سلسة عوايد وفوايد: ماتدي غيراللي تكتبلك

فتاة حساسة

:: عضو بارز ::
أحباب اللمة
إنضم
15 مارس 2010
المشاركات
2,396
نقاط التفاعل
2,117
النقاط
116
العمر
27
محل الإقامة
ميلة
السلام عليكم ورحمة الله تاعلى وبركااته..
كيما العادة الدعوة اي انتيك وبشبش ...جبتلكم اليوم حكاية خلاف ..وقولولي واش هيا العبر نتاعها ..
هاد الحكاية صرات لاخت صاحبة اختي ..
ايمالا تقدم لخطبتها وليد عمها ..قبلي بيه وكل شي ...فاتت فترة ...زاد جا خوه الصغير باه يخطب صاحبة اختي ..ماقبلتش...المهم الاخ الصغير ماعجبوش الحال ..

ووالا يدير فالمشاكل ...بويسك هوما خاوة بانينن فوق بعضاهم وكيماقبلتش الخت الصغيرة والا يوقول نبيعو الدار ...والمهم صراو مشكال بزززالف فالعايلة(انا ضد زواج العائلة ..يجيب غير المشاكل )

المهم ...تفسخت الخطوبة ..

ميمبا 15 يوم تقدم لخطبة اخت صاحبة اختي جارها ..

سبحان الله ..ترناك مكتوبها راهو قدام الباب ...

المهم ماتدريش الخير منين يجي ...وماتدي غغير اللي تكتبلك..
تقبلو تحياتي ...ناج
 
السلام عليكم
اهلين ناج ،، مشكورة على مشاركتك الثانية في سلسلة عوايد وفوايد:up:
وللعلم بمشاركتك نكونو قفلنا 10 مواضيع في وقت قياسي:d

بالنسبة للقصة اللي حكيتيها فيها أكثر من فايدة
أولا: زواج لافامي حتى لو مزالو منتشر بصح الرسول عليه الصلاة والسلام قال: تباعدوا تصحو
والأحسن لهاد الطفلة انها تفكت من هاد الزيجة

ثانيا: مزية ما قبلتش ختها بخوه خاطر زواج الأخوين بالأختين عندو اضرار
كيما صرات لعصام وبشير تع باب الحارة خخخخ:p

نهار الأخ لول يتعارك مع مرتو ويحاوزها مالدار لوخرا تاخد على خاطرها
وتصف مع ختها وتفسد علاقتها بزوجها (الله غالب مشاعر الأخوة هكا تقول)

الحاجة الثالثة: فالاول والأخير كل واحد فينا ما يدي غير الشي اللي مكتبلو ربي
والطفلة رح تدي لي مكتبلها ربي ولو خطبوها 10 قبلو


الحاجة الرابعة اللي بالاك خارج الموضوع هي حكاية الولاد اللي يبنيو فوق بعضاهم
نهار يتعاركو يولي كل واحد يقول نبيع الدار والقانون معاه
وهنا يا اما خوه يشريها عليه لاكان عندو دراهم
ولاكان معندوش مضطر يبيع حصتو وتفسد العلاقة بين الخاوة ويتشتتو ويروح تعب بناء الدار


تحياتي ليك نجلو:regards01: على نشاطك الملحوظ حبيبة

 
آخر تعديل:
السلام عليكم ورحمة الله وبركاته
وي هادي حاجة باينة كلشي بالمكتوب أختي
وكل شي كيما محفوظ فاللوح مارايح يتبدل غير بالدعاء
ومادام كلشي مكتوب العبد لازملو يصبر برك
ماش يطبع برك
قال تعالى (
قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ) من سورة التوبة الآية 51
ميرسي أختي على الموضوع الباهي
سلام:d
 
آخر تعديل:
كاين صاحبي امام حاب يخطب وحدة
ايا واحد النهار جا باباها قالو ديرنا عقد شرعي لبنتي مع واحد
دارلهم العقد الشرعي وهوا تبالو بلي لختها الصغيرة
كي سقسى قالولو فلانة الي تزوجت
قالي درتلها العقد بيدي هههههههههههه
مكاتيب نجلاء
يعطيك الصحة
 
وعليكم السلام مضمون شباب
كل واحد يدي واش كاتبلو
كلش مكتوب
تقبلي مروري
سلامي
 
السلام عليكم
و واش الي يسيرنا حنا من غير مكتوبنا ؟؟
الفايدة :
ما نقطعوش اللياس , ربي الي خلقنا أرحم بينا من اي واحد فالدنيا هادي
الي مكتوب على الجبين ما يمحوه اليدين ولازم تشوفو العين​
 
في الحقيقة كل شي بالمكتوب الأول ماكانش من نصيبها و خوه غير داره ربي سبة باش ما يكملش هاداك الزواج برك
و انا ضد زواج أختين من أخوين لأنه راح أكيد تلحق المشاكل من وراه
الأختين أكيد راح يكونو مختلفين و حتى الأخوين و اذا شافت واحدة اختها خير منها أكيد تبدا الغيرة بيناتهم و حتى الأخوين اذا شاف واحد فيهم واحدة مهتمة بنفسها اكتر من الأخرى راح يقارن بيناتهم و هاكذا راح يخسر علاقة الأخوة اللي بيناتهم
و كاين بزاف سلبيات اخرى ماشي حابة ندخل فيها باش ما نبانش سلبية حتى انا هههههه ;)
الأخ اللي حب يخطب اختها نقلو المحبة تجي بالكيف ماشي بالسيف
وهي نقوللها المكتوبة على الجبين لازم تشوفها العين
و الف مبروك ليها و لعقوبة لأختها

 
السلام عليكم
اوو ماكل هدا النشاط
الله يبارك عليك اختي
انا نقول هناها ربي من زواج العائلة لانو فيه بززاف مشاكل و زيد يجيب الخصارة لكل العائلة
و الف مبروك ليها ربي يهنيها
العبرة
ماتدي غير لي مكتبلك
و لي مكتوبة على الجبين لازم تشوفها العين
شكرا للموضوع الرائع
 
السلام عليكم
اهلين ناج ،، مشكورة على مشاركتك الثانية في سلسلة عوايد وفوايد:up:
وللعلم بمشاركتك نكونو قفلنا 10 مواضيع في وقت قياسي:d

بالنسبة للقصة اللي حكيتيها فيها أكثر من فايدة
أولا: زواج لافامي حتى لو مزالو منتشر بصح الرسول عليه الصلاة والسلام قال: تباعدوا تصحو
والأحسن لهاد الطفلة انها تفكت من هاد الزيجة

ثانيا: مزية ما قبلتش ختها بخوه خاطر زواج الأخوين بالأختين عندو اضرار
كيما صرات لعصام وبشير تع باب الحارة خخخخ:p

نهار الأخ لول يتعارك مع مرتو ويحاوزها مالدار لوخرا تاخد على خاطرها
وتصف مع ختها وتفسد علاقتها بزوجها (الله غالب مشاعر الأخوة هكا تقول)

الحاجة الثالثة: فالاول والأخير كل واحد فينا ما يدي غير الشي اللي مكتبلو ربي
والطفلة رح تدي لي مكتبلها ربي ولو خطبوها 10 قبلو


الحاجة الرابعة اللي بالاك خارج الموضوع هي حكاية الولاد اللي يبنيو فوق بعضاهم
نهار يتعاركو يولي كل واحد يقول نبيع الدار والقانون معاه
وهنا يا اما خوه يشريها عليه لاكان عندو دراهم
ولاكان معندوش مضطر يبيع حصتو وتفسد العلاقة بين الخاوة ويتشتتو ويروح تعب بناء الدار


تحياتي ليك نجلو:regards01: على نشاطك الملحوظ حبيبة



اهلا بيك مينو ...نورتي خيتي ومرسي عليك كي اعتمدتي الموضوع..تاني حاجة اولازم نكون نشيطة ههه كي غبت في هاديك المرضا ..قبلي تعمر ومالفا اللمة هي اللي نفرغلها ..
تالت حاجا ..وي الشي الي كاتبو ربي يصرا ..وانا تاني ضد زواج الاقارب...يجب المشكال ويفسد ..الدعوة ..
صاحيتي مينووو ...ناج
 
كاين صاحبي امام حاب يخطب وحدة
ايا واحد النهار جا باباها قالو ديرنا عقد شرعي لبنتي مع واحد
دارلهم العقد الشرعي وهوا تبالو بلي لختها الصغيرة
كي سقسى قالولو فلانة الي تزوجت
قالي درتلها العقد بيدي هههههههههههه
مكاتيب نجلاء
يعطيك الصحة


سبحان الله ..ايه فيها خير اخويا..بالاك متكبلو ربي اللي خير عليها..الدنيا كل بالكتوووب :-r.صاحيت عل ى المرور سفيان
 
في الحقيقة كل شي بالمكتوب الأول ماكانش من نصيبها و خوه غير داره ربي سبة باش ما يكملش هاداك الزواج برك
و انا ضد زواج أختين من أخوين لأنه راح أكيد تلحق المشاكل من وراه
الأختين أكيد راح يكونو مختلفين و حتى الأخوين و اذا شافت واحدة اختها خير منها أكيد تبدا الغيرة بيناتهم و حتى الأخوين اذا شاف واحد فيهم واحدة مهتمة بنفسها اكتر من الأخرى راح يقارن بيناتهم و هاكذا راح يخسر علاقة الأخوة اللي بيناتهم
و كاين بزاف سلبيات اخرى ماشي حابة ندخل فيها باش ما نبانش سلبية حتى انا هههههه ;)
الأخ اللي حب يخطب اختها نقلو المحبة تجي بالكيف ماشي بالسيف
وهي نقوللها المكتوبة على الجبين لازم تشوفها العين
و الف مبروك ليها و لعقوبة لأختها



اهلا نانوش ..الله يبارك فيك والعقوبا ليك نتي تاني :p..شكرا على المرور ختيوة
 
السلام عليكم
اوو ماكل هدا النشاط
الله يبارك عليك اختي
انا نقول هناها ربي من زواج العائلة لانو فيه بززاف مشاكل و زيد يجيب الخصارة لكل العائلة
و الف مبروك ليها ربي يهنيها
العبرة
ماتدي غير لي مكتبلك
و لي مكتوبة على الجبين لازم تشوفها العين
شكرا للموضوع الرائع


سر النشا ط ههههههههههه راني نعوض فاليامات اللي كن غايبا فيهم ههههههههههههه..شكرا على المرور سيرين..ديما تنورني بردودك في مواضيعي ..ربي يخليك
 
السلام عليكم
و واش الي يسيرنا حنا من غير مكتوبنا ؟؟
الفايدة :
ما نقطعوش اللياس , ربي الي خلقنا أرحم بينا من اي واحد فالدنيا هادي
الي مكتوب على الجبين ما يمحوه اليدين ولازم تشوفو العين​


اهلا بيك يلدز..ايه سبحانو ربي ارحم بينا والطف بينا اكتر من امنا ..
شكرا ختيوة على المرور..نورتي :d
 
السلام عليكم ورحمة الله وبركاته
وي هادي حاجة باينة كلشي بالمكتوب أختي
وكل شي كيما محفوظ فاللوح مارايح يتبدل غير بالدعاء
ومادام كلشي مكتوب العبد لازملو يصبر برك
ماش يطبع برك
قال تعالى (
قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ) من سورة التوبة الآية 51
ميرسي أختي على الموضوع الباهي
سلام:d
اهلين ا سيسووو...شكرا على المرور..ربي يكتب لكل واحد الشي اللي فبالو :-r
 
وعليكم السلام
مفهمت والو خت صاحبة اختي خوها جاره صغير عمه ولد عمه
ايا المهم مش كاتبة تتزوج بوليد عمها


ســـــــــــلآم.




 
هههههههههههههههههههههههههههه والله يا مموحا ربي يهديك هههههههههههههههههه ضحكتني والله ..
اختي انا ...عندها صاحبتها...صاحبتها هادي عندها ختها كبيرة جا وليد عمها يخطبها...ومبعد جا خوه الصغير يخطب صاحبة اختي ...هههه كسع صراو المشاكل...فهمت دوك ههه
 
شكرا جزيلا لك على القصة الرائعة والعبر المستفادة :
1- الباب لي يجيك منو ريح سدو واستريح ، يعني مليح كيفسخت الخطوبة بويسك الشئ لي يتبنى على اساس مش مليح يجي نهار وين يطيح .

2- الحفاظ على القرابة : يعني اختلاط الانساب ماشي حاجة مليحة ومن المستحسن الانسان يبعد على لافامي هكذا يحافظ على العلاقات ويبقى كل شخص في مكانو عزيز
3- الزواج قسمة ونصيب : يعني الانسان ما يقلق روحو ماوالو لي ماشي مكتوبة من الفم تطيح ، وكيما يقولوا انفق ما في الجيب ياتيك ما في الغيب ، ومن ترك شيئا لله عوضه خيرا منه .
4- الدم عمرو ما يولي ماء :يعني الانسانة هادي عملت ا لصواب في فسخ الخطوبة لان اختها في اللعب مام راجلها لي كان راح يديها خوه راه في اللعب ، الافتراق بالتي هي احسن اليوم خير من غدوا .

::::همســـــة::::
كثير من الصور تبدأ جميلة في أعيننا

ولكنها سرعان ما تتبخر عندما تظهر حقيقة أصحابها.
 
شكرا جزيلا لك على القصة الرائعة والعبر المستفادة :
1- الباب لي يجيك منو ريح سدو واستريح ، يعني مليح كيفسخت الخطوبة بويسك الشئ لي يتبنى على اساس مش مليح يجي نهار وين يطيح .

2- الحفاظ على القرابة : يعني اختلاط الانساب ماشي حاجة مليحة ومن المستحسن الانسان يبعد على لافامي هكذا يحافظ على العلاقات ويبقى كل شخص في مكانو عزيز
3-الزواج قسمة ونصيب : يعني الانسان ما يقلق روحو ماوالو لي ماشي مكتوبة من الفم تطيح ، وكيما يقولوا انفق ما في الجيب ياتيك ما في الغيب ، ومن ترك شيئا لله عوضه خيرا منه .
4- الدم عمرو ما يولي ماء :يعني الانسانة هادي عملت ا لصواب في فسخ الخطوبة لان اختها في اللعب مام راجلها لي كان راح يديها خوه راه في اللعب ، الافتراق بالتي هي احسن اليوم خير من غدوا .

::::همســـــة::::
كثير من الصور تبدأ جميلة في أعيننا

ولكنها سرعان ما تتبخر عندما تظهر حقيقة أصحابها.




اهلا بيك وصال...شكرا لكي على المرور اختي ..نورتي وشكرا على الهمسة ...فهي حقيقة فعلا...وصرالتلي بزززاف من مرة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top