حقيقة الزواج

Om anfal

:: عضو مُشارك ::
إنضم
5 سبتمبر 2011
المشاركات
122
نقاط التفاعل
2
النقاط
7
السلام عليكم ورحمة الله تعالى وبركاته
حبيت نشاركم في موضوع اللي هو معروف الا هو الزواج
كل واحدة فينا مين تكون سليباتور تحوس على اليوم لي تتزوج فيه ويكون مبتغاها بالرغم ما تبينش وتتستنى النهار لي تكون في دار رجلها والنعيم لي راه يستنى فيها والحياة الوردية سموها كيما تبغو
المهم بعد الزواج كي تدخل دار رجلها ولا زوجها هنا الطامة الكبرى تجد عالم اخر عمرها ما توقعاته تجد ادوار كثيرة تمارسها -الام 'الزوجه'المربية'الشغالة'الممرضة'الطباخة'المعلمة...................
مهن عمرها ماتوقعت تخدمهم فتصاب بالاحباط وتنقلب الصورة وتبدا المشاكل التي لا تنتهي
لهدا حبيت تشركوني موضوعي كل وحدة شراهي حاسبة الزواج
اسحولي ماحبيتش نطيحلكم المورال في الزواج بصح بغيت نفيقكم باه ما تنصدموش وتخسرو في الجولة الاولى
يا الزواج راه جهاد ولي يدخل هدا الجهاد خاصه العدة العتاد الا وهو الصبر والصبر والصبروطول البال التقلاق مامعاناش:mad:
ايا راني نستنى في الردود:s
 
ينقــــــــــــــــــــــــــــــــــــل
 
اختي في كلامك حسيت روحي نتاع حزب الله ورافدةا لكلاش ورح ندخل نحارب بيه
الزواج كيفما كان هواكمال نص الدين وهو واجب فرضو علينا الله تعالى الا اللي ما جاهاش مكتوبها هاذيك باينة
وماكانش الي ما خدمتش في دار والديها وما اشتغلتش في الدار وما رعاتش والديها ولا خاوتها
يعني رح تتبدل في دار الزوج الادوار فقط يعني عوض ما كانت البنت في دار امها مساعدة في دارها رح تكون مسؤولة
وكيفما كانت الطفلة وحسب تصرفها هي اللي تتحكم وتنظم وقتها وتريقل امورها وتقدر تعيش في النعيم علاه لالا
ربي يهني بناتنا كامل ويعطيهم على حساب قلوبهم
 
السلام عليكم ورحمة الله تعالى وبركاته
ان شاء الله تكوني بالف خير اختي
وان شاء الله ماتكونيش من اللي انصدمو وجاهم احباط
.........
مع انو كلامك مبني على اساس غالط
الا انو واقعي وصاري في حياتنا اليومية مع الاسف
لكن البنت اللي يصراولها المشاكل اللي قلتيهم
هي البنت السطحية الغير مسؤولة
اللي تنظر للزواج انو غوب بلونش وكوافير وصال ديفات....وو:bravo01::down:
وللبنت اللي كانت في بيتهم قاعدة غير للماكلة والرقاد....
والباقي عندك ....
انا نخاااااااالفك نهائيا فواش قلتي
واكيد لكل واحد وجهة نظرو
البنت في دارهم تكون تخدم على خاوتها مجبورة
ومرات بالسيف عليها
لكن فبيتها وعند زوجها راح يكون دافعها لاي شيء تديرو حبها لزوجها
وسعيها باش ترضيه
.........وتعرفي حاجة اختي
انتي وواش تقنعي روحك
تديري فبالك انك قد الحمل راح تكوني
تقنعي روحك انك ماتقدريش يا لوكان تطيري ماتقدريش...
وفالاخير ربي يهني كل بنية
ويقدر كل زوجة ترضي زوجها وتقوم بدارها
وشكرا ليك

:regards01:

 
آخر تعديل:
ان الامر اصعب مما تتصورين على خاطرش راني نهدر على بنات اليوم وتحملهم للزواج ونخليك لاحصائيات نتاع الطلاق وهدا ان دل فانه يدل الصورة الخاطئة لراهي تتصوره البنت عن الزواج
 
ان الامر اصعب مما تتصورين على خاطرش راني نهدر على بنات اليوم وتحملهم للزواج ونخليك لاحصائيات نتاع الطلاق وهدا ان دل فانه يدل الصورة الخاطئة لراهي تتصوره البنت عن الزواج
هذا يعني انو المشكل فبنات هاد الجيل ماش فالزواج كيما صورتيلنا
:-r

 
أهلا بيك اختي
كفاو ووفاو عفاف الجزائرية وشجون الروح يعطيهم الصحة
وربي يرزقنا ببنت الأصل
ربما لبنات ماشي كامل كيف كيف ...
 
ان الامر اصعب مما تتصورين على خاطرش راني نهدر على بنات اليوم وتحملهم للزواج ونخليك لاحصائيات نتاع الطلاق وهدا ان دل فانه يدل الصورة الخاطئة لراهي تتصوره البنت عن الزواج


اختي الكريمة أسباب الطلاق كثيرة بزاااااااااااف وليس من اهمها عدم قدرة المراة على المسؤولية ...
 
اسحولي ماحبيتش نطيحلكم المورال في الزواج بصح بغيت نفيقكم باه ما تنصدموش وتخسرو في الجولة الاولى

ههههههههه وزيدي خوفينا انت
وي علابالي بلي بابا لحنين ماكاشوا معايا ولا خويا لعزيز لي يحس بيا
مي بالنسبة للزوج اكيد راه يكون جامع بين حنيتـ ابي ومحبة اخي
و..........
كي نرجع نكمل


لي عودة للموضوع
عجبني :d
 
انا الفكرة لي حبيت نوصلها ولي ما وصلتش بلي البنت مين تبغي تتزوج باه تهتم تهتم بالتصديرة بالكوافير ناسية امور اهم وهي حقيقة الزواج من مسؤولية لي تحتم عليها ديفوا تنسى روحها يعني البنت اللي تزوجت على جال تعيش حياتها كيما نتاع الافلام غير تحواس ودخلات وخرجات ولبسة راهي غالطة غير لطاحت رجل فغيمو يعاونها وماتحسش ان كل شييئ على راسها
وان عندما اوردت الطلاق ليس بسبب عدم تحملها للمسؤولية بل لعدم فهم ماهية الزواج لي تخليها تسمح ديفوا في حقها باه ترضي زوجها وتحتسب امرها لله وربي يجازيها على صبرها ويبركلها في زواجها
 
هاذ الشئ ماهوش سبابو الرجل ولا الزواج وسبتو تخمام بنات اليوم اللي يحسبو الزواج كله عسل وزهو علاه رانى نصورو في فيلم ..؟؟
من الطبيعي انه الزواج مسؤولية والقافزة هي اللي تتحملها وتقدرلها والأكيد انها اذا كانت قدها رايحة تخلي حياتها عسل علاش لالا
ألوغ اللي تحسابو تحواس وتقلاش وكانت مدللة عند مامتها ماتخدمش باه مايخسرلها لمانيكير تاعها خليها تنصدم بالحقيقة الطبيعية تاعو
شكرا ... تحياتي
 
شكرا على الرد واتمنى من كل بنت باغية تتزوج اول شيئ تخلص نيتها لله باش يباركلها الله في زوجها وفي ولادها انا ماجبتش الموضوع لاني احبطت في زواجي فوالله رزقني الله بزوج لايضاهيه رجل في عيني وبالرغم فاتو مشاكل كبار بصح ماشي منا من محيط العائلة راكم عارفين وتجاوزناها كلها ولكن سبب طرحي هو عجوزتي قالتلي وحدة راهي تبيع اللحوف نتاعها قعدت غير ليلة في دار راجلها ولت ماعجبهاش الحال واخرى قعدت 4اشهر ولت هدي طولت قالت ماراهش عاطيني حريتي قلت في نفسي وراه المعنى الحقيقي للزواج حتى ولت البنت غير تدخل وتخرج
 
كلامك صحيح 100 بال100 اكيد كل واحدة عندها تصور لحياة ما قبل الزواج بصح من بعد الزواج نجد واقع اخر ومسؤوليات كبيرة اكيد كل واحدة راح تحس في لول بمشكلة في التنسيق بين كل المسؤوليات الي اطيح عليها خصوصا ادا كان الزوج ما يساعدش المرا بصح اكيد بعد مدة من الزواج راح تتعود وولي الامر عادي وروتيني وكيما قلتي لازم الصبر ثم الصبر وكيما قالت واحدة من الاخوات لازم تعرف الواحدة كيفاش تنظم امورها وربي اسهل ان شاءا لله
 
كونت رايحة نحكي واشنو هو الزواج مي الاخت عفاف الجزائرية رهات قالت واش راني حابة نقول
شكرا على الموضوع الرائع
 
شكرا لكم فلقد اثريتم الموضوع
 
السلام عليكم
هو مسؤولية متقاسمة بين الزوجين اذا واحد فيهم تنازل على مهمتو اختل التوازن
حاليا مش نفكر فالزواج لكن الواحد لازم يعرف وين يحط رجلو برك
يعطيك الصحة
 
راني وجدت الكلاش ما زالي القنابل واحد اليومين ويلحقو راني رايح نجاهد هههههههههه لازم يعرف الراجل بلي رايح يفتح دار ويصرف ويوفر الامن والامان للاسرة نتاعو والمرا لازم تعرف بلي رايحة تخدم راجلها وتربي وليداتها وتنظف دارها انا تبانلي هكا اللي حب يقاجي واللي ماعجبوهش الشروط هز الدوسي نتاعو ويروح يروح لدارهم يعطيك الصحة
-مع تحيات الجنرال- نرجو لكم التوفيق-
 
كي توجدو رواحكم كل شي يجي ساهل والله الموفق
 
السلام عليكم
الزواج ما يخوف ما والو كيما راكي تقولي
واشنو كل بنت و هدفها من الزواج
اذا كان هدفها تعيش الرفاهية و التفشاش و دايرة رجل فوق رجل و حابة غير البروتوكول و الشوفات هاديك ايه ينخاف عليها و راح تلقى مشاكل
و لكن البنت اللي دايرة حساب لكل خطوة و عارفة انو الزواج يتأرج بين المسؤولية و حسن التسيير و الاسرة الجديدة دون ان تنسى انها مأجورة و هي تعمل حبا و ارضاء لربها ثم زوجها عادي راح تكون بالنسبة ليها متعة ماشي جهاد
و الله يهنينا و يهنيكم
 
الله يهني كل البنات بادن الله
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top