ما الحل

سمسم السمسومة

:: عضو بارز ::
أحباب اللمة
إنضم
1 أكتوبر 2012
المشاركات
3,154
نقاط التفاعل
2,385
النقاط
191
محل الإقامة
باتنة
لا أستطيع التأقلم مع واقعي الجديد.....اجازة مفتوحة ....أشخاص جدد...بعيدة عن أهلي و ناسي...باختصار لا أستطيع التأقلم مع أنني كنت أظنها أكثر سهولة أريد أن أعود و لكن ان عدت معناها أنني سأتخلى عن كل ما قمت بأجله لأصل الى هته المرحلة بالذات....و أنا هنا بينكم احساس كما أول مرة كأنني لا أعرف أي واحد منكم رغم أنني قمت بالقاء نظرة على كل قسم و لكنني لم أجد حتى نفسي...و لم أستطع الرد على أي موضوع...هل الغربة صعبة لهذا الحد....أم أنني أعيش الغربة حتى بيني و بيني نفسي...مشتاقة جدا أنا و أريد العودة و لكنني أعلم أنني حاليا مجبرة على البقاء في هذا المكان مدة محددة فهل يا ترى حقا الأيام الأولى هي التي تكون صعبة لهذا الحد...
 
عليكم السلام ورحمة الله وبركاته
اختى سمسومة اصبرى وراح ترجعى كما كنتى
ربى يفرج عليك وترجعى بالسلامة

 
ماديري والوا في بالك حنونة ومتقلقيش روحك خلاه،،
راه اي واحد كي يتبدل عليه الجو لي موالفوا تصرالوا كيما هك،،
راكي مكيش متأقلمة برك جاك كلش جديد مكشي موالفاتوا علبيها متأقلمتيش،،
اصبري برك حنونة وادعي ربي درك تفرج عليك وتولي مليحة وترجعي بسلامة انشاءالله،،
راكي متوحشة برك الاجواء لي كنتي فيهم متقلقيش روحك وكلش يولي كيما كان ،،
ربي يفرجع عليك حنونة وتزول عليك الحالة هذيا،،،
 
يااااااااااااااا سمسومةةةةةةةةةةةةةةةةةةةةةةةةةةةةةةةةةةةةةةةةة جيتي ختويتي ...والله ليك وحشة من الكباااااااااااااااااااااااااار....واش راكي ختوة ..هادي غيبا وين كنتي هاملة...
ايه ياختوتي بالعقل بالعقل توالفي وكل شي يولي كيما كان ..بأدن الله ..اصبري برك :)
 
كيما قلتي ختيوتة
راكي تعبتي باه توصلي لوش وصلتيلو
و يامات و توالفي
انتي اصلا قلتي مدة محددة

يعني اصبري برك
و تفكري ديما التعب لي تعبتيه باه وصلتي
مش لمجرد انك توحشتي داركم رايحة تهدي كلش

و رانا ندعيولك غلاتو
 
اختي سمسومة مادام راكي تعبتي باه توصلي لهاته المرحلة اصبري ايامات و يفوتو بربي
التغيير كان يجب ان يحصل المهم ان بكون تغيير ايجابي
و الاهم من التغيير الثقة بالنفس و التحمل و ان تكوني مرتاحة البال
 
أختي آسفة مافهمت والو في هدرتك ؟؟؟؟؟؟؟؟؟؟؟
ربي يفرج عليك على كل أنا ندعيلك وربي يصبرك هدا واش نقدر نقول
أسمحيلي الي ماقادراش نعاونك بيسك مافاهماش حكايتك

 
اقتباس

عليكم السلام ورحمة الله وبركاته
اختى سمسومة اصبرى وراح ترجعى كما كنتى
ربى يفرج عليك وترجعى بالسلامة


وعليكم السلام أخي الكريم....راني صابرة و الصراحة مرة على مرة منقدرش نتغلب على روحي...الصح مقدرتش نوالف...نتناسا مي كي نفيق بلي راني بعيدة على العالم لي كنت فيه والله نضعف صح...مشكور ربي يحفظك
 
اقتباس

ماديري والوا في بالك حنونة ومتقلقيش روحك خلاه،،
راه اي واحد كي يتبدل عليه الجو لي موالفوا تصرالوا كيما هك،،
راكي مكيش متأقلمة برك جاك كلش جديد مكشي موالفاتوا علبيها متأقلمتيش،،
اصبري برك حنونة وادعي ربي درك تفرج عليك وتولي مليحة وترجعي بسلامة انشاءالله،،
راكي متوحشة برك الاجواء لي كنتي فيهم متقلقيش روحك وكلش يولي كيما كان ،،
ربي يفرجع عليك حنونة وتزول عليك الحالة هذيا،،،

والله واعرة انك تحسي روحك في غربة و تفتقدي لأي حاجة كانت في حياتك....و يتبدل عليك الجو صراحة احساس غريب و رهيب في نفس الوقت....وبكل بساطة مدمر للذات...ربي يخليك أختي على كلماتك الجميلة و مشكورة
 
اقتباس

الوحش والولف

الوحش و الولف و المدة مازالها طويلة باه نوالف....ربي يحفظك و مشكور على المرور أخي الكريم
 
اقتباس

يااااااااااااااا سمسومةةةةةةةةةةةةةةةةةةةةةةةةةةةةةةةةةةةةةةةةة جيتي ختويتي ...والله ليك وحشة من الكباااااااااااااااااااااااااار....واش راكي ختوة ..هادي غيبا وين كنتي هاملة...
ايه ياختوتي بالعقل بالعقل توالفي وكل شي يولي كيما كان ..بأدن الله ..اصبري برك :)

شفتي جيت و جيت بهمي معايا كيما موالفة....راني بالعقل باه نوالف مي والله مرات منقدرش صح نصبر روحي...مازاني مطولة هنا بلاك منا ل سبتمبر ان شاء الله....و هاذي لازمتلها...صبر و ارادة و طولت بال...ربي يحفظك و مشكورة على مرورك غاليتي
 
اقتباس

كيما قلتي ختيوتة
راكي تعبتي باه توصلي لوش وصلتيلو
و يامات و توالفي
انتي اصلا قلتي مدة محددة

يعني اصبري برك
و تفكري ديما التعب لي تعبتيه باه وصلتي
مش لمجرد انك توحشتي داركم رايحة تهدي كلش

و رانا ندعيولك غلاتو

والله راني صابرة مي مرات نحس بالضعف و منقدرش هذا مكان....صح تعبت باه راني هنا مي مقدرتش نوالف هاذ الجو الجديد....ربي يحفظك و مشكورة على كلماتك الجميلة
 
اقتباس

اختي سمسومة مادام راكي تعبتي باه توصلي لهاته المرحلة اصبري ايامات و يفوتو بربي
التغيير كان يجب ان يحصل المهم ان بكون تغيير ايجابي
و الاهم من التغيير الثقة بالنفس و التحمل و ان تكوني مرتاحة البال

صعب التغيير كي يكون جذري في كل ناحية....و الثقة بالنفس ممكن تكون عامل و يلعب دور فالمرحلة لي راني فيها ذركا مي الأصعب اكثر منها انك تكون وحدك و بعيد كل البعد على العالم لي كنت فيه......مشكور على مرورك أخي الغالي
 
سمسومتي الغالية اصبري ان الصبر مفتاح الفرج
وبعد العسر يسرا ان شاء الله فكوني قوية عزيزتي
وربي يفرج عليك وترجعي احسن مما كنت عليه
تحياتي لك يا حبيبة قلبي
 
اقتباس

أختي آسفة مافهمت والو في هدرتك ؟؟؟؟؟؟؟؟؟؟؟
ربي يفرج عليك على كل أنا ندعيلك وربي يصبرك هدا واش نقدر نقول
أسمحيلي الي ماقادراش نعاونك بيسك مافاهماش حكايتك


العذر منك أخيتي اذا كانت كلماتي مش مفهومة بالنسبة ليك...المهم ليا مرورك العطر للموضوع تاعي....مشكورة فالدعاء أجمل هدية منكي لي....مشكورة و ربي يحفظك يا رب
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top