بوسو لاتمسو او مقروط الجنجلان من مطبخي

•• AméL Là Stàr ••

:: عضو مُشارك ::
إنضم
22 جانفي 2008
المشاركات
425
نقاط التفاعل
14
النقاط
17

السلام عليكم
درت البارح بوسو لاتمسو خرجلي هش ويدوب في الفم
و الوصفة تاعه ساهلة وماياخدش وقت كبير في التحضير
مانطولش عليكم

المقادير : 500غ زبدة ذايبة ماتكونش حامية

7 ملاعق سكر

يشر ليمون
كاس قوقاو مرحي {أو لوز أو اي مكسرات } انا درت القاوقاو المهم يكون مطحون مليح
كاس جلجلان محمص { أنا طحنته شوية }
فرينة حسب الحاجة { جاتني حوالي 700ع }
وسكر ناعم للتزيين

الطريقة : تخلطو مليح الزبدة مع السكرثم نضيف باقي المكونات نعجنوهم مليح والفرينة نخليوها في الاخير نلمو بيها العجينة
نشكلوه حربوش ونقطعوه كيما المقروط بصح نديروه شوية صغير عليه

lH631364.jpg


ندخلوه فرن على درجة 180
حوالي 15 دقيقة او اقل
مانخليوهش يطيب بزاف
في الاول غادي يجي طري بزاف بصح كي يبرد يولي نورمال

tYS31364.jpg


ومبعد نديروه في السكر الناعم
كاين طريقتين ديريه كي تخرجيه من الفرن مباشرة في السكر
ولا تخليه يبرد وحتى يتماسك مليح وديريه لمدة ثواني في ماء الزهر
ثم في السكر الناعم
وضغطي عليه من الفوق كي ديريله السكر باش بلصق فيه مليح
عند التقديم يرش عليه القليل من السكر بالصفاية
نتمنى نكونوا شرحتلكم الطريقة مليح

و أي استفسار راني هنـــآ

2St31364.jpg


Xyb31364.jpg



استغفر الله اللهم اغفر للمؤمنين والمؤمنات والمسلمين والمسلمات الأحياء منهم والأموات



تحياتي للجميع

 
شكْرًآ عًلًى آلــوًصْفـًـهـ خـًـيتو amel14

جًآكـ شبًآب يــًعــطيٍكٍ آلصًحًــهـ }
 
شكراا لك حنونة نموت عليه
 
جاك هايل يعطيك الصحة
 
~~ ♥SaMoù Là MoDèsTe♥ العفو ختي شكرا ليك نتي تاني على الرد الشبـــآب

kahla جربيه بهاد الوصفة يخرج رائع

imane27 مرسي ختي ربي يحفظك ~~

 
بارك الله فيك اختي امال على الوصفة
 
يعطيك الصحة حنونة
 
امممممممممممممم
يعطيك الصحة يا الفحلة
نموت عليه
اختي هاذ المقادير شحال تعملك حبة قاطو
عندي فاتحة سلفي نحب نجربو على طريقتك
بارك الله فيك
 
امممممممم انا هدا ما نبغي في القاطو يعطيك الصحة
 
امممممممم

شحال نحبو

شكرا

ليك حبيبتي

سلامو​
 
والله ماعلابالي شحال من حبة بصح دارتلي كمية مليحة
وشكرا لكم على الردود
 
شكرا ليك اختي انا كا نحبها يا تلمساانية ولكن ما عمري الا جربتها
وكن ما فيهاااش البيض؟
 
بارك الله فيك على الوصفة اختي
 

يشهي يعطيك الصحة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top