ماهو طبقك المفضلـ؟؟؟

الحالة
مغلق ولا يسمح بالمزيد من الردود.

chemssou007

:: عضو بارز ::
أحباب اللمة
إنضم
12 سبتمبر 2009
المشاركات
2,416
نقاط التفاعل
40
النقاط
82
العمر
34
السلام عليكم
حبيت ندير هذا الموضوعـ
باه نشوفو الاذواق المختلفة لأعضاء اللمة
و لم لا نتعرفوا على أطباق جديدة
فالمآكل في الجزائر مختلفة و متنوعة
و أحيانا تروح لولاية يمدولك توكلـ طبق تبقا تشوف فيه
ما تفهموش حتى كيفاه مخدومـ


اذا السؤالـــــ
ما هو أشهى طبقـ عندك؟؟؟
 
عندي اطباق ماش طبق

مع ا لعلم كنت نكره كلش نشتي غير البيتزا واخواتها

بصح ضرك

البربوشة

الشخشوخةالبسكرية تاع امي بالذات

المحكوك

والمحاجب

العدس بصح بالزيت الزيتون

الحميس





وغيرو




 
عندي اطباق ماش طبق


مع ا لعلم كنت نكره كلش نشتي غير البيتزا واخواتها

بصح ضرك

البربوشة

الشخشوخةالبسكرية تاع امي بالذات

المحكوك

والمحاجب

العدس بصح بالزيت الزيتون

الحميس





وغيرو






حتىـ أنا نحبـ الاطباقـ هاذيـ
بصح ما فهمتش حاجة
المحكوك وش هو؟؟؟؟
بالاك حنا في سطيف عندنا اسم واحد آخر ليه
 
انا نحب البركوكس - العيش- المردود هدوا اسماء لطبق واحد
بصح كلشي كلشي و ميجينيش كيما الدلاع هههههههههه
 
انا نحبـ : اللوبيا {لا بل نموتـ عليها هههههههـ}
و نحبـ تانيـ : البرانيا (البدنجانـ) {مامـ هو نموتـ عليهـ}

شكرا لكـ على الموضوعـ
 

كاينة اكلة وحيدة يحبها شعب الجزائري

بطاطة مقلية
ولا لوبيا في نهار يكون بارد جو فيه

اما انا نحب رشتااااااااااااا
 
كاين بزاااااااف اكلات نحبهم
مي المفضلة عندي هي :الشخشوخة والرشتا
مرسي ليك على الموضوع
:)
 
انا نحب البركوكس - العيش- المردود هدوا اسماء لطبق واحد
بصح كلشي كلشي و ميجينيش كيما الدلاع هههههههههه

راني تعلمت اسم آخر للعيش المردوووود
الدلاع ما نحبوش بزافـ نحب الكانطالو كثر
 
انا نحبـ : اللوبيا {لا بل نموتـ عليها هههههههـ}

و نحبـ تانيـ : البرانيا (البدنجانـ) {مامـ هو نموتـ عليهـ}

شكرا لكـ على الموضوعـ



فكرتيني في البرانيا
كنا وحدا نعيطولها البرانيا قاتلا لا فامي تاعها بالبدنجانـ
مرسي ختي
 
كاينة اكلة وحيدة يحبها شعب الجزائري

بطاطة مقلية
ولا لوبيا في نهار يكون بارد جو فيه

اما انا نحب رشتااااااااااااا


بطاطا مقلية في كل محضر تحضر
في الجامعة في الدار في محطة النقل كل بلاصة
لوبيا و المراgــــي يا خويا في الشتا
و فيف الرشتا
 
الشخشوخة يا عيني
و خاصة لما تكون مسيلية
و الله عينيا يطلبوهم نمدهم
هههه الله غالب ها شمسو
نموت عليهااا
 
الشخشوخة يا عيني

و خاصة لما تكون مسيلية
و الله عينيا يطلبوهم نمدهم
هههه الله غالب ها شمسو
نموت عليهااا


آه على الشخشوخة
تليق في وقتـ كيما هذا
تلقاها تتلاصق في بعاضاها
:showoff:
 
ممم نبغي الطعام والحريرة
ومسخفيني نذوق شخشوخة
الله غالب جيت من الغرب مانعرفهاش :(

 
[/center]


آه على الشخشوخة
تليق في وقتـ كيما هذا
تلقاها تتلاصق في بعاضاها
:showoff:
وي هدا هو وقتها
غير جيبوها جيبوها
خخخ
 
حتىـ أنا نحبـ الاطباقـ هاذيـ
بصح ما فهمتش حاجة
المحكوك وش هو؟؟؟؟
بالاك حنا في سطيف عندنا اسم واحد آخر ليه

لا متعرفوش المحكوك لانو بسكري وماما بسكرية على هاذي ديرونا

هو بنين بزاف

عبارة عن كسرة مفتتة بصح ماش كما الكسرة بذات

ويسقى بالمرقة والمرقه هاذي تكون اكثر حاجة فيها البصل والطماطم والفلفل

يجي حار ونزيدولو

زيت الزيتون يجي هايل


 
الجلبانة بصح يليق بالزرودية
 
ممم نبغي الطعام والحريرة

ومسخفيني نذوق شخشوخة
الله غالب جيت من الغرب مانعرفهاش :(

الطعام ماكاش جزائريـ ماكلاهش
الحريرة كليتها شحال من مرة عند جارة من سيدي بلعباس كي كنا في حاسي مسعود
الشخشوخة كي توكليها تنسايـ عمرك و حياتك
 
لا متعرفوش المحكوك لانو بسكري وماما بسكرية على هاذي ديرونا


هو بنين بزاف

عبارة عن كسرة مفتتة بصح ماش كما الكسرة بذات

ويسقى بالمرقة والمرقه هاذي تكون اكثر حاجة فيها البصل والطماطم والفلفل

يجي حار ونزيدولو

زيت الزيتون يجي هايل




لالا خلاصـ كي وصفتيهولي عرفتو كليتو
من مميزات السكن في حاسي مسعود انك تذوق كل المأكولاتـ
تحيـاتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top