أحكام مسبقة تصدر في حق البعض !!

الحالة
مغلق ولا يسمح بالمزيد من الردود.

secret de coeur

:: Directeur de l'état civil ::
أحباب اللمة
إنضم
19 ماي 2011
المشاركات
5,377
نقاط التفاعل
4,752
النقاط
356
محل الإقامة
Purple ,,Greenland
الجنس
أنثى
السلام عليكم ورحمة الله وبركاته
عندي مدة ماحكيتش هنا
عاندت برك اليوم شفت وحدة حبيبتي حطت موضوع سخفتني :p
السخفة فالهدرة تاني هه

بون مانكثرش عليكم
عندي موضوع وعارفة مافهمتوش العنوان
السوجي اساسو زواج الي يتحتم من صغر
وين يقولو فلانة راهي لفلان ودك زوج صغار يكبرو في فقاعة هواء في كل لحظة يسناها طرطق
ويبداو يكبرو والخوف يكبر معاهم
صح كاين الي يحبو بعض مي اخرين راهم لاعلاقة ببعض
مي العائلات تعهم تحتم هاد الشئ
ويصرا العرس ويوقع الفاس فالراس ويبداو المشاكل :-o هنا العائلات تعهم يجبدو رواحهم
ويخلو الجمل بماحمل ويقولك حنا ماكان مادخلنا
كيما جارتنا من صغري نسمع بلي خاطبة لوليدها ههه تبا كان مزالو صغير وتقول بنت خويا راهي ليه
فاتووووووووووو عوااام وداتهالو ودارو عرس سمعت بيه ناس قاع بالبث المباشر ;) للعرس داخل وخارج الدار
مهم فات العرس وجابت العروسة طفيل صغير وفرحو بيه
شوية من داك قالك خرجت !!!!!!
وسي بون راه فطلاق
بيسك ماتفاهموش علاش ؟؟
صغيرة عليه وعقليتهم ماتوالمتش
مي نتوما اصلااا علاش توافقو زواج كيما هذا صح مكتوب
مي ديفوا اسباب تكون قاسية باش واحد يتقبلها

ان شاء الله برك تكون نقصت الأفكار هادي والعادات
ومايزيدوش يقولو فلان لفلانة
راهم مش لعباد الي يمشيو الأقدار
خليوها كيما جات تجي

وش رايكم ناس اللمة ؟؟
صراو عندكم دي كا هكا ؟؟
توافقو نتوما كان تصرالكم هاد الكا شخصيا ؟؟

ايا سلامو وربي يدوم هناكم ولمتكم


 
للأسف هدي الأفكار مازالت عند بعض العائلات وتسبب مشاكل كبيرة مع الوقت
--------

وافقت على الموضوع
 
جيت نحجز مكان
لي عودة ان شاء الله

....
 
سلام عليكم
غرتي من موضوع شوشو فقتلك ;) هههههههههه
ايه فكرتيني في عائلة الحاج متولي :d
معرف لاكان مزالت هاد العقلية كاينة في وقتنا
مي على حد علمي انو هاد العقلية كانت بكري علاجال الورث باش ميروحش للبراني
تلقاي الطفلة من الصغر تتكب باسم ولد عمها ولا ولد خالها ...الخ
تحكيلي يما على جدي الله يرحمو (أب بابا) حب يزوج بنت ختو اللي ماتت بابنو اللي هو عمي
على الرغم من أنها اكبر منو فهداك الوقت بخمس سنين علاجال الورث
خاطر ختو هادي عندها غير زوج بنات .. قالك كون يديو البرانية يخرج الورث من العايلة
وكي ما حبتش الطفلة اجبرها وهربت وصراو مشاكل كبااااااار ودوكا اللي مات مات واللي عاش عاش
وقعدت غير ندامة ودعاوي الشر
يقولو المصريين: كلشي بالخناق إلا الزواج بالاتفاق
هاد العقلية يديروها الوالدين بتمسخيرة فالصغر مي مبعد كي يكبرو لولاد وتولي الحكاية جدية تنخرب لبيوت بسبتها
وفي جميع الأحوال الزواج ما يكونش إلا برضا الطرفين لأنهما هوما المعنيين بالأمر ورايحين يعيشو حياة بأكملها مع بعض
سواء ربطوهم مالصغر ولا لالا




 
SETIF étudiant، تم حظره "حظر دائم". السبب: مخالفة القوانين
انا جو سويCONTRE ومن ناحية تاني POUR نقولك علاش
انا يعجبني واحد القول dicton زواج القاصرات هو اغتصاب بمباركة الاهل والخطا الذي لا يقدر قيميته الاهل الا بعد فوات الاوان بويسك لمباعدا راح تكون ماشي قادرة نفسيا وجسديا من تغيرات زواج كالمسؤولية والدار ولولاد

و النضج النفسي سورتو العقل مليح في قضية مصيرية كيما هادي كالزواج ماشي ليلة وفايتة كما يظن البعض
نشوف في البنت ي في هاد السن يظلو يلعبو على الطبطابة هههههه
خلوها اموا تشبع من طفولة تاعها والعائلات هادي لي راهي تسيف على البنات القصر باش يتزوجو هي لاسباب فقط منها الجهل والاستغلال وللحاجة

سي كاينة منها الرسول صلى الله عليه وسلم تزوج ام المؤمنين عائشة رضي الله عنها في عمرها 9 سنوات
مي زمانهم ماشي كي زماننا دركا عاداتنا وتقاليدنا يفرضو زواج البنت اكثر من 17 سنة ولا ااكتر

ومن ناحية اخرى فيها تاني اجابيات زواج مبكر هادا عفه وطهاره تحصين البنت زايد التزام وبداية وتعويد المسؤولية على الطفل سورتو في زماننا كاين قصة بنت صغيرة 13 سنة تبكي تقول علاش انا نحبو وهو ما يحبنيش ههه وانا قتلها كي كنت في عمرك كنت في عقاب لعبة ماريو نحوس نخلصو هههههههههههههههه واعر الحال يا هاه
هذازواج مبكر احسن من ان تكون علاقة جنسية مع صديقها وهي في سن 15 يجي يخطبها احسن ولا
ولكن تاني لازم على العائلتين يكونلها دور في الاشراف لكي ينجح زواج ياك ويكون برك افدت ولو بالقليل معليش من باب الفائدة ورفع الجهل وبارك الله فيكي على الموضوع نزيد نقولك برك

ما تخافوش حنا في الجزائر 38 سنة تقولو تتزوج يقولك ما وجدتش وما وترتش ومازالني بعيد على الزواج في ظل التغيرات والتطورات في بلادنا بلا ما نحكيو ههههههههههههههههههههه السلام عليكم
 
آخر تعديل:
من المؤسف جدا أنو مازالت في مجتمعنا حاجات مثل هاذي
موفقة أختي
 
أهلى بيك سلمى
يعطيك الصحة على موضوعك الباهي
تبالي انا العادة هاذي كانت بكري بزاف ودرك راحت
يعني الطفلة تتسمى على الطفل من الصغر
وزيدي الراجل يجيبولو مرا خيروهالو والديه ولا خواتاتو
وانا ضد الفكرة هاذي
ماكانش قد الراجل يخير وحدو ويجيب لمرا ألي باغيها هوا ووزنها فراسو ولا حكا معاها ولا قرات معاه المهم يجيب وحدة تساعدو
 
السلام عليكم
مهما كان بكري كان الطلاق اقل من زماننااليوم
 
وعليكم السلآآم
أهلآآ السوكري ، ليك وحشة يآطفيلة
امم ايه مآم انا كمآ منوش فقتك في موضوع شوشو
ديجآ كنت نستنى فالموضوع وقتآه ينزل :p
بون بالنسبة للسوجي تآعكـ مع الأسف حتى لدركـ كآين عآئلآت مآزالو يمشيو بهآد العادة
مالgري تبانلنآ بلي الغاشي رآه وآعي وحتى الوالدين تاع درك مش كمآ تاع بكري
كآين وحده قرآت معيآ وحد المرة لقينآهآ غير تأفأف ،المهم نيgوسينآ معهآ حتى قآلتنآ وآش بيهآ :-r
قالتلنآ بلي كآين واحد حاب يخطبهآ بصح في دارهم سير بلي ميقبلولهآش
قلنالهآ مادام الرجل مايعيبه وآلو وانتي راكي قابلة علاش مايقبلوش عآدي
قالتلنآ من الي كنت صغيرة وهمآ يقولو نهاد لمحد بن عمهآ حتى كبرنآ ومازالو يقولوهآ ورآهم غير يستنآو
نخلص قرآيتي ويزوجونــآ ، ضربنآلهآ تخميمة هكـ وقلنآلهآ علاش ماتهدريش مع بن عمك
فالاول رفضت الفكرة وقالتلنآ نحشم نهدر معآه أولآ ونخآف ثآنيا يروح يبيع وكدآ
وامبعد كي مآلقآت بيهآ وين قالتنآ نجرب ونشوف
رآحت المخلوقة تهدر مع بن عمهآ وجبدو الهدرة على روآحهم قالتنآ قبل لنقولو كآين واحد خلآف
قآلي شوفي انتي بنت عمي ومن بكري دايرك اختي ، وقالهآ بلي كآينة وحده في باله خلآفهآ حآب يخطبهآ
قآلتنآ شويآآ وسلمت عليه من الفرحة خخخ ، ايه الطفل هداكـ قال لوآلديه فالاول رفضو الفكرة كي قنعهم تقنعو
هو تزوج الطفلة الي حبهآ وهي تزوجت بالي كآن حآب يخطبهآ ورآهي بطفل دركـ ، وعآشو الكل في سعآدة وهنآء :d
هدي على السوجي تآعكـ ، حبيت نقولكـ صح كآينة العاعدة هدي بصح تصرى بنسبة قليلة في وقتنآ هدا
لأنه مآلgري الوآلدين يكونو قآبلين تلقآي الأولآد مش قآبلين ويآك علبآلك بالعقلية تاع جيلنآ :)
هيآآ طولت عليكـ ، بصح موضوع يخلي الوآحد يرحي شويآ سوغثو الا كآن يعرف حكآية تقيس قلب الموضوع
يعطيك الصحة حبوبــة ، سلآمي​
 
يعطيك الصحة ختيتو على الموضوع

هادي نتاع فلانة لفلان كانت بكري ودوك راحت ، كيما قال عمي الوالدين ولاو يروحو ضياف كيفهم كيف البرانيه ههههههه يعني الرجل والمراة يتفاهمو بيناتهم من قبل والوالدين معليهم غير يقولو اوكي زمان وصلنا ليه ، بصح هادي نتاع الاجبار اكبر خطا وزيد زواج الفاميليا يا ختي انا ضد بويسك ميكتبش المكتوب ويصرى الطلاق لا قدر الله ، تتخسر العلاقات ، يا ختي كل واحد ويبقى في مكانو الجد يبقى جد والعم يبقى عم والخال يبقى خال ، وهذاك التخليط ماشي مليح .
شكرا جزيلا .
 
للأسف هدي الأفكار مازالت عند بعض العائلات وتسبب مشاكل كبيرة مع الوقت
--------

وافقت على الموضوع

وي دوماج مزالهم يفكرو هكا ويضيعو ولادهم وعائلات مستقبلية
صحيت ع الموافقة والمرور يا مول كوستيم​
 
سلام عليكم
غرتي من موضوع شوشو فقتلك ;) هههههههههه
ايه فكرتيني في عائلة الحاج متولي :d
معرف لاكان مزالت هاد العقلية كاينة في وقتنا
مي على حد علمي انو هاد العقلية كانت بكري علاجال الورث باش ميروحش للبراني
تلقاي الطفلة من الصغر تتكب باسم ولد عمها ولا ولد خالها ...الخ
تحكيلي يما على جدي الله يرحمو (أب بابا) حب يزوج بنت ختو اللي ماتت بابنو اللي هو عمي
على الرغم من أنها اكبر منو فهداك الوقت بخمس سنين علاجال الورث
خاطر ختو هادي عندها غير زوج بنات .. قالك كون يديو البرانية يخرج الورث من العايلة
وكي ما حبتش الطفلة اجبرها وهربت وصراو مشاكل كبااااااار ودوكا اللي مات مات واللي عاش عاش
وقعدت غير ندامة ودعاوي الشر
يقولو المصريين: كلشي بالخناق إلا الزواج بالاتفاق
هاد العقلية يديروها الوالدين بتمسخيرة فالصغر مي مبعد كي يكبرو لولاد وتولي الحكاية جدية تنخرب لبيوت بسبتها
وفي جميع الأحوال الزواج ما يكونش إلا برضا الطرفين لأنهما هوما المعنيين بالأمر ورايحين يعيشو حياة بأكملها مع بعض
سواء ربطوهم مالصغر ولا لالا




وعليكم السلام ساندي
وي عاندت على شوشو خخخ سخفتني زعما
ايه مالغري ناس تطورت وافكار توسعت مزالها باقية هاد لعقلية
وماش غي على الورث ولا هكا ترشقلهم يربطو اثنين ببعض وطومpي ع الغاشي :mad:
ايوه جبتيها صح تع تمسخير تجيهم زعاقة وممبعد يخلصو غالي
صحيتي ع المرور حبوبة

 
آخر تعديل:
انا جو سويCONTRE ومن ناحية تاني POUR نقولك علاش
انا يعجبني واحد القول dicton زواج القاصرات هو اغتصاب بمباركة الاهل والخطا الذي لا يقدر قيميته الاهل الا بعد فوات الاوان بويسك لمباعدا راح تكون ماشي قادرة نفسيا وجسديا من تغيرات زواج كالمسؤولية والدار ولولاد

و النضج النفسي سورتو العقل مليح في قضية مصيرية كيما هادي كالزواج ماشي ليلة وفايتة كما يظن البعض
نشوف في البنت ي في هاد السن يظلو يلعبو على الطبطابة هههههه
خلوها اموا تشبع من طفولة تاعها والعائلات هادي لي راهي تسيف على البنات القصر باش يتزوجو هي لاسباب فقط منها الجهل والاستغلال وللحاجة

سي كاينة منها الرسول صلى الله عليه وسلم تزوج ام المؤمنين عائشة رضي الله عنها في عمرها 9 سنوات
مي زمانهم ماشي كي زماننا دركا عاداتنا وتقاليدنا يفرضو زواج البنت اكثر من 17 سنة ولا ااكتر

ومن ناحية اخرى فيها تاني اجابيات زواج مبكر هادا عفه وطهاره تحصين البنت زايد التزام وبداية وتعويد المسؤولية على الطفل سورتو في زماننا كاين قصة بنت صغيرة 13 سنة تبكي تقول علاش انا نحبو وهو ما يحبنيش ههه وانا قتلها كي كنت في عمرك كنت في عقاب لعبة ماريو نحوس نخلصو هههههههههههههههه واعر الحال يا هاه
هذازواج مبكر احسن من ان تكون علاقة جنسية مع صديقها وهي في سن 15 يجي يخطبها احسن ولا
ولكن تاني لازم على العائلتين يكونلها دور في الاشراف لكي ينجح زواج ياك ويكون برك افدت ولو بالقليل معليش من باب الفائدة ورفع الجهل وبارك الله فيكي على الموضوع نزيد نقولك برك

ما تخافوش حنا في الجزائر 38 سنة تقولو تتزوج يقولك ما وجدتش وما وترتش ومازالني بعيد على الزواج في ظل التغيرات والتطورات في بلادنا بلا ما نحكيو ههههههههههههههههههههه السلام عليكم

آآه ع لاغتيكل الي قريتو تعبتني خويا خخخ
بون قاع واش قلت صح مالغري مانيش نحكي ع الزواج المبكر تع لبنات
اني نحكي ع 2 يسيفو عليهم من صغير
ويدخلولهم فكرة انكم لبعض وحاجة خلاف مكانش
مرسي ع المرور :regards01:
 
اهلا بيك حبيتي
شكرا على الموضوع
اي هدوما العادات كانو حاصلين مي دركا نن خلاصو
الاهل ماولاوش يحبو زواج العائلات فيما بينهم تفاديا لمشاكل
انا نقول حاجة بلاك هدي الظاهرة راحت مي الاحظ ظهور ظاهرة بلاك تكون اخطر منها
دركا مثلا تصيبي الام بنتها مازالها صغيرة و تظل فوق راسها و تهدر معاها غير على الزواج مش يعني توعيها مي تاع هديك احكمي واحد قبل ما تبوري
تقبلي مروري
 
وعليكم السلام

حتى اليوم باه جيت نرد :d

المشكل هادا راه يخوف
مازالو عايلات في بلادنا يخمو هك
حسب ظنهم الطفلة تتربى قدام عينيهم
ومضمونة
يخطبوها لولدهم من الصغر وكي يقولو راهي مخطوبة ليه يعني تبقى ليه
ويفرحو ويحافظو على السلالة نتاعهم
ناسيين
المعنيين بالأمر
ادا يتوافقو ولا نو
نعرف وحدة خطبوها هك لولد عمها
هو ماو حاب وهي ماي حابة
قالو وي
ونهار راحو يتفاهمو
صارحو بعضاهم
وقالولهم من اللخر منقبلوش
وبعدها هي تزوجت بآخر وهو بأخرى وعاشو في سعادة
اما لي يلزمو عليهم
بعدها يرجعو في الطلاق
واحد فامي تاعنا لزمو عليه بنت عمتو
ودارو العرس وكلش
شغل معندوش راي هو ;)
مازالت عقلية فلانة لفلان
نورمالمون راحت بكري
تقبلي مروري
سلامي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top