كويــــــرات العدس من مطبــــــخي

الحالة
مغلق ولا يسمح بالمزيد من الردود.

shahrazad

:: عضو بارز ::
أحباب اللمة
إنضم
10 مارس 2009
المشاركات
4,089
نقاط التفاعل
10,989
النقاط
191
العمر
32
محل الإقامة
تيبازة
الجنس
أنثى
سلام لبنات
جبتلكم وصفة كويرات العدس ان شاء الله تعجبكم رغم انها تبان ساهلة لكن
ماشي بزاف الي يتقنوها وجيهم خفيفة

المقادير
4 حبات بصل كبار
5 سنينات ثوم
كمية معتبرة من الحشاوش-نعناع -كرافس-معدنوس-كزبرة
ملح -فلفل-كمون-كاس زيت-ماء-شوية هريسة حسب الذوق
2 ونصف كاس السميد
وممكن اضافة قليل من طماطم المصبرة

نفرم البصل والثوم ثم نفرم الحشاوش فالخلاط ونخلطهم مع بعض


b0f643c76e.jpg

ونضيفلهم السميد
daf7f42a8e.jpg

نضيف الملح الفلفل والكمون ونخلط ممبعد نضيف الزيت ونخلط ايضا نبسسهم
fa68c63ca7.jpg

ممبعد نبلل الخليط بحوالي نصف كاس ماء حتى نتمكن من تشكيل كويرات متماسكة
22629e4512.jpg

ونضعهم فالكسكاس لمدة لا تقل عن ساعة ونصف
372fb4a16f.jpg

وتأكل مع العدس


843d1defa8.jpg


:regards01:
 
وعليكم السلام
خرجتلك هايلة وعجبتني بزاف الوصفة
ان شا ءالله نجربها
يعطيك الصحة اختي
سلامي

 
سبحان الله هدي الوصفة كيما عند القبايل اسموها تيكوربابين وانما هوما مايفورهاش يرموها مع مرق تاع لعدس
تجي هايلة
بصحتكم اختي شهرزاد
نجربها ان شاء الله
 
وصفة جديدة عليا بصح تبان هايلة يسلمو نجربها ان شاء الله بصح عجبتني كما قالت ابتسما نرميها فالعدس
 
وعليكم السلام
خرجتلك هايلة وعجبتني بزاف الوصفة
ان شا ءالله نجربها
يعطيك الصحة اختي
سلامي

اهلا عائشة ختي
الله يخليك ان شاء الله تجربيها وتخرجلك مليح
يعطيك الصحة
 
سبحان الله هدي الوصفة كيما عند القبايل اسموها تيكوربابين وانما هوما مايفورهاش يرموها مع مرق تاع لعدس
تجي هايلة
بصحتكم اختي شهرزاد
نجربها ان شاء الله
صح ايه هيا بالذات حنا تاني مرات نطيبوها مع العدس
نسيت باه نقولكم هاد الطريقة وتخرج هايلة كيما قلتي
وكاين تاني بالعجين هادي روعة ان شاء الله مرة اخرى نحطها
الله يسلمك يعطيك الصحة
نورتي كي العادة


 
آخر تعديل:
وصفة جديدة عليا بصح تبان هايلة يسلمو نجربها ان شاء الله بصح عجبتني كما قالت ابتسما نرميها فالعدس

ايه كاين مايعرفوهاش علابيها حطيتها
الطريقة تاع طيبيها مع العدس تان هايلة
ان شاء الله جربيها وتعجبك
نورتي ختي نرجس
 
شكرا ليك
 
شكرا اختي على الوصفة راهي جديدة عليا بارك الله فيك:up::up:
 
السلام عليكم أنا يما كانت ديرهم لنا خاصة ف لشتا نعيطولهم تيكربابين بصح ما نديرولهمش الثوم و الكمون
 
وصفة جديدة اول مرة نسمع بيها وتبان تسخف خاصة انا نحب اي حاجة عندها علاقة بالعدس مممم ان شاء الله نطبقها قريبا
بارك الله فيكي
 
rabi ykhaaalik ana nmot 3lihom méé mana3rfhomch

stttp 9olil smid khchine normalment

mrç bzzzzf + ta9yiime khtiti

 
حنا تاني نديروهم وديرو معهم الزعتر يابس يعطي دوق هايل​
 
يعطيكم الصحة خياتي
فرحتوني بردودكم
زهرة شكرا على التقييم

 
ya3tik saha sahrazed chatoura, ma na3rafhach hadi el wassfa, in cha allah njarabha
?goulili, yaklouha lazem m3a la3dess
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top