اذا اعجبكم قاطويا اليوم قهوتكم عندي

daloulou

:: عضو منتسِب ::
إنضم
30 ديسمبر 2012
المشاركات
62
نقاط التفاعل
60
النقاط
3
السلام عليكم، انا في الحقيقة منعرفش بزاف للقاطو بصح نحب نجرب هذا قاطو اعطاتولي اختي جربتو وقلت نحطهولكم تقيموخدمتي:
المقادير:
6 بيض -كاس مايزينة(نشا)-6فناجل تاع لاتاي زيت-5فناجل تاع لاتاي سكرعادي-2خمار-فرينة-معجون وقوفرات للتزيين.
الكيفية:
نضرب البيض نضيفلو السكر و نضرب ثم نضيف الزيت و نضرب ثم المايزينة والفرينة و معاهم الخمار نتحصلو على عجينة متماسكة نحلوها بالحلال و نقطعوها دوائر متوسطة السمك ناخذ الغلاق تاع علب التوابل او تاع السكرية ولا اي حاجة نديرو بيها حفرة في وسط الدائرة (ماشي ثقبة )
نضعها في سنيوة و ندخلوها للفرن في نص الطياب نلقاو الحبات خمرو و الحفرة طلعت نخرجوه و نعاودو نديرو الحفرة لان الحبة ماطابتش راهي نص طياب ثم الدخلوها للفرن تكمل الطياب
كي نخرجوها نطلو الحبة من فوق بالمعجون و ما نطلوش الحفرة باش ما تلصقش فيها القوفرات
نكونو فتتنا القوفرات ، نحكمو الحبة من الحفرة و نرمدوها بالقوفرات من الاعلى فقط و تبقى الحفرة فارغة بالمغرف نعمروها بالمعجون ،و ان شاء الله الجربوه و يعجبكم
do.php

do.php







do.php
do.php
do.php
 
آخر تعديل:
مممممممممممم ماشاء الله
تبارك الله عليك حتى انا عندي مدة ماكليتش الحلوة المرمدة في القوفرات .
مشكورة اختي .
 
ما شاء الله اختي جاك روعة وشكله مرتب وباين عليه خفيف
بارك الله فيك على الوصفة
 
عجبتني وجدي القهــوة
 
قلمي سلاحي، تم حظره "حظر دائم". السبب: مخالفة القوانين
عجبني لانه مافيهوش زبدة وجدي وراني جاية

:d
 
مممممممممممم ماشاء الله
تبارك الله عليك حتى انا عندي مدة ماكليتش الحلوة المرمدة في القوفرات .
مشكورة اختي .
كولي بصحتك راني داسة منو اذا كمل نزيدلك
 
ما شاء الله اختي جاك روعة وشكله مرتب وباين عليه خفيف
بارك الله فيك على الوصفة
وفيك بركة اختي يعطيك الحة على التشجيع
 
امممم يشهي يعطيك الصحة اختي
بارك الله فيك على الوصفة
 
يعطيك الصحة
خرجلك روووعة ......زراني فالطريق
 
يعطيك الصحة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top