طفلى عندو 3اشهر

الحالة
مغلق ولا يسمح بالمزيد من الردود.

أم انس عبد الله

:: عضو مُتميز ::
إنضم
5 أفريل 2010
المشاركات
587
نقاط التفاعل
589
النقاط
31
العمر
30
السلام عليكم ورحمة الله وبركاته
حبيت نسالكم وليدي عندو 3 اشهر وراه داخل في الرابع
وينتا نبدى انقعدو
ووينتا نبدى نوكلو
وبارك الله فيكم
 
وعليكم السلام
تاع بكري يقولو كي يدير ربعة ربعيلو رجليه وقعديه ههه كاليه بالمخايد وفرشيلو بساط حتان يولي يعرف يحكم التوازن
الماكلة الاطباء ينصحوا من 6 شهر وطلع كل مرة دخليلو حاجة جديدة ابدايلو بالعصائر الطبيعية و البيون والكمبوت والبوتيسويس والفرينة .. ماتعطيهش كلش مرة واحدة مثلا كل اسبوع ولا 10 ايام اعطيه حاجة جديدة
المهم هو ضرك 3 شهر مازال صغير خلااص شبعيه بالحليب وفي بداية الخامس ابدايلو بالعصائر الطبيعية ومن بعد يرحمها ربي
ربي يحفظهولك ان شاء الله
 
هيه قعديه بصح ماتفوريصهش اذا شفتيه قادر يحكم روحو وعاجبو الحال خليه مدة قصيرة حتان يتعود
وكان شفتيه يعيط ويركلامي ما تقعديش
كل صغير والتطور الحركي تاعو .. كاين لي يتعلمو القعاد ويمشو بالخف وكاين لي يتخلفو شوي
 
ايه هو كي نديرو في حجري مقعداتو يحب ويلعب ويشد روحو ماشاء الله
وغير نوقفو يولى يبكي على هاديك خفت نعوجو ولا كاش حاجة لاقدر الله
يعنى عادى نقدر نقعدو درك ؟؟
 
قعديه شوية وماتفورصيهش بصح فرشيلو في لرض مش فوق سرير ولا حاجة عالية وعسيلو ظهرو ما يكونش معوج بصح 3 شهور راهو صغير .. زيديه 4 ولا 4 ونص
انا نزدم في ولادي هههه مرة رائد كان صغير وحطيتو يقعد .. رحت وجيت لقيتو ساجد على لرض هههه
 
ههههههههههههههـ ساجد واعرة شوية تخافي ينغم
ان شاء الله ندير كيما قلتيلي
بارك الله فيك حنونة
فرحت بزاف كي رديتيلي انت
ربي يحفضلك وليداتك ويكبرهم في طاعتو
 
الف مبروك البيبي يتربى في عزك
كيما جاوباتك الاخت ام ندى البيبي يبدا يقعد في 4 الى 5 اشهر
ربي يشدهولك

 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top