- إنضم
- 24 جوان 2008
- المشاركات
- 6,293
- نقاط التفاعل
- 88
- النقاط
- 317
السلام عليكم ورحمة الله تعالى وبركاته
نتمنى من قلبي انو اعضاء اللمة الكل لباس ومتهنيين وفي صحة مليحة
اليوم وكي بقية الايام بقيت نفكر وجاء في بالي موضوع,,,
وحبيت نشاركم فيه باش نشوف أرائكم ونتناقشوا الموضوع,,
ظاهرة مش مليحة طول شفتها ومازلت نشوفها مرات ياسر في السوق
خاصة اني محتك بهذا المجال حاليا ومؤقتا ههه :-r والي حبيت نحكي
عليه هو بعض العادات السيئة للنساء لما يكونوا في السوق يتجولوا
ويحوسوا ويشروا في أغراض,,,
وهده العادة السيئة هي هدرتهم بصوت عالي\,,,ومايقولي حتى واحد
مايديروش هكا خاطر انا نشوف ونحشم من حكايتهم ومن هدرتهم خاطر
كاين واحد البنات والنساء يكونوا يشروا في محل ويكونوا يهدروا بصوت
عالي ويتشاجروا ويحكوا هكا حتى في مواضيع فارغة ومرات يروح يكلمها
واحد من أهلها وتهز التيليفون وتحكي وماعلبالهاش وكاين حتى الي يكونوا
يضحكوا بصوت عالي قدام الناس بلا حشمة ولا حياء,,,انا الي يعجبني
مرات حتى تكون مع راجلها ولا مع أهلها باباها ولا ماماها مش عارف
كيفاه العايلة هذه ولا كيفاه راهم يفكروا ؟؟؟ انا نقول البنت تحشم وعاقلة
ومتربية وتترفع على هذه الحوايج,,,طبعا البنت المتربية :-h
ومرات تشوف نساء ولا بنات هكا يخرجوا مع بعضاهم صحابات ويكونوا
يهدروا بصوت عالي ويضحكوا وهذا عيب على المرأة أصلا,,,بصح
وقت مايكونوا مع الراجل تاعهم ولا خوهم يولوا كي المساكن ههه :$
تولي حشمة وحياء وساكتين هكا زعما عاقلين وكون يخرجوا وحدهم يديروا
رايهم,,,
هذه المشكلة الأولى وحكيت فيها,,,المشكلة الثانية الي تحيرت أكثر
تشوف بنات ونساء يزاحموا في الرجالة على الماكلة في البيتزيات
والمطاعم ووالله حشمة على المرأة تاكل برا دارها مانعرف انا كيفاه
يعني البنة تجيهم غير في ماكلة البيتزا ولا مش عارف عليهم في
الشارع ويولوا ياكلوا ويضحكوا ويتمسخروا والي فايت يشوف والله عيب
مانعرف على التفكير الي يفكروا بيه ولا على العقلية الي عندهم ههه
ماعندهمش ديار يطيبوا فيها ولا مايعرفوش يطيبوا ههه ولا واش صاريلهم
وأصلا ماكلة البر مافيها حتى فايدة وتضر وتصرى فيها غيرالتسممات ,,,
المهم نحب رأيكم في الموضوع والا انا غلطت وضحولي باش نفهم أكثر,,,
وشكرا :s
