فطور لعروسة

أريد أفكار عن الأطباق التي تقدم في فطور لعروسة،هذا العام عرس أخي وبما أنو أنا لكبيرة،التدبار كل يطيح على راسي
مع العلم أنو فلعشا تع لعرس،نديروه 3 أيام قبل العرس،نديرو شربة و متوّم و سلاطة
شكرا مقدّما

شوفي نعطيك اقتراحات و نتي شوفي
في عرس اخي درنا مثوم و شربة و شطيطحة دجاج و اللحم لحلو و سلاطة
و اختي في عرسها دارولنا ناس دارها الشخشوخة و اللحم لحلو و المثوم
و في عرس اختي الاخرى دارولنا الشربة شطيطحة دجاج و سلاطة و اللحم الحلو

ادا كنت حنونتي قصدك الغداء اللي تديه ام لعروس معاها
هي شربة بيضاء بليبول تاع اللحم المرحي والفارميسال
والديسار والسلاطة واهل العريس يكونو محضرين رفيس عرايس وهو تاع الكوشة وثاني شطيطحة بالجاج حمراء واللبن والتاويل تاعو
والقهوة العروسة عليها سني باقلاوة والعريس القاطوات
هكدا نديرو في الشرق
لكن دخلو فيها فتاوى وبداو ينحيوها
وكاين وين ام العروسة تدي قهوة وقاطوات وباقلاوة
والاخوات يفيدوك اكثر

قال marie2105:

أريد أفكار عن الأطباق التي تقدم في فطور لعروسة،هذا العام عرس أخي وبما أنو أنا لكبيرة،التدبار كل يطيح على راسي
مع العلم أنو فلعشا تع لعرس،نديروه 3 أيام قبل العرس،نديرو شربة و متوّم و سلاطة
شكرا مقدّما

إضغط للتوسيع...

اولا الف مبروك و ربي يهني خوك ، اما الفطور حضري على حساب ميزانيتكم .
احنا في الشلف نحضرو من هاذ الاختيارات :
1ـ شربة وسلاطة و شطيطحة جاج و طاجين الحلو
2ـ شربة و سلاطة و طعام
3ـ شربة و سلاطة و مثوم و طاجين الحلو
4ـ شربة و سلاطة و طاجين الزيتون و طاجين الحلو
5ـ شربة و سلاطة و رشتة و طاجين الحلو .
و كاين لي يحضرو 2 سلطات واحدة بالفلفل المشوي و يزينوها بالبيض و الزيتون الاسود و الثانية مشكلة من خص و طماطم و بيطراف وووووو ......

رد: فطور لعروسة