الاشهار الجزايري

وفاء22 · 14 أكتوبر 2011

السلام عليكم
كيراكم يا ربي تكونوا بخير
المهم اليوم بغيت نطرح هدا الموضوع و هو يخص الاشهار او بيبليسيتي او لا بيب
حاجة باينة كي نكونوا نتفرجوا يديرولنا اشهار و موضوعي حول الاشهار الجزائري الي نشوفوه على اليتيمة hdو القنوات لي تابعتلها بنظام فوتوكوبي ياك كامل شفناها و حفظناها مثلا
كسكس ماما و الاشهار الرائع نتاعها (تدخل تحت السداري و متبغيش تخرج حتى يجيبولها كسكس ماما)
و اشهار نوارة و تقولك زينة و مسرارة و هي فاني
وزيد وزيد
اه لكان تشوف الاشهار نتاع القور مخك يبغي يكحز
اه الاشهار لي يعجبني هو نتاع معاك يا الخضرا و خاصة كي يرقص هداك الشيخ في بالي هدا هو الاشهار شباب
المهم اخوتي واش رايكم في اشهارات نتاع الجزاير
واش هو الاشهار لي يعجبك

** غزال الصحراء ** · 14 أكتوبر 2011

و عليكم السلام

ايــه صح عدنا مستوى منحط في الإشــهارات , ماشي من ناحية الكاليـتي و لا ممثلين الإشهار , مي من ناحية الفكرة
ديما تلقاها حاجة تافهة و ماتوصل حتى ميــساج

ما نروحوش لبعيد نشوفو غير لعرب لخرين كيما mbc , إشهاراتم تحسب أفــلام , تتمتع حتى بالإشهار و تحفضو قاع

adel-mz · 14 أكتوبر 2011

سلام
وي عندك الحق رانا روطار على القنوات الاخري
واش تحبي هدا القماش ادي ولا خلي
الحاجة لي تعجبني في اليتيمة هو الاذان ،يعني كي يكون حاجة على المباشر وياتي وقت الاذان يقطع المباشر ،اما الاشهارات الا معاك يالخضرة نتاع نجمة
وهادي ناقصة في القنوات العامة الاخرى وليس المتخصصة.
شكرا

ياقوتة الصحراء · 14 أكتوبر 2011

صح اشهارات غير جياحة وصماطة

وانا لي تكرهني اشهارات القهوة...ترهج

Mr mino · 14 أكتوبر 2011

1- قهوة فاكتو

2- قهوة ماني

3- فهوة بونال

4- قهوة السبع

5- قهوة فاميكو

6- قهوة لابال

......... الخ

شفتي انت اشهار ابار هذو ؟

................

موضوع مليح يعطيك الصحة خيتوووو

ملكًة الاحسآس · 14 أكتوبر 2011

وعليــكم الســلام
ايه والله غير صــح ، والمشكل كــامل تلقاه فليدي ولا الفكرة في حد ذاتهــا
مانكذبش عليـكـ من الي شفت اليتيمة في رمضان ، وطبــعا بلا مانشرحلكـ قتلونــا بالقهوى هديكــ ، شحال نوع في نوع
وبالمقابل كاين دي بيب مقبولين كما تاع نجمة ، وتاني لابيب الي كان يعدي في mbc تاع OMo هداك مليح ومايبهدلش .
mais لازم يطورو شويــا فالافكار تاعهم مشي لي بيب كامل تلقاهم داخلين على هديك الكاميــرا وفي يدهم المنتوج هداكـ تقول عمرهم لا دارو دي فوطو وحدهم . ايه وين يجيو مع لابيب الي تديرو mbc شوف وتمتع .
+
اسمحيلي طولت فالرد
يعطيكـ الصحة على الطرح

وفاء22 · 14 أكتوبر 2011

شكرا على المرور
بارك الله فيكم

براءة مسروقة · 14 أكتوبر 2011

قهوة..................
قهوة .........................
قهوة........................
قهوة ............................
وبنتها هااااااايلة ههههههههههههههه

روز · 14 أكتوبر 2011

الكفاءات كاينة وراآآئعة لكن مش فاهمة علاه الجزائر ما تستغلهاش
مرات نشوف بعض الأعمال في الانترنت لشباب الجزائري رووعة وفي غاية الاتقان
لكن وش تحبي الدزاير كلشي يمشي بالمعرفة
حتى الاشهار يفوت بالمعرفة حتى ولو كان مستواه هابط

لما نشوف الكفاءات الجزائرية كفاش مش مستغلة
ونشوف التبهديل لي راه يفوت في قنوات اليتم نتاعنا
نتقهر على شبابنا

ربي يفرج

Ayoub Napoli · 14 أكتوبر 2011

انت درك راكي قست الاختصاص ديالي

الاشهار في الجزائر ماتقدرش تسمه اشهار لأن الاشهار يخليك تتعرف على الجوانب الايجابية في المنتوج ولو تكون لا علاقة لها بالمنتوج، مي عندنا حنا كي تشوف اشهار علابالك بلي راه يكذب عليك ماعندوش حتى فكرة هكدايا جديدة غير القديم

...

ماكانش · 14 أكتوبر 2011

أهلا بيك وفاء
يعطيك الصحة على الموضوع الباهي
الصراحة خاطيني التلفزة الجزايرية ساعات برك نشوف لقطات وكيما قلتي يعيفو
واش تقلقني هذيك الطفلة الصغيرة ألي تشهر في قهوة فاكتو ولا مانعرف واش كي تقول " ماما ملي جربتها ماتبدلهاش " وتحرك راسها ههههه
ويعجبني اشهار لقبايل تاع فاكتو ن هذيك الزينونة تزيد علينا فرات ههههههه

chouchou rose · 14 أكتوبر 2011

الجزائر مشهورة بالاشهارات نتاع القهوة و الاومو omo
ههههههههههه

مابقاش بزاف.Dz · 14 أكتوبر 2011

اصلا القناه ما عندها حتى معنى حتى تزيد ترقى لمستوى الاشهارات كي البرامج كي الاشهارات

SAFA-94 · 14 أكتوبر 2011

قال ماكانش:
أهلا بيك وفاء
يعطيك الصحة على الموضوع الباهي
الصراحة خاطيني التلفزة الجزايرية ساعات برك نشوف لقطات وكيما قلتي يعيفو
واش تقلقني هذيك الطفلة الصغيرة ألي تشهر في قهوة فاكتو ولا مانعرف واش كي تقول " ماما ملي جربتها ماتبدلهاش " وتحرك راسها ههههه
ويعجبني اشهار لقبايل تاع فاكتو ن هذيك الزينونة تزيد علينا فرات ههههههه

ههههههههههه والله غير جبتها

ماكانش · 14 أكتوبر 2011

قال safa-94:
ههههههههههه والله غير جبتها

ههههههههه
ماتقوليليش نتي ثاني ماتحمليهاش ؟؟؟ ههههه
اي ادير الإشهار مع هذاك تاع جاك المرسول تاع نسمة

M!ss_f@ti · 14 أكتوبر 2011

والله بدون تعليق ،، عيينا وملينا وكرها

يعني الشعب الجزائري يا جيعان ياموسخ حاشاكم

الاشهارات كامل على القهوة والصابون .. بزاااااااااف بدلو بدلو رانا كرهنا

حقا راهم بدلو دارو زربية طابي دور هههههههه

M!ss_f@ti · 14 أكتوبر 2011

قال ماكانش:
أهلا بيك وفاء
يعطيك الصحة على الموضوع الباهي
الصراحة خاطيني التلفزة الجزايرية ساعات برك نشوف لقطات وكيما قلتي يعيفو
واش تقلقني هذيك الطفلة الصغيرة ألي تشهر في قهوة فاكتو ولا مانعرف واش كي تقول " ماما ملي جربتها ماتبدلهاش " وتحرك راسها ههههه
ويعجبني اشهار لقبايل تاع فاكتو ن هذيك الزينونة تزيد علينا فرات ههههههه

احم احم واش اسفيان حتى تاع الاشهار وخممت فيها ههههه

هاذي لي تقولو / لقهوة نفاكتو ثسعا البنة ثرنا الفايدة / هههه

بصحتكـ القهوة ،،، ومرسي وفاء على الموضوع

ماكانش · 14 أكتوبر 2011

قال m!ss_f@ti:
احم احم واش اسفيان حتى تاع الاشهار وخممت فيها ههههه

هاذي لي تقولو / لقهوة نفاكتو ثسعا البنة ثرنا الفايدة / هههه

بصحتكـ القهوة ،،، ومرسي وفاء على الموضوع

هههههههههههه
والله مانفهم والو
المهم تجي طفلة صغيرة شعرها صفر من بعد ينعتو وحدة كبيرة اطيب القهوة ...

عاشقة وطنها · 14 أكتوبر 2011

w ntouma wach men zarbiet tapie dor twalemkom hada l'pub ya3jebni bezef w les bup te3ramdan mais des fois yjibou des sujet jay7in sans sens ana dija ma nchouf l'yatila ma 3labali biha hahaha

أم راضية ~_ · 14 أكتوبر 2011

سلااامووو

ههههههه عندك الحق , أنا عندي حساسية من lles pubs الله غالب ما نحملهومش :cra_zy: :cra_zy: :cra_zy: و surtou كي يعاودوهم مليوووون مرة في الساعة :cursing: :cursing: :cursing:

هووما جياحة و خلاص ، بصح كاينة وحدة مليحة تاع موبيليس واقيلا , كي راحو يخطبو و منبعد غير قالهم 060 قاتلو هديك المرا وشنوووو والله ما تروحو هههههههههههه تعييييي :shiny: :shiny:

مازالت اليتيمة مبتدئة في الإشهارات :schmoll: :sad:

الاشهار الجزايري

:: عضو مُشارك ::

:: عضو بارز ::

:: عضو مُتميز ::

:: عضو مُتميز ::

:: عضو بارز ::

:: عضو بارز ::

:: عضو مُشارك ::

:: عضو مُتميز ::

:: عضو بارز ::

:: عضو مُشارك ::

:: عضو بارز ::

:: عضو مُتميز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو بارز ::

المواضيع المشابهة