كوسميتيك العروس الجزائرية/لعروس اللمة الجزائرية/

الحالة
مغلق ولا يسمح بالمزيد من الردود.

la rose de sable

:: عضو مُتميز ::
إنضم
27 أفريل 2007
المشاركات
796
نقاط التفاعل
149
النقاط
19
السلام عليكم ورحمة الله وبركاته

كيف الحال عروساتنا ،،، ؟؟


المخطوبة ربي يكمللها ، واللي تجهز ربي يكون معاها ، واللي تجوزت ربي يهنيها ،، واللي مازالت ربي يرزقها >>>>>> ان شاء الله راني مانسيت حتى وحدة فيكم ،،،،


الموضوع باين من عنوانه ، وهو مستحضرات تجميل العروس ،،

اللي يعتبر واحد من اهم حوايج الجهاز ، بعد اللبسة طبعا ،، ( او يمكن اهم من اللبسة ) ،،،

طبعا كل عروسة قبل ماتروح تشري حوايج التجميل تدير قائمة طوييييييييييييييييلة باسم الحاجات اللي حابتهم ،، ومهما يكون علابالها بكلشي ، ومهما يعاونوها ،، تلقى روحها نست حوايج ، وترجع مرة واثنين وثلاثة للسوق باش تكمل حوايجها ،،،


انا في الموضوع هذا ، حبيت نلغي المشكلة هاذي ، ونحط او بالأحرى نحطوا كل ما تحتاجه العروسة من مستحضرات ، وبامكانها تجيبهم مرة وحدة وبدون ماتكسر راسها ،،،

وطبعا انتم رايحين تعاونوني ،،،

نديروا اضافات ، او نصائح عن كيفية استعمال مستحضر ما ، او ماركة جيدة لمستحضر ما
( الفكرة ممكن تكون مكررة ، لكنها هاذي المرة واسعة ورايحة نفتح المجال لكل العضوات اننا تعاونوا مع بعضنا من اجل عروس جزائرية سعيدة)


هاذي المستحضرات اللي راني نهدر عليها تكون متكونة من :
1- حوايج الحمام
2- حوايج الترطيب
3- الماكياج
4- العناية بالبشرة (ماسكات الليل والنهار) :
العناية بالوجه
العناية بالجسم
5- العطور
6- مزيلات الروائح
7- العناية بالفم والأسنان
8- العناية بالشعر
9- الاجهزة اللازمة للعروس




طبعا هاذي راهي العناوين مش المستحضرات ، ورايحة نتحدث عن كل عنوان في مشاركة ، ونحط قائمة تحت كل عنوان ،،،،

ان شاء مانكونش نسيت حاجة ،،

فكروني عضوات اللمة الحبيبات ، وطبعا كل اضافة راح نحطها في الموضوع باسم العضوة ،،،

هيا ،، المفيد هو صلاح الحال ،،
ماتنساونيش من دعواتكم الطيبة
،، قولوا ربي ينير دربها ، ويبعد عنها كل شر >>> ولكم بالمثل



الموضوع راهو تاعي ، ماهوش منقول


في انتظار الاعتماد بش نبدا نحط القوائم


امااااانة اللي حابة تنقل الموضوع بش يستفادو منه المنتديات الاخرى معليش ،،، بصح اذكروا المصدر راني تعبت وانا نحضر والله ،، امااااانة


دمتم في رعاية الرحمان
 
آخر تعديل:
مشكورة على الموضوع

يُفضّل أن يبقى خاصّا بالعرائس فقط
وكوسميتيك كُلّ وحدة
بالتوفيق
في انتظار البدأ في الموضوع
سلامي
+سيُثبّت
 
مشكورة على الموضوع

يُفضّل أن يبقى خاصّا بالعرائس فقط
وكوسميتيك كُلّ وحدة
بالتوفيق
في انتظار البدأ في الموضوع
سلامي
+سيُثبّت

شكرا ،، :regards01:

جاري البدء في العمل
 
مرحبااااا
هاني جيت

نبدا بأول عنوان وهو :

حوايج الحمام :
اول شي كابة حمام متوسطة الحجم (صاك دو تواليت)
طقم حمام كااااامل
المناشف مختلف الاحجام
بوني دي دوش او البنيقة
بشماق يكون وردي او ابيض وراقي شوي يصلح بالعرايس
مناشف الوجه الصغيرة
مواس جوتابل وانا انصح ب venus رائعة وتدوم اكثر من الموس الاخر
الشامبوانات : ماذابيك تخيري الشامبوا اللي يخرج على شعرك وموالفة بيه ، مش اي ماركة يقترحوها عليها تديها ، وتدي منه 4 او 5 قراعي بش تتهني مدة ،، انا ننصح بـ ELSEVE ، GLISS
ابري شامبوا
ماسك الشعر : ننصح ب Gliss رائع ورابيد
الصابون : ديري واحد مرطب ، مش اي صابون وخلاص ، مثل دوف الازرق رائع في الترطيب ،
جال الدوش : وهذا لااااازم ، انا نحب nivea
حكاكة الجسم او الكاسة ، خيري وحدة مليحة وتدعك ملييييييييييييييح
خزم مليح يرغي الصابون
حكاكة الرجلين او الحجرة ،،، (انا شخصيا الحجرة مانستعملهاش نفضل الحكاك اللي فيه مقبض)
غسول سائل ومطهر لليدين ، للاستعمال المتعدد المرات في اليوم ، لأنه الصابون بكثرة يشهب اليدين
كوتون تيج
ما ننسوش المشاطي ، خيري وحدة يكون اسنانها متباعدين بش ماتضرش الشعر

اييييييه بلا ما ننسى ماليت الحمام اللي تديها معاها لحمامها وتكون بحوايجها كيما تاع العضوة طيور الجنة هاهي :
1324992955761.jpg

bntmofeid-bb0ada934b.jpg


و لبسة الحمام الوردي اللي تديها معاها للحمام ايضا : ونسيت اسمها نظن فوطة ولا حاجة كيما هكا يكون فيها الذهبي

هذا اللي تفكرتو لغاية الآن ،، نتمنى اذا كاين اضافات قولولي بش نفيدوا بيها عرايسنا

اضافة العضوة طيور الجنة :


راكي حكيتي على كلشي و خاصة الأشياء الأساسية اعطيك الصحة
راح نزيد عليك شوية حوايج نسيتيهم
للحمام تحتاجي ل 2 طاسات طاسة تاع العرايس و طاسة خلاف تاع نيلو تخلطي فيها حناء مثلا اذاكنت ممن تحني شعرها تعملي فيها الطاهرة مثلا و أشغال كثيرة للعرايس

و بعد الشامبون تحتاجي للماسك هذا راهو رايع فريكتيس و مفيد لكل انواع الشعر و خاصة الأحرش

أو لوريال

ولا استعملوا حمام زيت بالثوم اسمه شبش استعملته شخصيا

 
آخر تعديل:
نجوا الآن لـ:

حوايج الترطيب :

حبيب الملايين علب الفازلين ،، اللي مهما تخرج حوايج جديدة ، تبقى مكانته وحدها ،، انا ننصح كل عروس ما تقولش عندي جال دوش وعندي مرطبات كثيرة ،،، لالا ،، اشري وحدة وماش راح تخسري ،، رايحة تلقايها + خفيفة تتحمل في الصاك مش كيما المرطبات الاخرى قرع وجالات

اي مرطب يكون مغذي للبشرة ، كاين نيفيا ، فازلين ، ديvموفيفا ، اونشونتeur ،، وانتي اختاري اللي يوالمك ( راني نهدر على المرطبات السائلة )

لوسيون او كريم مرطب ويطري الجسم ، ويكون بنكهات ، اختاري اللي يعجبك ، انا ننصح بجونسن للأطفال ، راااااائع عن تجربة (جيبيه من الفارماسي بش تضمني الاصلي)

ماتنسيش العناية بالاقدام ، كاين OE للعناية بالقدمين ،، ورائع جدااااا

وانا من جهتي نفضل مرطب كلينيك عليهم كااااااااااااااامل ،، مرطب واااااااو هايل واكثر من رائع ،، نادر شوي يجيبوه من فرنسا ، وكاين في بعض شبه صيدليات ،، سعره غالي انا جابولي باطة من فرنسا كي فضتلي حوست عليها وما لقيتها غير بالريق الناشف ، الباطة الصغيرة ب 270 الف،،، راهو متعدد ،، شوفي اللي يخرج على بشرتك
كريم مقشر ،، اشري لي مارك بش ماتندمشي ويديرلك اثار سلبية ( من جهتي ماجربتش مي قالولي لازم تديري واحد واصفه الطبيب اللي يكون علابالو بنوع البشرة)


كريم نيفيا العادي ، (ديريه ديما في الصاك ، اثناء الزيارات او اي ظرف ممكن تحتاجيه )


وطبعا حمامات الزيت الرائعة المتكاملة ;)




رايي عييت وانا نعصر في مخي ،،:$ كش ماكاين حاجة ناقصة كملوهالي ،،،،،:)






فخرونا بشوي ردود بش نكمل ،،،،، :mad:


والتقييم طبعا :p
 
آخر تعديل:
مسااااااء الفل والورد والياسمين على عروساتنا



واحد ما فخرني مي معلي :mad:ش ، انا قلبي ابيض ، ونحب نعاون ،،،،،، طلعت خير منكم :p


جاء دور المـــــــاكياج:

نبدا اولا بصاك الاستخدام اليومي اللي تاخذيه معاك وين ما تروحي خدمة او زيارة خفيفة ,,, الخ يكون فيها:

كريم اساس
فوندوتان بودر
فاغاجو + فرشاة تاعو
بغيولافغ ( احمر الشفاه ) مش احمر بالصح رانا قلنا للاستخدام اليومي
فاغ آ بوبياغ phard à paupieres
قلم اسود لرسم العينين


والصاك يكون متوسط الحجم الى صغير


نروح الآن للصح:

اولا مجموعة كاملة للماكياج ( فاليزة صغيرة ولا ماليت كل واحد كيفاش يسميها) هاذي اذا سافرتي شهر عسل او رحتي زيارة لداركم ولا دار راجلك تستخفي بيها ماتبقيش تدي في كل ماكياجك ،،، وغالبا ماتجيك هدية من اهل الزوج ايام الخطوبة

كريم اساس ( انا انصحك ب bourjoisهااااااااااااايل ثلاثي المفعول)+ كريم اساس للجسم اذا حبيتي راهو عاد متوفر
اونتي ساغن
الكونسيلر خافي العيوب
فوندوتان بودر
فاغ آ بوبياغ كبيييييرة تتكون من كل الالوان
قلم كحل + اقلام جفون زرقاء وخضراء وفيولي ،،،، واو ، تأثيرهم مليح
آي لاينر ( اشري العديد من الالوان مش غير الاسود) مثلا الالوان الاساسية ازرق اخضر ,, وانتي وذوقك
قلم الكحل الابيض ( انا مانقدش بلا بيه هااايل ورائع)
قلم الحواجب (تعلمي كيفاه تحددي حواجبك قبل الاستعمال لانه واعر شوي ,,, بالنسبة لي)
اقلام روج وحبذا لو يكون بنكهة لذيذة ,, انا نموت على القو تاع الفريز
بغيولافغ الوان
اقلام شفاه من l'oreal هو المخير
الفارني الوان (rouge des angles)
فاغاجو على حسب البشرة ، اذا كنت بيضاء استخدمي الغوز واذا سمراء استخذمي الخوخي
مجموعة من البانسوات les pinces ،، راهم يتباعو في علبة ب 30 الف فقط ، ورايحة تحتاجيهم كثيرا
شيفونات لتوزيع الماكياج ,, يستخدموها مع كريم اساس
ليغيسل الواااان ،، كثري ، منهم لانه يجمل المرأة
مزيل الماكياج انا ننصح ب dove لكامل الوجه ، و جونسن للعينين ، (gel démaquillant)
لينجات مزيلة للماكياج + لينجات بالحليب مغذية
اولاي لترطيب الوجه ،، هاذا يستخدموه بعد الماكياج ،، وتأكذي من حصولك على المنتج الاصلي
مزيل الفارني dissolvant
القطنات المستديرة مع ديماكيون،،، لي كوتون
:-o اااه نسيت المراااااية ،، شيء ضرووووووووري ،، اشري مرايات محمولة احجام
القائمة قابلة للاضافة


بون نوي اليوم عروساتنا ،، نكملوا غدوة
 
آخر تعديل:
السلام عليكم ،،،


راني ميتة بالتعب رحت اليوم للجامعة سجلت ،، متت بالعياء والسخانة والتعب ،، وقاعدة غير نفكر فيكم

قلت لازم ندخل نحطلكم على الاقل قائمة ،،

رايحين نتكلموا في هذا الجزء عن العناية بالبشرة ،، ورايح يكون فيها فرعين :
1 العناية بالوجه
2 العناية بالبشرة



نبدوا بالوجه ،،،،

اربطواااااااا الاحزمة


قبل مانبدا نحط المستحضرات ، خلوني نعطيكم بعض النصائح المفيدة ،،
قبل كل شي ،، لازمك تنظفي بشرتك باستمرار ،، اذا كانت دهنية اغسليها بالصابون مرة في اليوم ،، مرة هاااااا لا اكثر ، لانه كثرة الغسيل تديرلك القشرة في وجهك وتعودي واحلة وتجري للطبة كيما انا العام اللي فات ،، وطبعا شوفي الصابون اللي يخرج عن بشرتك ، سواء طبي او عادي ، معطر او بدون عطور ، وانا نصحني الديرماتولوج ب savon de marseille ماكانش كيفو ، وقالي حتى لو بدلتي حاولي تختاري واحد مش معطر ،،،،،،،، اختكم راسها قاسي ، مانقدرش نغسل بصابون بدون رائحة

اذا كانت بشرتك جافة ، اغسليها 3 مرات في الاسبوع ،،،،،،، طبعا تو تقولو يععععع وش هذا ،، انا نقولك وييييييي وسقسي اي طبيب راح يقولك نفس الحديث ، ،، وانا الحديث هذا هزيتي من عند ديرماتولوج المخير في الواد ويجوه من كل الولايات من بسكرة ومن ورقلة ومن باتنة والله والله ايديه فيها البراكة ،،، اي حاجة يداويها ماشاء الله لا حول ولا قوة الا بالله : للافادة واللي حابة اسمة تقولي في الخاص ، حبيت نحط اسمو مي خفت تقولولي راكي ديريلو في اشهار

ومن بعض العادات السيئة عندنا هي الاكل الحار والتوابل ،،، حاولي تنقصي منهم سيرتو اذا كنتي تعاني من حب الشباب ،،

المأكولات الزيتية ايضا ممنوعة لصاحبات البشرة الدهنية ،،،،

واكل الشوكولا بكثرة احد اهم اسباب حب الشباب ،،،

هذي النصائح هزيتها من عندو ، ،،،، حبيت نفيدكم بيها ،،

استنوا الآن المستحضرات الخاصة بالوجه



;) جيتكم
المستحضرات :

اونتي سولااااااي عندك تنسيها،، ديري كلشي وتنسيها ،،، شوفي اللي يخرج على بشرتك ، واشريها من الفارماسي ،، كاين انوااااااع عديدة وكلها رائعة ، هي بالارقام والدرجات ،، انا بالنسبة ليا نستعمل bioderma creme منذ 3 سنوات ،، رائعة جدا ،، وسعرها مش خيالي ب 90 الف وتبقى لمدة طويلة جدا ،، والي جربت اي نوع اخر وعجبها تقوللنا


لي (lait) ، منظف و مغذي للوجه كل الانواع رائعة ، انا نستخدم تاع جوز الهند


تونيك ( هذا ديريه كي تحبي تقبضي المسامات قبل الماكياج ب 5 دقايق) ، وحتى بعد الماكياج اذا كانو مساماتك مفتوحين ،،، سيرتو اللي عندهم تراس حب الشباب او بشرتهم دهنية ،،، انا نعرف nivea visage toner ;neutrogena

مرطب ومغذي للبشرة ،، وبما اني من عشاق مستحضرات نيفيا ، فطبعا انا جربتو هو

كريم دو جور + كريم دو نوي (((((((( رااااااائع وتبان البشرة مغذية و مشرقة حتى لو كنتي ميييييتة بالتعب والسهر والعياء ) olay هو المخير ،،، لكن تأكدي من حصولك على المنتج الاصلي


كريمات للهالات تحت العينين ،،، كيما تكلمنا قبل كابن اونتي ساغن ،، مي كي تغسليها تروح ،
اليوم جبتلكم كريم خاص بالمنطقة هاذي ، ومفعوله بطيء يعني استخدمية بانتظام اسبوعين قبل عرسك ،،، الماركات عديدة ،، olay .. neutrogena ...et nivea <3 يسموه eye creme او crème des yeux ماتحيروش راهم يقصدوا الهالات


مقشر خاص بالوجه ، تستخدمية قبل الماكياج ،، يقولوا رائع ، انا ما جربتش ،، وننصحك ماديريش اي حاجة ،، سقسي طبيبك ، ولا واحد عنده خبرة كبيرة في المجال ،، وما تصدقيش اصحاب المحلات راهم بلعاطين


غسول للوجه ،،،،،، اكيد ما تقدريش تستغني عليه ،،، يستخدم بعد ازالة الماكياج


هذا ما توفر بجعبتي حاليا بخصوص العناية بالبشرة ،، وراهي عندي خلطات بسيطة جدا ومجربة ونتائجها مضمونة وغير مكلفة ،، ومش لازمها عسل وجوز ههههههه ،، كل مكوناتها في البيت ،، هاذي الخلطات خاصة ببنات وادي سوف ،، اذا حبيتو نحطها ، او نخلوا المضوع للمستحضرات فقط






لي رجعة بش نكمل العناية بالجسم

العناية بالجسم


حبيب الملايين علب الفازلين ،، اللي مهما تخرج حوايج جديدة ، تبقى مكانته وحدها ،، انا ننصح كل عروس ما تقولش عندي جال دوش وعندي مرطبات كثيرة ،،، لالا ،، اشري وحدة وماش راح تخسري ،، رايحة تلقايها + خفيفة تتحمل في الصاك مش كيما المرطبات الاخرى قرع وجالات

اي مرطب يكون مغذي للبشرة ، كاين نيفيا ، فازلين ، ديvموفيفا ، اونشونتeur ،، وانتي اختاري اللي يوالمك ( راني نهدر على المرطبات السائلة )

لوسيون او كريم مرطب ويطري الجسم ، ويكون بنكهات ، اختاري اللي يعجبك ، انا ننصح بجونسن للأطفال ، راااااائع عن تجربة (جيبيه من الفارماسي بش تضمني الاصلي)

ماتنسيش العناية بالاقدام ، كاين OE للعناية بالقدمين ،، ورائع جدااااا

وانا من جهتي نفضل مرطب كلينيك عليهم كااااااااااااااامل ،، مرطب واااااااو هايل واكثر من رائع ،، نادر شوي يجيبوه من فرنسا ، وكاين في بعض شبه صيدليات ،، سعره غالي انا جابولي باطة من فرنسا كي فضتلي حوست عليها وما لقيتها غير بالريق الناشف ، الباطة الصغيرة ب 270 الف،،، راهو متعدد ،، شوفي اللي يخرج على بشرتك
كريم مقشر ،، اشري لي مارك بش ماتندمشي ويديرلك اثار سلبية ( من جهتي ماجربتش مي قالولي لازم تديري واحد واصفه الطبيب اللي يكون علابالو بنوع البشرة)


كريم نيفيا العادي ، (ديريه ديما في الصاك ، اثناء الزيارات او اي ظرف ممكن تحتاجيه )


وطبعا حمامات الزيت الرائعة المتكاملة




رايي عييت وانا نعصر في مخي ،، كش ماكاين حاجة ناقصة كملوهالي ،،،،،



طبعا العناية بالجسم ، لاتعني فقط الترطيب ،،

كاين حوايج اخرى لازم ديريها في الحسبان وومكن تنسيها ،، ردي بالك ،، هيا معايا

بودر معطر للجسم او التولك،، انا افضل enchanteur

deodorant وهنايا لكي الخيار ،،، الحانوت بش ينطق منهم هههههههههه نوعي وماتديش غير نوع واحد ،، وطبعا يبقى rexona هو المخير بمختلف الوانه ،،، madmoiselle .. venus .. echouia .. incidence ..je t'aime .............................etc انا تقريبا جربت كل النوعيااااااااااااااااااااات ، وكلها ريحتها رائعة ،، لكن يبقى الاشكال في عدد الساعات اللي تقدر الديودوران تحكم ،،، والدراهم ما تغلطش ، خيري الغالية تفرحي


الشب المعطر او الدنوس ،، كل واحد بهجته ،، يتباع في الاسوق ومتوفر جدا ،،، ولاااااااااازم كل عروسة تدي منه على الأقل 2 بايط


كريم عبير للبشرة الحساسة ،، هذا كالشب بصح مش بودر ، كريم ،، لانه البودر يحرق بعض الاشخاص


لي بروتاج + لي بوند ,,,,,,,,, اشري كمية كبيرة جدا ،، لانك رايحة تستخدميهم يوميا (لي بروتاج)


لاسير او الحلاوة ,,, اشري ميم تاع لي بلاك ،، خير من الباطات ،،، واذا كنتي شاطرة وتعرفي تخدميها خير وخير

dépelatoire ،،، الماركات عديدة ،،،، اشري اللي موالفة بيها ،،

مواس جوطابل نكرر بلي المخيرة هي venus لونها وردي ، وتدوم اكثر من الموس العادي ، مصممة خصيصا للبنات


غسول مطهر للمنطقة الحساسة ،، جيبيه من الفارماسي ،، كاين نوعيات ،، استعيني بالمتزوجات في اختياره ،، ويستحسن يكون معطر برائحة الورد

اضافة العضوة نجمة ساطعة

ملابس خاصه بالدورة الشهرية (-كلتات بلاستك من الصيدلية)) تسويلك حمايه وتحافظ على ملابسك هذي اهم حاجة


وكش ما تفكرت راني نرجعلكم


لا تنسوني من صالح دعائكم
 
آخر تعديل:
واخيرا حجز للعنوان الثامن والاخير ،،

راني حجزت بش يكون الموضوع متناسق ، وندير في كل حجز عنوان ، بش يبقى كل مرجع في الصفحة الاولى ،،



هياااااا لنبدأ العمل


وشكرااااااااااااااااااااااااااااااااااااااااااااااااااااااااااااااااااااااااااااااااااا على التثبيت ،، ان شاء الله نكون في المستوى وندير حاجة مليحة
 
حجز لعنوان آخر اسمه :
اجهزة العروس الكهربائية للتجميل
 
يعطيك الصحة حنونة الموضوع هاايل والفكرة أروع
انشاء الله ينال تفاعل كبير من قبل العضوات هكدا باش
نستفادو كامل ،،، + تقييم
 
يعطيك الصحة حنونة الموضوع هاايل والفكرة أروع
انشاء الله ينال تفاعل كبير من قبل العضوات هكدا باش
نستفادو كامل ،،، + تقييم

الله يسلمك حنونتي ،،،،، المهم ينال اعجابكم وتستفادوا وانا نستفاد من اضافاتكم ،، هذا هو هدف الموضوع
نورتي بمرورك اللطيف ،،، ومشكورة على التقييم​
 
عندي استفسار،، حبيت نسقسيك على الشمبوا ELSEVE GLISS
الصراحة أنا استعملت اكثر من نوع من elseve كامل معجبونيش مي مستعملتش هاد النوع ELSEVE GLISS
أنا شعري جاف شويا زعما يخرج عليه ؟؟ وأي لون الي مليح فيهم ؟؟؟
 
عندي استفسار،، حبيت نسقسيك على الشمبوا ELSEVE GLISS
الصراحة أنا استعملت اكثر من نوع من elseve كامل معجبونيش مي مستعملتش هاد النوع ELSEVE GLISS
أنا شعري جاف شويا زعما يخرج عليه ؟؟ وأي لون الي مليح فيهم ؟؟؟

اختي انا نقصد elseve وحده و gliss وحده ،، اسفة درتهم لاصقين

اما بخصوص استفسارك انا ننصحك ب elseve الاصفر تاع البيض رااااااائع للشعر الجاف ، طبعا مع الماسك تاعه ، والبلسم ،،،

و Gliss ايضا روعة انا استعملت الاسود ، بصح تأكدي من الاصلي لانه كاين المقلدين ،،،
 
راني حطيت الماكياج ،، شوفوا ، وقيموا ، وردوا
قولوا بارك بارك الله فيك

ماتزعفونيش منكم راني تاعبة على جالكم
 
مسااااااء الفل والورد والياسمين على عروساتنا




واحد ما فخرني مي معلي :mad:ش ، انا قلبي ابيض ، ونحب نعاون ،،،،،، طلعت خير منكم :p


جاء دور المـــــــاكياج:


نبدا اولا بصاك الاستخدام اليومي اللي تاخذيه معاك وين ما تروحي خدمة او زيارة خفيفة ,,, الخ يكون فيها:​

كريم اساس
فوندوتان بودر
فاغاجو + فرشاة تاعو
بغيولافغ ( احمر الشفاه ) مش احمر بالصح رانا قلنا للاستخدام اليومي
فاغ آ بوبياغ phard à paupieres
قلم اسود لرسم العينين​


والصاك يكون متوسط الحجم الى صغير​


نروح الآن للصح:​

اولا مجموعة كاملة للماكياج ( فاليزة صغيرة ولا ماليت كل واحد كيفاش يسميها) هاذي اذا سافرتي شهر عسل او رحتي زيارة لداركم ولا دار راجلك تستخفي بيها ماتبقيش تدي في كل ماكياجك ،،، وغالبا ماتجيك هدية من اهل الزوج ايام الخطوبة​

كريم اساس ( انا انصحك ب bourjoisهااااااااااااايل ثلاثي المفعول)+ كريم اساس للجسم اذا حبيتي راهو عاد متوفر
اونتي ساغن
الكونسيلر خافي العيوب
فوندوتان بودر
فاغ آ بوبياغ كبيييييرة تتكون من كل الالوان
قلم كحل + اقلام جفون زرقاء وخضراء وفيولي ،،،، واو ، تأثيرهم مليح
آي لاينر ( اشري العديد من الالوان مش غير الاسود) مثلا الالوان الاساسية ازرق اخضر ,, وانتي وذوقك
قلم الكحل الابيض ( انا مانقدش بلا بيه هااايل ورائع)
قلم الحواجب (تعلمي كيفاه تحددي حواجبك قبل الاستعمال لانه واعر شوي ,,, بالنسبة لي)
اقلام روج وحبذا لو يكون بنكهة لذيذة ,, انا نموت على القو تاع الفريز
بغيولافغ الوان
اقلام شفاه من l'oreal هو المخير
الفارني الوان (rouge des angles)
فاغاجو على حسب البشرة ، اذا كنت بيضاء استخدمي الغوز واذا سمراء استخذمي الخوخي
مجموعة من البانسوات les pinces ،، راهم يتباعو في علبة ب 30 الف فقط ، ورايحة تحتاجيهم كثيرا
شيفونات لتوزيع الماكياج ,, يستخدموها مع كريم اساس
ليغيسل الواااان ،، كثري ، منهم لانه يجمل المرأة
مزيل الماكياج انا ننصح ب dove لكامل الوجه ، و جونسن للعينين ، (gel démaquillant)
لينجات مزيلة للماكياج + لينجات بالحليب مغذية
اولاي لترطيب الوجه ،، هاذا يستخدموه بعد الماكياج ،، وتأكذي من حصولك على المنتج الاصلي
مزيل الفارني dissolvant
القطنات المستديرة مع ديماكيون،،، لي كوتون
:-o اااه نسيت المراااااية ،، شيء ضرووووووووري ،، اشري مرايات محمولة احجام
القائمة قابلة للاضافة​


بون نوي اليوم عروساتنا ،، نكملوا غدوة​

يعطيك الصحة أختي راكي كفيتي ووفيتي شملتي كل شيئ في المكياج الي ممكن تحتاجه العروسة
حبيت نضيف برك بلي الماركة هي أهم حاجة في المكياج كيما رانا نشوفو درك الأسواق راهي مليانة بمواد التجميل و بأسعار رخييصة يعني تكون عندك مجموعة صغيرة من ماركة مليحة وغالية أحسن من مجموعة كبييييرة تكون رخيصة و مش موثوق من مصدرها هادي لازم كل وحدة فينا تحطها في بالها باش متتلفش البشرة تاعها و تتضرر
استفسار :
قلم الكحل الابيض ( انا مانقدش بلا بيه هااايل ورائع)
وشنو هو قلم الكحل الأبيض ؟؟ لونه أبيض ولا كيفاه ؟
 
شكرااااااا بزاف على الموضوع الرائع
ربي يخليك
 

..السلام عليكم..
..شكرا لك حبيبتي على الموضوع المفيد..
لكل عروسة مقبلة على الزوأأج..

..يعطيك ألف عأإفية على المعلومأت المهمة ..
..التي طرحتيهأأأ في موضوعك..
..لأ تحرمينأإ من جديدك حبيبتي..
..لك تحيأإتي في حفظ الرحمن..



انتظري حضوري في الموضوع بشدة
اختك

طيور الجنة
+ تقييــــــــــــــــــم
http://www.yeah1.com/

 
مرحبااااا
هاني جيت

نبدا بأول عنوان وهو :

حوايج الحمام :
اول شي كابة حمام متوسطة الحجم (صاك دو تواليت)
طقم حمام كااااامل
المناشف مختلف الاحجام
بوني دي دوش او البنيقة
بشماق يكون وردي او ابيض وراقي شوي يصلح بالعرايس
مناشف الوجه الصغيرة
مواس جوتابل وانا انصح ب venus رائعة وتدوم اكثر من الموس الاخر
الشامبوانات : ماذابيك تخيري الشامبوا اللي يخرج على شعرك وموالفة بيه ، مش اي ماركة يقترحوها عليها تديها ، وتدي منه 4 او 5 قراعي بش تتهني مدة ،، انا ننصح بـ elseve ، gliss
ابري شامبوا
ماسك الشعر : ننصح ب gliss رائع ورابيد
الصابون : ديري واحد مرطب ، مش اي صابون وخلاص ، مثل دوف الازرق رائع في الترطيب ،
جال الدوش : وهذا لااااازم ، انا نحب nivea
حكاكة الجسم او الكاسة ، خيري وحدة مليحة وتدعك ملييييييييييييييح
خزم مليح يرغي الصابون
حكاكة الرجلين او الحجرة ،،، (انا شخصيا الحجرة مانستعملهاش نفضل الحكاك اللي فيه مقبض)
غسول سائل ومطهر لليدين ، للاستعمال المتعدد المرات في اليوم ، لأنه الصابون بكثرة يشهب اليدين
كوتون تيج
ما ننسوش المشاطي ، خيري وحدة يكون اسنانها متباعدين بش ماتضرش الشعر

اييييييه بلا ما ننسى ماليت الحمام اللي تديها معاها لحمامها وتكون بحوايجها كيما تاع العضوة طيور الجنة هاهي :
1324992955761.jpg

bntmofeid-bb0ada934b.jpg


و لبسة الحمام الوردي اللي تديها معاها للحمام ايضا : ونسيت اسمها نظن فوطة ولا حاجة كيما هكا يكون فيها الذهبي

هذا اللي تفكرتو لغاية الآن ،، نتمنى اذا كاين اضافات قولولي بش نفيدوا بيها عرايسنا
راكي حكيتي على كلشي و خاصة الأشياء الأساسية اعطيك الصحة
راح نزيد عليك شوية حوايج نسيتيهم
للحمام تحتاجي ل 2 طاسات طاسة تاع العرايس و طاسة خلاف تاع نيلو تخلطي فيها حناء مثلا اذاكنت ممن تحني شعرها تعملي فيها الطاهرة مثلا و أشغال كثيرة للعرايس

و بعد الشامبون تحتاجي للماسك هذا راهو رايع فريكتيس و مفيد لكل انواع الشعر و خاصة الأحرش

efr55447-1.jpg

أو لوريال
lorealhairmask-1.png

ولا استعملوا حمام زيت بالثوم اسمه شبش استعملته شخصيا
34e808d41b5cbd1fa213d74c5510f273.jpg
نتمنى نكون أني أفدتكم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top