تابعونا عبر Facebook
تابعونا عبر Twitter
تسجيل عضوية جديدة
إستعادة كلمة المرور


الملاحظات

منتدى واش راك تهدر هنا نتكلم على مانصادفه في حياتنا اليومية والمعيشية .
[ تطرح المواضيع باللهجة الـعاميـة فقط ]


مطعم القيد أو شهاب...خضار وادي الذئاب...جزار الاسقلال...بففف ثقافة الشعارات تاعنا

27-12-2011, 20:11
:: عضو شرفي ::
تاريخ الإنضمام: 06-07-2011
الإقامة: الجزائر - باتنة
العمر: 25 - 30
نقاط السمعة: 786
المشاركات: 2,659
#1
مطعم العقيد أو شهاب...خضار وادي الذئاب...جزار الاسقلال...بففف ثقافة الشعارات تاعنا
السلام عليكم ورحمة الله وبركاته
أهلا بجمييييييع ناس اللمة الملاح وان شاء الله راكم ملاح
وأتونسيو راهي جات الشتا ولرياح وكيما قالو ناس بكري بدل لمراح تستراح :re_gards:
اليوم حبيت نحكيلكم على واحد القضية ديما نلاحظها ونقول نهدر عليها مي ما ولاتش برك
- وما تخافوش مش على الانوثة بيسك الانوثة مازلت حالتها مستقرة في الكوما -
روماركيت بلي ثقافة الشعارات عند التجار تاعنا والحوانت ضعيفة خلاص
والعجيب تلقا شعارت معندها حتى علاقة بوش راهو يبيع
ولي يزيد يبولكيلك المخ نيشان قالش جماعة الغرب -تحية كبيرة-
الجماعة التي تهرب غير لشعااارات السينيماcared: والتلفزيونcared: والفنانينcared:
والله تحير
والله يا خوتي مانزيد عليكم كلمة هنا في باتنة كاين وحد المطعم سماه مولاه
مطعم باب الحارة .....والله دوخة صح
كي تشوفو من برا مداير p انوات كبار بزاف وحمر
وكاتب فيهم مطعم باب الحارة في النص
وعلى لادروات مطيش تصورة أبو شهاب هاذاك خاطف فيها عمامة وش نقولك
ومشنف تقول راح يهجملو على الريسطورو تاعو جماعة الحارة لخرا
وعلى لاgوش مطيش تصوويرة تاع واحد ثاني موسطاش
حق الله تشوف لي موسطاش تاعو دوووووخ وتعاف حتى الماء

يعني حبيت نفهم برك زعما هذا كي يسمي المطعم هكا ويدير هاذ الوجوه
راح يكثرو علي لي كليون ويخدم مليح
وووزيد وش دخل باب الحارة وابو شهاب وابضاي .في عدس ولوبيا وكمونية
وهومبورغار مدوبلي فرماج ناقص مايوناز ......والله تحير

نزيد نحبسلكم راسكم ...والله قدامي خضار مادير لافتة
خضر وفواكة عند باباي - باباي ممعناها واحد سمر في لهجة اقليم باتنة -
ومطيش لافوطو تاع هذاك البطل تاع مسلسل وادي الذئاب
انا عييت نفهم وش دخل واد الذئاب والترك والموصاد
في البطاطا والطماطم والكيلو بالف وربطة معدنوس

كاين عندنا ثاني مطعم في باتنة تاع مرا سماتو مطعم فتافيت
مافهمتش انا وش تقصد زعما تعرف طيب كيما فتافيتcared: ولا عقلية فتافيتcared:
والله دوخ
وبلا ما نحيكو على هاذوك الناس النية
تاع جزار الاستقلال ...cared:....وش دخل اللحم والمرقاز في 1 نوفمبر ..
او حفاف البركة cared:....يعني كيفاه كي نحفف عندك طيح عليا البركة
ويوليو عندي بزاف صوارد ..........دووووخة كبيرة

وكاين وكاين وكاين
ونتوما أكيد راكم شايفين شعرات كيما هاذو في ولاياتكم زيديو احكيولنا عليهم

رومارك مروماركية بالماركور:o_o::
لفظة - أبضاي - مانيش غالط فيها راهي تنطق هكذا
قالهالي واحد سوري كي كان يركب في لومبا وكنتا حاكم بيه السلوم
وهي اصلها - قبضاي - يعني جاية من القبضة -الدبزة-
نحلف بري مكانش جزايري يعرف ها المعلومة هههههههههه
وشكرا


جميع الحقوق محفوظة لدى لاجودان شاف ما قرا ما شاف


آخر تعديل تم بواسطة لاجودان شاف 27-12-2011 الساعة 20:32 السبب: خطأ في العنوان
27-12-2011, 20:33
:: عضو متميز ::
تاريخ الإنضمام: 02-07-2011
الإقامة: جزر القمر
العمر: ( غير محدد )
نقاط السمعة: 410
المشاركات: 1,358
#2

السلام عليكم
ههههه معندكمش برازار حلاق مهند او حلاقة لاميس هههههه ياراجل خلات وجياحت الامة ربي يستر
كل واحد يسمي كيما يبغي المهم ياتيري زعمة الغاشي .رانا عايشين بالهف
يعطيك الصحة يالشاف

بيناتنا والله مانبيع زعمة متعطيناش بارمسيون يالشاف هاو الكاشي عندك ههههههههه

27-12-2011, 20:34
:: عضو شرفي ::
تاريخ الإنضمام: 28-09-2011
الإقامة: الجزائر - تبسة
العمر: ( غير محدد )
نقاط السمعة: 400
المشاركات: 2,011
#3
وعليكم السلام ورحمة الله
صح كاين منها
هنا عندنا واحد فاتح محل فاست فود كاتب عليه: دجاج بلندي .. زعما هو بارع في الدجاج
هذا من باب لفت الإنتباه فقط.
أنا خويا مرة فتح مطعم سماه مطعم أم القرى :cra_zy: وش دخل مكة في الماكلة الله أعلم
+
شكرًا على المعلومة الخاصة بالقبضاي
+
الحمد لله لي الأنوثة مازالت مستقرة
+
رومارك: الإستقلال 5 جويلية مش 1 نوفمبر

آخر تعديل تم بواسطة إنسانة ما 27-12-2011 الساعة 20:40
27-12-2011, 20:38
:: عضو شرفي ::
تاريخ الإنضمام: 07-07-2011
الإقامة: لبنان
العمر: ( غير محدد )
نقاط السمعة: 734
المشاركات: 1,986
#4
اهلا حضارات

هههههههههه ما تتخلعش راهي مودة كباقي المودات اللي اعتدنا عليها

ربي يعطينا العقل

الف ششكر
أَنْ تَكُونَ جزآئريّآً .. نِعمَه من ربْ العآلمِينْ
صعبْ كتيرْ تحبْ حدَن مَ إلَكْ حقْ تحبّو !
بيّآع الورد
27-12-2011, 20:41
:: عضو متميز ::
تاريخ الإنضمام: 15-06-2010
الإقامة: الجزائر - المسيلة
العمر: 15 - 20
نقاط السمعة: 298
المشاركات: 1,169
#5
هههههه ،،

والله صح تحييييييييييييير فيييهم 0_o

انــآ شففت وحد البازآآر مساميينو بـآزار دبي هههههه يعني وش دخل دبي في بـآزآآر تاع الحـآجة بألفييين تدووخ صح ،،

عجبتني الرومارك بالماركور هاذيك الاخيرة هههههه ....
بدأ الإسلام غريبًا، وسيعود غريبًا كما بدأ، فَطُوبي للغرباء


اللهمّ صَــلّ وسلّــم وبَــارك عَلَــى سيّدنَـــا محمّــد ^^

27-12-2011, 20:41
:: عضوية محظورة ::
تاريخ الإنضمام: 08-01-2010
الإقامة: الجزائر - قالمة
العمر: 20 - 25
نقاط السمعة: 1284
المشاركات: 7,809
#6
السلام عليك ورحمة الله وبركاته
كلامك صحيح يا اخي
وشعبنا الجزائري -فتيات وشباب-لم يتاثروا بالاسماء فقط او بالمطاعم بل تاثروا ايضا بطريقة اللباس والكلام
واسماء البلوتوث واسماء المواليد الجدد
كل ما يطلع فيلم جديد واسم بطل جديد لازم يسموا على اسمه
طلعت نور ومهند سمو كيفهم
طلعت سمر سماو عليها..
طلع ادم سماو عليهم...
ممممممممممممم يقولوا ثقافة ولكن الثقافة لا تقتصر على التقليد للاشياء التافهة
انا عن نفسي لحد الان ماشفتش شعارات واسماء مطاعم مثل الي انت حكيت عليهم
انا الي شفتوا
اسماء البلوتوث
اسماء الفايس بوك اسماء المسن ...........وكل ماتعلق بالنات
اللباس واكثر شئ اللباس*ركز على الكتابة الي باللون الاحمر لانها لا فتة وتخرب العقل ............الله يهدينا كامل*
عقلية الجزائري قلد الي قبيح وماتقلدش الي فيه الفايدة
هاكذا حنايا واكيد احنا عارفين هذا الشئ مي واحد ماقال اواه نبرز شخصيتي وبعدين نقلد الي يفيدني

اما
- أبضاي -
فهي تعني شهم وقوي وراجل بمعنى الكلمة
وكثير ما سمعتها
شكرا لك على الموضوع
الاكثر من رائع
تقبل ردي
دمت بالف خير
27-12-2011, 20:45
:: عضو متميز ::
تاريخ الإنضمام: 29-05-2008
الإقامة: الجزائر - المسيلة
العمر: 20 - 25
نقاط السمعة: 27
المشاركات: 823
#7
كاين بيزيريا في و لايتنا اسمها : دقت ساعة الاكل الى الامام الى الامام كي قاتلي عليها اختي مت بالضحك و حرت في ناسنا الهوا اللي جا يديهم
27-12-2011, 20:46
:: عضو شرفي ::
تاريخ الإنضمام: 15-06-2010
الإقامة: الجزائر - باتنة
العمر: ( غير محدد )
نقاط السمعة: 1765
المشاركات: 7,835
#8
أهلا بيك يا الشيخ
واش راح يسمسه يا الشيخ مطعم علي لابوانت، ولا مطعم الشلعلع ...
ولا يقتلونا بمطعم الأوراس ههههههه



إذا الليل أضواني بسطت يد الهوى ... وأذللت دمعا من خلائقه الكبر

27-12-2011, 21:13
:: عضو متألق ::
تاريخ الإنضمام: 27-05-2011
الإقامة: الجزائر - تيارت
العمر: 20 - 25
نقاط السمعة: 6383
المشاركات: 3,007
#9
السلام عليكم
الحمد لله كي راهي الانوثة حالتها مستقرة فرحنا نهار تخرج من الكوما ولا اخلعنا نهار تتدهور الحالة
الوغ ماجاتنيش بيزار هاذ العفسة , كون لاوقفت على ابوشهاب وباب الحارة
كاينة واحد المخبزة في ولايتنا , سموها مخبزة عبد القادر كايتا ... " نورمالمو تعرفو ؟؟؟"وجيت راح نكتب عليها بالصح ماوالاتش كيما قلت انت ايا معليه راك كتبت انت , واش تحب ياك احنا قاعدين غي نطبعو منعرف شاراح يضيف اسم ابوشهاب ولا باب الحارة على الماكلة ولا الحفافة ولا القهوة
هيا خلطها تصفى , يعطيك الصحة خويا لاجودان على الموضوع الهايل +
أمم لا تعرف تاريخها , لاتحسن صياغة مستقبلها
27-12-2011, 21:19
:: عضو فعال ::
تاريخ الإنضمام: 10-01-2008
الإقامة: الجزائر - بجاية
العمر: 20 - 25
نقاط السمعة: 185
المشاركات: 1,797
#10
حنا عندنا كفيتيريا زنقة زنقة
ومقهي ام درمان وبزاف بزاف كيما قلت انت

مطعم القيد أو شهاب...خضار وادي الذئاب...جزار الاسقلال...بففف ثقافة الشعارات تاعنا


اختى ادناى شوية حنا برصاويات خلينا منها راهي رياليست جبرية .....انوثة في الكوما

أدوات الموضوع
طريقة عرض الموضوع


المواضيع المشابهة
الموضوع كاتب الموضوع المنتدى المشاركات آخر مشاركة
جزار وعينيه رادار...سلسلة ساخرة نزهة الفلاح ركـن المحـاولات القصصية للأعضاء 49 07-03-2014 01:56
وادي الذئاب في لامار الواسعة يونس الصديق ركن عالم الحيوانات والطيور والنباتات 6 10-08-2013 12:42
موسيقي المسلسل التركي وادي الذئاب hunter6633 منتدى أجهزة الهاتف المحمول 3 17-06-2010 13:53
طفل مهووس بمسلسل وادي الذئاب يقلد شخصية مراد ويطعن والدته من الخلف بالسكين أميرة سليم مجتمع اللمة العام 3 17-05-2010 12:46


الساعة معتمدة بتوقيت جرينتش +1. الساعة الآن: 02:33.
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتدى اللمة الجزائرية ولا نتحمل أي مسؤولية حيال ذلك (ويتحمل كاتبها مسؤولية النشر).