السلام عليكم ورحمة الله تعالى وبركاته
اولا , تحية كبييرة لرواد قسم واش راك تهدر :regards01:
وتحية أخرى لمشرفي القسم :regards01:
اممم عندي مدة " تقريب عام ماخربشتش " واليوم راني جيت ليكم
اييه الموضوع وكيما راه باين من العنوان على المعلم , المعلم بصفة عامة ومعلمي الإبتدائي بصفة خاصة
نحكيلكم القصة ومبعد نتناقشو :
"ياسيدي هذه قبل العطلة رحت لمدرسة ابتدائية عندي شوي شغالات وكانت معايا صاحبتي اللي عندها ستاج فرونسي كي مالقيناش المدير قلت نفوت معاها للقسم مام انا توحشت أقسام الإبتدائي
روحنا للقسم اللي راح ادير فيه صحبتي السطاج واستأذنت من المعلمة وكانت très gentil : regards02:
واستقبلتنا وبقات هي تبريزونتي فالدرس تاعها وصحبتي حاطة معاها وانا نتفكر في أيام زمان :-r ومبعد عطاتلهم تمارين يحلوهم و حتى لهنا كل شئ راه نورمال :thumb_up02:
كيما خلصو التمارين بدات تصحح وهنا بدا التعياط :-o نورمال قاع المعلمين يعيطو على التلاميذ
امممم تقول في واحد الكلام صدقوني مايتقالش في مؤسسة تربوية :down::down:
ومبعد عيطتلنا احنا زوج قاتلنا هاذ التلاميد قاااع زيرو نحيو منهم هذو زوج تلاميذ مجتهدين وطاحت تشكرلنا فيهم والاخرين مساكن حاطين ريسانهم في الارض وحشمانين " على فكرة هاد القسم سنة ثالثة ابتدائي "
ومبعد بدات صحبتي ادور عليهم وتشوف فالحل والله كاين تلاميذ جايبين الحل صحيح وقالولها كي نرفعو صباعنا نخافوها , هدرنا معاها قلنالها ماشي جاية تحكي مع تلاميذ صغار كيمهاك قالتلنا أصلا هدا مش الميليو تاعي وحاطيني فيه وانا مانبغيش التعليم والخ الخ الخ":down:
ومن هنا تفكرت معلمينا تاع بكري بالرغم من أنهم كانوا يضربونا بالصح جامي لايقيسونا نشفى لمعلمتي تاع الإبتدائي كانت تمشطلنا حتى شعورنا :$
ثانيا المعلمين وخااااصة تاع الإبتدائي التلميذ راه يشوف فيك انت هو المثل الأعلى تاعو واللي اديرها انت هي الصح واللي مااديرهاش هي الخطأ عقل التلميذ في هاذ المرحلة راه صفحة بيضاء وانت تكتب عليها ماتشاء , يعني اذا ثبطتو من دوك وقتلو انت ماتعرفش تقرى وانت وانت ماعندنا مانقارعو منو يبقا آخذ الفكرة تاع انه مايعرفش يقرى ومايقدر يوصل لوالوا
لمهم اللي مايقدرش على التعليم يخلي بلاصتو لغيرو باسكو ذوك الدراهم اللي راك تدي فيهم راهم حرام في حرام وولاد الناس راهم أمانة في رقبتك
واش نقولكم
ان شاء الله نكون خفيفة عليكم
تهلاو في رواحكم
والسلام عليكم
:regards01:
اولا , تحية كبييرة لرواد قسم واش راك تهدر :regards01:
وتحية أخرى لمشرفي القسم :regards01:
اممم عندي مدة " تقريب عام ماخربشتش " واليوم راني جيت ليكم
اييه الموضوع وكيما راه باين من العنوان على المعلم , المعلم بصفة عامة ومعلمي الإبتدائي بصفة خاصة
نحكيلكم القصة ومبعد نتناقشو :
"ياسيدي هذه قبل العطلة رحت لمدرسة ابتدائية عندي شوي شغالات وكانت معايا صاحبتي اللي عندها ستاج فرونسي كي مالقيناش المدير قلت نفوت معاها للقسم مام انا توحشت أقسام الإبتدائي
روحنا للقسم اللي راح ادير فيه صحبتي السطاج واستأذنت من المعلمة وكانت très gentil : regards02:
واستقبلتنا وبقات هي تبريزونتي فالدرس تاعها وصحبتي حاطة معاها وانا نتفكر في أيام زمان :-r ومبعد عطاتلهم تمارين يحلوهم و حتى لهنا كل شئ راه نورمال :thumb_up02:
كيما خلصو التمارين بدات تصحح وهنا بدا التعياط :-o نورمال قاع المعلمين يعيطو على التلاميذ
امممم تقول في واحد الكلام صدقوني مايتقالش في مؤسسة تربوية :down::down:
ومبعد عيطتلنا احنا زوج قاتلنا هاذ التلاميد قاااع زيرو نحيو منهم هذو زوج تلاميذ مجتهدين وطاحت تشكرلنا فيهم والاخرين مساكن حاطين ريسانهم في الارض وحشمانين " على فكرة هاد القسم سنة ثالثة ابتدائي "
ومبعد بدات صحبتي ادور عليهم وتشوف فالحل والله كاين تلاميذ جايبين الحل صحيح وقالولها كي نرفعو صباعنا نخافوها , هدرنا معاها قلنالها ماشي جاية تحكي مع تلاميذ صغار كيمهاك قالتلنا أصلا هدا مش الميليو تاعي وحاطيني فيه وانا مانبغيش التعليم والخ الخ الخ":down:
ومن هنا تفكرت معلمينا تاع بكري بالرغم من أنهم كانوا يضربونا بالصح جامي لايقيسونا نشفى لمعلمتي تاع الإبتدائي كانت تمشطلنا حتى شعورنا :$
ثانيا المعلمين وخااااصة تاع الإبتدائي التلميذ راه يشوف فيك انت هو المثل الأعلى تاعو واللي اديرها انت هي الصح واللي مااديرهاش هي الخطأ عقل التلميذ في هاذ المرحلة راه صفحة بيضاء وانت تكتب عليها ماتشاء , يعني اذا ثبطتو من دوك وقتلو انت ماتعرفش تقرى وانت وانت ماعندنا مانقارعو منو يبقا آخذ الفكرة تاع انه مايعرفش يقرى ومايقدر يوصل لوالوا
لمهم اللي مايقدرش على التعليم يخلي بلاصتو لغيرو باسكو ذوك الدراهم اللي راك تدي فيهم راهم حرام في حرام وولاد الناس راهم أمانة في رقبتك
واش نقولكم
ان شاء الله نكون خفيفة عليكم
تهلاو في رواحكم
والسلام عليكم
:regards01:
