يآكـ "زميلـ صديقي ـي" وحآبة نفرغلو وش عندي ...!

صـ كحرفـ محفور ـامتة

:: عضو مُشارك ::
إنضم
18 نوفمبر 2011
المشاركات
185
نقاط التفاعل
8
النقاط
7
السلام عليكم ورحمة الله تعالى وبركاته

:sheer:
احوالكم ناس اللمة؟؟؟؟؟


5.png
واش دار فيكم الثلج؟؟




ندخل في الموضوع direct



رانآ ورآكم تشوفو ظآهرة الصدآقة باسم "الزمالة"



تصيب الطفلة قآعدة مع واحد وتقلك "زميلي" والهم الكبير ما يقرآش معآهآ ولا حتى في نفس السنة.....:sad:
لآلآ ... وقآعدة معآه ضحك وقهقهة و أرقآم الهوآتف ......!!>>:surrender:



أنآ نشوفها طبيعية "الزمآلة" بين الجنسين في حدود "الجدرآن الاربع" للقسم و "حضور" الزملآء.




>>أنآ عندي زملآئي في القسم...متنآفسين , ومرآت توصل بينآتنآ للمشآحنة على كآش معآدلة ولآ عبارة,,,

maisزوج بنآت يقعدوآ مورآيآ مرآت وحدة فيهم تروح تقعد مع واحد واللي قآعد معآه يجي يقعد مع لوخرآ.....>>>ومرآت يكون صوتهم مسموع لدرجة الأستآذ يحبس الدرس ويقعد يشوف فيهم.
....يحكو في صوآلح خآرج ميدآن الدرآسة
وفي نفس الوقت: نعرف جماعة منهم كاين اللي يقراوا معايا ..بنات وذكور من منطقة وحدة ..أصدقآء وقلوبهم على بعضآهم .مايحبوش على بعضآهم وحتى يتجمعوآ كآمل في بيت واحد منهم ويقرآوا و أخلآقهم رآئعة اللهم بآرك


المهم...
نرجعو لموضوعنا.....


في رآيكم:
1: وش تقدروا تقولوا على مصطلح"الصدآقة بين الجنسين"؟؟
2: في رآيكم: هي صدآقة حقيقية ولا تقدر تروح؟
3: وشنو هي الموآضيع اللي يتكلموا فيهآ الجنسين؟
يعني وشنو هومآ الموآضيع المشتركة اللي تخليهم يحكو لبعضآهم ماشي الطفلة تحكي لصحبتهآ والطفل لصآحبو؟
4: في رآيكمaussi: موقف الآباء والأمهآت من علآقة كيمآ هادي؟؟


وفي la fin

:re_gards:
إليــــــكم الخط....
 
1: وش تقدروا تقولوا على مصطلح"الصدآقة بين الجنسين"؟؟مكانش صداقة بين الذكور و الاناث كلما اجتمع ورجل الا ولعبت العاطفة و الشيطان دوره
2: في رآيكم: هي صدآقة حقيقية ولا تقدر تروح؟ لا حقيقية و لا هم يحزنون راهي محرمة و الحاجة لي محرمة لا تجوز

3: وشنو هي الموآضيع اللي يتكلموا فيهآ الجنسين؟ الحب و المواضيع الخارجة عن الطريق
يعني وشنو هومآ الموآضيع المشتركة اللي تخليهم يحكو لبعضآهم ماشي الطفلة تحكي لصحبتهآ والطفل لصآحبو؟ الدخاسة و الخلطة
4: في رآيكمaussi: موقف الآباء والأمهآت من علآقة كيمآ هادي؟؟ معلبلهمش دايرين ولادهم رايحين يقروا
مشكورة على الموضوع
 
الله غالب
ناس مشتاقة هدرة ومعريفة
ومونك حنان
كرف

:
وش تقدروا تقولوا على مصطلح"الصدآقة بين الجنسين"؟؟
لا يجوز حسب الشريعة الاسلامية
2: في رآيكم: هي صدآقة حقيقية ولا تقدر تروح؟
معرفة النسا تتنساااااااااااااااا
3: وشنو هي الموآضيع اللي يتكلموا فيهآ الجنسين؟
يعني كي يكونو يقراو مع بعض
يقدرو يهدرو في مايخص الدراسة ماكاش مشكل
واذا كانو يخدمو مع بعض
يحكو في مايخص العمل
+ pas
يعني وشنو هومآ الموآضيع المشتركة اللي تخليهم يحكو لبعضآهم ماشي الطفلة تحكي لصحبتهآ والطفل لصآحبو؟
كيما قلنا
يحكو فيما يخص الدراسة
يحكو فيما يخص العمل
اوكي
مي حاجة اخرى الله اعلم
جامي حكيت مع طفلة
الله غالب انا معقد
4: في رآيكمaussi: موقف الآباء والأمهآت من علآقة كيمآ هادي؟؟
لوكان عرفو يربو مايصراش هكا
يخليو بناتهم على هواهم
ويطلقو ولادهم يتبلاو بنات الناس

نقولو ربي يهدي
وهاذي هي




صحيتووو
 
السلاآم عليكم
موضوع في الصميم
تعرفي أني كل ما أسمع كلمة "Amie تاعي برك "
يحبسلي الأوكسيجين في المخ =)
دروك أنا ما فهمتش...الصداقة اللي مثل هذي ما عندهاش أي اساس في الاسلام
بل هي حاجة دخلت عندنا من الغرب
أنا عندي زملائي في الدراسة..لكن لازم يكون هناك خطوط حمراء ما يتخطاهاش هاد الزميل...وأنتي اللي ترسميهاآ بنفسك
لما نتكلم معاهم فيكون ذلك في سياق الدراسة....وإذا تكلمنا خارج الموضوع فتكون في قضايا مفيدة وتع النقاش وماش تع "الشكيل" اللي يهدرو فيه...
أنا هاد العقلية أبدا ما نحبهاش ..ونحاول قد ما نقدر أنو ننصح بخصوص هاد الشي
في رآيكم:
1: وش تقدروا تقولوا على مصطلح"الصدآقة بين الجنسين"؟؟
الصداقة ما بين الجنسين أمر لم يحلله إسلامنا....ربما القراية هي اللي فرضت علينا "الزمالة" وليس الصداقة
وهذا بسبب الإختلاط..الذي وضع له العلماء شروط وهي اللي نقدرو نحددو بيها علاقتنا مع الجنس الآخر
2: في رآيكم: هي صدآقة حقيقية ولا تقدر تروح؟

دايما نسمع منهم" أنو الاولاد أصدق من لبنات والبنت يجي نهار وتخونك وهاكا "..ربما هاد الشي صحيح بنظرهم لكن رح يكون لها عواقب أكيد...ودائما لازم ندعو ربنا أنو يرزقنا بصحبة صالحة
3: وشنو هي الموآضيع اللي يتكلموا فيهآ الجنسين؟
غالبا تكون عن الدراسة..ولكن أنا نحب مرات نتكلم في أمور الدين وحاجة خاصة بالمجتمع تاعنا وكيفاش نصلحوها..وهذا ما قصدت به مواضيع النقاش..أيضا لا أستبعد العمل في الجمعيات اللي يلزم عليك أنو يكون بينك وبين الجنس الآخر كلام لكن في مواضيع محددة
يعني وشنو هومآ الموآضيع المشتركة اللي تخليهم يحكو لبعضآهم ماشي الطفلة تحكي لصحبتهآ والطفل لصآحبو؟
أول شي ..رح تتحدث على العلاقات الغير مشرعة وخرجت معاهاداك وهاداك خلاني وووو...وهاد الشي أعايشه يوميا ...ربي يهدينا..لكن هيا بنفسها راهي مرتكبة ذنب أيا وتزيد تجاهر به وتخبر الناس والأولاد باش زعما تبينلهم بلي مرغوبة ...ربي يهدينا
4: في رآيكمaussi: موقف الآباء والأمهآت من علآقة كيمآ هادي؟؟

كاين والدين واللي أستغرب منهم يدعمو هاد الشي...لأنو مرة وحدة راحت تطلع على واحد يقرا معاها لانو غيب !!
وكاين حتى اللي يجتمعوا في دار وحدة كيما قلتي...وأكيد هاذ الشي يكون بعلم الوالدين



............
شكرا لك حنونة على الموضوع اليباهي
تستاهلي تقييم
 
[
SIZE="6"]الاختلاط والتخلاط والناس أصبحت تفكر بما يوضع في الصباط
خلطونا
وتركونا
فأهلكونا
في مستنقع نتن
مارحمونا
الشبان لم يعرفوا كيف تكون العلاقة بينهم
وداخو وخربطوها
العلاقة بين البشر إما أن تكون زمالة أو صداقة أو حبا عاطفيا
الزمالة هي التواجد في مكان مشترك من أجل عمل أو علم فقط فقط فقط
ياااااااااااو قلت فقط
وتكون حسب ضوابط شرعية
الضوابط الشرعية
لي محيناها وتحررنا فيافرحتي بالعبيد و عقلهم العنيد
الاختلاط ولد لنا مايسمى
الصداقة بين الجنسين :001_unsure:

الصداقة لاتكون بين جنسين مختلفين لأنه بالطبعية البشرية ربي خلق الأنثى تميل للذكر والذكر يميل للأنثى
ولا غالطين ؟؟؟؟؟
اذا وجد فيها ماتحبه نفسه
أو هي وجدت فيه ماتحبه
قالك العقلية والزين
أكيد سيكون هنالك تجاذب
دب دب
وحكاياتنا كثيرة وراكم تعرفووا
الخبايا
[/SIZE]
 
انا واش رايح نقول رانا وصلنا لدرجة الانحطاط والرخس من تحت 0 ولي نقدرو نقولوه ربي يهدي من خلق
شكرا على الموضوع
 
1: مشكورة على الموضوع
شكرآآ...أعجبني مرورك



نقولو ربي يهدي
وهاذي هي




صحيتووو
الله يسلمك
وشكرآ على التفاعل الطيب



............

شكرا لك حنونة على الموضوع اليباهي
تستاهلي تقييم
العفو......

منطق جميل..شكرا لكـ
شكرا على الموضوع
العفو....شكرا لمرورك الطيب




بالمنآسبة: أنآ أؤيد النقاش بين الطرفين خاصة في القضايا التي تمسنا نحن المراهقين بالدرجة الأولى مثل تصرفاتنا مع آبائنا وأمهاتنآ خاصة, المشاكل التي تحدث في القسم والمدرسة ... و يعجبني مثل هذا الحوآر خاصة وأن مجموعتي ذآت وعي لآبأس به وتملكـ ثقآفة الحوآر ..."يعني كيما نقولو بدزيريتنا: نعرفو كيفاش ووقتاش ووين و مع من نهدروا" ربي يحفظلي الكوبل تاعي ويحفظكم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top