الأعرآس الجزآئرية

هدوء المطر

:: عضو بارز ::
أحباب اللمة
إنضم
3 أوت 2010
المشاركات
3,882
نقاط التفاعل
4,446
النقاط
1,516
الجنس
أنثى
السلام عليكم و رحمة الله تعالى و بركآته
إن شآء'الله رآكم كآمل لآبآس؟
توحشتكم جيت نضرب طلة عليكم
cuteonion53.gif


قولولي كآش برد؟
cuteonion22.gif
كآش مطر؟
cuteonion26.gif


بدون مقدمآت جآية اليوم نحكيلكم على الآعرآس في الجزائر ~ و كما تعرفوني نموت على الأعرآس
8onion11.gif
، مي نشتي أعرآس الخريف يكون الجو آنتيك، علاخاطر أعرآس الصيف تكون السخانة بزآف
4onion25.gif
، بصح السهرات تجي فيه مليحة~،
المهم، عييت نحوس ما لقيتش أعراس كما نتاوعنا، مثلآ في الأعراس الأوروبية تصيب موسيقى هادئة
onion_gifs_emoticons-15.gif
و المعاريض كيفاش منظمين، و البنآت تصيبهم قاعدين مع بعض يحكيو على الخدمة و القراية، جآمي تلقى وحدة تمنشر في الأخرى
onion348.gif
،

أمآ حنايآ لا حول ولا قوة إلا بالله، غير تدخل لاصال دي فات تبدا الدربوكة تضربلك في الرآس
onion352.gif
، و زيد الغاشي هذا رايح هذا جآي، قليل وين تلقى واحد حاكم بلاصتو،، و في الليل كي يغلقو الـ''دي جي'' يبدا التمهبيل نتآع النسآء، يجيبو بيدون فارغ و يبداو في التبندير و الغنا نتاع العصر الجاهلي
cuteonion47.gif
.

bon، حنآ البنآت
onion345.gif
عندنا pـروبلام، لازم يعرضونا قبل العرس بـ:15 يوم و لا أكثر، هكذا باش نوجدو رواحنا، مي المشكل كي يلحق وقت العرس نلقاو رواحنا مانآش واجدين، هذي مزآل مازال يخصوها حوايج ما شراتهمش، و هذي ما علاباليش واش...

صحآ، كي تكمل الطفلة صآيي و تروح للعرس
cuteonion27.gif
، مين تحط رجلها الأول على البآب تبدا في التمنشير، سـuـغتو ويلا تلاقات مع حبيبتها ولا بنت خآلتها
onion349.gif
، يبقآو غير يضحكو على الغاشي
cebollita_animated_onion-20.gif
و يمنشرو فيهم
onion-head-smiley-00059.gif
، وحدة تقولها'' ياااه شوفي شوفي هذيك كيفاش راهي تشطح الأغنية منا و هي منا حآسبة روحها راهي تشطح صح،،'' و الأخرى تقلها ''شوفي هذيك من الصباح و هي تعس في اللي رايح و اللي جاي حآطة النآس راهي جآية تسرق،، ''شوفي هذي اللي لابسة الغوج ملي جآت و هي تشوف فينا خمسة في عينيها
onion328.gif
،،
و كي يروحو يتعشآو كل وآحدة زعمة تتقلش في المآكلة
و في نفس الوقت تعس في البنآت الأخرين كيفاش راهم ياكلو، و من بعد كي يخلصو العشآء يبدآو في التمنشير
cebolita-4.gif
'' شفتي سمية كيفاش قاعدة تآكل؟ تقول كآنت عايشة في المجآعة''.

بلا ما ننساو اللحظآت اللي يعودو رايحين يجيبو فيها العروسة
onion331.gif
، تصرآ فوضى كبيرة، هذي تقلهم أنا نروح مع فلان و الأخرى تقلهم أنا نروح مع فلآن و يبداو في الدز و العياط
8onion10.gif
،، و كي يقولولهم ما تروحوش مآكآنش طوموبيلات بزاف، يزعفو و كآين حتى يبكيو
onion350.gif
، و كي يديماري الكورتاج يبداو في الزغاريت''كآين ما يعرفوش يزغرتو، مي هكذاك و يزغرتو و يحسبو التزغريتة نتاعهم زغرودة مصرية''.
من بعد كي يجيبو العروسة
onion331.gif
يبدآو يمنشرو فيها، واحدة تقلهم'' شوفي لاغوب بلونش نتاعها راهي ولات ضرك ديمودي'' و الأخرى تقلهم'' قوليلي وحدة كما هذي معوجة الحناك تدي سبع كما هذا؟ و الله خسآرة فيها''.

وكي يرجعو للدآر يبدا التمنشير على الـgـآطو، واحدة تقلهم'' هذا القآطو عجين كآمل من الدآخل'' و الأخرى تقلهم'' شوفي هذا شحآل يآآآبس، تخبطيه على الحيط يرجع ليك''.

أمآ لي جون ربي يبعد عليهم العين
، لوكآن يعرضوهم نهار العرس الصبآح، إذا كآنوا مآشي موجدين رواحهم 15 دقيقة برك تكفيهم، و يحضرو العرس بلا قلقة بلا ما يكلفو رواحهم فوق اللآزم
onion339.gif
، و جآمي شفت جون رجع من العرس يمنشر ،، أمآ حنآ البنآت ربي يغفرلنا و يسمحلنآ إن شاء الله
1onion75.gif
.

خلاصتلي الهدرة وعييت من الكتبة، ويلآ عندكم حآجة إضافية ما قلتهآش قولوهآلنا، و ربي يزوجكم كآمل خآصة سفيآن اللي راه هابل على الزواج مسكين
cebollita_animated_onion-20.gif
.
اتهلاو في رواحكم.
سلآم
8onion73.gif
.




 
أهلا ياسمين
ههههههه نقرا في موضوعك ونضحك هههههههه
الله غالب هاذي هيا طبايع النسا واش راح يحكيو لوكان مايمنشروش ومايحكيوش في فلانة وفلانة والقاطو والتعليق ؟؟؟
ماكان حتى سيجي يجمع لبنات غير هاذ الأور برك هههههههه
---
اما الرجال ياي تبالك برك راهم نيات ياو كامل موصيين والديهم كاشما يشوفولهم طفلة من العرس ههههههههه
 
هههههه
الاعراس الجزائرية فيها غير التبذير
 
، حنآ البنآت
onion345.gif
عندنا pـروبلام، لازم يعرضونا قبل العرس بـ:15 يوم و لا أكثر، هكذا باش نوجدو رواحنا، مي المشكل كي يلحق وقت العرس نلقاو رواحنا مانآش واجدين، هذي مزآل مازال يخصوها حوايج ما شراتهمش، و هذي ما علاباليش واش...


عليا انا ركزيلي على هاااااذي
ديما في دارنا انا الروطاااار للعراس
السمانةا للي فاتت الحنة نتاع بنتعمي نهار الاربعاء على 4 نتاع لعشيا الناس راهم راحو للعرس وانا راني في البلاد ندور على إيسكاربان لون لاغوب نتاعي
وهذا الشي مازال ما رحت للحفافة :d:d

أما الباقي هاذوك خدايم النساء يعني نتحدى وحدة تقوللك منين نروح لمجمع نتاع نسء وانا حاكمة فمي الله غالب اللسان يسبق الفم
ربي يهني كامل المسلمين ويوفقهم ويزوج كامل البنات ويهنيهم
صحيتي ياسمين

أني رح نمنشر : شفتي لاصال نتاع غياط دروجها كيفاه مدايرين يخلعو يا بنت عمي تقولك رح تريبي في كاف :p:p
 
موضوعك هايل .....راكي انقلتي الصورة بكل حذافيرها
هداك هو انا مانكذبش كي روح للعرس وادا لقيت حبيبتي ولا بنات خالي ياو وحدة ماتفوتنا كل الحاضرين ندرولهم لافسيت .هههههه نحكمو موقع استرتيجي وين نقدرو نشوفو الكل ونبدو في المشار ....الله يهدينا ويسمح لينا ........... وخاصة ادا كانت لعروسة مش شابة .............سمانة وحنا حاكمين في ظهرها ربي يسمحلنا منهم وربي يهدينا.
وعلاش هادا الكل باسكو رانا نتلاقو غير في المناسبات ونحبو نحو على قلوبنا شوية ....... ربي يهدينا .........اما توجاد انا دايما اخر من يوجد باسكو دايما عندي بروبلام في لغوب نحب كل عرس نبان بوحدة جديدة وتكون انيقة وشابة بززاف والوانها متناسقة........... الله يهدينا ويغفر لينا ذنوبنا.
ومرة اخرى يعطيك الصحة على الموضوع الهايل
 
قتلتينا بالضحك والله صحيح كل ما تقوليه
 
السلام عليكم للأسف كل ما قلتي صح الصح لكن لا ولم نستطيع تغييرعم انا مثلا لما احضر عرس ابقى اتفرج وانا ساكتة تلقايهم هم ينتقدوني علاش راني دايرة هكذا و نبانلهم انا المعقدة ومشي نرومال الله يهدينا ويهديهم قولوا امين
 



شحااال شاابة كي تجي الفضييحة من عند
طفففففففففففففففلة
تفرشلك كللللش
ههههههه
والله نتوما النسا وحدكم
مايقدرلكم غي اللي خلقكم
انا دارا غي يجو من عرس
نسقسيييهم فالدخلة شحاااال من مخلووووقة نقصتوولها الذنوووب
هههههههه

 
اللي يحيرني في العراس نتاوعنا jـامي سمعت بلي العروسة شــــــــــــابة .
محروقة .مسمار .بتية .طويلة .gــــــــاصفة.نيفها بينوكيو .........................وزيد ..........آوليدي واش جبتلنا :-o​
 
واش تحبي !!!!!!!!!!!!! هاذي هي العقلية dz
 
في الحقيقة يااختي عندك الحق
مي ماشي كامل ههههههههههههههههههههه
 
نورمآل ختي ماتجيكش غريبة رآنــآ في دزآير
أنــآ نروح للعرآس علآجآل العوآد وقرقآبو برك
أمــآ لعريس ولعروسة ماعندي صلآح بيهم خخخ


 
أهلا ياسمين
ههههههه نقرا في موضوعك ونضحك هههههههه
الله غالب هاذي هيا طبايع النسا واش راح يحكيو لوكان مايمنشروش ومايحكيوش في فلانة وفلانة والقاطو والتعليق ؟؟؟
ماكان حتى سيجي يجمع لبنات غير هاذ الأور برك هههههههه
---
اما الرجال ياي تبالك برك راهم نيات ياو كامل موصيين والديهم كاشما يشوفولهم طفلة من العرس ههههههههه

أهلا بيك سفيآن
إسمحولي على التأخير في الرد، ما علاباليش علاه تفنينت باش نرد عليكم ههه
ههههه ربي يدوم الضحكة إن شاء الله
صح البنات خدمتهم التمنشييير، لوكان ما نمنشروش ما نعرف واش راح يصرا فينا:p،، ربي يسمحلنا إن شاء الله
---
رانا فقنالك ههه ! ، مالا نتا واحد منهم، راك موصي كآشما يشوفولك طفلة من العرس،:d
يعطيك الصحة خويا سفيان على المرور.​
 
هههههه
الاعراس الجزائرية فيها غير التبذير
أهلا بيك خويا
هههه وآش تحب آ خويا، حنا أعراسنا فيهم غير دعاوي الشر ما كان حتى حاجة تصلح،
يعطيك الصحة خويا على المرور​
 


عليا انا ركزيلي على هاااااذي
ديما في دارنا انا الروطاااار للعراس
السمانةا للي فاتت الحنة نتاع بنتعمي نهار الاربعاء على 4 نتاع لعشيا الناس راهم راحو للعرس وانا راني في البلاد ندور على إيسكاربان لون لاغوب نتاعي
وهذا الشي مازال ما رحت للحفافة :d:d

أما الباقي هاذوك خدايم النساء يعني نتحدى وحدة تقوللك منين نروح لمجمع نتاع نسء وانا حاكمة فمي الله غالب اللسان يسبق الفم
ربي يهني كامل المسلمين ويوفقهم ويزوج كامل البنات ويهنيهم
صحيتي ياسمين

أني رح نمنشر : شفتي لاصال نتاع غياط دروجها كيفاه مدايرين يخلعو يا بنت عمي تقولك رح تريبي في كاف :p:p
أهلا بيك عفوفة، وآش راكي خيتو ؟
ههههه ربي يهني بنت عمك إن شاء الله
و لعقوبة ليك و ليا و لكامل بنات اللمة إن شاء الله:yahoo01:
---
ههههه لالا لاصال نتاع غياط جامي رحت ليها، تقريباً الأعراس اللي نروح ليهم كآمل يعرسو في ديارهم، و الفاميليا نتاعنا كي يعرسو في لاصال يديرو في لاصال نتاع الشتلة،
يعطيك الصحة حبوبة على المرور.​
 
صحة عليك
قتلتيني بالضحك لكن هدا اللي يصرى
نحيرو ههههههههه

مرسي على الموضوع الاكثر من رائع
 
هههههههههههههههههههههههههههههههههههههههههههههههههههههههههههههههههه موضوع صواب يعتيك الصحة
 
موضوعك هايل .....راكي انقلتي الصورة بكل حذافيرها
هداك هو انا مانكذبش كي روح للعرس وادا لقيت حبيبتي ولا بنات خالي ياو وحدة ماتفوتنا كل الحاضرين ندرولهم لافسيت .هههههه نحكمو موقع استرتيجي وين نقدرو نشوفو الكل ونبدو في المشار ....الله يهدينا ويسمح لينا ........... وخاصة ادا كانت لعروسة مش شابة .............سمانة وحنا حاكمين في ظهرها ربي يسمحلنا منهم وربي يهدينا.
وعلاش هادا الكل باسكو رانا نتلاقو غير في المناسبات ونحبو نحو على قلوبنا شوية ....... ربي يهدينا .........اما توجاد انا دايما اخر من يوجد باسكو دايما عندي بروبلام في لغوب نحب كل عرس نبان بوحدة جديدة وتكون انيقة وشابة بززاف والوانها متناسقة........... الله يهدينا ويغفر لينا ذنوبنا.
ومرة اخرى يعطيك الصحة على الموضوع الهايل
مرحبا بيك ختي زهية
إعتراف خطير منك هههه :bravo01:، رانا كامل هكذاك، نتحدى أي وحدة تقلك جامي منشرت و يالوكان في قلبها،
ربي يغفرلنا إن شاء الله، تالي الحسنات اللي رانا نلمدو فيهم كآمل راحو في التمنشير،
يعطيك الصحة خيتو على المرور.​
 
قتلتينا بالضحك والله صحيح كل ما تقوليه
مرحبا بيك هدى
ربي يدوم الضحكة على قلبك إن شاء الله ختيتو
يعطيك الصحة على المرور.​
 
السلام عليكم للأسف كل ما قلتي صح الصح لكن لا ولم نستطيع تغييرعم انا مثلا لما احضر عرس ابقى اتفرج وانا ساكتة تلقايهم هم ينتقدوني علاش راني دايرة هكذا و نبانلهم انا المعقدة ومشي نرومال الله يهدينا ويهديهم قولوا امين
و عليكم السلام و رحمة الله
أهلا بيك ختي زهرة
الله يبارك،ربي يكثر من أمثالك إن شاء الله،
ما ديريش عليهم يا ختي، خلي يقولو معقدة ولا يقولو واش يحبو، و الله رانا نحوسو نبطلو التمنشير مي الله غالب، كما قالت عفاف اللسان يسبق الفم.
يعطيك الصحة خيتو على المرور.​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top