واينك يا مسعودة ويا علجية

فتاة حساسة · 2 ماي 2013

السلام عليكم ورحمة الله تعالى وبركاته ..

وا ش حوالكم يا ناس اللمة...ياني توحشتكم عندي 5 يام مكتبتش في هاد الركن الرائع :p (اني نبلعط هه)..
..ايه جماعة الباك او قرب والبيام تاني والسيزيام تاني ...اي ربي يوفقكم ان شاء الله وتفرحونا وتفرحو والديكم ..

نروحو لموضوعنا ...من العنوان با ينن علاواه...اليوم يت نحكيلكوم على لامود تاع الاسماوات الجدد اللي عادو يسميوهم ..من الافلام التركية ...
بكري ...كي كنت صغيرة سما ...تقريبا كانو بززاف اللي واسمهم فاطمة ..امينة...احلاام ...

ومرات كنت نداg مع ماما ونقولها علاه سميتني نجلاء وكنت شابعا بكا مناه كانو اللي يقراو ممعاياي يعيطولي العجلة :p :p وانا من صغري حساسة ..
ايا المهم ..ودوك تكون ماشي فالطريق تنخرجلك طفلة صغيرة ...شعرها مشعش ...الخنونة في خشمها (اسمحولي على هاد التعبير مي اني باه نوصل الفكرة :p )...قشها شابع وسخ ...وجي لعندك تجري وتديلرك مااااح...ونتا ماتلقى كيفاه دير تخرجلك مها من الطاقة ..نتا تسقسيها تقولها هادي بنتك ...تقولك ايه ..تقولها كيفاه سميتيها ...تقولك ميليسا :down: :down: ..
ياو اسمها ماش خارج عليها ...وديك المرة جارتنا زيدت ...جابت طفلة سماتها انمار..(قولولي يرحم بابكم واش معنى هاد الاسم :-r )..
واينك يا المسعودة ويا قمرة ويا علجية ...كي كانت الدنيا دنيا كانو الاسموات وعندهم معنى كبير :p:p

ونتوما واش رايككم فلامود الجديدة نتاع الاسماوات هادي مرام وهادي لميس وهادي سمر
نتمنى يعجبكم موضوعي..تقبلواا تحياتي ...كنتم مع .."نااااااج":d

بنت الـ25 · 2 ماي 2013

هههههههههههههههههه ضحكتيني عجلة :p
شفتي ؟ ما بقاوش اسامي :down:
الرسول عليه الصلاة والسلام قال: خير الأسماء ما حمّد وعُبّد
وخير أسماء البنات أسماء الصحابيات وأمهات المؤمنين
دوكا ما عادوش يتأثرو بالرسول عليه الصلاة والسلام بعدما طغات ثقافة الترك والغرب
واولات الخامسة ومسعودة وعلجية تحشم باسمها
يعطيك الصحة ناج موضوع جميل وفي قالب رايع

فتاة حساسة · 2 ماي 2013

قال Mïŋěţţe:
هههههههههههههههههه ضحكتيني عجلة :p

صاااار وليتي نتي تاني تعيطيلي عجلة ..اني نززعل كتيير :p
شفتي ؟ ما بقاوش اسامي :down:
ايه يا حسراااه مي كانت الدنيا دنيا والاسموات اسموات
الرسول عليه الصلاة والسلام قال: خير الأسماء ما حمّد وعُبّد
وخير أسماء البنات أسماء الصحابيات وأمهات المؤمنين

عليييييه الصلاة والسلام سيدنا محمد
دوكا ما عادوش يتأثرو بالرسول عليه الصلاة والسلام بعدما طغات ثقافة الترك والغرب
ربي يهدينا يا رب
واولات الخامسة ومسعودة وعلجية تحشم باسمها
كاينا منها ..تقرا معايا وحدا اسمها حليمة تاني تحشم باسمها
يعطيك الصحة ناج موضوع جميل وفي قالب رايع
الله يخليك مينو :p

مينو صاحيتي كي اعتمدتي الموضوع..ربي خيلك فاللول كنت حاسبتك غلقتية كونت ناويا نجي عندك لقسنطينة :p :p ..تحياتي :regards01:

crazy of mydz · 2 ماي 2013

بارك الله فيك اختي نجلاء والله موضوعك في الصميم
هبلونا بالاسماء هذه الجديدة واللي ما عندها حتى معنى
وش نقول اختي هذا هو التقليد الاعمى بعينه
شكرا لك دائما مميزة في طرح المواضيع
تحياتي

فتاة حساسة · 2 ماي 2013

قال crazy of mydz:
بارك الله فيك اختي نجلاء والله موضوعك في الصميم
الله يبارك فيك يا ختيوتي :d
هبلونا بالاسماء هذه الجديدة واللي ما عندها حتى معنى
شفتي شفتي ..ياو تواحشت نلقى وحدا زيدت وسمات بنتها عائشة والا
وش نقول اختي هذا هو التقليد الاعمى بعينه
كرهونا يعرفو غير يقلدو
شكرا لك دائما مميزة في طرح المواضيع
الله يخليك ختوي ..حشمتيني :$
تحياتي
وليك اجمل تحية من القلب :regards01:

شكرا وفاء على المرور ..نروتي يا غلاتييي :-r :-r

FATIMA 19 · 2 ماي 2013

هههههههههههههههههههههههههههههه
والله غير صح
تلقايهم يسميو لميس اليسا .نتالي.مهند وماعلاباليش كيفاه
الانسان يخير اسم مليح ماشي تقليدا للغرب والترك
وخير الاسماء نتاع وقت الصحابة ولا اسماء الله الحسنى
ولا اسماء ذات معنى
ضكا تقوليلها واش معنى اسم بنتك تقولك معرف ماعلاباليش

ومرسي

فتاة حساسة · 2 ماي 2013

قال FATIMA 19:
هههههههههههههههههههههههههههههه
والله غير صح
تلقايهم يسميو لميس اليسا .نتالي.مهند وماعلاباليش كيفاه
الانسان يخير اسم مليح ماشي تقليدا للغرب والترك
وخير الاسماء نتاع وقت الصحابة ولا اسماء الله الحسنى
ولا اسماء ذات معنى
ضكا تقوليلها واش معنى اسم بنتك تقولك معرف ماعلاباليش

ومرسي

شفتي شفتي يا شيوشو...مم ياو والله ربي يهدينا..صاحيتي على المرور ومانحبش نزيد نقلك هنا دوري..روحي تحفظي باه ترفيحنا للباك ..واللمة اي جايا الصيف وتشبعي منها ..اوكي ختيوتي :p

FATIMA 19 · 2 ماي 2013

قال فتاة حساسة:
شفتي شفتي يا شيوشو...مم ياو والله ربي يهدينا..صاحيتي على المرور ومانحبش نزيد نقلك هنا دوري..روحي تحفظي باه ترفيحنا للباك ..واللمة اي جايا الصيف وتشبعي منها ..اوكي ختيوتي :p

ههههههههههههه واش ياعلجة كرهتي منا
والله ماقدرت نخرج من اللمة نحب نسركل فيها ونقرا شوي
حتى انا حابة هذا الشهر ماندخلش مي واش ندير ماقدرتش
القايلي الحل??????
واش ندير??????اااااااااااااااااااااااااااااااااااااااااع

־●ـ‗غمــــوض ــالــورد_ـ●־ · 2 ماي 2013

ههههههههههههههههههههه شبعتيني ضحك هاهاهاهاهاهاهاهاها
علبالك راها صايرة في دارنا مشني عارفة زيماه سمتهم ماما ههههه
نضال محتسب ــــ لميس ــــ درصاف اناغيم ههههههههه تلقايني منعيطلهمش بأسمهم يجيب وقت ههه
نعيطلهم بلولي ودودو ونونو هههههههه وزيد وش يقولولي انت وشبيك راكي غايرة من اسماءنا هه
اختي درصاف وش تقلي كي نيجي نقلقها امشي امشي عليا انا اسمي برك راه خير منك انت كامل
انا ويسمي درصاف معنتها الدهب الخالص ، ياعمري ولاو حتى الاسم يتباهاو بيه هههههههههه
--وش رايك ياعجلة في اسمي هههههههه انا ويسمي اماني ياعمري على داك الاسم شحال هايل
انا اسمي عندوا معنى يعني راه مليح بزاف احم احم هههههههههههههه نقصر برك
انا في بالي نورمال حكايات الاسماء هدوما مش شرط تنطابق على الشخص لي سماوه بيه كيما قلتي انت على مــــــــيليسا لمسكيـــــــنة هههههه انا تبانلي حاجة نورمال مش للدرجة هدي نعطوها قيمة اسم اسم مايدير والوا معندوا حتى فايدة كي روان وميليسا ومارني كيما مسعودة وفاطمة وعلجية كيما تقولي انت هههههههههههه
شي ناس برك لي راها معقدة من الاسماء باسكو هدومكا يتبعوا في حوايج تافهين حاجة صغيرة دايرينلها حكاية
-- انا بعد كي نجيب ولاد انشاءالله راح نسميهم ارسلان - ايليد - وهيام ههههههه وش بانلك ياك ملاح، انا عارفة بلي ولادي يجيو زينين وملاح متخافيش اسماءهم ينطابقوا عليهم هههههههههه مش كي ميليسا هههههههههههه
-- مرســـــــــــــــي حنونتي عالموضوع عجبني بزاف يانـــــــــــاجـــــول هههههههه --

همس الوُرود · 2 ماي 2013

السلام عليكم ورحمة الله وبركاته
فالبداية نقول ربي ينجحهم ان شاء الله ناس الامتحانات هادي وخاصة ناس الباك :d
ثانيا نقولك واش أعجيلة تاعنا نتمنى تكوني مليحة ههههه
+ واش غرتي على أساميهم حابيتيهم يسموها بوخنونة ولا واش؟؟
ههههه كل جيل وعندة أسماء خاصة بيه
كيما أنا بنتي ان شاء الله فالمستقبل نسميها قمر واش ماعجبكش الحال؟؟ ههههه وتقوليلها بوخنونة ننعتلك :d
سلام أختي ناجو وميرسي على الموضوع الباهي

فتاة حساسة · 2 ماي 2013

قال Amani Nokati:
ههههههههههههههههههههه شبعتيني ضحك هاهاهاهاهاهاهاهاها
علبالك راها صايرة في دارنا مشني عارفة زيماه سمتهم ماما ههههه
نضال محتسب ــــ لميس ــــ درصاف اناغيم ههههههههه تلقايني منعيطلهمش بأسمهم يجيب وقت ههه
نعيطلهم بلولي ودودو ونونو هههههههه وزيد وش يقولولي انت وشبيك راكي غايرة من اسماءنا هه
اختي درصاف وش تقلي كي نيجي نقلقها امشي امشي عليا انا اسمي برك راه خير منك انت كامل
انا ويسمي درصاف معنتها الدهب الخالص ، ياعمري ولاو حتى الاسم يتباهاو بيه هههههههههه
--وش رايك ياعجلة في اسمي هههههههه انا ويسمي اماني ياعمري على داك الاسم شحال هايل
انا اسمي عندوا معنى يعني راه مليح بزاف احم احم هههههههههههههه نقصر برك
انا في بالي نورمال حكايات الاسماء هدوما مش شرط تنطابق على الشخص لي سماوه بيه كيما قلتي انت على مــــــــيليسا لمسكيـــــــنة هههههه انا تبانلي حاجة نورمال مش للدرجة هدي نعطوها قيمة اسم اسم مايدير والوا معندوا حتى فايدة كي روان وميليسا ومارني كيما مسعودة وفاطمة وعلجية كيما تقولي انت هههههههههههه
شي ناس برك لي راها معقدة من الاسماء باسكو هدومكا يتبعوا في حوايج تافهين حاجة صغيرة دايرينلها حكاية
-- انا بعد كي نجيب ولاد انشاءالله راح نسميهم ارسلان - ايليد - وهيام ههههههه وش بانلك ياك ملاح، انا عارفة بلي ولادي يجيو زينين وملاح متخافيش اسماءهم ينطابقوا عليهم هههههههههه مش كي ميليسا هههههههههههه
-- مرســـــــــــــــي حنونتي عالموضوع عجبني بزاف يانـــــــــــاجـــــول هههههههه --

اهلااا اماني هههههههههههههههههههههههههههههههه واشبيكك جابلي ربي هبلتي واش من ارسلان وماعلاباليش واش..ياو خليك ا طفلة من هاد الاسماوات ههههههههههههههههه..ربي يخليلك خاوتك...والعقوبا لوليداتك ..ان شاء الله يجيو بوقوصين زي ماماهم :p ...تحياتي ليك كي مريتي

yasmine 4ever · 2 ماي 2013

ههههههههههههههههههههههه ضحكتيني علابالك:d:thumb_up02:
موضوع شباب و هايل آنا في رايي الأسماء تاع علجية و خدوجة و قدور ما يوالموش لهاد الجيل خاتش كي يكبرو تقدر تولي عندهم عقدة تالمون كاينة الناس تعايرهم باسماواتهم (و هادي كاينة منها و تصرا)
مي هذا ما يعنيش انو راني نشجع الآسماوات الغربية كيما صوفي و ناتالي و كريتينا و لا هادوك تاع الترك كيما لميس و سمر الخ
انا نحب أسماء المجنمع تاعنا متعود عليها كيما ياسمين( هادا آسمي و علابالي شباب و كاين اللي يغيرو منو ههه:up::p )و كيما نور الهدى و راضية و سارة و منال و آسيا و سوسن و حتى أحلام و أمينة و فاطمة شابين ماشي تاع بكري برك و اللائحة طويلة
وليت نحير كي الناس يخليو هادو الاسامي الشابين الحلوين و يروحو للأسامي تاع الترك و الغرب
و تاني تفكرت كانو يقراو معايا زوج بنات les deux عندهم زوج أسماوات وحدة" ........... حليمة"و لوخرى "........... يَمنى" و شحال يزعفوا كي واحد يعيطلهم بيهم معناها كاينة منها العقدة اللي هدرت عليها لفوق هههه
و نعرف وحدة تاني ختها وسمها "أسرار" بزاف ثقيل مافهمتش كيفاش يعيطولها في دارهم هههههه
سمحيلي ختي نجلاء راني طولت عليك كي الموضوع عجبني بزاف و آسمك شباب ما تخميش هههه
تحيـــــــاتي

ماكانش · 2 ماي 2013

كتبت موضوع بهذ المعنى

http://4algeria.com/forum/threads/281282/

־●ـ‗غمــــوض ــالــورد_ـ●־ · 2 ماي 2013

قال فتاة حساسة:
اهلااا اماني
-- اهلين حنونـــــة
هههههههههههههههههههههههههههههههه واشبيكك جابلي ربي هبلتي واش من ارسلان وماعلاباليش واش..ياو خليك ا طفلة من هاد الاسماوات ههههههههههههههههه
-- هدا وين فقتي بلي مهبولـــــة ايه وكان تشوفيني زيماه دايرة تهبلي ههههه
ايه ومبعد غرتي ولا وش نجيب تلات ولاد انشاءالله ونسميهم ارسلان وايليد وهيام
ونجيبهم يحوسوا في ميلة ونفوت قدام داركم ونعيطلهم باش تزيدي تغيري ههههه
..ربي يخليلك خاوتك
-- اميــــن ربي يخليك
...والعقوبا لوليداتك ..ان شاء الله يجيو بوقوصين زي ماماهم :p
-- هيا فوكينا من لخرطي تاعك عماه شفتيني تعرفيني زيماه دايرة ههههه ولا قاعدة تبلعطي فيا ياعجلة ههه
-- مها مها نبغيهم يجو زي باباهم بش كي ميكونش فالدار ونتوحشوا نبقى نشوف فيهم ههههه
نقصر برك:d
...تحياتي ليك كي مريتي

مرسي حنونتي لمغايرة تحياتي ليك:regards01:

رتيل · 2 ماي 2013

بكري ...كي كنت صغيرة سما ...تقريبا كانو بززاف اللي واسمهم فاطمة ..امينة...احلاام ...

يسمآ آكي تقولي اسم أحلام ديمودي تع بكري :down::down:

صح في وقتنآ هاذاخرجو آسامي عجب ومآشي تاع لعرب غير تاع الغرب كي شغل وآلديهم مآقاريين مآ والو :s

وكآين مشكل وحد آخر تاع يركبو زوج أسامي وهوما لاعلاقة ببعضاهم :down::down:

هو من غير المعقول انو تسمي علجية لا مسعودة :-o صح خلآص وقته يتغبنو برك لولاد
ا
ايمآجيني سمآوك علجية :p مآشي نعجآء خير قصدي نجلآء

بصح ثآني مالازمش الأسمآء الغربية لي رآنا نسمعو فيهم :down:

لك ود يـــ آ علجية :p:p

فتاة حساسة · 2 ماي 2013

قال yasmine 4ever:
ههههههههههههههههههههههه ضحكتيني علابالك:d:thumb_up02:
هههههههههههههههههههههه الملحا كي ضحكتي ربي يدوم الضحكا الباهيااا
موضوع شباب و هايل آنا في رايي الأسماء تاع علجية و خدوجة و قدور ما يوالموش لهاد الجيل خاتش كي يكبرو تقدر تولي عندهم عقدة تالمون كاينة الناس تعايرهم باسماواتهم (و هادي كاينة منها و تصرا)

ايه شباب كيما انا بعد ههههههههههههه (تبا كم انا متواضعة)
مي هذا ما يعنيش انو راني نشجع الآسماوات الغربية كيما صوفي و ناتالي و كريتينا و لا هادوك تاع الترك كيما لميس و سمر الخ
ايه اني معاك في هادي
انا نحب أسماء المجنمع تاعنا متعود عليها كيما ياسمين( هادا آسمي و علابالي شباب و كاين اللي يغيرو منو ههه:up::p )و كيما نور الهدى و راضية و سارة و منال و آسيا و سوسن و حتى أحلام و أمينة و فاطمة شابين ماشي تاع بكري برك و اللائحة طويلة
وااشش اللي اسمها ياسمين جايا تفوخي عليا هههه..ايه انا تاني نحب هاد الاسم بززاف
وليت نحير كي الناس يخليو هادو الاسامي الشابين الحلوين و يروحو للأسامي تاع الترك و الغرب
مام انا نحير فهم كي يسمو وليداهتم باسماء الغرب
و تاني تفكرت كانو يقراو معايا زوج بنات les deux عندهم زوج أسماوات وحدة" ........... حليمة"و لوخرى "........... يَمنى" و شحال يزعفوا كي واحد يعيطلهم بيهم معناها كاينة منها العقدة اللي هدرت عليها لفوق هههه

وي كايناا
و نعرف وحدة تاني ختها وسمها "أسرار" بزاف ثقيل مافهمتش كيفاش يعيطولها في دارهم هههههه
جابلي ربي يعيطولها سوسووو
سمحيلي ختي نجلاء راني طولت عليك كي الموضوع عجبني بزاف و آسمك شباب ما تخميش هههه
تحيـــــــاتي
لال خيتوي ماطولتي ماوالوو كون زدتي كتبتي ..هه الموضوع موضعك والدار دارك تاني ههه

شكرا ختوةي على المررور..نورتي ..غلاتييييييييي :d

فتاة حساسة · 2 ماي 2013

قال Amani Nokati:
مرسي حنونتي لمغايرة تحياتي ليك:regards01:

بغير مزيا ختوتي ههههههههههههه ربي خيلك ديما منورتيني :d

فتاة حساسة · 2 ماي 2013

قال ДҢĺëm:
بكري ...كي كنت صغيرة سما ...تقريبا كانو بززاف اللي واسمهم فاطمة ..امينة...احلاام ...

يسمآ آكي تقولي اسم أحلام ديمودي تع بكري :down::down:

ههههههههههههههههههههههههههههههههههه اه يا حلومااااااااااااااااااااا هههههههههههه انا او نشتي هاد الاسم بزززاف ..

صح في وقتنآ هاذاخرجو آسامي عجب ومآشي تاع لعرب غير تاع الغرب كي شغل وآلديهم مآقاريين مآ والو :s

ايه يا و ماش عجب برك هادي ككنان وهادا معلاباليش واش ..

وكآين مشكل وحد آخر تاع يركبو زوج أسامي وهوما لاعلاقة ببعضاهم :down::down:

شفتي شفتي ..

هو من غير المعقول انو تسمي علجية لا مسعودة :-o صح خلآص وقته يتغبنو برك لولاد
ا

ايه هادي كيانا منها مي انا باه نوصل الفكرة برك

ايمآجيني سمآوك علجية :p مآشي نعجآء خير قصدي نجلآء

اه بعيد الشر ..ههههه

بصح ثآني مالازمش الأسمآء الغربية لي رآنا نسمعو فيهم :down:

ايه شفتي شفتي

لك ود يـــ آ علجية :p:p

مرسي عليك حلومة ربي خيلك ..ابقاي ديما منورتينااا

فتاة حساسة · 2 ماي 2013

قال ماكانش:
كتبت موضوع بهذ المعنى

http://4algeria.com/forum/threads/281282/

والله يا خويا ساعة ساعة ..نفس الافكار اللي عندك ام عندي ههه ..شكرا على اللاتنباه

شاهيندا · 2 ماي 2013

كاش نهار يواي يعيطو ولادهم: صرصور، سنان، سانديبل، بوليانا........:d
اومبعد كي يكبرو ينقصو الحروف يولو: فيفي، ميمي، كوكو، جيجي..........

إيييييييييييييييييييييييييييييييييييييه السيفيليزي و بس!

واينك يا مسعودة ويا علجية

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::