كسكسي مرقة بيضاء من مطبخى

الحالة
مغلق ولا يسمح بالمزيد من الردود.

imane27

:: عضو بارز ::
أحباب اللمة
إنضم
8 أوت 2009
المشاركات
7,749
نقاط التفاعل
9,043
النقاط
351
السلام عليكم
ليوم طيبت طعام مرقة بيضاء
وشفت بزاف لى يسمعو بيه بصح ميعرفوش الطريقة
وللمعلومة حنا فى لعراس لازم طعام يكون مرقة بيضاء فالعاصمة
قلت نحطو موضوع لى حاب يعرف تقاليدنا
top4top_635d6f01da1.jpg

فى قدرة حطيت فيها طراف لحم بصلة تكون كبيرة ملح قرفة بودر وعود فلفل لكحل زيت وشوية سمن قليتهم مليح حوالى 5 دقائق
top4top_635d6f01da2.jpg

ومرق وحطيت حميصة وخليت الكل يطيب
top4top_635d6f01da3.jpg

وفى نفس الوقت شمخت طعام وخليتو ينشف
top4top_635d6f01da4.jpg

وفورتو على قدرة المرقة
ونحيتو وشربتو بالماء وعاودت حطيتو يفور لمرة الثانية
top4top_635d6f01da6.jpg

وكى طاب لحم نحيتو بجيه وتكون لحميصة طابت تانى درت لفت فالمرقة طيب
top4top_635d6f01da5.jpg

وبعد تفويرة لخرة فرغت طعام فى جفنة ودهنتو بسمن
top4top_635d6f01da7.jpg

وقبل مانطفى بحوالى 10 دقائق درت لقرعة طيب على خاطر متشدش الوقت
top4top_635d6f01da8.jpg

وهنا راه وجد حطيت طعام وستفت لقرعة ولفت ولحم ودرت فوقهم لحميصة والمرقة
ورشيت عليه شوية قرفة لتزين
top4top_ea268fcf5d9.jpg

top4top_ea268fcf5d10.jpg

ملاحضة هاد طعام مجيش فيه انواع خضرة اخرى يا درى لفت وحدو ولا قرعة وحدها ولا فى زوج
وتقدرى دريه بالجاج ولكن تاع لعراس لازم يكون بلحم
انشاء الله تعجبكم طريقتنا​
 
وعليكم السلام
يييم يشهي
احسن طعام عندي تاع المرقة البيضا
تسلم الأيادي
 
امممممممممممم
روعة يعطيك الصحة

 
وعليكم السلآآآم
اممم يشهي
مآم حنآ البربوشة تآعنآ نديرولهآ المرقه بيضآآ
بصح مآنديروش اللفت كمآ انتمآ :p
يعطيك الصحة​
 
يعطيك الصحة يا ايمان، و الله شهيتينا.
 
يا عيني على البربوشة العاصمية من يدين قبايلية امممممممممممممم روووعة تسلم الايادي
 
بصحتكم واعطيك الصحة باين اشهي وجدي صحن راني جاية ههههه
 
بارك الله فيكم وشكرا على زيارة الموضوع نورتونى
 
حنا تاني يديرو هدا الكسكسي في الاعراس بصح بلا قرفة و يسموه المحور و يزيدولو كريات اللحم يجي اممم و الا نديروه تاني في العيد الكبير
يعطيك الصحة و بارك الله فيك
 
يعطيك الصحة حبيبة كيما قالت سميرة حنا منديروش فيه القرفة بصح كلشي كيف كيف
كسكسي الحراير
 
نفس الطريقة تاعنا امممممممممممم شهيتيني فيها
ا نا راجلي رايحة نهبلو بالمرقة بيضا قالي حتى البركوكس درتيه ابيض:mad:
 
امممممممممم يعطيك الصحة بنين بزاف بصح حنا مايحبوهاش مرقا بيضا لازم حمممممممممممممممرا
 
alllah alllah 3ala dak el saksou
mmmmmmmmmm yhabal w ychahi ya3tik el saha 3zizti
 
يجي بنين بزاف يعطيك الصحة ياشاطرة
 
يعطيك الصحة اختي لويزة
وحنا في الشرق ايضا البربوشة تاع لملمة نديروها بيضاء ونحبها بزاف
وعندي نكتة معاها من بعد نقولهالك هههههههههههههه
 
يعطيك الصحة لويزة جا روعة
حتى حنا نديروه في العراس باقي الايام نديروه غوج ههههههههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top