يا خاوتي عاونوني

ب

بنت الجسور المعلقة

:: عضو بارز ::
أحباب اللمة
إنضم
13 جوان 2010
المشاركات
1,389
نقاط التفاعل
2,453
النقاط
71
الجنس
أنثى
يا خاوتي فيا حاجة وحابة نحيها ولا منعرف والناس واش يشوفوه زعما
جياحة ولا نية ولا منعرف واش


واحد الأيام وصلت بيا أنو الناس ضلموني وأنا لي رحت لي طلبت منهم السماح
ناس كذبو عليا ومنبعد كي عرفت الصح حشمت حتى نقلهم لاه تكذبو عليا وقعدت معاهم مليحة ومعطانيش قلبي نزيد نفتحلهم في داك السوجي ضربت النح
ناس قاسوني ودرت روحي مشفتش
يا خاوتي أنصحوني نبطل العادة هادي بصح شحال من خطرا نقول نحيها ونقعد أنا أنا ميتبدل فيا والو
وزيد الزهر مكانش
واش ندير
وماما كي نحكيلها تقولي طيبتك وحنانة قلبك مليحة و ماشي مليحة ويبقا كلامها في لعلالي وربي يخليهالي
ونتم واش رايكم
منطولش عليكم أبقاو على خير لعزاز
​
 
آخر تعديل:
الحمد لله فيك حاجة مليحة و ديري في بالك كلشي يفوت غير العيب لي يبقى ،انا تاني كنت هكدا و الحشمة قاتلتني بصح دروك مع الوقت ما نعايبش بصح لي يهدر فيا و لا يجرحني مانسكتلوش ،بسكو الناس يحقرو الحشام .
ربي معاك حنونة .
 

ياه فيك حاجة مليحة اوزيد حابة تنحيه وعلاه خليها
وانشاء الله متنحيهاش
الطيبة مشي ضعف وانما صفة من صفات نبينا ومليح كي نتحلاو بيها

 
ربي ينجيكم خياتي بصح الطيبة هادي كاين عباد بزاف يحطو مولاها جايح وذو شخصية ضعيفة
ربي يشدلكم في لعزيز
مشكورين على المرور العطر نورتوني

​
 
انا هذي الحاجة راني نتمنى تكون فيا صح مانجرحش مي اللي يجرحوني ولا اللي نشوف منهم جاست ماهوش مليح تبان عليا ونجبد منهم ووالله مانطلب السماح منهم ماعدا زوجي اللي ديمة نرجع ونطلب السماح منو
خلي هذي العادة فيك مي ماتطلبيش السماح من اللي دارلك حاجة ولا ظلمك اتعاملي معاهم كي شغل ماكيش عارفة هكدا هوما يحسو برواحهم رخاس وعقليتهم صغيرة وماهيش ناضجة
كبري عقلك اختي وماتخليهمش يوصلو انهم يجرحوك قدامك ونتي تسمعي وتشوفي لالا دافعي على روحك عزة نفس الانسان غالية
وميرسي حنونتي كي دعمتيني في موضوعي واكيد رايحة نوقف معاك انا تاني واي حاجة يا الزينة راني هنا
سلااااااام
 
قال سمية25:
انا هذي الحاجة راني نتمنى تكون فيا صح مانجرحش مي اللي يجرحوني ولا اللي نشوف منهم جاست ماهوش مليح تبان عليا ونجبد منهم ووالله مانطلب السماح منهم ماعدا زوجي اللي ديمة نرجع ونطلب السماح منو
خلي هذي العادة فيك مي ماتطلبيش السماح من اللي دارلك حاجة ولا ظلمك اتعاملي معاهم كي شغل ماكيش عارفة هكدا هوما يحسو برواحهم رخاس وعقليتهم صغيرة وماهيش ناضجة
كبري عقلك اختي وماتخليهمش يوصلو انهم يجرحوك قدامك ونتي تسمعي وتشوفي لالا دافعي على روحك عزة نفس الانسان غالية
وميرسي حنونتي كي دعمتيني في موضوعي واكيد رايحة نوقف معاك انا تاني واي حاجة يا الزينة راني هنا
سلااااااام
إضغط للتوسيع...

مشكورة حبيبتي على المرور
والله راني مكبرة عقلي كون جيت مصغارتو نروح نتضارب معاهم بصح والله توجو بالعة وعافسة قلبي
وانا الحمدلله جامي وصلت روحي باه ناس تقطع فيا ولكن الغيرة أحيانا راهي تخرج العجب وراكي علابالك :(
ربي يجازيك يا الغزالة يطول في عمرك ويناول مافي بالك
 
علابالك أختي الكريمة نفس الشي لي صاير معاك صاير معايا
حيث نطلب السماح من اشخاص ظلموني او قاسوني ونكمل معاهم عادي كلي ماصرا والو ومانحبش نجبد الماضي
يعني واش صاير معاك راهو صاير معايا بعد
لكن هادي ماش حاجة سيئة بالعكس تكوني مظلومة وماتكونيش ظالمة...على الاقل بارية قدام ربي والشخص لي ظلمك يجي نهار يتظلم حتى هو وكما تدين تدان
على كل حال شكرا على الموضوع حبيبتي
تقبلي مروري:regards01:
 
حافضي عليها هاد ليجاست مي ماتكونيش كيما هك
توجوغ ديري روحك ماتعرفيش وانتي تعرفي كلش
مديلهم الغالط يمدولك الصحيح
نحكي بيان سيغ على الناسات هاذو
وكملي كيما هك وربي يفتح عليكـ
​
 
خليك كيما هاكا و متتبدليش انا لي راح نقولهولك مليحة المواجهة مرات والله تتعلمي منها....صدقيني كي تلقاي واحد كذب عليك و كشفتيه واجهيه و متندميش خليه يوقف عند حدو......بركانا ما نستغفلوا ارواحنا على جال ناس متقدرش....وربي معاك مليحة النية و الله تسلك الانسان...و ربي معاك
 
السلام عليكم

أهلين بيك أخت في اللمة وبأهلنا في قسنطينة

أولا حبيت نشكرك على فتح قلبك الطيب للمة

وثانيا حبيت نهنيك ونقولك ربي يبارك على طيبة قلبك

ندخلوا في الموضوع

شوفي أخت الطيبة انت حكيتي قصتك وفرغتي واش في قلبك ملا نقلك اخت احنى لي نفتخروا بيك لأنك من أهل اللمة وعندك كل هذه الطيبة

شوفي اخت صح الانسان كي ينجرح كثيرا تبانلوا بأنو ظعيف أمام الاخرين لأنو ما يقدر يفعل شيء أمامهم وهذا كله من طيبة قلب وحسن الاخلاق شوفي نحكيلك حكاية وانت احكمي على نفسك وراني حاس بيك بأنك عندما تردين النوم تنسي كل همومك وتسامحي لي ظلموك نهائيا ..

ابن عمر ابن الخطاب في يوم من أيام وهو جالس في المسجد يستمع للأحديث النبي صلى الله عليه وسلم حتى قال لهم النبي صلى الله عليه وسلم سيدخل عليكم الان أحد من أهل الجنة والكل ينتظر من هذا المغفور له حتى دخل عليهم رجل وبالنسبة لصاحبة هو انسان فقير وبسيط جدا ..
وفي اليوم الثاني وهم جالسون قال لهم النبي صلى الله عليه وسلم سيدخل عليكم رجل من أهل الجنة فدخل عليهم نفس الرجل وفي اليوم الثالث قال لهم رسول الله صلى الله عليه وسلم سيدخل عليكم الان رجل من أهل الجنة فدخل نفس الرجل فتحير ابن عمر ابن الخطاب وقال في نفسه ماذا فعل حتى دخل الجنة وهو في الدنيا .
فبتكرى حيلة وذهب إليه في الليل ودق الباب على هذا الرجل فتح له الباب وسلم عليه وطلب منه أن يبت عنده بعض ليالي لأنه متشاجر مع أبه عمر ابن الخطاب فرحب به الرجل . وكان ابن عمر يراقبه في كل خطوة يعملها سواء في الليل أو نهار فلم يجد شيء غريب يعمله كان يصلي الصلاة في وقتها وفي المسجد وفي البيت عادي جدا يقرء القرآن كابقي الناس والصحابة فحتار ابن عمر منه وفي اليوم الثالث أم الرابع لم أتكذر متى المهم سأله ابن عمر .

قال له يأخي أنا لم اتشاجر مع والدي عمر لكني محتالر في امرك النبي عليه الصلاة والسلام قال لنا سيدخل عليكم رجل من أهل الجنة فدخلت انت وفي اليوم الثاني دخلت انت وقالها في اليوم الثالت ودخلت انت فأردت ان ارقبك وارى ماذا تفعل حتى اصبحت من أهل الجنة . وقد جئتك ورقبتك وجدتك انسان عادي جدا فما هو سرك يأخي

أتعلمين يأخت ماذا أجابه

قال له أصلي صلاتي في وقتها وأذكر الله كغير من الناس وأصلي نوافل وووووو لكن لا يوجد ذرة حقد عندي على أية احد وعندما أنام أسامح كل من ظلمني وأنام مرتاح البال .

فعرف ابن عمر ان طيبة القلب هي من أدخلته الجنة فلماذا لا تكونين بجوار هذا الصحبي الجليل يأختاه .

المغزى من هذه القصة يا اخت هو أن طيبة القلب وتسامح مع الناس حتى ولو أنو المظلوم فهي صفة كبيرة عند الله لهذا حبيت نقلك واصلي يأختاه على هذه الاخلاق وإن شاء الله سيجازك الله على كل شيء

وحذري من الشيطان الملعون لعنة الله عليه فهو من يوسوس لك بأنك ظعيفة وطيبة فلماذا لا تكوني كغيرك حقودة على ناس وغير رحيمة لأنها صفاة الشيطان الملعون لعنة الله عليه .

لهذا أخت كوني كما انت ونشكر الام التي حملت بك وربتك احسن تربية .

وفي الاخير أقول لك ربي يهنيك وربي يكثر من أمثالك

وسامحيني على إطالة ردي لك

وتقبلي شكري وتقديري إليك

موفقة​
 
آخر تعديل:
يا اخت انت فيك حاجة مليحة

بزاف لي قليل وين

نصيبوها عندهم

ونستعرف بيك

مي لازم تنحيها
 
انا نقولك ابقاي كيما راكي .. كيما يقولو ناس بكري .. مول النية اذا ما ربحش يسلك على خير
العيب ساهل بصح ما يتنساش
والكلمة المليحة تغلب السبع
حتى انا كيفك كي نتظلم مانواجهش نحشم حتى من العبد لي يقيسني بصح نوكل عليه ربي
وخلي يقولو عليك جايحة المهم انت تعرفي قيمة روحك
وراهم يبقاو يقولو ويقولو حتان يعياو
وربي يحاسب كل واحد على نيتو وافعالو
​
 
اهلا بــ رقيتي
ابقاي هكدا راكي مليحة
يقلك مول النية إذا ما ربحش يسلك على خير
وانك تكوني طيبة القلب وعلى نيتك وتخسري أحسن ملي تتنوفقي وتربحي
وشمن ربح؟ ربح دعاوي الشر وي:p
اختي العزيزة توشيتيني بكلمة الزهر هههه رانا نعانيو بكل معاه الموصيبة ههههه
هيا اضربنا هديك الضحكة لحلوة :d وجيبينا عشيوة باهية كيما نتي ;)

​
 
و عليكم السلام و رحمة الله تعالى و بركاته

مساء الخير اختي

و الله يا اختي أنا أكثر منك في الأمور هاذي، و مرت عليا كوارث و ديما نسامح ربي للي عالم، و الله غالب ما قدرتش نبدل من روحي، لكن حاجة واحدة قدرت أني نتخللى على اسوأ الناس للي ما تعرفش قيمة التسامح و طبعا تخليت عليهم و انا مسامحتهم، يمكن هي حاجة مليحة و لازم نحافظو عليها، لكن تاني لازم نعرفو كيفاش نتصرفو و مع من لازم نمشيو

المهم ان شاء الله ربي يقدر الخير ما تعمريش راسك بالناس ياسر، و ربي يوفقك اختي
​
 
السلام عليكم
أريد أن أقول أن :
علاقة البشر بالبشر
أشبه بالسيارات
إن لم تترك مسافة كافية
كثرت عليك الصدمات
هل فهمتي يجب أن لا تسكتي عن كلمة
الحق كو ني ذات أخلاق رفيعة لكن
لا تدعي الناس تسيطر عليك
أي تفرض عليك السكوة تقبلي مروري و سلامي
 
ما تقلقيش روحك اختي و الله حاجة ما تستاهل حتى انك تخممي فيها وزيد انا تاني كيفك و كاين بزاف نصحوني اني نبطلها مي الله غالب هدي هيا انا ما نقدرش نبدل روحي و نصيحتي ليك ديري كيفيي كملتي بنيتك لانو مول النية ما يخيبوش ربي
 
السلام عليكم ,,,اختي هناك شعرة فاصلة بين الطيبة و الضعف و ديننا الحنيف لم يوصينا بالضعف و التخاذل رغم انه اوصانا بالطيبة و العفو عند المقدرة ,,,اي اته ربط العفو بالمقدرة و ليس بالضعف نتمنى اختي تكون عندك ثقة بنفسك و ما تحسيش بلي غلطات الاخرين انت سببها هذا اللي يخليك تسكتي على حقك و ما ديري حتى موقف ايجابي و ايضا الطيبة ما شي ماعناتها السكوت على الغلط و الموقف الايجابي ممكن تاخديه بهدوء و حكمة ما شي شرط بالقباحة
راني تفلسفت بزاف لاني حسيت بيك انا ثاني كنت هاكذه و لكن الحمد الله تجارب الحياة تبدل بزاف بالتوفيق
 
يجب عليك تسجيل الدخول أو التسجيل للرد هنا.

المواضيع المشابهة

sanaya
  • مغلق
تلمو تلمو و قراو الفال نتاعكم?
6 7 8
المشاركات
140
المشاهدات
6K
السلطانة
ا
لؤلؤة قسنطينة
كاميرا كاشي {لمّة خير} الحلقة الرابعة
2
المشاركات
22
المشاهدات
3K
"viola"
"viola"
حلم كبير
الحلقة 9 قبل الاخيرة ☆ كلش بالمكتوب☆
المشاركات
14
المشاهدات
1K
السلطانة
ا
س
  • مغلق
كرهت حياتي من أمي
2 3
المشاركات
40
المشاهدات
6K
رنيم الصمت
رنيم الصمت
حلم كبير
الحلقة السادسة ☆ كلش بالمكتوب☆
2 3
المشاركات
43
المشاهدات
3K
بنت سطيف
ب
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top