صديقتي بحاجة الى الدواء بأقرب وقت ممكن

عآجل جدآآ،، ادخلوا هنآ من فضلكم ~

السلام عليكم

اخوتي واخواتي كيف حالكم

كتبت الموضوع هذا في هاذ القسم لأنو الدوا هذا فتشنا عليه هنا في الدزاير تقريب في كل مكان مالقيناهش الله غالب

ان شا الله تقدرو تساعدونا برك
صديقتي مريضة بالسرطان ،، ومحتاجة هاذ الدوا ولو علبة واحدة لهاذ الشهر ومبعد نزيدو نحوسو ان شا الله

هذا اسمو

taxol (paclitaxel)300mg

الي يقدر يبعثهولنا يبعثلي كيفاه نتصل بيه باه نبعثولو الدراهم حق الدوا

ارجو الرد في اقرب وقت لأن الدوا تحتاجو قبل 25 /11

ملاحظة: حتى الي هنا في الجزائر ولقاه يتصل بيا من فضلكم وفي اقرب وقت


اللهم احفظ غاليتي هبة و ارفع عنها كل سوء..و اكشف ضرها..و اعدها الينا سالمة معافاة..عاجلاً غير آجل

يا حي يا قيوم برحمتك نستغيث

أسأل الله العظيم رب العرش العظيم ان يشفيها


حسابي عالفايس بوك (لي ماعندهمش 50 موضوع ولقاو الدوا)

سمو الأميرهـ


 
آخر تعديل:
نسقسـي عليـه ونقلك ختـووو

وربي يشـافيهــــــــا
 
إذا قدرنا نساعدوها ما نبخلوش عليها إن شاء الله
أنصحها بالإكثار من الإستغفار و الدعاء عند صلاة الفجر و ربي يجيبلها الشفاء العاجل إن شاء الله

 
آخر تعديل:
ربي يخفف عليها ان شاء الله
و يرجعها احسن من السابق
الدواء ولا في الجزائر متدهور
و ان شاء الله منبخلش راني قاعدة نبحت عليييييه
 
اللهم احفظ آلغآلية هبة و ارفع عنها كل سوء..و اكشف ضرها..و اعدها إلى أهلهآ سالمة معافاة..

إن شـآء الله نسمعو آلخير عليهآ
 
السلام عليكم و رحمة الله وبركاته

احد نبهني على موضوعك و بارك الله فيه

اولا : ارجو من الله العظيم رب العرش العظيم ان يشفي مرضاكم و مرضى المسلمين

طهورا لمريضكم ان شاء الرحمن

قد اقتبست لكم اخبارا طيبة عما طلبتموه منا هنا في العاصمة ... و طلبكم امر لنا

اممممممممممممم

اولا هل صديقتك في مستشفى؟ و من اي ولاية؟ و لو امكن اسم المستشفى ؟

ثانيا : انتظر ردك حتى افيدكم اكثر

تقبلوا مرووري .....

اخوكم في الله
 
ربي يشفي صديقتك هبة ويرفع عنها الضر
نسال الله ان يعيننا في ايجاد الدواء
بارك الله فيك سمو الاميرة
 
سبحان الله و بحمده سبحان الله العظيم

انا انتظر و اخاف انقطع في اي وقت ..........

و الدواء مووجووووووود في au Centre Pierre et Marie Curie (CPMC)

و الحمد لله رب العالمين

en attend jusqu'a vous entrée
 
السلام عليكم و رحمة الله وبركاته

احد نبهني على موضوعك و بارك الله فيه

اولا : ارجو من الله العظيم رب العرش العظيم ان يشفي مرضاكم و مرضى المسلمين

طهورا لمريضكم ان شاء الرحمن

قد اقتبست لكم اخبارا طيبة عما طلبتموه منا هنا في العاصمة ... و طلبكم امر لنا

اممممممممممممم

اولا هل صديقتك في مستشفى؟ و من اي ولاية؟ و لو امكن اسم المستشفى ؟

ثانيا : انتظر ردك حتى افيدكم اكثر

تقبلوا مرووري .....

اخوكم في الله


ربي يفرحك اخي الكريم ويجعلها في ميزان حسناتك
راهي وصلتني رسالتك لكن ماعنديش 50 موضوع للأسف
راني جاوبت في الفايس بوك
صديقتي كانت في المستشفى لكن حاليا خرجوها لأنهم كيما يقولو ماعندهم مايديرو
حالتها صعبة جدا
ان شا الله ربي يلطف بيها ويخفف عليها يارب
الحل انو نلقاو الدوا باش تاخذو يوم العلاج الكيماوي لأننا لو مالقيناهش شغل ماعالجتش في هاذ السنوات
والله فرحتني بالخبر خويا
اسم الولاية: باتنة
والمستشفى اسمها في الوصفة اني بعثتهالك في الموقع الآخر
ربي يجازيك الجنة اخي الكريم
 
ربي يحفظكم اخوتي واخواتي
ربي يجازيكم كل خير ان شا الله جميعا ويجعلها في ميزان حسناتكم يارب
 
نعم ... و الله يفرحكم انتم لكن يجب الحزم في هاته الساعة وو الله

راح اشرح لك ما استطيع و قدر الامكان
 
ان شاء الله نسمعوا الاخبار الطيبة
وربي الشافي والمعافي
طهورا ان شاء الله لهااااا
 
جاري البحث اختي رمال وكاش جديد رانا نتصلو بيك
ربي يعينا على البحث
وقد تم نشر النداء على الفايسبوك والتويتر
 
آخر تعديل:
(( اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ )). متفق عليه
اللهم اشفها الشفاء التام يارب
 
ربي يبارك فيكم وربي يجعلها في ميزان حسناتكم ياارب
لي ماقدرش يعاون بالدوا يعاونا بالدعاء
محتاجة بزاف لدعواتكم
حابة نبشركم مبدئيا لقينا علبة في قسنطينة من طرف-ناس الخير باتنة- ربي يجازيهم كل خير
وثاني في الدزاير من طرف اخي *حزن النبلاء* ربي يجازيه الجنة ان شا الله
رح تتلقى العلاج المرة هذي لكن المرات الجاية رح نزيدو نحوسو ان شا الله نلقاوه
ربي يجازيكم كل خير يارب
 
آخر تعديل:
ربي يبارك فيكم وربي يجعلها في ميزان حسناتكم ياارب
لي ماقدرش يعاون بالدوا يعاونا بالدعاء
محتاجة بزاف لدعواتكم
حابة نبشركم مبدئيا لقينا علبة في قسنطينة
وثاني في الدزاير من طرف اخي *حزن النبلاء* ربي يجازيه الجنة ان شا الله
رح تتلقى العلاج المرة هذي لكن المرات الجاية رح نزيدو نحوسو ان شا الله نلقاوه
ربي يجازيكم كل خير يارب


سلام أختي الكريمة اليوم راني حوست قاتلي الدواء ناقص مي حسيت انها تكذب عليا لخاطرش قالتلي واش رايحة ديري بيه و انت معندكش وصفة الدواءو لا بطاقة فهمت مي قالتلي مكانش مي الحمد الله الي لقيتو و جاري البحث مجددا وان شاء الله ربي يعافيها
 
سلام أختي الكريمة اليوم راني حوست قاتلي الدواء ناقص مي حسيت انها تكذب عليا لخاطرش قالتلي واش رايحة ديري بيه و انت معندكش وصفة الدواءو لا بطاقة فهمت مي قالتلي مكانش مي الحمد الله الي لقيتو و جاري البحث مجددا وان شاء الله ربي يعافيها

مايمدوهش خلاص
انا قبيل رح نهز لاديشارج من لوبيتال بالسيف باش سنياولي وحكمو لاكارت ثاني حتان نجيبلهم الدوا
ربي يجيب الخير برك ان شا الله
ربي يحفظك حبوبتي
 
ربي يكتب اللي فيه الخير
واللي يقدر يساعد بحاجة فاكيد ماراح يبخل
طهورا ان شاء الله لاخيتنا
 
ربي يكتب اللي فيه الخير
واللي يقدر يساعد بحاجة فاكيد ماراح يبخل
طهورا ان شاء الله لاخيتنا
ربي يحفظك اختي امينة
وسامحيني اليوم ديرونجيتك بزاف كرهتيني علابالي هه
ان شا الله ربي يخفف على هبة ويلطف بيها ويشفيها ويشفي جميع المسلمين امين يارب
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top