راه يصب الثلج؟اقفل الباب بالبلج

الحالة
مغلق ولا يسمح بالمزيد من الردود.

الخيزران

:: عضو بارز ::
أحباب اللمة
إنضم
9 ماي 2010
المشاركات
3,157
نقاط التفاعل
46
النقاط
157
السلام عليكم ورحمة الله وبركاته
جماعة منتدى واش راك تهدر واش راكم؟
انا راني بخير والحمد لله

هدرت على الثلج وفرحت بيه وصورتو ودرت فوضى كبيرة حتى ولات جماعة تقول قاطمة خلعها الثلج ههههه
وهي من باب =واما بنعمة ربك فحدث= برك

اليوم من قلب الحدث نحطلكم صورة ولا زوج ما يعجبوش
1-الصورة لي حبستلي راسي وبقيت حايرة عزوف الاساتذة والمعلمين عن التدريس كي طاح الثلج
المدارس والمتوشطات والثانويات تغلقت في وجوه الاولاد
تقولولي: الطريق مغلوقة والله مؤسسات الباب للباب مع الديار
البارح بنت جيرانا راحت رجعت قالت لدارهم ماقريناش
واليوم راحت وجات قالت ليماها من الاخير قالولنا ما تزيدوش تجيو حتى لنهار الاحد
لوكان جيت انا من الاساتذة هاذوا نديرها سبة بالثلج وندير احتجاج واضراب
حجة وجويجة
تقولولي خافو المشاكل تاع الضرب وثقافة الهمج نقولكم صح ما قراوش بصح كامل البنات والاولاد راهم برا
ولو كان يحب ربي ويبقى يطيح اسابيع ما تخدموش حتى يتوقف ؟
ملاحظة
جماعة ليكور تاع الدراهم يقراو :shiny:
2-الصورة الثانية :
العيوب لي بينها الثلج والمطر مزوق من برا شحالك من داخل
الطرق تغلقت الطلبة الجامعيين لي يجيو من دوائر وبلديات اخرى راطاو ليكونترول والتيديات القطاعات تشلت والخدمة حبست
يا ترى لو كا ن يصب كما في اكرانيا والروس يجمدلنا الماء في البلعوم ولا كيفاش ؟

ملاحظة اخرى اذا سمحتولي
القطاع العام برك لي ما يخدموش الخواص يروح ذراع عليه ولو كان يطيح برد الرقيق
واذا السيارات ما تمشيش يروح على رجليه
تحية طيبة


 
أهلا بيك فاطمة
يعطيك الصحة على موضوعك الباهي
هيا حاجة باينة جابو غير السبايب برك ، ولوكان يصيبو مايخدموش خلاص
بصح ثاني ثقافة الهمج تلعب دور
وبزاف والدين ما يخليش بنتو تخرج في جو كيما هذا
البارح واحد صاحبي قالي غدوة نقول لختي الصغيرة ماتروحش تقرا
خاف عليها ، وهذا صح وواقع
بصح كيما قلتي المشكل ماشفناهمش حاكمين الديار، بصح الأغلبية ماخرجتش ...

يعطيك الصحة فاطمة

+ تقييم
 
التقييم قالولي لازم تعطيه قبل لخرين باش تقدر تزيد تمدو للخيزران ههه
 
السلام عليكم ختي
كيما عندنا في خنشلة وزارة التربية قالت ماكانش قراية
لانو اصلا كي يروحو يقراو الليسي ولا السيام معمرة بالثلج
لاكور معمر .. و ثاني تصرا الحرب ب لي بول دو ناج
و ثاني الطريق تزلق
صوا من الدار لليسي ولا داخل الليسي
اما بالنسبة للجامعة في باتنة اجلو لي كونترول صح
انا عندي كونترول و تاجل و تهنينا و راني فالدار نقرا شوي على روحي و نرتاح
باسكو كي نخرجو غير من لافاك باش نروحو ل لاسيتي
و الله كارثة .. الغاشي يضرب بالثلج حاااالة كبيرة بالاظافة للجليد
ليسونسيال .. احسن مادارو كي حبسو القراية ههه
مارسي ع الموضوع
++ تقييم
 
التقييم قالولي لازم تعطيه قبل لخرين باش تقدر تزيد تمدو للخيزران ههه[/
ماعليش نصبر راني هنا حتى تجي دالتي في التقييم هههههه
بارك الله فيكم على اعتماد الموضوع
 
السلام عليكم ختي
وعليكم السلام
ليسونسيال .. احسن مادارو كي حبسو القراية ههه
الى متى ؟

وانتوما عندكم الدروس الخصوصية صب عندهم الثلج ولا صاحية ؟
مارسي ع الموضوع
++ تقييم
العفو اختي هدى ربي معاك في لا ريفيزيو
 
وعليكم السلام ورحمة الله
أهلا بيك أختي فاطمة
هاذو كاين منهم
مانكذبش عليك أنا لو كان عندي أولادي ما نبعثهمش يقراو في هاذ الجو خصوصًا لبنات، راكي تعرفي ثقافة الهمج كيما قلتي أنتِ. قبل كي كنت نقرا جامي خلاوني دارنا نروح نهار الثلج لأنهم يعرفو العقلية برا كيفاه مدايرة.
+
أختي معلمة اليوم الصباح راحت تقري ما جاوهاش التلاميذ. يعني مش المعلمين برك لي لقاوها سبة حتى التلاميذ :shiny:
+
بالنسبة للطرقات عندك الحق، وهاذي حاجة باينة.
راهم غير يحفرو ولحد الآن ما عدلو حتى بلاصة.
ربي يقدر الخير
+ رح نعطيك تقييم ومانعرف يسمحولي ولالا لأني من جديد عطيتلك واحد.
ربي يهنيك
:re_gards:

 
هيا مليح
لمزية لي وصلك التقييم :sheer:
:re_gards:

 
السلام عليك
ايه سمعت بلي فالشرق ماهمش يقروا خاصة باتنة و أم البواقي قالو الثلج غلق كل شيء
غير سبة و لقات حذورتها و علاش ميقرفوش ناس أروبا علاش حنا خيرمنهم
شا نقولك اختي فاطمة أحنا شعب نتاع سبايب
 
احنا اليوم برك الي صب عندنا الثلج رحنا نقراو على العشرة زعكونا
بالصح موش الثلج الي حتى منقراوش
وقيل تساهما مع اخواننا في الولايات الاخرى برك ههههههههههههههههه المهم شافوا الثلج صب .مكاش قرايا.
مرسي على الموضوع
 
في اوروبا .. ماراهمش يخرجو من الديار اصلا
 
على فكرة انا استاذة لست مرسمة
ولكني ذهبت يوم الاثنين لادرس وجدت الليسي فارغ
فيه شوية اساتذة برك
حتى التلاميذ مراهومش يجيو
انا قالولي الشح استاذة قلتينا فرض رانا مقريناش
انا ديت زوج طيحات و مقيرتش
المشكل ماشي في الدروس صح الاساتذة اللي يسكنو بعيد مقدروش يجيو
الطريق مقفولة
و زيد انا نسكن في حي عسكري الكثير من العسكر لم يذهبوا للعمل
ولا تشوفوا غير الاساتذة امزح فقط
نظن وكان يصب كيما في اوكرانيا نجمدو و الله يرحم الجزائر
 
راه لحقك التقييم مديريش على سفيان بلعني تهرب هههههههههه​


ههههههههههههههههه
والله انا ألي مديتيلها قبلكم بصح قالولي حتى تمد لخرين
البارح برك قيمتها ههههههههه
 
وعليكم السلام ورحمة الله
أهلا بيك أختي فاطمة
هاذو كاين منهم
مانكذبش عليك أنا لو كان عندي أولادي ما نبعثهمش يقراو في هاذ الجو خصوصًا لبنات، راكي تعرفي ثقافة الهمج كيما قلتي أنتِ. قبل كي كنت نقرا جامي خلاوني دارنا نروح نهار الثلج لأنهم يعرفو العقلية برا كيفاه مدايرة.
اختي انسانة انا ما نكذبش عليك نبعثهم يقراو ايه نبعثهم وهاذو اولاد ولا جاج تريسيتي ؟انا معولة نبعثهم لهيه يصب عليه الكروناد ماشي الثلج

+
أختي معلمة اليوم الصباح راحت تقري ما جاوهاش التلاميذ. يعني مش المعلمين برك لي لقاوها سبة حتى التلاميذ :shiny:
+
ربي يحفظها بصحتها الروبو كثر خير الثلج

بالنسبة للطرقات عندك الحق، وهاذي حاجة باينة.
راهم غير يحفرو ولحد الآن ما عدلو حتى بلاصة.
ربي يقدر الخير
خطرة كتبت قصيدة رائعة فيها 1500بيت على الحفر لكن خسارة راحت كي راحت اللمة واكي تعرفي حنا الشعراء ما نشفاوش واش كتبنا اذا تفكرت منها ابيات نبعثهالك ههههه:eek:_o:
+ رح نعطيك تقييم ومانعرف يسمحولي ولالا لأني من جديد عطيتلك واحد.
ربي يهنيك
:re_gards:


اذا قلنا الاولاد ثان لقاوها سبة نفتحو باب تاع ضعف الكبار
:surrender:
شكرا اختي انسانة غالية بارك الله فيك
 
السلام عليك
ايه سمعت بلي فالشرق ماهمش يقروا خاصة باتنة و أم البواقي قالو الثلج غلق كل شيء
غير سبة و لقات حذورتها و علاش ميقرفوش ناس أروبا علاش حنا خيرمنهم
شا نقولك اختي فاطمة أحنا شعب نتاع سبايب
نقولك حاجة امينة شوفي
لثلج يغطي الاخضر واليابس في بولندا مع استمرار موجة الصقيع التي تضرب البلاد منذ اكثر من اسبوع.
انخفاض درجة الحرارة إلى ما دون الثلاثين تحت الصفر والطقس السيء أديا إلى تسجيل ثماني حالات وفاة جديدة في اليومين الماضيين ليرتفع عدد ضحايا الطقس السيء في بولندا إلى سبعة وثلاثين شخصا.
بولندا ورومانيا وأوكرانيا كانت الدول الاكثر تأثرا بموجة الصقيع التي تضرب بقوة وسط وشرق اوروبا بقوة حيث وصلت حالات الوفاة في اوكرانيا إلى مائة وواحد شخص.
حال العاصمة الصربية كان افضل من سابقاتها وان باتت بلغراد ترزح تحت الثلج الذي تساقط بغزارة لعشرين ساعة متواصلة وهو الامر الذي اصبح يهدد استمرار العمل في الميناء الجوي. يهدد برك يعني ما يعدموش الوسيلة
دول غرب اوروبا نالت ايضا نصيبها من موجة الصقيع حيث انخفضت درجة الحرارة في بعض المناطق إلى ما دون الثلاثين تحت الصفر فيما هطلت الثلوج بكثافة على العاصمة روما في ظاهرة نادرة.
ورغم ذلك شركة ما توقفتش واذا توقفت كلشئ يتعوض
 
آخر تعديل:
احنا اليوم برك الي صب عندنا الثلج رحنا نقراو على العشرة زعكونا
بالصح موش الثلج الي حتى منقراوش
وقيل تسهاما مع اخواننا في الولايات الاخرى برك ههههههههههههههههه المهم شافوا الثلج صب .مكاش قرايا.
مرسي على الموضوع
اهلا صفاء
الوباء يعدي ,ضحكتيني كي قلت تضامن مع الولايات الاخرى
راهم يطبقو المصيبة اذا خفت عمت
يعطيك الصحة
 

اختي انسانة انا ما نكذبش عليك نبعثهم يقراو ايه نبعثهم وهاذو اولاد ولا جاج تريسيتي ؟انا معولة نبعثهم لهيه يصب عليه الكروناد ماشي الثلج

أضحك الله سنكِ
ماكنتش علابالي بيك من المحاربين القدامى
المشكل يا فطومة في الغاشي لي برا
تبعثي بنتك يصبحو ضاربينها كانش حجرة ولا حاجة
وراكي تعرفي العقلية مليييييييييييح



خطرة كتبت قصيدة رائعة فيها 1500بيت على الحفر لكن خسارة راحت كي راحت اللمة واكي تعرفي حنا الشعراء ما نشفاوش واش كتبنا اذا تفكرت منها ابيات نبعثهالك ههههه:eek:_o:


مليييييييييييح، محاربة وشاعرة :re_gards:
أنا دايما نقولهم راني نستنى في الكنز لي راهم يحوسو عليه حتى حفرو هاذ الطرق كامل.

اذا قلنا الاولاد ثان لقاوها سبة نفتحو باب تاع ضعف الكبار :surrender:
شكرا اختي انسانة غالية بارك الله فيك

وفيكِ بارك الله
ذرك كان خويا يحكي قال شيخ كبير توفى اليوم لأنو زلق في الثلج وطاح
فمات .. ربي يرحمو

 

و عليكــِ السلآم فآطمة

والله غير عندكـ حق مآم هنا عندنآ قآلولنآ ماكانش قرآيآ
ليآمآت لي فاتو عارفين ماكانش قرايا مام انا مارحتش و ماقلقتش روحي
مي ليوم رحت يا سيدي الجو صبح مليح الشمس صح شوي برد و ثلج
مي نورمال
قالك الاساتذة ماناش قادرين نقريو روحو روّحو و نصهم ماجاوش
انا نشوف فيها غير سبايب مع حنا نموتو على القرايا و الخدمة
نخدمو فيها قلب و رب .... سبايب برك
علاه في اوروبا يا لوكان مغطي كلشي تلقاي هاذوك التلاميذ الصغار
خرجو و يقراو نورمال ...

انا في رأيي قضية انظبآط
كي يغيب الانظبآط تعم الفوضى لي رانا فيهآ

مشكورة فآطمة بآركـ الله فيكـِ .. ْ~|
+ تقييم

 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top