- إنضم
- 4 جويلية 2009
- المشاركات
- 2,105
- نقاط التفاعل
- 564
- النقاط
- 91
- العمر
- 35
- الجنس
- ذكر
السلام عليكم
اليوم اردنا التكلم او الكلام عن مشكلة او ان صح التعبير حاجة ماشي خطيرة مي تخلي شوية بعض الاشخاص يتقلقو وسيرتو على أولادهم ومام اشخاص كبار ولي هي تقشر الاصابع او البشرة تاع الاصابع تولي تتقشر
هاد الحالة جينيرالمون تكون لعند لي بيبي الصغار ومام لكبار وسيرتو البنات
هاد الحالة تكتر تقد تكون على مدار السنة ولهنا سبتها تكون سيرمون بسبة جفاف الجلد بويسك كاين لي يكون دوريجين عنده جلد جاف
مي في الصيف ادا كانت هاد الحالة كاينة غادي تكون من الشمس اوكي ومام الشمس تخلي لابو تيبس ومن تماك تبدا تتقشر
في الشتاء هاد الحالة تكون قليلة وتكون في ديكا قلال هادا على حساب معلوماتي الشخصية وماشي سير بويسك الميدسان هو لي يعرف هاد الحوايج غايا مي مادام راني نعرف دي جون معايا هوما لي فهمموني في هاد الكا ولي تتنج عن ارتداء القفازات او لي قون ومن تماك يكتر التعرق ياك وماكانش كيفانش لابو يتنفس علابيها الاملاح تبقى فوق الجلد وتزيد المعانات
مام تقد تكون من الاسباب تاعها فطريات اوكي يعني اسباب مرضية ولهنا كل واحد عارف الموقف تاعه يعني ادا كان يدون في بلايص تاع نقا ولا تقدرت عليه وطاح في بلايص موسخين ولا توشا حوايج موسخين مي التشخيص بين حالة الفطريات والحالات الاهرى تجي باينة وجينيرالمون الدرماتون هو لي يقد يفك اللغز وكاين ديكا وين تقد تكون ناتجة على الاكزيما ومام حب الشباب يخلي الجلد يجف ولهنا نوليو لنفس لحكاية
مي ماتنسوش بلي الجلد تاعنا في طبقات ووالطبقة الخارجية تتبدل كل شهر تقريبا
المهم اولا انا مانقط تراتمون بلا ميدسان علابيها غادي نحط برك دي كونصايي لي قالوهملي الشارة ولي اولتها مالازمش تخلي روحك مقابل الشمس لمدة طويلة هادي وما مادا وليت تشوف في روحك بدا يتقشر الجلد تاعك الور ماتلبش لي قونا وكي ومام الماء كتر من الماء بويسك غادي نقولكم الماء مليح في لابلي بار تاع المراض وسيرتو لهنا ولا كي تكون بكتيري ولاحاجة كيما هاك اوكي مي كاين دي كا وين مالازمش نكترو من الماء ايا وتانيك مام لازم تشرب ان بولي فيتامين وتاكل حوايج فيهم الفيتامينات سيرت والسي البي وال أأأأأ
اوكي زيد تانيك كاين علاجات تاع بكري سيرتو الخيار والنعناع تخليهم على الاصابع تاعك من 10 حتى 15 دقيقة بوي تغسل بالماء شوية ساخن والصابون
الصابون مالازمش تستعمل صابون يابس اوكي نستعلمو صابون ليكيد ولا لوصيون تاع غسيل اوكي بويسك الصابون اليابس يزيد يهلك لا بو كتر من لي ينفعها اوكي
بالنسبة للخيار نقد نستعملوه نيشان على يدينا مي النعناع لازملنا خلاصة النعناع ماشي نديروه وراقي ديراكت
تانيك
مام يقول العسل مليح في هاد الكا
ملاحظة :
بالنسبة لهاد العلاجات تاع النعناع والخيار والعسل انا ماشي مجربهم برك قالوهملي علابيها ادا كاش واحد جربها وهلكاته الور أنا خاطيني هههههههه لي سونسيال انا هادا لي نقد نعاون بيه وهدا على حساب معلوماتي المتواضعة جدا في هاد المجال
بلاك خويا عبدو والاخت رقية عندهم بعض الاضافات ولا كاش حاجة كيما هاك
ايا يا خوتي نشالله تكونو استفدتو شوية من هاد المقال
ايا تهلو في ارواحكم وربي يرزق الشفاء لكل مريض نشالله
اليوم اردنا التكلم او الكلام عن مشكلة او ان صح التعبير حاجة ماشي خطيرة مي تخلي شوية بعض الاشخاص يتقلقو وسيرتو على أولادهم ومام اشخاص كبار ولي هي تقشر الاصابع او البشرة تاع الاصابع تولي تتقشر
هاد الحالة جينيرالمون تكون لعند لي بيبي الصغار ومام لكبار وسيرتو البنات
هاد الحالة تكتر تقد تكون على مدار السنة ولهنا سبتها تكون سيرمون بسبة جفاف الجلد بويسك كاين لي يكون دوريجين عنده جلد جاف
مي في الصيف ادا كانت هاد الحالة كاينة غادي تكون من الشمس اوكي ومام الشمس تخلي لابو تيبس ومن تماك تبدا تتقشر
في الشتاء هاد الحالة تكون قليلة وتكون في ديكا قلال هادا على حساب معلوماتي الشخصية وماشي سير بويسك الميدسان هو لي يعرف هاد الحوايج غايا مي مادام راني نعرف دي جون معايا هوما لي فهمموني في هاد الكا ولي تتنج عن ارتداء القفازات او لي قون ومن تماك يكتر التعرق ياك وماكانش كيفانش لابو يتنفس علابيها الاملاح تبقى فوق الجلد وتزيد المعانات
مام تقد تكون من الاسباب تاعها فطريات اوكي يعني اسباب مرضية ولهنا كل واحد عارف الموقف تاعه يعني ادا كان يدون في بلايص تاع نقا ولا تقدرت عليه وطاح في بلايص موسخين ولا توشا حوايج موسخين مي التشخيص بين حالة الفطريات والحالات الاهرى تجي باينة وجينيرالمون الدرماتون هو لي يقد يفك اللغز وكاين ديكا وين تقد تكون ناتجة على الاكزيما ومام حب الشباب يخلي الجلد يجف ولهنا نوليو لنفس لحكاية
مي ماتنسوش بلي الجلد تاعنا في طبقات ووالطبقة الخارجية تتبدل كل شهر تقريبا
المهم اولا انا مانقط تراتمون بلا ميدسان علابيها غادي نحط برك دي كونصايي لي قالوهملي الشارة ولي اولتها مالازمش تخلي روحك مقابل الشمس لمدة طويلة هادي وما مادا وليت تشوف في روحك بدا يتقشر الجلد تاعك الور ماتلبش لي قونا وكي ومام الماء كتر من الماء بويسك غادي نقولكم الماء مليح في لابلي بار تاع المراض وسيرتو لهنا ولا كي تكون بكتيري ولاحاجة كيما هاك اوكي مي كاين دي كا وين مالازمش نكترو من الماء ايا وتانيك مام لازم تشرب ان بولي فيتامين وتاكل حوايج فيهم الفيتامينات سيرت والسي البي وال أأأأأ
اوكي زيد تانيك كاين علاجات تاع بكري سيرتو الخيار والنعناع تخليهم على الاصابع تاعك من 10 حتى 15 دقيقة بوي تغسل بالماء شوية ساخن والصابون
الصابون مالازمش تستعمل صابون يابس اوكي نستعلمو صابون ليكيد ولا لوصيون تاع غسيل اوكي بويسك الصابون اليابس يزيد يهلك لا بو كتر من لي ينفعها اوكي
بالنسبة للخيار نقد نستعملوه نيشان على يدينا مي النعناع لازملنا خلاصة النعناع ماشي نديروه وراقي ديراكت
تانيك
مام يقول العسل مليح في هاد الكا
ملاحظة :
بالنسبة لهاد العلاجات تاع النعناع والخيار والعسل انا ماشي مجربهم برك قالوهملي علابيها ادا كاش واحد جربها وهلكاته الور أنا خاطيني هههههههه لي سونسيال انا هادا لي نقد نعاون بيه وهدا على حساب معلوماتي المتواضعة جدا في هاد المجال
بلاك خويا عبدو والاخت رقية عندهم بعض الاضافات ولا كاش حاجة كيما هاك
ايا يا خوتي نشالله تكونو استفدتو شوية من هاد المقال
ايا تهلو في ارواحكم وربي يرزق الشفاء لكل مريض نشالله
آخر تعديل بواسطة المشرف:
