تابعونا عبر Facebook
تابعونا عبر Twitter
تسجيل عضوية جديدة
إستعادة كلمة المرور


الملاحظات


حنيفيات او مقرقشات العين + قريوش المارغوريت او الوردةمن مطبخي

29-10-2012, 12:55
:: عضو مشارك ::
تاريخ الإنضمام: 19-05-2011
الإقامة: الجزائر - خنشلة
العمر: 25 - 30
نقاط السمعة: 49
المشاركات: 449
#1
افتراضي حنيفيات او مقرقشات العين + قريوش المارغوريت او الوردةمن مطبخي
السلام عليكم نظرا لطلب الاخوات راني حطيت الوصفة في موضوع مستقل

مقرقشات العين
بسم الله نظرا لطلب اخواتي حبيباتي راني كتبتلكم الوصفات

مقرقشات العين بصراحة انا كنت نعملها بمقادير مختلفة على اللي راح نحطلهالكم اليوم هاذ المرة عملتهم هوما وقريوش المارغوريت بنفس العجينة وطلعو روعة لكن مذافهم مختلف لان كل وحدة عندها طريقة عملها ومايبانوش من نفس العجينة
العجينة
1كلغ فرينة
علبة مارغارين لابال نتاع250غ
1مغرف كبيرة خميرة الخبز
1خميرة نتاع القاطو ..كيميائية
مغرف كبيرة مليانة خل
1فاني
1بيضة كاملة
مزيج من ماء الزهر والماء العادي يكونو دافيين حسب الحاجة

طريقة التحضير

تذوبي كمية الزبدة وتخليها تبرد من غير ماتجمد وتصبيها فوق الفرينة وتخلطي مليح مليح حتى تولي مثل حبيبات الرمل تزيديلها البيضة وقرصة ملح والفاني وتخلطي شوية وتزيدي الخميرة نتاع الحلوى ونتاع الخبز تخلطي شوية وتزيدي الخل والماء المخلك اللي شوية فقط دافي وتلمي حتى تتحصلي على عجينة ماشي طرية بزاف لانها لوكان تكون طرية بزاف تتعبي معاها وقت العمل
تقسميها على4قرصات وتغلفيها بكيس ولا الغلاف الغذائي الشفاف وتخليها ترتاح ساعة كاملة
تحضري كمية من المايزينة واشري نتاع الميزان تخليها مورقة 1000مرة خير من نتاع العلب وهدا سر نجاح التوريق عن تجربة
حلي القرصة الاولى فوق طاولة حطب كبيرة تكون مرشوشة بالمايزينة حلي وكل مرة اقلبيها ورشي شوية مايزينة حتى تتحهلي على شكل مستطيل كبير ورقيق كي تشوفي الطاولة بدات تبان تحت العجينة اعرفيها بلي محلولة مليح حتة متجيش معجنة اعدلي الجهات 4 للمستطيل بالسكين حتى تولي متساوية
غلفي كامل الوجه نتاعو بالمايزينة باستعمال يدك حتى تلصق شوية في العجينة
ادعني جيهة من المستطيل بشريط من بياض البيض حتى يساعدنا في الالتصاق
ابداي رولي العجينة من الجيهة اللي مقابلة شريط بياض البيض حتى توصلي ليه وراح تتحصلي على حربوش طويل
ميلي سكين ماضي وابداي قصي العجين مقروضات مايلة بسمك 1سم اوقيس اصبع اليد لا اكثر حذاري ادا عملتي المقروضات كبار تجيك شوية معجنة
جيبي مقروضة منهم رقديها على الجنب وزيدي حليها بالحلال منفوق للتحت ثم من تحت لفوق وحطيها مباشرة في بورت مونجي حتى ماتشيحش وكملي باقي المقروضات بنفس الطريقة
كي تكمل كل الاقراص المتبقية بنفس الطريقة ابداي عملية القلي مباشرة حطي 1لتر من الزيت في مقلات غامقةوواسعة
زيدي معاه ملعقة خلي وخليه على نار متوسطة ثم ابداي اقلي الحبات وابداي بالحبات اللي عملتيهم مع الاول لانها تكون تخمرت مع القلب المستمر حتى تاخد اللون الذهبي قطريها مليح وحطيها طوليا في كسكاس كبير فيه ورق ماص ولا ورقة جريدة حسب المتوفر
كي تحبي تقدميها نحي الحبات اللي تحتاجيها حطيها في صحن مستوي ماشي غامق كيما نتاع السلاطة واسقيها بملعقةمن خليط متكون من عسل نوع المرجان مداقو هايل ومذا ثاني سر لنجاحها يكون مخفف بشوية ماء زهر ورشي فوقها كمية من الجلجلانية البيضاء المحمصة ضروري تكون محمصة وذري شوية من البراق الغذائي الذهبي وانقلي الحبات لصحن التقديم والف صحة وهناء







وهذا قريوش الوردة او المارغوريت وكاين اللي يسميه قريوش النخلة مذاقو روعة






العجينة
1كلغ فرينة
علبة مارغارين لابال نتاع250غ
1مغرف كبيرة خميرة الخبز
1خميرة نتاع القاطو ..كيميائية
مغرف كبيرة مليانة خل
1فاني
1بيضة كاملة
مزيج من ماء الزهر والماء العادي يكونو دافيين حسب الحاجة

طريقة التحضير

تذوبي كمية الزبدة وتخليها تبرد من غير ماتجمد وتصبيها فوق الفرينة وتخلطي مليح مليح حتى تولي مثل حبيبات الرمل تزيديلها البيضة وقرصة ملح والفاني وتخلطي شوية وتزيدي الخميرة نتاع الحلوى ونتاع الخبز تخلطي شوية وتزيدي الخل والماء المخلك اللي شوية فقط دافي وتلمي حتى تتحصلي على عجينة ماشي طرية بزاف لانها لوكان تكون طرية بزاف تتعبي معاها وقت العمل
تقسميها على 4 قرصات وتغلفيها بكيس ولا الغلاف الغذائي الشفاف وتخليها ترتاح ساعة كاملة

قسميها لقطع متوسطة وحليها بالمشينة نتاع العجين رقم 9 ثم 5ثم 3 حتى تتحصلي هلى شريط قطعي منو حبات بطابع المارغوريت المتوسط والكبير كي تكمليها حطي مارغوريت كبيرة وادهني الوسط بشوية بياض بيض وهدا هو السر في انها ماتتنحهاش الحبات من بعضها وقت القلي وزيدي فوقها حبة من نفس الحجم لكن حطيها بطريقة معاكسة وادهني الوسط بياض البيض ولصقي حبة المارغوريت المتوسطة واهني الوسط بياض البيض وزيدي فوقها حبة من نفس حجمها لكن حطيها معكوسة واخيرا اغطسي حبة لوز من الجهة الرقيقة في بياض البيض وارشقيها مليح في الوسك حتى تبان من تحت

حطي الحبات فوق بلاطو مرشوش بشوية فرينة وخطيهم بمنشفة

كملي حلي باقي العجينة في المشينة وتبعي باقي الخطوات حتى تكمليها كلها
واللي بقالك كل مرة من العجينة لميه من غير عجن وخليه في الكيس مدة وعاودي حليه واستعمليه بنفس الطريقة
سخني 1لتر من الزيت مع ملعقة خل واقلي الحبات اللي لازم تكون وغمورة وتتغطى بالزيت على نار متوسطة مالازمش تكون سخونة باش تطيب من الوسط حتى تاخد اللون الذهبي قطريها ووقت التقديم اسقيها بملعقةمن خليط متكون من عسل نوع المرجان مداقو هايل ومذا ثاني سر لنجاحها يكون مخفف بشوية ماء زهر ورشي فوقها كمية من الجلجلانية البيضاء المحمصة ضروري تكون محمصة وذري شوية من البراق الغذائي الذهبي وانقلي الحبات الى الكيسات اللي تكون من النوع الجيد حتى تبان الحبة شابة ثم لصحن التقديم والف صحة وهناء

اي استفسار انا في الخدمة
ندى الأيام, samah06, poutcha و 2 آخرون معجبون بهذا.
آخر تعديل تم بواسطة ninafret 29-10-2012 الساعة 13:00
29-10-2012, 13:23
:: عضو فعال ::
تاريخ الإنضمام: 02-04-2010
الإقامة: الجزائر - سطيف
العمر: ( غير محدد )
نقاط السمعة: 456
المشاركات: 2,805
#2
يشهيو وخاصة الثاني
29-10-2012, 14:17
:: عضو متميز ::
تاريخ الإنضمام: 17-08-2012
الإقامة: الجزائر - تلمسان
العمر: 20 - 25
نقاط السمعة: 171
المشاركات: 1,121
#3
شكرااا لييك اختي..ربي يخلييك
تحياااااتي


آنثَى نِصفهُآ هدوِء وَنصفهٍآ خجل | ~
29-10-2012, 14:21
:: عضو متميز ::
تاريخ الإنضمام: 01-08-2011
الإقامة: بريطانيا
العمر: 25 - 30
نقاط السمعة: 35
المشاركات: 578
#4
يعطيك الصحة
29-10-2012, 14:52
:: عضو متميز ::
تاريخ الإنضمام: 19-05-2011
الإقامة: الجزائر - البليدة
العمر: 15 - 20
نقاط السمعة: 95
المشاركات: 509
#5
تسلم الايادي
29-10-2012, 15:08
:: عضو متميز ::
تاريخ الإنضمام: 30-10-2010
الإقامة: الجزائر - باتنة
العمر: 20 - 25
نقاط السمعة: 39
المشاركات: 820
#6
يهبلووووووووو يعطيك الصحة
29-10-2012, 19:56
:: عضو فعال ::
تاريخ الإنضمام: 28-01-2012
الإقامة: الجزائر - البليدة
العمر: 35 - 40
نقاط السمعة: 167
المشاركات: 1,740
#7
تسلم الايادي يا الشاطرة والله شهيتيني
راح نجربهم ان شاء الله لاني تعودت انو وصفاتك ما شاء الله ناجحة
ربي لا تذرني فردا و انت خير
الوارثين


29-10-2012, 20:30
:: عضو فعال ::
تاريخ الإنضمام: 24-06-2011
الإقامة: سطيف
العمر: مابين 20 - 25
نقاط السمعة: 291
المشاركات: 1,839
#8
مشكووووووورة على الوصفات اللذيذة
30-10-2012, 15:06
:: عضو مشارك ::
تاريخ الإنضمام: 19-05-2011
الإقامة: الجزائر - خنشلة
العمر: 25 - 30
نقاط السمعة: 49
المشاركات: 449
#9
إقتباس: المشاركة الأصلية أضيفت بواسطة: ام انس الحبيب
تسلم الايادي يا الشاطرة والله شهيتيني
راح نجربهم ان شاء الله لاني تعودت انو وصفاتك ما شاء الله ناجحة
الله يسلمك اختي العزيزة نتمنى تجربيهم ولو بنصف المقادير وادا عجبوك عودي اعملي المقادير كاملة
راني نستنى تطبيقك
30-10-2012, 15:18
:: طبيبة المنتدى ::
تاريخ الإنضمام: 13-10-2009
الإقامة: سيدي بلعباس
العمر: مابين 20 - 25
نقاط السمعة: 4946
المشاركات: 19,501
#10
امممممم
حبوبة وصفآتك كلهآ روووووووعة
دمتي في تالق
تسلم دوك اليدين
ٱللهم ٱنٌى ٱسًتُوِدُعتُك حًيّٱتُى
فُأجَعلهٱ منٌ سًعٱدُۂ ٱلى سًعٱدة
وِٱحًفُظٌ لى منٌ ٱخٌشّى فُقَدُه وِلٱ تُحًملنٌى مٱلٱ طٌٱقَة لى بّه

حنيفيات او مقرقشات العين + قريوش المارغوريت او الوردةمن مطبخي


من مطبخي وبصور طريقة صنع المقروط مسابقة الشف الصغير **سلمى**

أدوات الموضوع
طريقة عرض الموضوع


المواضيع المشابهة
الموضوع كاتب الموضوع المنتدى المشاركات آخر مشاركة
مقرقشات من مطبخي ام زين الدين وصفات الكيك والحلويات الحصرية والمجربة 14 01-10-2015 13:08
مقرقشات من مطبخي ام ريهام وصفات الكيك والحلويات الحصرية والمجربة 3 27-02-2015 18:42
طرطة + مقرقشات + لافوري نوار + مقروض من مطبخي docteur farah ركن التطبيقات الشخصية لرائدات منتدى المطبخ 32 07-04-2013 09:01
مقرقشات من مطبخي nada242008 ركن الكيك والحلويات 47 17-11-2012 19:04
مقرقشات(خشخاش)من مطبخي أم نيفين وصفات الكيك والحلويات الحصرية والمجربة 18 29-01-2012 16:28


الساعة معتمدة بتوقيت جرينتش +1. الساعة الآن: 19:54.
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتدى اللمة الجزائرية ولا نتحمل أي مسؤولية حيال ذلك (ويتحمل كاتبها مسؤولية النشر).