- إنضم
- 1 أكتوبر 2012
- المشاركات
- 4,329
- نقاط التفاعل
- 3,756
- النقاط
- 191
جا في بالي البيوش وحبيت نديرو وفركت على وصفات كثيرة وانا من النوع الي يحب الحاجة الساهلة ولقيت وصفة ساهلة وماهلة وفي نفس الوقت كي جربتها ناجحة 100 بال100 مالا قلت خليني نجيبهالكم تستفيدو منها :
كاس حليب + 100 غ زبدة + 3 ارباع كوب سكر اي كوب الا ربع تسخنوهم لازم تسخنوهم ما تقولوش لالا ما عندهاش فايدة ما بين ما دابت الزبدة اطفيو ما تخلوهاش تغلي دوب برك ما ادوب الزبدة خليهم يدفى ومن بعد زيدولو 3 اكواب ونصف فرينة + 3 بيضات وملعقة كبيرة حميرة
اعجنوها وخلوها ترتاح نصف ساعة ومن بعد اعملو منها كريات وخلوها تزيد ترتاح نصف ساعة اخرى ومن بعد شكلوها كيما تحبو ضفائر تخلوها دواشر تعملو الاشكال الي تحبو وتحبو تحشوها بالمربى او الشكلاطة او تخلوها سادة تدهنوها بالبيض وترشو عليها السكر او الجنجلان كيما تحبو كل واحدة وذوقها وتزيدو تخلوها نصف ساعة اخرى ومن بعد سخنو الفرن على 180 درجة ودخلوهم واستنو يعمارو واخرجهم وهاي ليكم الصور النهائية ما صوتش الخطوات لاني ما كنتش متأكدة من نجاحها:
هادي رشيتها بالسكر غلاصي
هادو كاين الي درتلهم الشيكولا من داخل وكاين الر رشيت عليهم من فوق كاكاو حلو وسكر وكاين الي درتلهم مربى :
المرفقات
آخر تعديل:
