حياتنا... تلقاوها غير هنا في منتدانا ...اللمة...

milindajemmy

:: عضو منتسِب ::
إنضم
24 سبتمبر 2012
المشاركات
77
نقاط التفاعل
3
النقاط
3
السلام عليكم و رحمة الله و بركاته

أهلي و أحبتي و خلاني في اللمة الجزائرية كيف الحال.....

حبيت نحكي ليوم وش كاين و وش رانا نعيشوا.....

اليوم و أنا في قلب مدينة الجلفة النابض ...حسيت باحساس القوة:sport02: و الشبوبية :-h و المورال

طالع :p .....واحد يبيع و واحد يشري ....لولاد رايحين يقراو ....رجال و نساء رايحين للخدمة.....في l arret

تاع ل bus تسمع الحدائق...الحدائق....الجامعة...الجامعة........

المهم تحس الناس كامل تنبض بالحياة...:p ...و هاذي كامل راهي شوفة سطحي....كي

تتعمق...أوووووووووف......يهبطلك المورال....على خاطراش راح الدين...و مابقات لا مبادئ لا

أخلاقيات....


السي خونا بالكيتمان عايش في الأحلام

يغني في وجه باباه و جدو...و يجي ينصحك بالاحترام

شعرو معمر بالجال...حاسب روحو gentil man

و نتا كون طل عليه...تلقاه معمر صيبان



لالاهم خارجة من الدار يا سيفيليزي ....يا بالحجاب

اللولا معليهاش العتاب

و الثانية وجهها لوحة زيتية

تقول هربت لابليس هاديك لعشية

و كي يهدرو معاها تلعبها نية

و هو يقولها يا ختي....احترمي نفسك و ليك منا ألف تحية




و مع احترامي ليكم


الفضلات**الزبالة** راهي بالألوان

تحت الحيطان.....و قدام بيوت الجيران

ترعى منها الخرفان.....و كي يحبو ينحوها....يحرقوها بالنيران



في الليل كاين مشكل الكلاب

تبات تنابح عند كل باب

قتلها البرد و عادت تخاف من الظلام و الضباب



عمي باش يجيب لقمة لحلال يهز التراب

و في الليل التخمام..و الأرق هو أكثر عذاب

عمي حاب يخرج ولدو طبيب ولا أديب

باش مايعيشش وحيد...و على حبابو بعيد

يدعيلو ربي المجيد....

باش يحفظوا و يعيش سعيد

مي هو الدنيا غاراتو

و على الطريق الصحيحة بعداتو

باش يشغل عقلوا بالدراسة

راهو يتبع في وناسة

قلبو معمر نجاسة

في الليل يبات يسكر

و لسانو مايعرفش يذكر

مع والديه راهو مقصر

و هو راهو يكبر...

و في حياتو و حياة غيروا راهو يعكر



الاستاذ في lycee حاب يشري لمرتو سلسلة ألماس

alors دراهمها يجيبهم من ظهور الناس

يقري بميتين ألف math للراس

أحمل يالفقير...ماتنهز ما تنقاس




و مننساش وش راهو صاري فالسبيطارات

الطبيب و العلة و المريض...أحلى المغامرات

اللي تكسرت رجلو يقعد يستنا ساعات

و اللي راح تولد..يفيقولها كي تشرف ع الممات

متكذبونيش..و متقولوش مجرد اشاعات

لقهاوي و السيامات راهي متاجر مخدرات



الطفل في السبان..عاد فنان

و الطفلة بعد ما كانت وردة في جنان

عادت مجرد شيطان



سامحوني....و سامحني يا زماني....بواش كتبت يدي و قال لساني

حكايتي ليكم ماهيش من خيالي

هاذا وش شفت و وش صرا قدامي


بكري كانوا كاينين الرجال

اللي يحملو على صدورهم الجبال

و في يديهم النبال

و لبنات كانت ظريفة كي لغزال

و كانت في المجتمع صفات الكمال



راح كلش يا زماني

و تبدلت حوالكم و حوالي

هاذا وش جا في بالي

ان شاء الله نتلاقاو في الجنان

عند رب الأكوان

وين صوت العصافير رنان

ناكلوا تين و رمان

سلامي ليكم...أنا ...
ايمان


اخواني و اخواتي في اللمة...كلامي ليوم راهو موجه بصراحة لكل انسان راحت منو القيم و الاخلاق.....

و احترامي الكامل لكل الاساتذة و الاطباء و الادباء و طلبة العلم المحترمين...بارك الله فيهم جميعا.
 
ماخليتي حتى واحد ماهدرتيش عليه
عندك الحق حكيتي صح واش راهو صاري في وقتنا
ربي يثبتنا العقل و الدين
يعطيك الصحة ختي ايمان

ان شاء الله نتلاقاو في الجنان

عند رب الأكوان

وين صوت العصافير رنان

ناكلوا تين و رمان

آمين ..
 
تمتعت وانا نقرى في لي كتبتيت
قاع لي قلتيه صح موفقة ان شاء الله
 
يعطييك صصححهه

الله يبااررك علييك


صححح يعنيي وقتناا هاذاا تبدلل قااع .... ربي يهدديي ^^​
 
وآلله مبدعه بقووهـ،
قستيني في آلقلب ,, آنت تحكي
وآنآآ نشوف في آلوآآقع بين عيني
ماعندنا مانديرو غير نطلبو لهم ولينا الهدااية
بااارك ىلله فييك
 
ماخليتي حتى واحد ماهدرتيش عليه
عندك الحق حكيتي صح واش راهو صاري في وقتنا
ربي يثبتنا العقل و الدين
يعطيك الصحة ختي ايمان



آمين ..

أميين يا رب العالمين....تعيشي ختي.....نورتينا بوجودك وردودك....:regards01:
 
تمتعت وانا نقرى في لي كتبتيت
قاع لي قلتيه صح موفقة ان شاء الله

ربي يوفقك و يوفقني و يوفقنا أجمعين....تعيشي أختي Om anfal:bravo01:
 
وآلله مبدعه بقووهـ،
قستيني في آلقلب ,, آنت تحكي
وآنآآ نشوف في آلوآآقع بين عيني
ماعندنا مانديرو غير نطلبو لهم ولينا الهدااية
بااارك ىلله فييك


يا ربي اهديهم و اهدينا....و فيك بارك.....:regards01:
 
شكرااااااااااااااااااااا لك
 

عجبتيني ختي كي هدرتي على كاااامل الفئات
النسا و الرجال
مش كي البعض
يجيبها على جيييهة برك
و صصصصصصصصصصح وش قلتي كاااااامل
و الله اعلم راكي فرغتي وش في قلبككاااامل
ههههههههه
مي ماتقوليليش مزال شويا
ههههه
ربي يهنيك ختي ايمان
سلااااامي ليك و ربي يصبرك
 
بارك الله فيك اختي ونفع بك

موضوع صحيح100/100ربي يهدي برك وتنصلح الاحوال
في انتظار جديدك

سلامي
 

فعلا هي بعض الامور نشاهدها يوما

لكن الحــــــــــــــــــــل اين ؟

شباب تاعنا تاه عن طريق الصحيح

ربي يهدي مخلق وشكرا لك على موضوعك الراقي

بيكـــــــــهام
 
ايمان يا إيمان
لميتي الظواهر الاجتماعية تع المجتمع تعنا في موضوع
وطرحتيه بطريقة مشوقة خلاتني نعجز على التعبير
vrmnt احطتي بكل الجوانب وتعمقتي في داخل حياتنا الواقعية
نحييك من كل قلبي
هاذا وش جا في بالي

ان شاء الله نتلاقاو في الجنان

عند رب الأكوان

وين صوت العصافير رنان

ناكلوا تين و رمان

آمين يا رب العالمين
++ تستاهلي تقييم
 
عندك الحق فكل كلمة قلتيها ختيتوا
يعطيك الصحة و ربي يهدينا أجمعين ان شاء الله
 
وي سي فري يعطيك الصحة كلامك في الصميم راكي حكيتي على الشي اللي رانا توجور نشوفوه ونشكيو منو
 
نستعرف بيك كلام في القمة وكله على ارض الواقع يعطيك الصحة
-مع تحيات الجنرال- نرجو لكم التوفيق-

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top