سبب خروج المراة الى العمل

الحالة
مغلق ولا يسمح بالمزيد من الردود.

Om anfal

:: عضو مُشارك ::
إنضم
5 سبتمبر 2011
المشاركات
122
نقاط التفاعل
2
النقاط
7
السلام عليكم ورحمة الله تعالى و بركاته
اردت اليوم ان اطرح قضية للنقاش الا و هي عمل المراة المتزوجة.
ما اسباب خروجها للعمل
هل تستطيع ان توفق بين زوجها واولادها وعملها
وان وفقت بين ذلك هل اعطت زوجها حقه كاملا
هل ربت ابناءها تربيه تاهلهم للمضي في هذا المجتمع
هل وجدت انوثتها في عملها
هل الراتب التي تتقاضاه يسعدها على المراة الماكثة في البيت
كلهااسئلة كثيرة ارجو التدخل لنزيل الالتباس
 
شكرا لك ام انفال ..

ساشير الى ناحية عكسية قد لا تعجب الكثيرات ..

الكل يعلم نسبة بطالة الشباب الكبيرة ..

والكل يعلم ان نسبة الاناث في التوظيف اكثر ..

حيثما تتوجه تجد النساء اكثر في قطاع التعليم .. في الطب .. في الادراة ..الخ.

ومما هو مسلم كذلك ان هناك نسبة كبيرة منهن يشتغلن من باب اثبات الوجود ...

وليس من باب الحاجة والضرورة ..

فماذا على الدولة لو جعلت لهن منحة شهرية متوسطة تختلف على حسب حالهن (المتزوجة - الاولاد ..).

أليس في هذا ضرب عصفورين بحجر واحد ..

* حل مشكل البطالة للشباب بدرجة كبيرة ..
* القضاء على الكثير من مظاهر التفسخ والتسيب الناتج عن عمل المرأة ..
( قلة الحياء .. الاختلاط والخلوة .. التحرش الجنسي .. الامتهان والاذلال .. الاستغلال ..
اهمال البيت .. التقصير في حق الزوج والاولاد ..الخ )

تحياتي للجميع .. وعيدكم مبارك .. وتقبل الله منا ومنكم .
 
آخر تعديل:
السلام عليكم ورحمة الله تعالى و بركاته
اردت اليوم ان اطرح قضية للنقاش الا و هي عمل المراة المتزوجة.
ما اسباب خروجها للعمل
سبب خروج المرأة للعمل هو الحاجة مش ضروري تكون مادية بمعنى محتاجة للدراهم ممكن تكون معنوية مثل انها تثبت نفسها في الوسط الي عايشا فيه او انها تتخلص من الروتين انتاع الدار وكاين الي ما تلقى سعادتها الا ادا كانت خدامة وتشقى طول الليل والنهار و مالازمش تقعد ساعة
هل تستطيع ان توفق بين زوجها واولادها وعملها
مش دائما على حسب اوقات ومكان العمل فيه الي تخدم في الليل ولا بعيد ولكن في اغلب الاحيان الاهل يساعدوها في هاد الشي
وان وفقت بين ذلك هل اعطت زوجها حقه كاملا
ادا كان الزوج في الوقت الي راها خدامة فيه ما عندو حتى اعتراض فمعنى انها وفات حقو
هل ربت ابناءها تربيه تاهلهم للمضي في هذا المجتمع
انا نشوف مش ضروري المرأة الي ماكثة في البيت اولادها يكونوا أفضل تربية وفي اغلب الاحيان نشاط الام يكون محفز للابناء حتى ينجحوا بمعنى تكونلهم مثال للنجاح
هل وجدت انوثتها في عملها
مش الانوثة هي الي تلعب دور في حياتها بل اثبات الذات الاستمرار في النجاح والتوفيق بين العمل والاسرة
هل الراتب التي تتقاضاه يسعدها على المراة الماكثة في البيت
طبعا انا متأكدة مئة بالمئة اقل شيء هو انها تعتمد على نفسها وما تحتاج حتى واحد وزيد واحد ما يمن عليها تصرف على روحها من عرقها
كلهااسئلة كثيرة ارجو التدخل لنزيل الالتباس
اتمنى اني اجبت على اسئلتك مع العلم انها من خلال التجربة لاني مش دائما خدامة
تحياتي
 
الاغلبية تاع النساء العاملات تسيب الازواج تاعهم متوسطي الدخل يبغو يخدمو باش يحسنوه بصح الاري تاعي عيشي على فد الراتب تاع الزوج تكسبي راحتك و و لادك و الزوج تاعك و تتهناي من الشقا لاخاطر قاع و تخدم مارايحاش توصل للمراد لانو الراتب تاعها ماشي ملايير مالا اللهم تقعد و كاين فئة اللي تبغي تحقق الدات كيما يقولو انا مع هاد الفئة كي تكون علازبة و معاها تاني كي تكون صح محتاجة
شكرا
 
و عليكم السلام و رحمة الله تعالى و بركاته
ما اسباب خروجها للعمل
ربما الظروف التي تعيشها تجبرها على الخروج للعمل
هل تستطيع ان توفق بين زوجها واولادها وعملها
لا أبداً
هل ربت ابناءها تربيه تاهلهم للمضي في هذا المجتمع
ممكن ، لكن تكون تربيتها لأبنائها بعنف و شدة نتيجة الإرهاق و التعب من العمل داخل و خارج المنزل.
هل الراتب التي تتقاضاه يسعدها على المراة الماكثة في البيت
لا أظن ذلك ، لأن التعب الجسدي و التعب النفسي لا يتعوض بالراتب الذي تتقضاه .
 
آخر تعديل:
اولا اقول لكم صح عيدكم
وعودة للموضوع كل واحدة كان عندها راي و هذا طبيعي ولهذا ساقول رايي كامراة متزوجة لاتعمل
انا بالنسبة لي من اهم شروط الزواج هو تحقيق السكينة والراحة النفسية والاستقرار وان لم تتحقق هذه الشروط فلم يحقق الزواج هدفه واظن ان العمل لا يحقق هذه الشروط و ان ظنت المراة المتزوجة العاملة انها سعيدة او راتبها يسعدها فهذا غير صحيح فانها فقط تخدع نفسها وتتظاهر بالسعادة
فيا فرحة الزوج عندما يدخل ويجد زوجته عند الباب تنتظره وبشوقها تستقبله
فلا اظن ان العاملة لها الوقت لهاته الاشياء فقديصل فلن يجدها وقد تدخل وراءه وتسرع الى المطبخ لاكمال ما ينتظرها ...
والله اعلم ولدي تكملة مرة اخرى
 
السلام عليكم ورحمة الله تعالى و بركاته
وعليكم السلام ورحمة الله تعالى وبركاته

اردت اليوم ان اطرح قضية للنقاش الا و هي عمل المراة المتزوجة.
والله مشكلة كبيرة والتي طغت على مجتمعنا الى درجة كبيرة وأصبحت في الواجهة
ما اسباب خروجها للعمل
الحاجة مثلا ؟؟؟؟!!!!!!

هل تستطيع ان توفق بين زوجها واولادها وعملها
والله هنا المشكل الكبير بحكم وجود زميلات العمل معي أراهم يجدون صعوبة في التوفيق بين العمل والبيت؟؟؟؟
وان وفقت بين ذلك هل اعطت زوجها حقه كاملا
أشك في ذلك مادام مقصرين في حق الأطفال كيف يكون للزوج حق فهل من تعد ان صح القول أكلة خفيفة زوجة لا بالعكس الرجل يحب المرأة الماكثة في البيت على الرغم من حاجته أو حتى في حالة بطالة الرجل يحبها ماكثة بالبيت
هل ربت ابناءها تربيه تاهلهم للمضي في هذا المجتمع
تحتاج الى ثقة في النفس وجهد كبير
هل وجدت انوثتها في عملها
؟؟؟؟؟
هل الراتب التي تتقاضاه يسعدها على المراة الماكثة في البيت
ب
كلهااسئلة كثيرة ارجو التدخل لنزيل الالتباس
أنا ضد المرأة العاملة لما أراه يوميا في العمـــــــــــــــــــــل
وهذا رأي شخصي شكرا ليك
وبارك الله فيك
 
انا مع المراة العاملة

انا مع المراة العاملة اللي خرجت تخدم باه تتعاون مع راجلها على متطلبات الحياة اليومية اللي راهي ترهق كاهل الزوج خاصة اذا كان موظف بسيط . انا ماذا بيا راجلي يوفر لي كلش ونقعد في الدار نديرلوا المعارك وما نصبحش مبكرة . كاين اللي يقول الراجل ملزم بنوفبر الاكل و الشرب وبزاف عليه و كاين نسا يقنعوا بهاذ الشي انا نقول ماكاش منها علا خاطراغلب مشاكل العائلات في الجزائر مشاكل مادية وانا نشوف بلي المراة العاملة شاطرة على المراة الماكثة في البيت على خاطر تخدم الداخل وبرة وماشي قاع الخدامات راهم سامحين في اولادهم و رجالهم تصيبها قاعدة في الدار وماشي مفرحة ولادها ولا راجلها وماشي قاع اللي خدمت راهي تظل في البيتزيربا ولا تحكي مع البقال ما تنساش بلي كاين شي رجال يدي مرتوا عند الطبيبة ويرفض مجرد فحصها من الطبيب الراجل . فالمراة نصف المجتمع هي المعلمة . الطبيبة. العاملة في الادارة. المهندسة .القابلة......الخ هذا رايي الشخصي الذي يعبر عن افكاري و ما انا مقتنعة به الى حد بعيد و شكرا.
 
لفت انتباهي هذا الموضوع تاع المراة العاملة والمراة الماكثة بالبيت واللي نشوفو متكرر بصفة رهيبة في منتدانا هذا او في منتديات اخرى او حتى في الحياة اليومية

انا مـــــــع المراة العاملــــــة اللي تعاون زوجها على متطلبات الحياة اليومية اللي اصبحت كثيرة خاصة في وقتنا الراهن ماش وقت بكري كذلك باش تثبت وجودها في حياتها وفي المجتمع اللي اكيد راح تكون يد مساهمة في بناء المجتمعات كذلك ماقراتش هذي السنين الطووووووويلة وسوفرات (((خاصة نحكي على الجامعية اللي قرات 5 سنين او اكثر في ولاية وهيا تسكن في ولاية خلاف لانها تمرمدت في سبيل العلم))) في الاخير مصيرها تقعد في البيت كلي قرات كلي ماقراتش مادارت بيها والو واللي ماش مجرب ماراحش يحس بكلامي عمبالي...

كذلك مايروحش تعب والديها عليها ايام دراستها هكاك باطل ابسط شي لوكان انها تخدم تقدر ترجع تعبهم وتفرحهم بهدية او تساهم في انها ادريلهم عمرة او حج علاه لا

وحاجة تاني المراة كي تعود فحلة فحلة حتى لو انها تخدم راح تقدر توفق بين ولادها وزوجها وخدمتها والامثلة كثييرة ماشاء الله عليهم وكااين حتى قاعدة في الدار وماش متلهيا كما يلزم بولادها وزوجها والامثلة كثييرة كذلك

المراة العاملة تتعلم كيفاه تعتمـــد على روحها حتى في اوقات المحن او وفاة الزوج لاقدر الله ماش راح تتمرمد لانها ديجا تكون تعلمت تعتمد على روحها وتصرف من عرقها على ولادها بلا ماتحتاج شكون يمن عليها سواء من الاهل او غيره

اما علاقة الانوثة بالعمل نظن من وجهة نظري الشخصية انو ماعندهمش علاقة ببعض اطلاقا بشــــــرط اذا كانت المراة العاملة محترمة نفسها وبقدرها وكاين حدود بينها وبين الرجال في مكان عملها او في البيزيريا او او
مش اي وحدة تخدم بالضرورة ناقصة للانوثة او انها تخالط وتحكي مع الرجال في مجال عملها لانهم هادو يبقاو زملاء في العمل ونتناقش معاهم في اطار الخدمة اللي تربطنا فقط لااا غير

وزيد بزيادة كاين رجال بزاف ولاباس عليهم يعني شرطهم انهم يتزوجوا بمراة عاملة ونعرف الكثير منهم
وانا مقتنعة بفكرتي وبرأيي تماما ولن اغيره..وشكرا اختي على الموضوع وبارك الله فيك.
دمتــي بخير
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top