الخبيز من مطبخي . . .شكون يعرفو

iman88

:: عضو بارز ::
أحباب اللمة
إنضم
14 أوت 2010
المشاركات
1,046
نقاط التفاعل
764
النقاط
51


السلام عليكم و رحمة الله تعالى و بركاته

اليوم جبتلكم الخبيز . . .:d اذا تعرفوه :s

هو مثل السبانخ و لكن شكلو دائري . . . سموه كذلك الpيتشاك كي يكون صغير و لما يكبر يولي خبيز .

.:up: ههههههههههههه

المهم نجيبوه سواء نشروه او نقلعوه من البحاير

نغسلوه مليح و نقوه مثل السبانخ و نقطعوه رقيق




DSC01065.JPG


و نرمو عادي في كوكوت بصل و جزر و كابوية و طماطم مصبرة و فلفلة حمراء و حرور و الماء

و نحطوا الخبيز . . .


DSC01069.JPG




DSC01072.JPG

مين يولي نص طياب نحط التشيشه . . .:d


DSC01089.JPG

و نخليه يكمل طياب و نزيدو الثوم و فلفل حار حتي يشرب كامل الماء

من قلب الحدث


DSC01080.JPG


DSC01085.JPG


DSC01096.JPG

ذوقو رهييييييب الكل يحبو :$

DSC01098.JPG


DSC01101.JPG


DSC01099.JPG
 
الخبيز نعرفومي jamis خدمناه
انا رايحة نخلعهم ونخدمه هه:d

مشكور اختي ع الوصفة دمت
 
معلومة جديدة صحيح انا عمري ما سمعت بيه ولا بالاك عندو اسم واحد اخر وانا مانعرف
المهم باين عليه شباب ان شاء الله كي نعرفو نجربو من طريقتك يا الغالية
يعطيك الصحة اختي
 
na3arfou na3arfou:(:cray02:w rani metwahchatouuuuuuu 3lah tfakri fiya 3lah
bsahatkom rah yban bniiiiine bzzzzaaaf takloh basaha
 
نسمع بيه بصح ماكنتش علبالي يطيبو بيه
يعطيك الصحة شوقتيني نذوقو هههه
 
mmmmmmmmmmm
sah bayan bnin ya3tik saha
mi hna mana3arfohch w jami tayabnah
ranni t3alamto manak chokran habibti
 
وصفة جديدة نحاولو نسييوها و نردلك لخبر
مبرسيييييييييييييييييييي
 
باصحتكم حبيبتي

انا جامي سمعت بيه

وشوقتني باه نعرفو

ميرسي
على المعلومة ا
وعلى الوصفة ياشطورة
 
السلام عليكم

بارك الله فيكم شكرااا لتواجدكم

الاغلبية ماتعرفش لخبيز .كنت نحسب كامل يعرفوه . . او ممكن عندو اسم اخر

المهم هو هذا وقتو كل عام نطيبوه

و هذه بعض المعلومات عليه

1 12.jpg

التركيب الكيميائى لنبات الخبيز

يحتوى نبات الخبيز على( فيتامينات A- B- C -،اسيدز ، لعاب نباتى ، حمض الساليسيليك ،كويرسيتين ،الهليونين ،ألثين ،أنثوثيانات )

الفوائد الطبية لنبات الخبيز

يستخدم نبات الخبيز فى علاج الامراض الصدرية والمتمثلة فى الكحة وطرد البلغم و التهابات الصدر المزمنة والربو .
يفيد نبات الخبيز فى علاج امراض الجهاز التناسلى فهو يعمل كمدر للبول ويخفف التهابات المثانة والمسالك البولية.
يساعد نبات الخبيز على تخفيض ضغط الدم المرتفع ومعالجة الحمى المزمنة.
يفيد نبات الخبيز بحيث يستخدم كملين للاطفال الصغار .
يعمل نبات الخبيز على علاج عسر الهضم وتحسين أداء المعدة.
يفيد نبات الخبيز فى علاج التهابات المرىء وانتفاخ الرئتين.
يساعد نبات الخبيز على التخلص من التهابات الغشاء المخاطى البلعومى والحنجرة .
يستخدم نبات الخبيزة كطعام لذيذ يحتوى على العديد من الفيتامينات التى يحتاجها الجسم يوميا .
يعمل نبات الخبيز على تخفيف الالام وكمضاد للجروح والتقرحات مثل الام البواسير .
يستعمل نبات الخبيزة للوقاية من التهابات الفم والاسنان والحل.
يفيد نبات الخبيز فى تحسين وتهدئة الامراض الجلدية المتنوعة مثل الدمامل والاكزيما.
يساعد نبات الخبيز على التخلص من ألام الجفن وعلاج الرمد الذى يصيب العين .
 
نعرف الخبيز
بصح أنا الصراحة ما نعرفش نطيبو
الأم تاعي هي اللي كانت تطيبو
طريقتكم جديدة عليا ومغدية وتليق لهاذ البرد
يعطيك الصحة وبصحتكم

 
آخر تعديل:
حنا عندنا يسموه الخبيز او المجير
و مشكورة على الوصفة لاني كنت نحوس على طريقة طبخه لاني جامي طيبته لكن ذقته مرة في الشلف عند واحد الاحباب
نصحوني بيه قالولي مليح يمشي الكرش و نافع للامساك و كذلك فيه فوائد كبيرة
ان شاء الله نطبق الوصفة في اقرب وقت
 
السلام عليكم ورحمة الله تعالى وبركاته
يعطيك الصحة على الوصفة الجديدة في طهيه
فلكل عائلة لها طريقة في طهي الخبيز
نحنا نسموها الخبيزة
وطريقتنا في طهيها لذيذة جدا راح نقولك عليها لتجربيها
صدقيني راح تعجبكي البنة
طريقة
ناخذ الخبيز ونغسله جيدا ثم نقطره من الماء بنفضه كشكل باقة ورد فهمتي
او تتركيه ينشف بعدها يقطع كيما عملتي في وصفتك الاختلاف هو
انوا نجعله يفور مثل الكسكس لمدة تقريبا ساعتين
حتى تلاحظي ان لونه تغير واصبح مطهي
من جهة خذي مقلات بها زيت مناسب يسخن مع ثوم مفروم
حتى يتقلى مليح ارمي عليه الخبيزة وملح وفلفل اسود واخلطي لدقائق
ثم ضعيه على طبق التقديم مع اضافة له زيت الزيتون قليلا
فقط انتبهي الخبيزة ماتكونش تعوم في الزيت اي اكثر من كمية الزيت فهمتي
جربيه ورديلي الخبر سترين لذيذ جدا
سلامي لك
وان شاء الله نجرب وصفتك
 
السلام عليكم ورحمة الله تعالى وبركاته
يعطيك الصحة على الوصفة الجديدة في طهيه
فلكل عائلة لها طريقة في طهي الخبيز
نحنا نسموها الخبيزة
وطريقتنا في طهيها لذيذة جدا راح نقولك عليها لتجربيها
صدقيني راح تعجبكي البنة
طريقة
ناخذ الخبيز ونغسله جيدا ثم نقطره من الماء بنفضه كشكل باقة ورد فهمتي
او تتركيه ينشف بعدها يقطع كيما عملتي في وصفتك الاختلاف هو
انوا نجعله يفور مثل الكسكس لمدة تقريبا ساعتين
حتى تلاحظي ان لونه تغير واصبح مطهي
من جهة خذي مقلات بها زيت مناسب يسخن مع ثوم مفروم
حتى يتقلى مليح ارمي عليه الخبيزة وملح وفلفل اسود واخلطي لدقائق
ثم ضعيه على طبق التقديم مع اضافة له زيت الزيتون قليلا
فقط انتبهي الخبيزة ماتكونش تعوم في الزيت اي اكثر من كمية الزيت فهمتي
جربيه ورديلي الخبر سترين لذيذ جدا
سلامي لك
وان شاء الله نجرب وصفتك


و عليكم السلام

بارك الله فيك حنونة على الوصفة تبان مليحة و هي تقريبا نفس الطريقة لي نعملو بها السبانخ او السلق

نجربها على الخبيز ان شاء الله

ربي يخليك
 
mama drou haka mé tzidlo selk ou hchicha wahdoukhra ykolulha homayda
 
يعطيك الصحة انا نعرفو شحال بنين الله يهنيك اختي
 
هااااااااايلة يعطيك الصحة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top