طلبي كيفية الاحتفاظ بالقاطو

فايزة1207

:: عضو مُشارك ::
إنضم
4 أكتوبر 2009
المشاركات
278
نقاط التفاعل
72
النقاط
7
راني ناوية السنة ندير القاطو قبل رمضان
الايام الاخيرة تروحلي بلا فايدة ديما علا بيها قلت السنة نديرو قبل
ارجو من الاخوات الي عندهاا طريقة باه نحتفظ بيه وما يفسدش تقولي وجزاكن الله خير
 
فكرة مليحة على الاقل تتفرغي للعبادة في الايام الاخيرة

بالنسبة لحفظ القاطو كونجليه انا كي نحب نخبي قاطو درتوا نحطوا في بورط مونجي و نغلق عليه باحكام و نحطوا في الكونجيلاتور اي الفريزر

و نهار تحبي تستعمليه اجبديه من قبل الاستعمال بساعة الى ساعتين

الحلويات التي تعسل او تشحريها في العسل ماتعسليهاش خبيها ناشفة

و نهار تجبديه تلقايه هو هو ما راح ما جا نتمنى نكون افتك سلام
 
ربي ينورك ويحفظك هذا اللي كنت نحوس عليه
كيما قلتي انا عندي رضيع وام ل4اطفال ومع السخانة قلت نقص اللي نقدر عليه
 
ربي ينورك ويحفظك هذا اللي كنت نحوس عليه
كيما قلتي انا عندي رضيع وام ل4اطفال ومع السخانة قلت نقص اللي نقدر عليه
الله يسلمك
ما شاء الله و ربي يعينك انا الفكرة عجبتني لكن الفريزر نتاعي كومبلي معمر و ما عنديش وين نخبي و الا كنت انا تاني درت شوية و نقصتوا الاولاد يهرجوا وزيدلهم الصيام و الفوضى نتاع المطبخ في رمضان ربي يقدرنا عليهم و يبلغنا الشهر الكريم
 
انا ديمة ندير القاطو السمانة الاخيرة تاع رمضان وزيد حنا عوايدنا نديرو الشخشوخة يعني الفطير كيما يسموها ناس خرين ومع الهرج تاع لولاد والله نحصل نعود نجري مايجي العيد نطيح كاو
السنة ان شاء الله نديرو بكري بصح في رمضان ماشي ضك و كيما قالت اختي ام الباتول ربي يجازيها كل خير وطريقة الكونجيلاتور كاينة بصح مدرتهاش
وفي رمضان انا نطيب ساعات طياب يومين لأنو عايلتي صغيرة وعندي رضيع ننتهز الفرصة فاليوم الثاني وندير القاطو
هكدا قررت اختي ان شاء الله

ربي يعينك ويزيدو الاخوات يفيدوك
وخاصة ادا كشما كاين انواع من القاطو اللي متتخباش يفيدونا لا يروح تعبنا هكا
ك
 
انا ديمة ندير القاطو السمانة الاخيرة تاع رمضان وزيد حنا عوايدنا نديرو الشخشوخة يعني الفطير كيما يسموها ناس خرين ومع الهرج تاع لولاد والله نحصل نعود نجري مايجي العيد نطيح كاو
السنة ان شاء الله نديرو بكري بصح في رمضان ماشي ضك و كيما قالت اختي ام الباتول ربي يجازيها كل خير وطريقة الكونجيلاتور كاينة بصح مدرتهاش
وفي رمضان انا نطيب ساعات طياب يومين لأنو عايلتي صغيرة وعندي رضيع ننتهز الفرصة فاليوم الثاني وندير القاطو
هكدا قررت اختي ان شاء الله

ربي يعينك ويزيدو الاخوات يفيدوك
وخاصة ادا كشما كاين انواع من القاطو اللي متتخباش يفيدونا لا يروح تعبنا هكا
ك

كلنا نعمل بنفس الطريقة انا نبدا في القاطوا نهار يوم العشرين من رمضان و نبدا بالمقرود هو حتى لو بقى شهر مايصرالوا والوا مايتاثرش بالسخانة او الرطوبة يعني الاخت فايزة ممكن تعمله قبل رمضان و تخبيه في بورط مونجي بلاما تكونجليه

انا ايضا عندي نفس الفكرة دائما نعمل فطور يومين و اليوم الموالي نعمل قاطو و الايام الاولى من رمضان كل طجين نعملوا نخبي منوا صحن في الفريزر و لما مانقعدش في ايام التحضير للعيد نلقاهم واجدين ندير غير شربة و تاع يومين

نصيحة بالنسبة للقاطوا اي قاطوا تجربوه في اي فصل من السنة هزي حبة او اثنين و خبيها في الفريزر في ساشي كونجيلاسيون و اعمليلها اختبار بعد يومين اجبديها و شوفي النتيجة هكذا تولي تعرفي القاطوا اللي يصلح يتكونجلا و اللي مايصلحش و ممكن تعممي الاختبار على اي شيىء تعمليه حتى الخضر و الفواكه و الطعام
ربي يقدرنا على رمضان ان شاء الله و يبلغنا و يعينا على الشغل و الاولاد

سلاموووووووووووووووووو
 
الله يعينك اناسبق لي وخبيت القاطو من العيد الصغير حتى العيد الكبير منحتفضشبيه في رمضان لخاطر نحتاج الكونجيلاتور ويضل يتحل ويتقفل المهم حطيه في بورت مونجي وغطيه بالفيلم المونتار ثم ورق القصدير واحكمي الاغلاق وكونجليه
 
نصيحة لكان كونجليتي البقلاوة او اي واحد معسل بعدما ادي كونجليه زيديلو العسا
 
مشكورة اختي ام اشواق


لكن اذا ممكن تقوليلي ما هو الفيلم المونتار اما ورق القصدير فاظن انك تقصدي ورق الالمنيوم اذا مانيش غالطة و شكرا
 
الفيلم المونتارهو البلاستيك الرقيق وهنا في بسكرة دايما نجيبو دجاجة مغلفةبيه
شكرا لكن على الردود
 
الفيلم المونتارهو البلاستيك الرقيق وهنا في بسكرة دايما نجيبو دجاجة مغلفةبيه
شكرا لكن على الردود

شكرا حبيبتي شكيت فيه احنا نقولو نيلو كوفار
 
رد: طلبي كيفية الاحتفاظ بالقاطو

السلام عليكم انا عضوة جديدة في المنتدى اريد الاستفادة من دروس اللمة للطبخ
 
رد: طلبي كيفية الاحتفاظ بالقاطو

السلام عليكم اختي كيما قالت ليك الاخت كونجليه ف لي بوغت مونجي يبقى قد ماتحبي انا كلما نجي للجزائر نأخذ مع كميات كبيرة ونكونجليها تبقى فالكونجيلاتور ماتفسدش وكل مانحب ناكل نجبد قبل بساعة وزوج سوايع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top