسية نتع واحد الفيلم اسمو العراب
دا بخصة من عند الامام متفضش قريب نص ساعة وهو يحكي قبل ميصلي بيهم العشاء

اما النسا هما الي خلاوني نكره نروح للمسجد ونصلي في داري خير لي والا ندي اثم ولا بخصة من عند الامام

ايا السلام عليكم​
 
الســـــلآم عليـــــكم ...
يــآ خويــآ هدرنــآ و كرهنـــآ .. علقنــآ نصحنــآ ..
جوبونس مــآكـــآنش لي مآعــلآبــآلوش ,,
الامـــــآم هدر بالعقلية مــآفهموش .. عيط مآفهموش
هــآذا ذركـ شعب يفهم هآذآ ؟؟ طبعـــــآ مـآش الكل
[ إلا من رحم ربــــي ..
ربي يهديهم و خلاص هادا اضعب ايمــآننـآ
و النســآ يالوكــآن تصلي كل وحدة في دآرهــآ
خير من حوآيج هـآكـ ... ~

مشكور خويــآ عالموضوع و التوعية
ان شــــــآء الله تلقـــى آذآن صــآغية

 
سلام

و عليكم السلام خويا عادل


والله كلامك صادق 100/100
خاطر رانا كامل نصلو في المسجد ونشوفو
احيانا تقول كلي رانا في صال دي فات
يعني ميستحيش بنو ادم في عمرو +40 سنة داير اليسا واحد نانسي ولاخر قصبة ووووووووو.....

المشكلة ما جاتش فى اليسا و القصبة يا خويا عادل ، رانا كامل تقريبا نسمعو للموسيقى حتى لو كانت تختلف (الله يهدينا على كل حال) بصح المشكل أنو قليل من الحركة تخرج الانسان عن خشوعه ، كيما يقولك الواحد يكافح باش يخشع و لاخر يكمل علينه :shiny: ، حط اليسا حط قصبة حط حتى الهارد روك هاذيك كل واحد يتحاسب فى قبرو ، بصح ماشى فى المسجد الواحد لازم يحترم المسجد و الناس لى فى المسجد

مانيش عارف واش من دين لاانا نتبعو ؟
مقدساتنا نهينو فيها وحنا نورمال!!!!!
احيانا والله نفكر كشما ربي يعطينا واحد يصنعنا حاجة
يقولوها اونتي شون ،يعني غير تقرب للمسجد تفقد الريزو اتوماتيكيا هكا والله مليحة
في لوروب دايرينها في مقدساتهم على ما اعتقد ومانيش متاكد من المعلومة ولكن على العموم مليحة

و الله يا أخى كيما راك تقول ما بقات غير هاذى يعملوها ، رانى نقولك علقو لافتات عند باب المسجد
علقوها فى الميضة ، علقوها فى الحيط فى البلافون فى المنبر فى كل بلاصة و كى يهدرو معاهم داخلة خارجة و الله ما يليقلهم غير عفسة كيف لى حكيت عليها أنت
و الله لوكان يشوفنا الـGـاورى يشبع علينا ضحك
يقول هذا الدين لى يفتخرو بيه ما يعطوهش أهمية و ما يحترموهش كيما ينبغى

شكرا اخي وبارك الله فيك

و فيك تبارك الله يا الغالى
مرورك أسعدنى و ردك أقنعنى و أطربنى
تحياتى ليك خويا
نشوفك على خير

----------------------
 

سلامو اخي جاغوار على سلامتك

و عليكم السلام اختى شوشونة ملكة الشوشونات :shiny:
الله يسلمك أختى الغالية أهلا بيك

شوف هذي الحالة رجعت نورمال كون نقولك مرة خويا حكانا قصة صرات فالجامع بورطابل الامام سونة في ميزك شاهية الرنة الي دايرهاظ والله داير رنة نتاع نكري العمري فالشيراطون نتاع هواري دوفان املا ماشي عجب شانقول ربي يهديناو بالمناسبة سلامنا لناس عنابة

هذا ايمام داير غنية فى البورتابل :scared::scared:
الدنيا هاذى قل خيرها و الواحد ما عاد يقدر يميز بين الصالح و الطالح
اذا كان الايمام لى يعتبر قدوة و طريق سيار للوصول الى ما يرضى الله و حاط غناية فى البورتابل
هنا عقلى يفرينى ، الحق هاذى قاتلهم أسكتو :sad:
واش تحبى اختى رانا نشوفو فى شوفات الله يلطف بينا و يهدينا و يبعدنا على المعاصى و السيآت هادو

مرسى عليك بزاف أختى شوشونة على المرور العطر
تحياتى ليك و نشوفك على خير

--------------------​
 
سلام عليكم ورحمة الله تعالى لقد تطرقت الى موضوع مهم جدا واشكرا كثيرا واتمنى ان يأخد بعين الإعتبار من طرف هؤلاء الناس
 
ع السلامة خويا اسامة

الله يسلمك أختى هديل و ما أدراك مالهديل
عاش من سمع صوتك و شاف الستيلو الموV لى تكتبى بيه :shiny:

و ان شاء الله راك بخير

يسال عليك الخير و الجنة اختى ، و لله الحمد رانا فى نعمة

و يعطيك الصحة على الموضوع اللي يستحق فعلا النقاش و الله صح هدي ظاهرة مش مليحة معروفة في المجتمع تاعنا و المشكل علبالنا بلي عيب بصح الله غالب مع من راك تحكي الهدرة تدخل من ودن و تخرج من الودن التانية

ضعف الايمان هو السبب أختى
الناس هادو ممكن يشوفو فيها عادية و لا ممكن يعرفو لى ماشى مليحة بصح ماشى مقدرين العواقب تاعها و أنو واحد كى يصونى البورتابل تاعو يشتت ذهن المئات من المصليين

نورمالمو ناس رايحة لبيت ربي تكون خاشعة و تحترم البلاصة اللي راهي فيها عباد كبار و يفهمو الشي هدا ميحتاجوش وصاية

تسلم يداك اختى ، نورمالمون كيما قلتى لى رايح يصلى فى المسجد ينحى من باله
أي حاجة تلهيه على الحاجة لى راح يقضيها فى المسجد

و على النسا خليها لربي برك انا مصراتليش في المسجد بصح تصرالي برا و سورتو في bus يا بابا نقطع قشي نلقى مرا منعرفها متعرفني تبدا تسقسي فيا و تحكيلي قصة حياتها و انا فيا طبيعة منحبش نحكي مع الناس اللي منعرفهمش و اللي مش مداخصتهم وش نقولك يا خويا كون نبدا نحكي في هاد الموضوع راني منحبسش الله يهدي ما خلق و يعطيك الصحة مرة خلاف

قضية القيل و القال تاع النساء اذا كانت خارج المسجد ممكن نتقبلوها على خاطر كيما قتلك قبل هاذى نقة و ما تتنقى منهم حتان تفنى الدنيا ، المهم ما تكونش داخل المسجد
و لا راح تنعكس عليهم الحسنات لى راح يدوها فى مقابل الصلاة فى المسجد

على العموم الظاهرة تاع الهدرة بزاف عندنا النساء ماشى مليحة و نتمناوها تزول سواء فى المسجد و لا خارج المسجد

يعطيك الصحة على المرور المميز اختى هديل
مرحبا بيك مرة اخرة و تحياتى ليك
نشوفك على خير فى مواضيع و نقاشات اخرى

-------------------
 

أولا مرحبا يك أخي حتى أنا راني جديدة و نحتاج لتشجيع أيضا :shiny: ’ فيما يخص رنة البورتابلل واش نقولك هم يبكي و هم يضحك .
أما النسا حاجة أخرى , رحت مرة وحدة للجامع صدقني من التبهدايل اللي سمعتو من الإمام معاودتش وليت :sad:
عندو الحق الرسول عليه الصلاة و السلام كي نصح النسا باه يصليو في ديارهم , موفق في الرجوع
 
wlh la3andàk sàh làh yàhdi màkhlàk hada makan
 
السلام عليكم

و عليكم السلام و رحمة الله


لاهمية الموضوع+ قلبي معمر من البعاد هدوما نفرغ قلبي خير

أفرغى يا أختاه و نحن لها

راح نشارك

على بركة الله


ظاهرة البورتابل الي يوصني في المسجد كرهنا منها كل مرة بابا يجي يحلكنا حكيا من زي اولي نقول نصلي في الدار خير لي
مرة واحد حاط صونري نتع كنسية نتع واحد الفيلم اسمو العراب
دا بخصة من عند الامام متفضش قريب نص ساعة وهو يحكي قبل ميصلي بيهم العشاء

و هاي الموصيبة و الموضوع لى كنت حاب نحكى عليه ، الواحد كيما قلتى أنتى مثلا داير صونرى و ما علابالوش حتى اذا كان فيها كلام ماشى مليح و لا تاع كنيسية و لا حاجة ما ترضيش المولى سبحانه ، حنا تانى وحد الجان دخل يصلى بتريكو تاع سويسرا ( تريكو أحمر كامل و فيه صليب أبيض كبير قد جسمو فى التريكو) كى هدر معاه الايمام قالو حرام تدخل بالصليب للمسجد ، الجان هذاك جاوب على حساب فهمو و معرفتو الغالطة قالو انما الأعمال بالنيات يا الشيخ ، يسمى مقابل القبلة بالصليب هاذى ماشى عجب هاذى و هكذاك خرجوه من المسجد قالولو روح بدل التريكو و أرواح تصلى ، المهم هذا مثال برك على الناس هادو .

اما النسا هما الي خلاوني نكره نروح للمسجد ونصلي في داري خير لي والا ندي اثم ولا بخصة من عند الامام

و الله ساعة ساعة أنا تانى نخمم هكذا ، نقول كى نكون فى الدار نصلى فى السكات و نكون خاشع لدرجة كبيرة و المسجد لى نورمالمون الواحد يخشع فيه 100% يصرا العكس

ربى يهدينا للسيراط المستقيم و يبعدنا على المساوىء هاذى


ايا السلام عليكم

و عليكم السلام و رحمة الله
بارك الله فيك اختى
مرورك اسعدنى كثيرا
تحياتى و نشوفك على خير
فى أمان الله

--------------------
 
الســـــلآم عليـــــكم ...

و عليكم السلام
أهلا بيك أختى La Safa



يــآ خويــآ هدرنــآ و كرهنـــآ .. علقنــآ نصحنــآ ..
جوبونس مــآكـــآنش لي مآعــلآبــآلوش ,,
الامـــــآم هدر بالعقلية مــآفهموش .. عيط مآفهموش
هــآذا ذركـ شعب يفهم هآذآ ؟؟ طبعـــــآ مـآش الكل
[ إلا من رحم ربــــي ..

كيما كنت نحكى مع الأخ عادل قبيل ، قتلو لوكان يجى واحد Gــاورى لا علاقة بالدين تاعنا يشبع علينا ضحك ، يقولك هذا هو الدين لى يفتخرو بيه ما يحترموهش كيما يلزم ، يعنى الواحد يعرف يصدق و يصوم و يصلى و ما يعرفش يقفل البورتابل تاعو 10 دقايق و الله غير حشومة و قلة تربية


ربي يهديهم و خلاص هادا اضعب ايمــآننـآ

آمين ربى يسمع منك أختى


و النســآ يالوكــآن تصلي كل وحدة في دآرهــآ
خير من حوآيج هـآكـ ... ~

لالا ما كانش كيما الصلاة فى المسجد و الاجر المضاعف
يا لوكان جاو يبعدو على الحوايج لى خارجة الصلاة برك
يعنى عندهم نصف ساعة يصلوها بالسكات و من بعد هاي ليهم الدنيا كاملة :shiny:


مشكور خويــآ عالموضوع و التوعية
ان شــــــآء الله تلقـــى آذآن صــآغية

ان شاء الله أختى الغالبة
بارك الله فيك على المرور الطيب
تحياتى ليك و لناس تبسة الطيبين
نشوفك على خير و عافية




--------------------
 
سلام عليكم ورحمة الله تعالى لقد تطرقت الى موضوع مهم جدا واشكرا كثيرا واتمنى ان يأخد بعين الإعتبار من طرف هؤلاء الناس

و عليكم السلام و رحمة الله
مع الأسف نقول هيهات أن نجد الآذان الصاغية :sad:
اذا ما سمعوش للايمام و ما خافوش ربى واش ينفع معاهم
ربى يهدينا و يبعدنا على الامور التافهة لى تدى للهاوية

مرسى عليك بزاف أختى Zaho
و الله أعلم Zaho مشتقة من زهور :shiny:

يعطيك الصحة أختى نورتينا و شرفتينا بمرورك تحياتى
نشوفك على خير



 
أولا مرحبا يك أخي

و بيك يعيشك أختى بسمة مرحبا و أهلا و سهلا :shiny:

حتى أنا راني جديدة و نحتاج لتشجيع أيضا :shiny: ’

آيوااااا يسما فردة و لقات أختها :shiny: رانا كيف كيف ههههه
خلاص دوك نجيب الدرابوات و ندير حالة بالتشجيع :sheer: قوليلى السع تلعبى فى البرصا و لا الريال ؟ :shiny:

فيما يخص رنة البورتابلل واش نقولك هم يبكي و هم يضحك .

باختصار كيما قلتى هم يبكى و هم يضحك

أما النسا حاجة أخرى , رحت مرة وحدة للجامع صدقني من التبهدايل اللي سمعتو من الإمام معاودتش وليت :sad:
عندو الحق الرسول عليه الصلاة و السلام كي نصح النسا باه يصليو في ديارهم ,

هاي الاضرار لى نحكى عليها ، تخيلى أنتى اتخذتى القرار هذا و كاين بزاف بزاف أمثالك هربو من المسجد غير على جال الحديث التافه لى ما عندو حتى معنى و خارج الموضوع لى يهم فى المسجد و الصلاة ، لا حول و لا قوة الا بالله

موفق في الرجوع

ثانكيو أختى بسمة و أنا نقولك موفقة فى اختيار المنتدى و من هنا فصاعدا ما تعمليش حساب لأنك عضوة جديدة و قدمى نفسك و أفرضى وجودك و حنا رانا فى المساعدة و اعطاء شحنات اضافية لكل عضو و لا عضوة منضمة حديثا فى المنتدى

مرورك اسعدنى و ردك اطربنى أختى

تحياتى و نشوفك على خير

----------------
 
wlh la3andàk sàh làh yàhdi màkhlàk hada makan

آمين ربى يسمع منك اختى هندوسة
ان شاء الله نجد الآدان الصاغية
على الاقل كى يدخل واحد و يقرأ الموضوع و يبلغ الرسال هاذيك هي الفايدة

مرسى عليك و تحياتى ليك اختى

نشوفك على خير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top