روز الافغاني من مطبخي

om abdulhadi 2011

:: عضو مُتميز ::
إنضم
1 أوت 2011
المشاركات
567
نقاط التفاعل
281
النقاط
23
18012012781.jpg



اولا رابي 2 بصلات وحطيهم مع نصف كاس زيت في الكوكوت يتقلاو ومن بعد من يتقلاو حطي فوقهماللحم نتاع الغنمي كيلو وخليه شوية مع البصل يتقلا ومن بعد حطي فوقهم 2 طماطم مقطعة مكعبات وخليهم شوية ومن بعد من يتقلاو ديري 2 كيسان ماء وملعقة ملح وبلعي الكوكوت وخليهم يغلي حتي يطيب اللحم ومن جهة اخري تجيبي 3 ولا 4 نتاع الجزر تقطعيهم طواول طوال كما في الصورة وتحطيهم في المقلة تكون فيها نصف كاس زيت وقليهم ما تخليهمش يحماروا بزاف غ يدبالو ومن بعد قلعيهم وحطيهم في صحن جبي نصف كاس زبيب وهو تاني قليه شوية في نفس الريت الي قليتي فيه الجزر غير شوية تشوفيه ينتفج بصح نورمان ومن بعد قلعيه من الزيت وحطيه مع الزبيب وخليهم ومن بعد من يطيب اللحم تكوني غاسله الروز نتاعك تحلي الكوكوت وتحطي 2كيسان ارز وما تكتريش الماء يلا قديتي تعبري ديري 2 كيسان ارز و2 كيسان مرقة خلطي الروز من تحطيه غي خطرة واحدة علي نار قاوية ومن يغلي الروز ونشف شوية الماء نقصي للقاز نتاعك قد ما تقدي شمعة ومن بعد تقبيه من الفوق بالظهر نتاع الملعقة تجبي هاداك الجزر والزبيب وحطيهم في الوسط كما الجبل وغطيه بالكتانة هادي مهمة وخليه علي هاديك النار شمعة دوك هو من تبلعي عليه بالكتانة وتزيدي الغطاء نتاع الكوكوت يكمل طيابه ومن بعد مين يطيب قلعي هاديك الجزر والزبيب حطيهم في صحن جيبي صحن التقديم نتاعك حطي الحم من تحت وزيدي الروز فوقه وزوقي بالزبيب والجزر من الفوق ملاحظة انا استخدمت روز بسمتي لاااااااازم
واي استفسار انا في الخدمة وسمحولي بطيت عليكم امنياتي وعشقي الامارات :sheer:
 
وصفة رائعة نجية يعطيك الصحة
 
نسيت حاجة حبيت نقولكم بلي هد الروز مافيهش التوابل نديرو غير الملح سامحوني
 
مشكووورة غاليتى على الوصفة :shiny:
 
اممممممممممممممممممممم نجية مشاء الله
نجربو ان شاء الله
سلمتي نجية ربي يحفضك اختي احلى تقييم
 
ya3tik saha Nadjia, bayen bniiiiiiiiin, njarbou in cha allah, ta3abtek assamhili
testahli takyiiiiim
 
الف شكر اختي نجية على الوصفة بارك الله فيك
 
يعطيك الصحة ممممممممم يشهي
انا نحب نغير في وصفات الرز راح نجربها
 
بارك الله فيك اختي على الوصفة الشهية
 
بارك الله فيكم اخوتي فرحتوني بالردود المشجعة نتاعكم
 
طريقة جديدة ومذاق الطبق يميل للحلو ... بلا ما نذوق

إن شاء الله يتم التطبيق

جزيت خيرا و يعطيك الصحة + تقييم
 
يعطيك الصحة حبيبتي يشهي تسلم الايادي غاليتي +تقييم​
 
حاجة جديدة وروعة عاشت الايادي الطيبة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top