******ادخلوا دقيقة محتاجتكم ايرجون *****

♥بنت عنابة♥

:: عضو مُشارك ::
إنضم
25 جويلية 2011
المشاركات
175
نقاط التفاعل
23
النقاط
7
السلام عليكم ورحمة الله وبركاته
وشراكم يا ناس الللمة بخير ان شا الله
علابلكم اليوم وش اليوم الاربعاء 12اكتوبر 2011م الموافق ل ذو القعدة 1432هـ
راكم تقولو وش قاعدة تخرط علينا رانا علابلنا بلا دات
وانا وش قاعدة ندير هنا في هادا اليوم نورمالمون راني نقرا مانيش هنا

بالصح الله غالب دوماج المعلمين والاساتذة مازالو في لاقراف
يا سيدي كل عام اضراب

حبيت نفهم برك وش القصة هادي
رحت نسال استاذة الرياضيات
علاه يا استاذة راكم مقرفين
شعلت فيا مايعطونيش حقي مانقريش مانقريش

رحنا اسيدي لاستاذ العربية يا استاذ ممكن نعرفوا مطالب الاساتذة
وش قاللنا مطالبنا هي زيادات في الاجرة + التعويضات +تقليل الحجم الساعي

والله تحير رحنا لباقي الاساتذة قالك رانا كل مقرفين
يعني سيام كامل فيه غير زوج معلمين برك وبرك هوما لي ماهومش في اضراب

دونك نورمالمون حنا عندنا صحاب الشهادات يقريونا وبالسيف عليهم ولخرين خلي يقرفو عليهم دبر روسهم

سامحوني طولت عليكم هادا كامل غلي في الاساتذة
ممكن نعرف رايكم
الخط راو ليكم نلتى شويا في شغل الدار ونولي
السلام عليكم​
 
hi هههههههههه متكسريش راسك هدا شغلهم ههههههههههههه وزيد كل عام هكدا
 
يمكن ختي عندك الحق ..ديما م9رفين و مصيركم هو المهدد
mais فكري معايا...الاساتذة عباد عندهم دار و ابناء...و كلش غالي
+ راهم يسوفريو مع التلاميذ لقباح
مات9وليش راني ندافع...انا ثاني كي كانوا ي9رفوا كنت نتقلق ونهدر كيفك
ســــــــــــــــــــلامي
 
مالا اختي انا نقلك كي سقسيت وحد البوف تقري فيا وش قالتلي
قاتلي دايرين gـــراف على خاطر لا بوليس يخلصو اكتر منا حنا قاريين عليهم و يخلصو اكتر منا
انا هادي حبستلي راسي واش دخلك نتي في بوليسي تهلاي في روحك و قريونا قدقد و منبعد روحي ديري gــــراف و كسري بيه راس الغاشي زيد حنا بآك ماعطاوناش حتى قيمة الله لا يرد بينا و في الاخير يقولو التلميذ هو الي مبغاش يقرا و العيب في التلميذ
+ واش انا نعرف الـgـــراف مرة كل 5 ولا 6 سنين مش كل عام و كل فترة
pffffffff ما كذبش الي قال بلاد ميكي كون جاو يخدمو في خدمتها صح و الله ما خسارة فيهم مي على هاد المنوال دزاير راها في طريق الانهيار و ربي يسترنا و يحمينا و يحمي بلادنا
 
سلام
اختي الكريمة كي تدخلي عالم الشغل راكي تعرفي علاه الناس راهي دايرة اضراب
+
من المفروض الوزارة هي السباقة في الحرص على مصلحة التلميذ
بمعني اعطي حق الناس طبعا الاستاذ مليجاش الى الاضراب.
لا تلومي المعلم فهو حريص على التلميذ وانما تحتم عليه الامر .
للتعبير عن مطالبه وهو امر شرعي قانونا
شكرا

 
للحجزز

بنت عنابة ونص يا محاينك
 
قال adel-mz[size=5:
;[/size]3765199]
سلام
اختي الكريمة كي تدخلي عالم الشغل راكي تعرفي علاه الناس راهي دايرة اضراب
+
من المفروض الوزارة هي السباقة في الحرص على مصلحة التلميذ
بمعني اعطي حق الناس طبعا الاستاذ مليجاش الى الاضراب.
لا تلومي المعلم فهو حريص على التلميذ وانما تحتم عليه الامر .
للتعبير عن مطالبه وهو امر شرعي قانونا
شكرا


نفس الكلام لي كنت حابة نقولو.

يعطيك الصحة
 
ربي يهدي الأساتذة هذا مكان و لوكان متكرفيش معاهم و تخدمي تولي مكيش مليحة و دايمن يعطونا حقوقنا أو هزوا بقاجكم و خلوا اصحاب الديبلومات تخدم على روحها أوموا نتوما مارحمتوا ماخليتوا رحمة ربي تنزل ربي يهزكم
 
الاساتذة هذوا كل عام اضراب عادت عندهم Habituellement
واش تديري الله غالب
البانكا كملوها
 
وعليكم السلآم

غير حنا الخاسرين في لافار هوما راهم يخلصو كل شهر 7 ملاين وحابين يدو كتر
واش نقولولهم غير ربي يهديكم

والله لا خلصوكم

سلآم
 
صح عندك الحق غير حنا الخاسرين في لافا
ان شا الله يخلاص هذا لاقراف في أقرب وقت
 
أهلا بيك بنت عنابة
والله الواحد يهدر ومايسكتش في الموضوع هذا
في امور عندهم حق وفي امور لالا
ياختي مادام عطلة الداب الحيوان يسلك 40 مليون لازم الأجر القاعدي الدنى للموظف الجزائري على الأقل 10 ملاينن هذا من جيهة
من جيهة اخرى في سن التقاعد عندهم حق ينقصولهم الباقي تعسف وظلم للتلميد
والمتخرجين أصحاب الشهادات بالألاااااااااااااااااف لوكان يدمجهم بن بوزيد ويليكيدي المقرفين ولا يهددهم ولكن للأسف ...
ملاحظة:
الأساتذة تاع الثانوي مايسلكوش 7 ملاين ومايوصلوهاش
لمخير ولقديم فيهم يقرب ل5 ملاين ...
 
يا اختي العزيزة و الله غير البلاد قع راهي بنفس الحالة انا هاذا العام عامي الاخير في السيام و الله غير قع رانا مقلقين . الاساتذة يقولوا في مصلحة التلميذ ؟؟؟؟؟؟؟؟؟؟؟ جابلي ربي هاذي المصلحة الشخصية ماشي منافع عامةصاح علابالي بلي الاساتذة عندهم الحقوق بصح ماشي هكذا . كل عام اضراب ؟؟ واش يزيدولهم راهم لباولهم كل المطالب ربي يهديهم هاذا ماكان
 
انساي راحت القراية فالديزاد بلاد خلاص ما بقاتش قع غير يتمسخروا
 
سلام اختي والله عندك الحق ماشي بعد كلعام اضراب ياوو والله بزاف حنا الخسرانين في النهاية والمدرسة الجزائرية راني نشوف فيها راهي في الانهيار ربي يسترها
 
Partout dans le monde, le métier d'enseignement est le plus noble le plus estimé et valorisé. Malheuresement, en Algérie, on valorise plus les personnes dîplomées. Quand on voit qu'une personne qui n'est même pas bachelière alors qu'elle est mille fois bien payée qu'une autre qui a passé des années et des années à l'école,c'est vraiment écoeurant!!!! Ce métier est vraiment fatiguant et je vise bien sûr les gens qui travaillent honnètement: on travaille en classe et même chez-soi pour assurer une bonne transmission de connaissances.
Lorsque tu te mets à leur place, tu comprendras ma soeur.
Bonne chance au baccalauréat.
 
ياو والله كون يعطوهم 10 ملاين للشهر الشر هو الشر والله ماتزيد عليهم حاجة

وزارة التررررررررررررر والتعليم

ضروك ايمات وينوضوا اساتذة التعليم الواطي والبحث الخاطي يديرو اضراب زيدونا

الاجور راح نشرو الياجور

وهكا لحكاية كل عام والضحية هو
.
.
.
.
.
.
.
.
.
.
.
.
.
.
.
.
.
.
.
.
مول الحانوت يبقاو توجور يكرديو من عندو




 
في رايي هاذ الاساتذة والمعلمين غالطين بزاف
وعلاش ما خموش علي لولاد ولبنات انتاعنا
ماشي هاذو اولادهم ايضا ؟
تصورو بنتي تقرا في الثنوية واستاذة اللغة العربية مش معنية بالاضراب ؟؟؟وعلاش في رايكم ؟
بنتها تقري فيها وخافت تودر دروس وتخسر في الامتحان ....هاذ الاستاذة تخمم علي بنتها بصح استاذ او استاذة ما خمو علي مصير الجزائر بكاملها .
اين هم من كاد المعلم ان يكون رسولا .
الله اعلم ان هذا الاضراب يسألو عليه يوم القيامة .
سمعت بلي الاضراب في لا شين او الصين هو الاكثار من الانتاج العادي
لكن عندنا حدث ولا حرج .
 
تعرفي واش اديري كي كملوا هما لاقراف انتاعهم قرفو انتم وراني صح مني مارانيش انقعد هدا راي
 
ياو والله كون يعطوهم 10 ملاين للشهر الشر هو الشر والله ماتزيد عليهم حاجة


وزارة التررررررررررررر والتعليم

ضروك ايمات وينوضوا اساتذة التعليم الواطي والبحث الخاطي يديرو اضراب زيدونا

الاجور راح نشرو الياجور

وهكا لحكاية كل عام والضحية هو
.
.
.
.
.
.
.
.
.
.
.
.
.
.
.
.
.
.
.
.
مول الحانوت يبقاو توجور يكرديو من عندو
والله رك قلتها خويا انا عندى حانوت كل شهر يكردو عليا 500 الف حت 900

ومازال حت الانا
درهمهم مربين كيفهم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top