حلوى المشكلة بالخطوات من مطبخ ام اماني

ام اماني05

:: عضو مُشارك ::
إنضم
30 ماي 2012
المشاركات
481
نقاط التفاعل
1,174
النقاط
41
السلام عليكم اخواتي
عملت حلوى المشكلة وصورت الخطوات لان الكثير من الاخوات كي طيبوها يخرج الحشو ويجي يابس لذلك نحاول نعطيكم نصائح لنجاح هذا الحلوى
مقادير العجينة:
3كيلات فرينة
كيلة الا ربع زبدة التوريق ذايبة وباردة
م ص فاني
ماء وماء الزهر نبلو به العجينة
مقادير الحشو:
2كيلات لوز مرحي رقيق
كيلة جوز مرحي رقيق
كيلة ناقصة شوية سكر
1م ص فاني
بيض على حسب كمية الحشو
التعسيل
كيلة شاربات
كيلة عسل اصطناعي
التزيين:
مكسرات
بياض بيض
الطريقة
نحضر العجينة بخلط المقادير السابقة لازم تكون طرية ومتماسكة كيما عجينة البقلاوة نغطيها بغلاف بلاستيكي ونخليها ترتاح 3 ساع\ات قبل الاستعمال
من جهة نحضر الحشو نخلط الجوز واللوز والفاني نخلط البيض وحده ونضيفو تدريجيا حتى نتحصل على عجينة ملساء لاتلتصق في اليدين وهذي خطوة مهمة تخلي الحشو ما يخرجش غطيه وخليه يرتاحساعات قبل الاستعمال

بعد ذلك نرش شوية ما يزينة ونمرر العجينة في الة العجين لازم تكون رقيقة تقريبا بسمك1مم
http://[URL="http://up.top4top.net/"][/URL]
نبسط الحشو بالحلال على ورق الزبدة بسمك 1 ونصف سم ونحط الحشو فوق العجينة المبسوطة
http://
ونغطي الحشو بعجينة اخرى مبسوطة
http://
بواسطة قطاعة نقطع دوائر انا استعملت قطاعة قطرها 4 ونصف سم
http://
ثم ننقشها بالنقاش لازم كل ما نعمل كمية ننقشها بسرعة لانك اذا طولتي تولي العجينة يابسة وكي تنقشيها تتقطع
http://
نغطس انواع المكسرات لي عندي في بياض البيض ونثبتهم في وسط الحلوى وممكن نعمل ازهار بالعجينة ونثبتها باللوز او الصنوبر

نحطها في بلاطو فوق ورق الزبدة ونغطيها ونخليها ترتاح 4ساعات اذا كانت درجة الحرارة عالية اما في الشتاء نخليها4ساعات
http://
بعد ذلك نطيبها في فرن على 150 درجة لازم تبقى بيضا من الاسفل ثم نشعل عليها من فوق غير شوية ما لازمش تحمار
بعد ذلك نحضر الشاربات بخلط كيلة سكر مع كيلة ونصف ماء نخليه يغلي على النار مدة15د لازم لون الشاربات يبقى ابيض ولما يطيبو نكيل كيلة شاربات وكيلة عسل اصطناعي ونحط حبات المشكلة فيهم ونحطها تقطر في الكسكاس
http://
بعد ذلك نحطها في لي كيسات
http://
وهذا شكلهم عن قرب
http://
لكن من الافضل ما تستعملوش اللي كيسات نتاع لي ناب لان الحلوى تلتصق انا انتبهت وحطيتهم في لي كيسات عادي
http://
نتمنى تعجبكم طريقتي وتنجحو في تحضير الحلوى لانها تجي هاااايلة
ولا تنسوني اخواتي من صالح دعائكن
 
الله يبارك
ماشاء الله ختي ام اماني
جاتك روعة المشكلة
يعطيك الصحة على الطريقة
 
يعطيك الصحة بصاح لي استفساؤ
://
الباقي عجيينة واش تعملي بيه ميكون الصق فيه الحشو
 
الله يبارك من زمان وانا نحوس عالطريقة ربي يجعلها بميزلن حسناتك اختي العزيزة جاتك تحفة والله
 
شكرا غاليتي على المرور نورتن صفحتي
اختي حكيك انت حاولي تطبعي الوردات قدام بعض باه ما تخسريش العجينة بعد ما تطبعي العجينة لي قاسها الحشو رح تخسريها اما البيضاء احتفظي بها انا العجينة لي بقات عملت بها صامصة اما الحشو عاودي لميه راكي بسهولة تنحي العجينة لان كيما وضحت في الوصفة لازم يكون ما يلتصقش
 
رووووووووووووووووووووعة يعطيك الصحة
images
 
الله يبارك ويسلم هادوك اليدين الف شكر حبيبتي كنت نحوس على الطريقة جابك ربي ليا الف شكر وربي يعطيك على قد نيتك
 
شكرا غاليتي على المرور نورتن صفحتي
اختي حكيك انت حاولي تطبعي الوردات قدام بعض باه ما تخسريش العجينة بعد ما تطبعي العجينة لي قاسها الحشو رح تخسريها اما البيضاء احتفظي بها انا العجينة لي بقات عملت بها صامصة اما الحشو عاودي لميه راكي بسهولة تنحي العجينة لان كيما وضحت في الوصفة لازم يكون ما يلتصقش
نور منور بموضوعك
شكرا على الرد
ربي يجازيك كل خير تحياتي
 
الله ايبارك اختي ام اماني خرجولك هايلين
دائما مبدعة بارك الله فيك

 
ya3tik saha houdhoud
nafss tarikti

la3jine elli tnahih, nakih mlih men el hachw w halih, w dirih houwa men taht

hakda galetli wahda t3almet el halwa 3nd ben brim
 
هايلين أم أماني تسلم الأيادي
 
3la dik el machkla
taslem idik
jatek thabeeeel
 
ماشاء الله اختي ام اماني خرجتلك هايلة جزاك الله كل خير على الطريقة ننتظر جديدك
 
آخر تعديل:
رووووووووووووووعة يعطيك الف صحة على الطريقة والاسرار
امممممممم تقول غير نتفرج فيها ماناكلهاش ههههه
 
جاك روووووووعة

مشكوووووورة على الوصفة

ننتظرجديدك
 
جاتك هايلة يعطيك الصحة
 
الله يبارك رووووووووووووووووووووعة
 
يعطيك الصحة يا ام اماني
خرجتلك تحفة
حلوياتك دائما رائعة

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top