مرا تخدم طاكسيورة ...

ماكانش

:: عضو بارز ::
أحباب اللمة
إنضم
15 جوان 2010
المشاركات
7,712
نقاط التفاعل
2,463
النقاط
351
السلام عليكم ورحمة الله وبركاته

nZ6EX.gif


واش راكم خاوتي لاباس بخير الحمد لله :d
عندي بزاف ماكتبتش هنا موضوع
اليوم جيت نحكيلكم على لقطة وماتقولوليش برك قديمة باه ماتسوGرونيش ههههه
أيا الصباح خرجت قضيت قضية وفالطريق وانا قاطع الطريق شفت طوموبيل هيونداي ماشية وفوقها بلاكة تاع "طاكسي" والمشكل تسوق فيها مرا بالحجاب عادي
حرت قلت يعني درك هاذ المخلوقة تخدم طاكسي -نقل حضري- مع البشر هذا تلقى روحها نورمال ويقادروها وو ؟؟؟
تبالي حنا مازال ماعندناش ثقافة " تاكسي تاكسي" نقولوها بالحنانة، ونوقف فالطريق ونديرو سطوp بصباعنا برك كيما الفيلمات هههههه
ياي هاذ المخلوقة يركب معاها راجل باينة يتبلاها فالطريق، وإذا حشم يقوللها خلينا نيميروك كاشما نحتاجوك كورسة :p
ولازم كي تخدم ماتخرج من السونتر vيل لا يخطفوها بيها بالطوموبيل تاعها هههههههه
يعني شعبنا مازلنا متخلفين فالشي هذا
حنا مليحتنا واحد فرود وموسطاش ومشنف عندو r12، ولا كاطسونسانك سيري 89، وفي الباب عندو تورنيvيس:p تزلق راحت كلوتك هههههههههه
وفالطريق كامل وهوا مشنف وإذا حكا معاك يحكيلك على حقنا من البيترول و لبلاد هاذي هههههههه

مانطولوش بزاف اعطيونا رايكم في مرا تخدم طاكسيورة ؟؟
ورانا ماحكيناش على جانب الأنوثة ألي يروح ويتبخر مع الخدمة هاذي ...


ملاحظة:
ماتقولوليش برك راهي تخدم غير مع النسا :p

 
آخر تعديل:
صحيت سفيان على الموضوع الباهي :p
متقليش برك هاد المرا هي فاطيمة تع الهرية؟
نهار السبت زعما رايحين لقالمة واحنا في مفترق الطرق منين لاpـومـpـا ايصونص شفت تسوق في طاكسي
قلت لماما ايييه مرة طاكسيورة ومبعد توسوست قلتها بالاك راكبة برك في طوموبيل تع راجلها
نطق خويا منهيه قالي هادي اي فاطيمة تع الهرية مات راجلها (الطاكسيور) مسكينة
وخلالها لولاد أوبليجي عليها تخدم وتعيشهم وتكبرهم
الغاشي كامل يعرفها وواحد ما يتبلاها
الله غالب المعيشة صعيبة سفيان خويا والمرأة كي تغدرها لحياة ويكونو عندها ولاد صغار
متبقاش تخمم في أنوثتها ولا الخطر على حياتها بقدر تخمامها على كيفاه تعيّش ولادها
ولا راني غالطة؟


 
وش نقولك يا سفيان
ما يحس بالجمرة غير لي عافسها
والمجتمع تاعنا ما يمنع عليه والو كي المرا لي تخدم نورمال ولا لي مش نورمال :mad:
الناس راهم بشهاداتهم الجامعية وما لقاوش وش يخدمو وين يروحو
وهاد المخلوقة بلاك ارملة بلاك مطلقة بلاك رجلها مريض ولا معوق وهي ما عندهاش شهادة تقدر تخدم بيها خدمة محترمة وتعيش اولادها
مالا تخدم طاكسيورة خير ما تخدم خدمة تغضب ربي سبحانو
ما تقوليش يمدولها الناس لانو واحد لا راح يمدلها مام اقرب الاقربون
و ما ضنيتش مرا لقات الهنا وحاجة في يدها وتخدم هاد الخدمة
انا ضد هذا العمل تع التمرميدة لكن مابيدها حيلة كي تخدم طاكسيورة ولا فام دو ميناج جدها واحد تخلاط تخلاط مع الرجالة
لهذا انا مع تعليم البنت وحصولها على الشهادة هاك كي تحصل كيما هادي تخرج شهادتها وتخدم خدمة محترمة
وضحكتني كي قلت الانوثة لي حتروح
المرا تجري على لقمة الحلال نت تقول انوثة
يا راجل راهي ولات عمي عمار الطاكسيور لي عندنا ههههه

وش قلت يا سفيان عجبك ردي ولا نسحب الحاجة ترونسبارو :)
نسيت نقولك شكرا هههه راني عدلت وقلتها :d
 
آخر تعديل:
آ خويا سفيان
الله يعطيك صحيحتك على الموضوع الباهي الي يفاجي على الخاطر
ضحكت من قلبي وسيرتو
تورنيvيس:p تزلق راحت كلوتك
آسفيان خيي والله مازال ما سمعتهاش
لو كان غير يديروها كيما هاك رايحة نتفنن في الطاكسيات :d وكل مرة نطلع في وحدة
عندنا في جيهتنا القليل برك الي تطلع في طاكسي
ياااااااه لو كان تجي النسا يسوقوا روووووووعة
لي عودة ان شاء الله
:regards01:
 
ههههههههه سلام خويا سفيان والله ضحكتني هدا موضوع نورمالمون مافيهش ضحك مي أنت عرفت تحليه بطريقة باهية ميرسي عليك على الموضوع وطريقة عرضه :dوالله يعطيك الصحة
ندخلك فالموضوع نقولك هاد لمرة شفتها متحجبة ولا مدايرة خيمار؟؟ بيسك كاين فرق ويلا راهي مدايرة خيمار برك نورمال بيسك تولي كيفها كي الراجل مشتبهة بالرجال
ويلا هدرت معاها تقولك أنا راجل ونص هههههههههه ماراهيش حتى معترفة بأنها مرأةوكي تجي توصفها تقدر تقول عليها مسرولة بالعربية
ويلا لابسة الجلباب نقولك راك تكدب هنا :d
نتمنى تكون فهمتني واش نقصد
سلام أخي:d:up:
 
وعليكم السلآآآم
آ خويا سفيآن حللت ودرت موضوع من لقطة شفتهآ
بلك تكون طآكسي تآع رآجلهآ ، خرجت بيهآ تقضي كآش حآجة :p
لآعلينآ نكمل فالسوجي تآعكـ تآع المرآ طاكسيورة
فكرتني في وحد المرة قالتلي بنت خالتي مادام قاعدين فالدار واش رايك
نديرو بتآع لونسآج بروجي خخخ وبقينآ نحلموو قآلتلي لآزمنآ نديرو حآجة سبيسيآل
وكآن من بين ليزيدي الي مديتلهآ طاكسيورة :d ، قالتلي لآلآ لآزم بروجي مليح
بآش نقنعوهم ويمدولنآ الدرآهم ، بدى خيآلي يخدم :-h قلتلهآ شوفي هدي الطآكسي لآزم تكون للنسآ بركـ
غير للجنس النآعم حتى رآجل مآيركب فيهآ ، وتآني تكون سبيسيآل شويآ
لآزم تكون مصبوغة بالغوز بآش تكون أنثوية مئة بالمئة
وتكون مكتوبة فيهآ طآكسي خآصة بالنسآء بآش حتى رآجل مآيحبسكـ :up:
شويآ لقيتهآ اقتنعت صح خخخ قآلتلي كي يجي بآبآ نشوف معآه مسكينة من عقلهآ
قآلتلي كي قآلتله شآف معهآ دورتهآ كآنت تتمسخر هيهيهيي
هذآ تعقيب بركـ على موضوعكـ
امآآ رآيي من رآي طآطآ حدة مآشكيتش كآين وحده تحب تخدم خدمة كمآ هدي
الآ اذآ كآنت صح محتمة عليهآ وتسدت كآمل الأبوآب في وجههآ
ميرسي على الموضوع البآهي كمآ تقول انت :p



 
وعليكــــم السلام
هههههههههههه ضحكتني خويــــــــــا لعزيز موضوع باهي يعطيك الصحة مشني عارفة زيماه عسلتوا هكا كامل

وش راح نقولك خويــــــــــا ، قلت بلي المجتمع ميرحمش وزيماه راح تتعامل مع الناس ؟
مي دير في بالك بلي المجتمع ميرحمش اي واحد سواء كانت لمرا تخدم ولامتخدمش...لبلا راح يجيها من النواحي كامل،
و لحاجة والظروف يخلوك ادير كلش واكيد هاد لمرا عندها ظروف وتحتمت عليها تخدم لخدمة هدي باسكوا واحد ماراح يحس بيك كي تكون محتاج واحد ماراح يجي يعاونك وانت قاعد مرتاح لي ميتعبش على حاجة عمرو ماتجيه وحدها ،اكيد هاد لمرا كان لقات لي يعاونها ولا كان عندها حاجة خلاف تخدمها تكون تخليها مرتاحة راها دارتها، لواحد جامي راح يدير حاجة صعيبة وتكون في ايدوا حاجة ساهلة واحد مايرضى لروحوا يتعدب سيرتوا فالوقت هدا القاسي ...ولحاجة المهمة انوا لواحد يخدم حاجة صعيبة وحلال خير ميروح لحاجة ساهلة ومترضيش ربي يعني يديها بالساهلة مي بالحرام وانا نشوف انوا هاد لمرا مدرتش حاجة مشها مليحة الله غالب هداك وش كتبلها ربي باش تجيب بيه رزقها ربي يعينها وخلاه .....
ههههههه نرجعوا لجانب الانوتة لي قلتي يروح بالخدمة هدي ههههههه شبعتي ضحك
وش من انوثة ياخويا فالوقت هدا اي طفلة مشات غير بالانوتة تاعها اداها الريح معادش تعيش، لازم في حوايج كيما هك تنحيها اكوتي باسكوا الطفلة كي اطيح في ظروف قاسية لازمها تحارب متخليش احاسيس الانوتة تسيطر عليها هههههههه

ملاحظة:

ماتقولوليش برك راهي تخدم غير مع النسا :p.....

-نعطيك النتيجة تاع الملاحظة تاعك:
تما وين راح تخلا صح ، يجيبوها غير تقرعيج تولي باش تديهم للشرق تروح بيهم للغرب، والله يهملوا فالطريق هدا ايدا لحقوا سالامات متعركوش هههههه
نقصر بــــــــرك.
مشكــــــــور خويــــــــــا

 
آخر تعديل:
انا راح نقولك يا خويا سفيان الموضوع قديم على الاقل بالنسبة ليا احنا في عنابة عندنا مرا تخدم طاكسيور والحكاية عندها اكثر من خمس سنين ولابسة حجاب ومرا كبيرة في العمر يعني فاتت ال45 حسب الشوفة
بصح كيفاش تخدم ومع من ما نعرف احنا ركبنا معاها مرة كنا رايحين لعرس والصراحة ارتحنا انها مرا خصوصا كي نعودو ؤايحين للعرس راك شايفهم سور كيفاش مالا بغض النظر عن سبب خروجها للعمل بصح ممكن يكون عندها فايدة لو تكون تخدم غير مع النسا وراك تعرف ضرك الطاكسيور راه ما يحبسش لمن ولى مالا هني راسك راه الرجال ويشرطو شكون يركب معاهم فما ادراك بالمرا
 
اهلا خويا مكانش اي تاع الصح عندك مدة محطتش موضوع
انا كنت غير ننتظر
ايا نقولك كلمة في صلب الموضوع
هي صح المجتمع ديالنا صعيب و ما يرحمش مي انا نظن هدي المراة تميز بعينها و تشوف الانسان المليح و العكس
مي بلاك عندها ظروف خلاتها تخدم طاكسيورة
و حاجة مليحة على الاقل نعودو حنا نطلعو في لي طاكسي بدون خوف
شكرا على الموضوع الباهي
 
صحيت سفيان على الموضوع الباهي :p
متقليش برك هاد المرا هي فاطيمة تع الهرية؟
نهار السبت زعما رايحين لقالمة واحنا في مفترق الطرق منين لاpـومـpـا ايصونص شفت تسوق في طاكسي
قلت لماما ايييه مرة طاكسيورة ومبعد توسوست قلتها بالاك راكبة برك في طوموبيل تع راجلها
نطق خويا منهيه قالي هادي اي فاطيمة تع الهرية مات راجلها (الطاكسيور) مسكينة
وخلالها لولاد أوبليجي عليها تخدم وتعيشهم وتكبرهم
الغاشي كامل يعرفها وواحد ما يتبلاها
الله غالب المعيشة صعيبة سفيان خويا والمرأة كي تغدرها لحياة ويكونو عندها ولاد صغار
متبقاش تخمم في أنوثتها ولا الخطر على حياتها بقدر تخمامها على كيفاه تعيّش ولادها
ولا راني غالطة؟



أهلا بيك منات
ههههههههههههه
يعني فاطيمة وجات تخدم فباتنة ؟؟ مانعرف ههههه
هاذي ورثت الخدمة من عند راجلها ولا كيفاه ؟؟
صح لمرا أدير كلش باه تعيش ولادها ولكن المجتمع تاعنا ألي جاهل وماناش مثقفين
ولوكان تروحي لخالتك فطيمة يا منات وتسقسيها تحكيلك لعجب
تعيشي على ردك لمليح
 
وش نقولك يا سفيان
ما يحس بالجمرة غير لي عافسها
والمجتمع تاعنا ما يمنع عليه والو كي المرا لي تخدم نورمال ولا لي مش نورمال :mad:
الناس راهم بشهاداتهم الجامعية وما لقاوش وش يخدمو وين يروحو
وهاد المخلوقة بلاك ارملة بلاك مطلقة بلاك رجلها مريض ولا معوق وهي ما عندهاش شهادة تقدر تخدم بيها خدمة محترمة وتعيش اولادها
مالا تخدم طاكسيورة خير ما تخدم خدمة تغضب ربي سبحانو
ما تقوليش يمدولها الناس لانو واحد لا راح يمدلها مام اقرب الاقربون
و ما ضنيتش مرا لقات الهنا وحاجة في يدها وتخدم هاد الخدمة
انا ضد هذا العمل تع التمرميدة لكن مابيدها حيلة كي تخدم طاكسيورة ولا فام دو ميناج جدها واحد تخلاط تخلاط مع الرجالة
لهذا انا مع تعليم البنت وحصولها على الشهادة هاك كي تحصل كيما هادي تخرج شهادتها وتخدم خدمة محترمة
وضحكتني كي قلت الانوثة لي حتروح
المرا تجري على لقمة الحلال نت تقول انوثة
يا راجل راهي ولات عمي عمار الطاكسيور لي عندنا ههههه

وش قلت يا سفيان عجبك ردي ولا نسحب الحاجة ترونسبارو :)
نسيت نقولك شكرا هههه راني عدلت وقلتها :d


أهلا بيك حدودة
يعطيك الصحة على ردك لمليح بزاف
راني معاك حدودة صح يا حليل لمرا ألي تكون ام وليدات وراجلها متوفي مثلا ولا ماهوش قاعد
صح لازمتلها خدمة تعاون بيها روحها
بصح المشكل في المجتمع تاعنا
المجتمع تاعنا يستغل الفرص والضضعف تاع لمرا لأغراض خبيثة
المشكل كيما قتلك في المجتمع
هاذي تخدم طاكسيورة بصح راهي في الريسك تتخطف هيا بطاكسيتها
ولا الريسك تاع المعاكسات
برجليهم وماخلاوهمش فمابالك بطاكسي وزيد خدامة بيها يعني لازمة تحكي معاهم ...
ربي جيب الخير برك
وعجبني كي قلتي أنت مع تعليم البنت
صح لازم البنت تتعلم وشاهادتها في جيبها

ردك مليح بزاف حدودة بصح ماشفتش حاجة ترونسبارون هههههههههههه
 
وعليكم السلام

اي عندها حق تسوق طاكسي خير من تهبل في كلاصا :p


خدمة ماشها راكبة على بعض
كاش نهار يسمعو بيها تخطفت
كون تريح ترونكيل برك
هيا تقبل مروري
ردي عيان كيما انا بعد هههه

 
آ خويا سفيان
الله يعطيك صحيحتك على الموضوع الباهي الي يفاجي على الخاطر
ضحكت من قلبي وسيرتو
تورنيvيس:p تزلق راحت كلوتك
آسفيان خيي والله مازال ما سمعتهاش
لو كان غير يديروها كيما هاك رايحة نتفنن في الطاكسيات :d وكل مرة نطلع في وحدة
عندنا في جيهتنا القليل برك الي تطلع في طاكسي
ياااااااه لو كان تجي النسا يسوقوا روووووووعة
لي عودة ان شاء الله
:regards01:

أهلا بيك نعيمة
هههههههه ربي دومها ضحكة
مليحة لوكان تكون طاكسيورة خاصة غير بالنسا هاذي فكرة مليحة
اما يركبو معاها الرجال شوي ماتصلحش ومانعرف
اما النسا يسوقو حنا تبالي النسا كثر من الرجال الي يسوقو ههههههههههههه
مرحبا بيك في كل وقت نعيمة
يعطيك الصحة
 
ههههههههه سلام خويا سفيان والله ضحكتني هدا موضوع نورمالمون مافيهش ضحك مي أنت عرفت تحليه بطريقة باهية ميرسي عليك على الموضوع وطريقة عرضه :dوالله يعطيك الصحة
ندخلك فالموضوع نقولك هاد لمرة شفتها متحجبة ولا مدايرة خيمار؟؟ بيسك كاين فرق ويلا راهي مدايرة خيمار برك نورمال بيسك تولي كيفها كي الراجل مشتبهة بالرجال
ويلا هدرت معاها تقولك أنا راجل ونص هههههههههه ماراهيش حتى معترفة بأنها مرأةوكي تجي توصفها تقدر تقول عليها مسرولة بالعربية
ويلا لابسة الجلباب نقولك راك تكدب هنا :d
نتمنى تكون فهمتني واش نقصد
سلام أخي:d:up:


اهلا سلسبيل
هههههههه فهمتك
لالا لابسة خمار وحنا نسميوه حجاب مانفرقوش بيناتهم في العرف تاعنا غير في الإصطلاح برك هههههههه
كيما قلتي بالسيف عليها تسترجل لاخاطر خدمتها تنافي شوي الأنوثة لازم ترد الصرف وألي مايسلكهاش تسبو ولا تتقابض معاه هههههههههه
وماعندهاش الصرف تهبط للكيوسك تصرف وهيا ماشية ههههههههه
 
مساء الخييير خويا ... ربي يحفظك على الموضوع هذا
كاينة منها مرا تسوق طاكسي ... أنا نعرف واحدة من 3 سنين راهي تخدم طاكسي بصح ما تخرجش لبلايص بعاد و تركب غير النسا ما تخدمش مع الرجال
و ما تركبش لي كوpل تخاف les agressions
تخدم مع دي فامي اللي تعرفهم ترفدهم مع أولادهم و لحد الساعة الحمد لله ربي يبقي عليها الستر
راني جبدتها ربي يحفظها يا ربي لأني نعرف الظروف اللي رماتها لهاديك الخدمة
 
وعليكم السلآآآم
آ خويا سفيآن حللت ودرت موضوع من لقطة شفتهآ
بلك تكون طآكسي تآع رآجلهآ ، خرجت بيهآ تقضي كآش حآجة :p
لآعلينآ نكمل فالسوجي تآعكـ تآع المرآ طاكسيورة
فكرتني في وحد المرة قالتلي بنت خالتي مادام قاعدين فالدار واش رايك
نديرو بتآع لونسآج بروجي خخخ وبقينآ نحلموو قآلتلي لآزمنآ نديرو حآجة سبيسيآل
وكآن من بين ليزيدي الي مديتلهآ طاكسيورة :d ، قالتلي لآلآ لآزم بروجي مليح
بآش نقنعوهم ويمدولنآ الدرآهم ، بدى خيآلي يخدم :-h قلتلهآ شوفي هدي الطآكسي لآزم تكون للنسآ بركـ
غير للجنس النآعم حتى رآجل مآيركب فيهآ ، وتآني تكون سبيسيآل شويآ
لآزم تكون مصبوغة بالغوز بآش تكون أنثوية مئة بالمئة
وتكون مكتوبة فيهآ طآكسي خآصة بالنسآء بآش حتى رآجل مآيحبسكـ :up:
شويآ لقيتهآ اقتنعت صح خخخ قآلتلي كي يجي بآبآ نشوف معآه مسكينة من عقلهآ
قآلتلي كي قآلتله شآف معهآ دورتهآ كآنت تتمسخر هيهيهيي
هذآ تعقيب بركـ على موضوعكـ
امآآ رآيي من رآي طآطآ حدة مآشكيتش كآين وحده تحب تخدم خدمة كمآ هدي
الآ اذآ كآنت صح محتمة عليهآ وتسدت كآمل الأبوآب في وجههآ
ميرسي على الموضوع البآهي كمآ تقول انت :p





اهلا بيك ملكة الإحساس
يعطيك الصحة
هههههههههههههههه
فكرتكم مليحة غير كملو فيها ههههههه
زعما يخليوكم مايتبلاوكمش بالطوموبيل الروز هاذي ؟؟ هههههههه
تولي حكاية عند الناس والجزاير كامل تسمع بيكم هههههههه
---
صح راني معاك ومع حدة ولكن مجتمعنا ماهوش متربي مايخليهاش ترونكيل
يعطيك الصحة على ردك الباهي
 
وعليكــــم السلام
هههههههههههه ضحكتني خويــــــــــا لعزيز موضوع باهي يعطيك الصحة مشني عارفة زيماه عسلتوا هكا كامل

وش راح نقولك خويــــــــــا ، قلت بلي المجتمع ميرحمش وزيماه راح تتعامل مع الناس ؟
مي دير في بالك بلي المجتمع ميرحمش اي واحد سواء كانت لمرا تخدم ولامتخدمش...لبلا راح يجيها من النواحي كامل،
و لحاجة والظروف يخلوك ادير كلش واكيد هاد لمرا عندها ظروف وتحتمت عليها تخدم لخدمة هدي باسكوا واحد ماراح يحس بيك كي تكون محتاج واحد ماراح يجي يعاونك وانت قاعد مرتاح لي ميتعبش على حاجة عمرو ماتجيه وحدها ،اكيد هاد لمرا كان لقات لي يعاونها ولا كان عندها حاجة خلاف تخدمها تكون تخليها مرتاحة راها دارتها، لواحد جامي راح يدير حاجة صعيبة وتكون في ايدوا حاجة ساهلة واحد مايرضى لروحوا يتعدب سيرتوا فالوقت هدا القاسي ...ولحاجة المهمة انوا لواحد يخدم حاجة صعيبة وحلال خير ميروح لحاجة ساهلة ومترضيش ربي يعني يديها بالساهلة مي بالحرام وانا نشوف انوا هاد لمرا مدرتش حاجة مشها مليحة الله غالب هداك وش كتبلها ربي باش تجيب بيه رزقها ربي يعينها وخلاه .....
ههههههه نرجعوا لجانب الانوتة لي قلتي يروح بالخدمة هدي ههههههه شبعتي ضحك
وش من انوثة ياخويا فالوقت هدا اي طفلة مشات غير بالانوتة تاعها اداها الريح معادش تعيش، لازم في حوايج كيما هك تنحيها اكوتي باسكوا الطفلة كي اطيح في ظروف قاسية لازمها تحارب متخليش احاسيس الانوتة تسيطر عليها هههههههه

ملاحظة:

ماتقولوليش برك راهي تخدم غير مع النسا :p.....

-نعطيك النتيجة تاع الملاحظة تاعك:
تما وين راح تخلا صح ، يجيبوها غير تقرعيج تولي باش تديهم للشرق تروح بيهم للغرب، والله يهملوا فالطريق هدا ايدا لحقوا سالامات متعركوش هههههه
نقصر بــــــــرك.
مشكــــــــور خويــــــــــا



أهلا بيك أماني
يعطيك ردك لمليح بزاف
صح أكيد كل مرا خارجة تخدم وخاصة خدمة واعرة راهي محتاجة
وكيما قلت انا وقلتي نتي المجتمع مايرحمش سواء حاكم دارها ولا متزوجة ولا عجوزة مايرحمش
فمابالك تخدم فخدمة شوي غريبة وزيدي تخالط فيها ربما الرجال
لازم كيما قلتي ماوش تنحي الأنوثة ولكن وحدها تتنحى ههههه

اما على الأنوثة هل تقدر تنحيها وتردها الوقت ألي بغات ههههههه ؟؟؟؟ السؤال مطروح
 
hhhhh ya khoya wellh ila de7ektniii bzeef kotriya m3a cha3b te3na lah yjib l khirr beyna meskina rahi mbassiya m3ahomm lah ykoun fe 3ounha beyna massebet 3liha wiin medem drahem 7laliliiiyn ghi taxiii w madirch haja te3 7raam
 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top