كاينة منها ولا لا؟

ت

تاج الجزائر

:: عضو مُشارك ::
إنضم
13 أكتوبر 2009
المشاركات
387
نقاط التفاعل
2
النقاط
17
السلام عليكم ورحمة الله وبركاته

كيراكم دايرين يا لحباب مع البرد والجليد لي يقطع الليدين دفو رواحكم مليح لاgريب راهي دايرة حالة:shiny:

انا الكحة راهي مجيفتني ومخرجتلي عينيا ما نفع فيها لا دوا لا والو :sad:

دخلتها عليكم غير مرض وبرد ونسيت الموضوع :music_whistling:

غادي ندخل ديركت ضرك

باغي نعرف غير حاجة من لي عنده الصح قالك الذهب غادي في جانفي يولي مليون للجرام تاع

الخارج ونتاع دزاير700000 للجرام :eek:_o: بصح ولا كذبة :confused:

على حسابهم باغي ناس يا ما تتزوجش قاع ولا يقلبوها بلاكيور :sadwalk:

ايا نخلي اليكم الخط :ax_flw:
​
 
وعليكم السلام حبوبة
ربي يشافيك اختي
.
.
بلا جانفيي عليه حبوبة
السمانة اللي فاتت رحت نشري في كادو لحبيبتي
لقيت الغرام ب 9000 دينار
"هذا فالعاصمة ماعلاباليش البلايص الاخرى"
ياختي دام الناس تحوس عالمظاهر يقلبوها بلاكيور
وكانهم حابين الصحة والهنا
عمرو مكان الزواج بالذهب ولا بقيمتو
سلامي حبوبة


​
 
حنا في مسيلة صحيح غالي مي ماش مليون لغرام كامل
+
لي دار ذهب دارو بكري ضرك وراسك مايطمع فيه هههه
لمزيا انا خطفت حوايج مزالي غير ندير حزام بربي ان شاء الله مي كي نزوج طبعا
​
 
ربي يشفيك حبيبتي كثري من التزانة بالعسل ههههههههه
وبالنسبة للدهب والله ماعلابالي مي الزواج علاه المهم الهنا ماشي الذهب ولا غيرو
وربي يجيب ساعة الخير
 
السلام عليكم

الأختـ، يعني سوق الذهب تتحكم فيه السوق العالمية
و كاين فيه توقعاتـ أنـ سعر الذهب ضك يزيد
علىـ كلـ حالـ
ربيـ يوفقك في مبتغاك



تحيــــــــــــــــــــــاتي​
 
السلام عليكم يالحبيبة عليك بلعسل الحر باش تتهناي من الكحة انا جربتها لبنتي نورهان اما بنسبة لدهب انا علابالي بلي راهو يدير خمسميا تلف للكرام الوغ ادا صح ولى مليون للكرام الشعب الدزيري ميزيدش يحلم بيه وليشان يبطلو يدزوجو ........بصح انا نعرف مثل مليح يقول الدهب فوق الشبعة ونوجه نداء لكل الشابت البابيشات الي تحب تتزوج مكلاه تكثر في الشرط لخاطر الهنة بعد الزواج مرتابط بلعقلية والدهب ولبسة كع زياد المهيم نتهناو ...
 
السلام عليكم
صحيتي تاج
حنا هنا في باتنة راهو في 4000 دج للغرام
كل يوم يزيد يطلع
تفكرت مقوووولة علاوة الشهيرة والتاريخية
لما قاتلو بنت خالتو ازرب اخطبني الذهب راهو غير يغلى
قالها والله منين يعود كي البترول
هههههههههه
يعطييييييك الصحة​
 
وعليكم السلام ورحمة الله
يعطيك الصحة أختي
حنا عندنا بـ 5000 دج للغرام.
وكيما قالت أختي نوال، لي دار الذهب دارو بكري كي كان الغرام على 1000 دج.
وأنا درتو بكري وتسرقلي. تسما ذرك ما نحلمش نديرو.
+
للعلم: النساء كامل ذرك راهم مصيغين بالبلاكيور

​
 
اه نندب على يولي مليون واحد مايتزوج
 
مليحة باش الناس تبطل الدهب في الزواج
والشباب تتزوج بالقصدير
:)
-
شكرا على الموضوع
 
ناس شرق هي لي تشرط الذهب يحبسو زواج ههههههههه توخذت في ماكانش(ماعندوش زهر)
حنا مانشرطوهش يعني كامل تتزوج هههههههههه ​
 
ما نشريع ما نحوس شحال يدير ههههه
مي عمرو ما يكون الدهب هو اساس الزواج
 
تبهديل وقيلا نروحو بلا ذهب ههههه
الشباب جاتهم على 16 باش ميجبوش ذهب يجيبو جبى في يدهم و يجو ههههههه
شكرا على الموضوع اختي
 
السلام عليكم حبيبتي
صحيح الذهب رايح يغلى يقولك يتبع في الازمة العالمية و الله اعلم المهم الذهب عمره ما كان سبب للسعادة و انها هو شان و فال برك ايا تبقاااااااااو على خير​
 
وي سمعت بيها بصح نورمالمو رانا قاريين و بصفتي خريجة مدرسة العلوم المالية احححححححححم نقولك بلي الدهب تاع الطاليان يعني الغرادزيلا هو اللي معني اما تاعنا لا لاخاطر ايطاليا و لالمان راهم قريب يطلبو و الاتحاد الاوروبي ما يخليهمش ياك تابعين للاتحاد الاوروبي
 
ربي يجيب الشفاء حنونة
وبالنسبة للذهب والله ماسمعت بالاك.....
وحنا كنتزوجو ماشي غير بالذهب
 
ايه صح مليون الغرام باه كي تزوجي ديري غير جباجق تع لحديد و تع نيلو
 
يابختكم البرد و الثلوج

هنا راني معيشة روحي شتاء خيالي بالتريكوات و الكليماتيزي ههههه

توحشت الشتا

تحياتي​
 
قال ═♥° شجـ الروح ـون °♥═:
وعليكم السلام حبوبة
ربي يشافيك اختي
.
.
بلا جانفيي عليه حبوبة
السمانة اللي فاتت رحت نشري في كادو لحبيبتي
لقيت الغرام ب 9000 دينار
"هذا فالعاصمة ماعلاباليش البلايص الاخرى"
ياختي دام الناس تحوس عالمظاهر يقلبوها بلاكيور
وكانهم حابين الصحة والهنا
عمرو مكان الزواج بالذهب ولا بقيمتو
سلامي حبوبة


​
إضغط للتوسيع...
اللهم امين ختي ربي يحفظك:shay:
9000دج:eek:_o: ويااااااااااا تسمى راكم في وخضة قبل جانفي :sad:
لالا ختي الذهب دراهم الواحدة فينا مشي تبغي تتباهى بيه لالا الوحدة تخمم للمستقبل نتاعها بيه مشي شرط في الزواج راكي فاهمة دراهم يروحو بصح ذهب يقعد للزمان :sad:
شكرا على الرد ربي يحفظك :shay:
​
 
قال nawal 88:
حنا في مسيلة صحيح غالي مي ماش مليون لغرام كامل
+
لي دار ذهب دارو بكري ضرك وراسك مايطمع فيه هههه
لمزيا انا خطفت حوايج مزالي غير ندير حزام بربي ان شاء الله مي كي نزوج طبعا
​
إضغط للتوسيع...
اهلا ختي
لالا قالك في جانفي غادي يولي مليون هاكا راهي الهدرة منتشرة كي الفيروس عنا :shiny:
كيما قلتي لي دار الذهب داره بكري :sad:
طفرت فينا غير حنا :sadwalk:
الله يجيب الخير
شكرا ختي على الرد ربي يحفظك :shay:
​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top