ونتــوما تانيك تأمنو بهادو الخـرافـات ؟!

AnGel_LoVe

:: عضو مُشارك ::
إنضم
26 نوفمبر 2008
المشاركات
409
نقاط التفاعل
143
النقاط
19
السلام عليكم !!
ان شاء الله تكونوا كامل بيان ؟ :d

ندخل ديراكت في الموضوع الي يخص واحد الظاهرة تاع الخرافات و المعتقدات تاع بكري الي مازال المجتمع ديالنا يخاف منهم و يأمن بيهم و احنا رانا قريب ندخلو فـ2013ـ
الحاجة لي تحبس الراس كي تشوف شي ناس موسوسين , حياتهم كامل مبنية على هادو الصوالح .. إذا شاف كلب ولا قط كحل ولا غراب ولا عبد مايحبوش صباح واذا سمع بومة يعرف بلي نهارو ماراحش يجوز بيان ولا تصرالو حاجة ماشي مليحة..
علا بيها ولاو يديرو عفايس باش يبعدو عليهم الشر و العين كيما الخامسات, ولا عين مكتوبة عليها ’عين الحسود لا تسود’ .. إلخ و ينساو ربي وبلي كل حاجة تصرا بإذنه ..
و كاين واحد لي جاست نديروهم و نعرفو التفسير الخرافي ديالهم بصح كاين لي يأمن بيهم وكاين لي لالا (كيما أنا ) :-r




نقولكم على الي نعرفهم والي سمعت بيهم
par exemple


كي تاكلك يدك ليمنى تخرج دراهم
وكي تاكلك ليسرى دخل دراهم
كي تحك حاجبك اليمين راهم يهدرو عليك فالخير و اليسار راهم يمنشرو فيك مام كي تحك ظهرك تانيك راهم يمنشرو فيك
كي تحك نيفك راح تاكل اللحم .. وادا تخطيت على واحد ماراحش يطوال , ادا دخلت دبانة كبيرة للدار يجو الضياف وكاين وحد النسا يقولو ’كي ياكلني السلام يجو الضياف’ , و كي تكون ودنك تصونيي معنتها راح يموت واحد تعرفو , و ادا تكسر كاش تبسي ولا كاس نقولو تكسر الشر , وادا جزت تحت سلوم مفتوح ماعلاباليش واش يصرا, وادا كنت لابس بليغة و حطيتها و جات وحدة فوق وحدة معنتها راح تخرج م الدار ,,,
:d
ويقولونا تانيك ماترميوش الما سخون في مجيرية , وماترقدوش مور العصر , ومادوشوش قبل المغرب, وماتحلوش البارابلوي فالدار, وصوالح بزااف وحدوخرين مانعرفهمش
;) والي يعرف كاش خرافات يزيد يقولهم معليش

...
 
المهم أنا حبيت نقول بلي هدو الخرافات كامل داروهم ناس أميين الله غالب عليهم :down: ومالازمش حنا تانيك نتبعوهم باسكو حنا علابالنا بلي كل حاجة في يد ربي سبحانه الي قال: (قل لن يصيبنا إلا ما كتب الله لنا هو مولانا وعلى الله فليتوكل المؤمنون)صدق الله العظيم
واحد ماراح يعلم الغيب ولا يمنع حاجة ربي كتبهالو .. ولي يتكل على ربي ويقوي الإيمان ديالو مايخاف من والو

.
.

رأيكم في الموضوع

و السلام !!

:)
 
..كاينة حاجة تصرالي ديما من هاد الخرافات لي قلتيهم_نهار تحكني يدي_ميهمش ندخل ولا نخرج دراهم المهم كاينة حكاية فيها دراهم.انا يبالي الوحد موالف بيها و نفسيا يحس بلي راهم يصراولوا هاد الحوايج...مهما كانوا خرافات راح يجي الجيل الجديد و يمحيها انا وحده نستمتع بيهم خاصة كي نكون في وسط جماعة كبار هداك هو لو شارم تاعها_انا ماما لوكان تشوفني حليت البرابلوي فالدار تقتلني_شكرا على الموضوع
 
وعليكم السلام ورحمة الله تعالى وبركاته
ايه ياختي هاذو يسموهم العادات والتقاليد عندنا هادو ماشي غير خرافات فقط بعض واش قلتي يتحسب شركيات والعياذ بالله
بارك الله فيك موضوع + تقييم


 
..كاينة حاجة تصرالي ديما من هاد الخرافات لي قلتيهم_نهار تحكني يدي_ميهمش ندخل ولا نخرج دراهم المهم كاينة حكاية فيها دراهم.انا يبالي الوحد موالف بيها و نفسيا يحس بلي راهم يصراولوا هاد الحوايج...مهما كانوا خرافات راح يجي الجيل الجديد و يمحيها انا وحده نستمتع بيهم خاصة كي نكون في وسط جماعة كبار هداك هو لو شارم تاعها_انا ماما لوكان تشوفني حليت البرابلوي فالدار تقتلني_شكرا على الموضوع
كيما قلتي حالة نفسية تقعد فالانسان بصح الاستمتاع يا اختي يكلفك ذنوب كبيرة
كيما الخامسة والعين والمساسك والملح هاذو شركيات صغرى يعني ماينطق به اللسان ولايصدقه القلب
انتي تآمني بلي هاذ الخامسة ولا العين راح تحميك صح كاين بزاف منا يعرفوا بلي خرافة بصح ميعرفوش بلي ذنب كبير العمل بها وربي يهدينا ويجيب ساعة الخير :)
 
فعلا كاين منها وكاين امور كثيرة كانو ناس بكري يعتقدو ويامنو بيها وكاين امور صحيحة كيما ما لازم ترقد بعد العصر واليك رد احد الشيوخ في الامر:

ما جاء عن السلف من الآثار التي تنهى عن نومة العصر ، فهي محمولة على الكراهة من جهة الطب لا من جهة الشرع ، يعني لما اشتهر عند العرب قديما وبين بعض الأطباء الأوائل أن النوم بعد العصر غير صحي ، وقد يؤدي إلى إضرار في البدن ، فكرهوا للإنسان النوم بعد العصر كي لا يضر نفسه ، من غير نسبة ذلك إلى السنة والتشريع .
وممكن لو بحثنا في بعض الامور التي كان ناس زمان ينهون عن فعلها نجد ان لها تفسير علمي بصح هما والفوها عادة وما يعرفوش علاش
بصح نستتني من دلك حوايج كيما يدي تاكل وعيني ترف
ومن الاحوايج الي نعرفها كي تشوف طوموبيل حمرا دير واحد العفسة يجيوك صوارد
وثاني الي ماشي مزوجة مالازمش تقعد على المخدة والا تبور
واخرى كي يعود صباط حاشاكم واحدة فوق لخرة راك راح تحكم الطريق
واش اخر يا ربي؟؟؟؟؟؟؟؟
كي نتفكر حوايج اخرين نرجع ان شاء الله نقولهم
 
انا يا شابه منامنش بهذو الخرفات لانها طيرة والطيرة حرام نشوف قط اكحل ولا ابيض عندي كيف كيف جامي نطير كاين بزاف ليطيرو من هذو صوالح
 
نورمالمو راحت هذي الظاهرة
باقيين شادينها غير نآس بكري
في الجيل نتاعنا منظنش كآااين

 
صح مزالو شاديتها غير جاهلين اما لي متقفين جو pـونس pـا يقعدو يامنو هاد خرافات رجعو ناس بكري ملصقين هاد حوايج في حياتهم حتى ولات طيرة ديفوا تحسيهم راهم يشركو بالله كلشي كاتبوهلنا ربي وهوما غير يجبدو في صوالح لي يبلوكو المخ
ماعندنا مانقولو اpـاغ ربي يهديهم
 
راه جزء كبيير من واش قلتيه كيما تعا القط الكحل والغراب
يعتبر طيرة ,, وحتى في الجااهلية كانو يامنو بيها
,, حتى حرمها الاسلام
وتبقى خرافات بالاك من لي دارها الاستعمار
باه يفسدلنا العقلية ,, بصح مادام ماراهيش تضر فينا الان
باستثنااء الطيييرة ,, فهي ممتعة في بعض الاحيان
بالنسبة لي انا لا اؤمن بها على الاطلااق
الا ما حصل صدفة منها اعتبره حسن حظ لا غير

تقبلي مروري على موضوعك الجمييل
 
, ادا دخلت دبانة كبيرة للدار يجو الضياف
هدي مرة بنت عمي قالتها لعمتي كلما تدخل دبانة تجينا انت عمتي قالتلها علااااه محسوب انا دبانة هههه
ويقولونا تانيك ماترميوش الما سخون في مجيرية
وهدي يقولولك سمي قبل ماترمي الماء سخون يا يسكنو فيك ولا يضربوك .....
هاد الي كامل انا مانامن بيهم وكي تصرالي كا حاجة نقول الدعاء كراهية الطيرة
بارك الله فيك على الموضوع
 
وعليكم السلام ورحمة الله تعالى وبركاته


ايه ياختي هاذو يسموهم العادات والتقاليد عندنا هادو ماشي غير خرافات فقط بعض واش قلتي يتحسب شركيات والعياذ بالله
بارك الله فيك موضوع + تقييم
صح عندك الحق كاين لي دايرينها حاجة نورمال بصح بلاك هيا داخلة في الشرك و ممكن تكون من محقرات الذنوب الي ماننتبهولهاش
وفيك بركة .. صحيتي مينة :-r


..كاينة حاجة تصرالي ديما من هاد الخرافات لي قلتيهم_نهار تحكني يدي_ميهمش ندخل ولا نخرج دراهم المهم كاينة حكاية فيها دراهم.انا يبالي الوحد موالف بيها و نفسيا يحس بلي راهم يصراولوا هاد الحوايج...مهما كانوا خرافات راح يجي الجيل الجديد و يمحيها انا وحده نستمتع بيهم خاصة كي نكون في وسط جماعة كبار هداك هو لو شارم تاعها_انا ماما لوكان تشوفني حليت البرابلوي فالدار تقتلني_شكرا على الموضوع

أنا وحدة جامي صراتلي عفسة من هادو و خرجت surtt تاع الدراهم هديك مكاش منها :cray02:
وعلاش تقتلك ماماك تخاف البلافون يطيح عليكم par exemple؟؟ :p
الله يسلمك ختيتو ..
 
فعلا كاين منها وكاين امور كثيرة كانو ناس بكري يعتقدو ويامنو بيها وكاين امور صحيحة كيما ما لازم ترقد بعد العصر واليك رد احد الشيوخ في الامر:

ما جاء عن السلف من الآثار التي تنهى عن نومة العصر ، فهي محمولة على الكراهة من جهة الطب لا من جهة الشرع ، يعني لما اشتهر عند العرب قديما وبين بعض الأطباء الأوائل أن النوم بعد العصر غير صحي ، وقد يؤدي إلى إضرار في البدن ، فكرهوا للإنسان النوم بعد العصر كي لا يضر نفسه ، من غير نسبة ذلك إلى السنة والتشريع .
وممكن لو بحثنا في بعض الامور التي كان ناس زمان ينهون عن فعلها نجد ان لها تفسير علمي بصح هما والفوها عادة وما يعرفوش علاش
بصح نستتني من دلك حوايج كيما يدي تاكل وعيني ترف
ومن الاحوايج الي نعرفها كي تشوف طوموبيل حمرا دير واحد العفسة يجيوك صوارد
وثاني الي ماشي مزوجة مالازمش تقعد على المخدة والا تبور
واخرى كي يعود صباط حاشاكم واحدة فوق لخرة راك راح تحكم الطريق
واش اخر يا ربي؟؟؟؟؟؟؟؟
كي نتفكر حوايج اخرين نرجع ان شاء الله نقولهم

إيه ممكن يكون كاين لي عندهم تفسير علمي بصح راكي عارفة تاع بكري جامي حكمو حاجة صحيحة يشدو النص و النص لاخر من راسهم و مع الوقت تزيد تتبدل و تتحرف حتى تولي عادة و خرافة
هههههه فكرتيني فالطونوبيل الحمرا .. كنا كي نشوفو وحدة جازت نوليو نضاربو شكون يدير هدوك لي جاست اللول ههههه


انا يا شابه منامنش بهذو الخرفات لانها طيرة والطيرة حرام نشوف قط اكحل ولا ابيض عندي كيف كيف جامي نطير كاين بزاف ليطيرو من هذو صوالح
صح الطيرة حرام مي كاين عباد يقولك لالا ماشي طيرة هادي بصح سبحان الله كل مانشوف هدا البنادم يصرالي بروبلام :d
ميرسي خويا


نورمالمو راحت هذي الظاهرة
باقيين شادينها غير نآس بكري
في الجيل نتاعنا منظنش كآااين
maleureusement مازالو شادين فيها لي ناقصين دين و عقل
 
صح مزالو شاديتها غير جاهلين اما لي متقفين جو pـونس pـا يقعدو يامنو هاد خرافات رجعو ناس بكري ملصقين هاد حوايج في حياتهم حتى ولات طيرة ديفوا تحسيهم راهم يشركو بالله كلشي كاتبوهلنا ربي وهوما غير يجبدو في صوالح لي يبلوكو المخ


ماعندنا مانقولو اpـاغ ربي يهديهم

وحنا عندناالجاهلين كتر م المتقفين :s
الله يهديهم ويهدينا
صحيتي ختي ربي يحفظك

راه جزء كبيير من واش قلتيه كيما تعا القط الكحل والغراب
يعتبر طيرة ,, وحتى في الجااهلية كانو يامنو بيها
,, حتى حرمها الاسلام
وتبقى خرافات بالاك من لي دارها الاستعمار
باه يفسدلنا العقلية ,, بصح مادام ماراهيش تضر فينا الان
باستثنااء الطيييرة ,, فهي ممتعة في بعض الاحيان
بالنسبة لي انا لا اؤمن بها على الاطلااق
الا ما حصل صدفة منها اعتبره حسن حظ لا غير

تقبلي مروري على موضوعك الجمييل
ايه بلاك كيما قلتي بصح هدا الاستعمار حصلنا فيه كلش !! :d
الله يسترك ختيتو

, ادا دخلت دبانة كبيرة للدار يجو الضياف
هدي مرة بنت عمي قالتها لعمتي كلما تدخل دبانة تجينا انت عمتي قالتلها علااااه محسوب انا دبانة هههه
ويقولونا تانيك ماترميوش الما سخون في مجيرية
وهدي يقولولك سمي قبل ماترمي الماء سخون يا يسكنو فيك ولا يضربوك .....
هاد الي كامل انا مانامن بيهم وكي تصرالي كا حاجة نقول الدعاء كراهية الطيرة
بارك الله فيك على الموضوع

ههههه صح أنا نقول لماما كي شوفي كي تدخل دبانة ولا ياكلك السلام قوليلي باش نخمل الصالون ماشي كل يوم التخمال هههه
و فيك بركة .. صحيتي :-r
 
السلام عليكم
يعطيك الصحة على الموضوع و و عندك ما عرفتيني بحوايج ما كنتش نعرفهم مي جامي امنت بيهم اصلا في دارنا مام الكبار تاوعنا ما يامنوش بيهم الحمد الله
و من الامتلة اللي سانعتها عقدي جلابتك في العروس تزوجي و لا غفليها و قرصيها
تاني الصباط كي يتحط مقلوب ما شي مليح و ديري الحنة تحناني هههههههههه
 
موضوع مليح
لي رجعة ان شاء الله
 
عابر سبيل12، تم حظره "حظر دائم". السبب: مخالفة القوانين
اجمل خرافة جزائرية

كي يضرب الرعد طفي التيليفيزيون

:d

 
قلمي سلاحي، تم حظره "حظر دائم". السبب: مخالفة القوانين
وكي ترف عينك اليسار جاء ليك الشر

واذا رفت اليمين جا ليك الخير ونسمع يقولوا اذا رفت واحدة منهم قول ليها

اذا على الخير رفي واذا على الشر كفي

ههههههههههه​

148.gif
 
آخر تعديل:
السلام عليكم ايه اختي كاين اغلبية الناس مازالوا شاديين في هاد الصوالح تع بكري...
المهم انا بالنسبة ليا منامنش بهاد الخرافات كامل..
وكيما قالت الاخت ايمان هما قعدوا يجبدوا في الحاجات اللي يبلوكيو و يحبسوا المخ...
ربي يهدينا ويثبتنا هدا ماكان..
 
السلام عليكم
يا اختي الحبيبة هادو الخرافات نسمع بيهم بزاف وكامل نعرفهم وعندي جداتي وماما وبزاف ناس نعرفهم يامنوا بهادو الصوالح
نعيا نهدر معاهم نقولهم هدا شرك بالله مي تهدري ولا تريحي
على العموم شكرا على الموضوع
تقبلي سلامي واحترامي ويلا حبيتي مروري تاني
 
كل هده اعتقادات خاطئة واغلبها خرافات غربية لان الانجليزيون مثلا يتشاءمون برؤية البومة صباحا واخذ المصريون عنهم هذه الاعتقادات وكذلك الفرنسيون مثلا يتشاءمون ادا تكسرت المراة فى البيت ويقولون سبع سنوات نحس فى ذلك المنزل ;) وايضا اعتقاد ان فتح المطرية فى البيت تسبب النحس فهذه هى الاخرى من خرافات الفرنسيين اما الاعتقاد الاخر عند الغربيين ان العريس لايرى العروس بالفستان الابيض قبل الاحتفال لان هذا يجلب الحظ السيى ولهذا ان اغلب هده الاعتقادات منشؤها ليس عربيا لكن العرب تبنو هذه الافكار السلبية ثم تمسكوا بها حتى اصبحت للاسف الشديد كانها جزء لا يتجزا من تراثنا واتمنى ان لا نحمل العرب كل ما هو شىء كما اتمنى ان يفهم الجيل الجديد انه ان الاوان لنحرر افكارنا من هذه الخرافات المسمومة التى تمس العقيدة الاسلامية فى الصميم بل وتزعزع ركنا مهما من اركان الايمان الا وهو الايمان بالقضاء و القدر خيره وشره :-r اعلم انه لو اجتمعت الانس والجن على ان يضروك بشىء لم يكتبه الله لك ما ضروك شيئا وكما قال الله تعالى ان كل شىء خلقناه بقدر
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top