زيارة المريض في الجزائر

homework

:: عضو بارز ::
أحباب اللمة
إنضم
30 ماي 2008
المشاركات
1,332
نقاط التفاعل
160
النقاط
39
مساء الخير عليكم كامل فميلتنا في اللمة
اليوم حبيت نحكيلكم على واحد الطبيعة فينا في الشعب نتاعنا الله غالب
كي واحد يروح يطل على واحد مريض يبداو اولا يصدعولوا راسوا بالهدرة و تقطاع في الناس
واش جاتك فلانة والله مافيها الخير شفيتي كي هيا مرضت روحتيلها و كي زوجت وليدها باركتيلها ووووووووووووووووووووووووووووووووووووووووووو
و زيد تبدي كي جاتك واش جابتلك ولا جات بيديها يسفقوا كيما موالفة :scared:
وهذي الزاوجة هي لي خلاتني مشوكية
وحدة تخدم معنا مرضت و دخلت لسبيطار و ربي وصانا على زيارة المريض اي تفاهمنا كامل المدرسة باش نروحولها نشوفوها خاصة انها بعيدة على العايلة نتاعها قلنا نديروا الواجب
اي دينا واش كتب ربي في يدينا وروحنا لحقنا دخلنا و هي في حالة ناضة و فرحة كي شفتنا حتي طحتلها الدمعة :tears:
و بداوا جماعة الزيارة
الشوط الاول : هذي شكارتي و وهذي نتاع فلانة و فلانة انا شخصيا مت بالحشمة روحنا نوروا روحنا والا نربحوا الاجر
الشوط الثاني : جاتك فلانة شفتي الخداعة مافيهاش الخير وووووووو
الشوط الثالث :واش قالك الطبيب شفتي سلكتي على الشعرة لوكان كاش ماسرالك هكذا صرات لصحبتي و ماتت ربي يلطف
الشوط الرابع : المدير قال منعرف مريضة صح والا تفيس حبت تريح دارت روحها مريضة و فلانة قالت البارح شفتها في السوق ووووووووووو
سمحولي انا لي مانيش مريضة مرضوني وخلي المخلوقة لي مريضة زادوا عليها
هذي هي عيادة المريض في الجزائر لي وصى عليها الرسول صلي الله عليه وسلم
اليكم الخط كاش مانسيت كملوها لاني حلفت مانزيد نزور مريض مع جماعة نزيد الذنوب لعمري نروح وحدي كاش مندي اجر :re_gards:
 

مساء الخير

ههههههههههههههه موضوعك في القمة

يقلو ناس بكرى لفيه طبيعة متتنحلووووش

وحنا كيما هاااك الله غالب

مي نظن هاذي عقلية شتها عند نساء برك

الف الف شكر ليك

تشاو تشاو
بيكـــــــــــــــهام
 
مساء الخير

ههههههههههههههه موضوعك في القمة

يقلو ناس بكرى لفيه طبيعة متتنحلووووش

وحنا كيما هاااك الله غالب

مي نظن هاذي عقلية شتها عند نساء برك

الف الف شكر ليك

تشاو تشاو
بيكـــــــــــــــهام
سلام خويا بيكهام
شفت حنا النساء وين نروحوا فمنا يجيبلنا المشاكل
مشكور على المرور الطيب :re_gards:
 
أهلا بيك هومروك
والله مالقيت نضحك مالقيت نحير ؟؟؟
خاصة تاع هذي شكارتي وهذي شكارة فلان ؟؟؟
يعني هذي زايدة خلاص
ولا يبينو في رواحهم ، أنا جبت ب35 ألف ولخرى قضات غير شوةي يا ؤورت ب15 ألف ؟؟؟
حيرة والله خدايم الذراري الصغار
وخلي واش قلتي جاو ينحيو عليها ظهرو زادو عليها ...
هكذا مدايرين حنا الله غالب ماعادش نتريقلاو ولا نثقفو ونظرافو وانحيو التفاهات هذي
يعطيك الصحة هومروك
 
:cursing:
أهلا بيك هومروك

والله مالقيت نضحك مالقيت نحير ؟؟؟
خاصة تاع هذي شكارتي وهذي شكارة فلان ؟؟؟
يعني هذي زايدة خلاص
ولا يبينو في رواحهم ، أنا جبت ب35 ألف ولخرى قضات غير شوةي يا ؤورت ب15 ألف ؟؟؟
حيرة والله خدايم الذراري الصغار
وخلي واش قلتي جاو ينحيو عليها ظهرو زادو عليها ...
هكذا مدايرين حنا الله غالب ماعادش نتريقلاو ولا نثقفو ونظرافو وانحيو التفاهات هذي

يعطيك الصحة هومروك
مرحبا مكانش و هذيك نتاع الشكارة :scared::um_sh:عيت نفهمها
مشكور لي فيه طبيعة ماينطبع الله غالب هذوما عبادنا ماعندنا مانديروا
 
:cursing:
مرحبا مكانش و هذيك نتاع الشكارة :scared::um_sh:عيت نفهمها
مشكور لي فيه طبيعة ماينطبع الله غالب هذوما عبادنا ماعندنا مانديروا


تاع الشكارة كيما قتلك هومروك
أنا راني جبت البنان والياؤورت، وهاهي الشكارة تاع فلانة جابت غير الياؤورت برك
هههههه
باين ماكانش الإخلاص في زيارة المريض وماكانش النية الصافية
 
السلام عليكم اختي

والله كيما قلتي عندك حق يروحو يحوسو على الأجر يجيبو معاهم شكارة ذنوب وعلاه هذا كامل

وزيد كيما قلتي يزيدو المرض على المرض

ويتباهاو بالصاشيات راهي روحت الاجر عليها

جات باش توقف معاها وتاونسها ولا تكمل عليها؟

ربي يتسرنا برك

وربي يهدينا

موضوع قمة

مشكورة أختي

+تقييم​
 
تاع الشكارة كيما قتلك هومروك

أنا راني جبت البنان والياؤورت، وهاهي الشكارة تاع فلانة جابت غير الياؤورت برك
هههههه

باين ماكانش الإخلاص في زيارة المريض وماكانش النية الصافية
هههههه ماتخافش اختك شكارة معمرة حطيتها فوق الطابلة و درقت موراهم العبد حاب الاجر ماشي المخلوقة جيعانة
 
السلام عليكم اختي​


والله كيما قلتي عندك حق يروحو يحوسو على الأجر يجيبو معاهم شكارة ذنوب وعلاه هذا كامل

وزيد كيما قلتي يزيدو المرض على المرض

ويتباهاو بالصاشيات راهي روحت الاجر عليها

جات باش توقف معاها وتاونسها ولا تكمل عليها؟

ربي يتسرنا برك

وربي يهدينا

موضوع قمة

مشكورة أختي


+تقييم
مشكورة حنونتي على المرور حبيت نهار الشعب نتاعنا يتعلم اداب زيارة المريض و يتقيد بيها
الاجر فسخ راحوا يحكيواو يقطعوا في الناس واش من أجر
 
السلام عليكم

حقا معك حق في كل كلمة
بارك الله فيك
و ان شاء الله تيعقلو شويا و يتعلمو واش معنتها
زيارة المريض
 
السلام عليكم


حقا معك حق في كل كلمة
بارك الله فيك
و ان شاء الله تيعقلو شويا و يتعلمو واش معنتها
زيارة المريض
مشكورة اختي على الرور
هذي هي الرسالة لي حبيت نوصلها الأنسان يخدم لربي ماشي للعبد و نحوسوا على الاجر ماشي للافتخار
 
عندك الحق واش تقول وواش تخلي و نحكيلك موقف صرا في دارنا

اختي عملت عملية على الامعاء يعني مصارينها تعقدو و النهار الاول اللي رجعت فيه للدار بعد 3 ايام على العملية

زارتها مجموعة من زميلاتها في العمل بداو يحكيو على زميلة اخرى كانت ذاك الوقت في الانعاش

و ان مصيرها الموت ووووووووووووو مع العلم ان هذه المجموعة فيها الطبيبة و الممرضة و عاملة الادارة

لان اختي تعمل بالمستشفى
و لكم ان تتخيلوا حالة اختي في ذاك اليوم

واكتاش نتعلموا ادب زيارة المريض لا ادري
 
عندك الحق واش تقول وواش تخلي و نحكيلك موقف صرا في دارنا

اختي عملت عملية على الامعاء يعني مصارينها تعقدو و النهار الاول اللي رجعت فيه للدار بعد 3 ايام على العملية

زارتها مجموعة من زميلاتها في العمل بداو يحكيو على زميلة اخرى كانت ذاك الوقت في الانعاش

و ان مصيرها الموت ووووووووووووو مع العلم ان هذه المجموعة فيها الطبيبة و الممرضة و عاملة الادارة

لان اختي تعمل بالمستشفى
و لكم ان تتخيلوا حالة اختي في ذاك اليوم

واكتاش نتعلموا ادب زيارة المريض لا ادري
مشكورة اختي على المرور الذي اسعدني
نتعلموا كي نقتلوا كاش مريض باش نفيقوا
لازم نتعلموا مافيهاش نقاش لاننا كارثة في التصرف :sad:
تحياتي :re_gards:
 
السلام عليكم ورحمة الله وبركاته
بارك الله فيك ختي والله كلامك صحيح
انا نكره هاذوك لي ما يعرفوش آداب زيارة المريض
ويزيدو عليه وشبيه وجهك صفر..وشبيك شينت بفففف
كاين علماء تاع الدين قالك حتى يجوزلك تكذب على المريض باه ترفعلو معنوياتو
وكيما قلتي التوقاب وحدو لاعب دييس
هيا شكرا لك
 
هههههه ماتخافش اختك شكارة معمرة حطيتها فوق الطابلة و درقت موراهم العبد حاب الاجر ماشي المخلوقة جيعانة

هههههه
علابالي
ربي يحفظك هومروك ويعطيك على قد قلبك ...
 
السلام عليكم ورحمة الله وبركاته

بارك الله فيك ختي والله كلامك صحيح
انا نكره هاذوك لي ما يعرفوش آداب زيارة المريض
ويزيدو عليه وشبيه وجهك صفر..وشبيك شينت بفففف
كاين علماء تاع الدين قالك حتى يجوزلك تكذب على المريض باه ترفعلو معنوياتو
وكيما قلتي التوقاب وحدو لاعب دييس
هيا شكرا لك


والله يا الشيخ ياخويا غير من عندك برك سمعت بلحكاية هذي ؟؟؟
الكذب يجوز على المريض باش أطلعلو المورال ؟؟؟
 
السلام عليكم ورحمة الله وبركاته
بارك الله فيك ختي والله كلامك صحيح
انا نكره هاذوك لي ما يعرفوش آداب زيارة المريض
ويزيدو عليه وشبيه وجهك صفر..وشبيك شينت بفففف
وكيما قلتي التوقاب وحدو لاعب دييس
هيا شكرا لك

++++++++++

زيارة المريض عبادة يلزمها فقه بها سابق لها. "ي
قول الله يوم القيامة يا ابن آدم مرضت ولم تعدني قال يا رب كيف أعودك وأنت رب العالمين قال أما علمت أن عبدي فلانا مرض فلم تعده أما علمت أنك لو عدته لوجدتني عنده"رواه مسلم (2569) عن أبي هريرة.
 
السلام عليكم
وي معاك الحق لا و يعجبك يعطو لبعضاهم الرونديفو تم ايا عشية نتلاقو عند فلانة راها مريضةو لا راها في السبيطار الفلاني حتى اللي يجو ما يصيبوش وين يقعدو
 
حانا نزيديو عليه فوق مرضو هههههه
 
موضوع قيم يستاهل القرائة والرد
هنا في مستشفياتنا يجو بالقروب والي تجي تشوف مريضة تجيب بناتها كامل من الصغيرة للكبيرة ويحطو المكياج القاوي :rolleyes::rolleyes:والبسة الفور والهدرة والتلفونات والضحك الله الله :eek:i-o:زيارة المريض عندنا كانو واحد رايح لعرس ويقعدو حتى وقت الخروج راهي كاين حاجة نقلوها الي زارنا يخف الزيارة خفيفة ونضيفة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top